Maxfiylik siyosati va Foydalanish shartlari

Ushbu hujjat “SORIZ DIOMED” MChJga mulk huquqi asosida tegishli bo‘lgan Apteka 1069 mobil ilovasidan foydalanish shartlarini belgilaydi.

1 . Umumiy qoidalar:

1.1. Mazkur hujjat Apteka 1069 mobil ilovasidan foydalanish shartlarini belgilaydi.

Apteka 1069 mobil ilovasini o'rnatgan vaqtdan boshlab foydalanuvchi “SORIZ DIOMED” MChJ bilan munosabatga kirishadi, mazkur foydalanish shartlarini to‘liq va so‘zsiz qabul qiladi, undan kelib chiquvchi barcha majburiyatlarni o‘z zimmasiga oladi.

1.2. Apteka 1069 mobil ilovasi orqali hisobi, hisoboti, monitoringi va nazorati yuritiluvchi aksiyalar, dasturlar va/yoki boshqa tadbirlar o‘tkazilgan holatda yutuq to‘lovlari va xarid qilingan tovarlar narxining bir qismini qaytarish foydalanuvchi bank kartasiga O‘zbekiston Respublikasi milliy valyutasida amalga oshiriladi.

2. Asosiy terminlar va tushunchalar:

Foydalanuvchi(lar) - Apteka 1069 dan O‘zbekiston Respublikasidagi dorixonalardan dori vositalari va tibbiy buyumlar izlash uchun foydalanuvchi har qanday jismoniy shaxs;

Izlash natijasi - dori vositalari va tibbiy buyumlar izlash uchun foydalanuvchi so‘roviga javoban Apteka 1069 izlash tizimi generatsiya qilgan sahifasi;

Sotuvchi – tegishli ruxsatnomalar asosida O‘zbekiston Respublikasida dori vositalari va tibbiy buyumlarning faqatgina chakana savdosi bilan shug‘ullanuvchi tadbirkorlik sub’yekti (dorixona);

Tovar haqida ma’lumot – foydalanuvchi so‘roviga muvofiq bo‘lgan holda sotuvchi tovarlari xaqidagi, lekin bular bilan cheklanmagan quyidagi ma’lumot: tovar nomi va tavsifi, narxi, sotuvchi firma nomi va tovar belgisi (mavjud bo‘lganda), sotuvchi va uning shahobchalari (mavjud bo‘lganda) manzillari, va Apteka 1069 dagi bog‘lanish ma’lumotlari;

Apteka 1069 - “SORIZ DIOMED” MCHJ tomonidan yaratilgan va mutloq egalik huquqi asosida tegishli bo‘lgan, foydalanuvchilar smartfonlariga va/yoki planshetlariga va/yoki kompyuterlariga Google Play Market yoki AppStore orqali o‘rnatishi, hamda tizimning texnik imkoniyatlari doirasida O‘zbekiston Respublikasi dorixonalaridagi dori vositalari va tibbiy buyumlar yuzasidan ma’lumot olish maqsadida foydalanish mumkin bo‘lgan mobil ilova;

Shubhali foydalanuvchilar reyestri 

a) boshqa maxsus ilovalar va kompyuter dasturlari orqali generasiya qilingan avtomatik ravishda hisoblangan bal va bonuslarga ega bo‘lgan;

b) boshqa jismoniy shaxsga tegishli onlayn-kassa texnikasi chekini o‘zlashtirib va/yoki egasining ruxsatisiz va/yoki qoidabuzarlik natijasida, boshqa jismoniy shaxslarning xarid qilingan tovarlar narxining bir qismini qaytarish huquqini cheklashga olib keluvchi harakatlar natijasida, hamda boshqa holatlarda pul mablag‘lari olish va/yoki xarid qilingan tovarlar narxining bir qismini qaytarish imkoniyatini qo‘lga kiritgan;

c) “SORIZ DIOMED” MCHJ fikriga ko‘ra shubhali deb topilgan, shaxslar ro‘yxati;

3. Maxfiylik siyosati va Foydalanish shartlari:

3.1. “SORIZ DIOMED” MCHJ tomonidan foydalanish kafolatlari:

3.1.1. Apteka 1069 faqat ma’lumotlar platformasi hisoblanadi;

3.1.2. Foydalanuvchilar Apteka 1069 dan bepul asosda foydalanishlari mumkin;

3.1.3. Apteka 1069 sotuvchi va xaridor o‘rtasidagi savdo platformasi emas;

3.1.4. Apteka 1069 faqatgina foydalanuvchi roziligi bilan foydalanuvchining joylashuv ma'lumotlaridan foydalanadi. Bunda joylashuv ma'lumot uchinchi shaxslar yoki boshqa manfaatlar uchun yig'ib borilmasligi tizim tomonidan kafolatlanadi.

3.1.5. Apteka 1069 tovarlarga kafolat taqdim etmaydi, maslahatchi vazifasini, sotuvchi yoki foydalanuvchiga vositachi va oldi-sotdi shartnomasi tomonlaridan biri vazifasini bajarmaydi;

3.1.6. foydalanuvchi sotuvchi bilan o‘zaro muammo, nizo va/yoki da’volarini “SORIZ DIOMED” MCHJni jalb qilmasdan mustaqil hal etishi lozim;

3.1.7. foydalanuvchi sotuvchi tovari yuzasidan qo‘shimcha ma’lumotga ega bo‘lish uchun sotuvchiga mustaqil murojaat etishi lozim;

3.1.8. foydalanuvchi Apteka 1069 dan mazkur mobil ilova imkoniyatlari doirasida foydalanishi mumkin;

Apteka 1069dan foydalanish uchun foydalanuvchi quyidagilarni bajarishi lozim:

3.1.9. Apteka 1069 ilovasini smartfon(lar) va/yoki planshet(lar) va/yoki kompyuter(lar)ga Google Play Market yoki App Store orqali yuklab olishi;

3.1.10. Ilovani ishga tushirish va mazkur foydalanish shartlari bilan tanishib chiqishi;

3.1.11. «Dori izlash» bo‘limida kerakli dori vositasi va/yoki tibbiy buyum nomini kiritish;

3.1.12. Foydalanuvchi izlash natijasini «Arzonroq» , «Yaqinroq» va «Saqlangan dorixonalar» shartlarida saralash/filtrlashi, hamda sotuvchi joylashuvini aniqlashi mumkin.

4. Boshqa shartlar

4.1. Apteka 1069 mobil ilovasidan foydalanish yuzasidan savollar yuzaga kelganda foydalanuvchi “SORIZ DIOMED” MCHJga murojaat qilishi lozim;

4.2. “SORIZ DIOMED” MCHJ vaqti-vaqti bilan Apteka 1069 mobil ilovasi funksionali, dizayni, rang va texnik imkoniyatlari, jumladan har qanday elementlari va tarkibiy qismlarini o‘zgartirish huquqiga ega.