الشاعر : أمجد صاحب الشطري
-----------------------
أنــه كافل ضعنـج يخـت حسيـن
جيت أنعى لفقـدج وفـي الـديــن
آنـه العبـــاس راعي النوماس يسموني
_____________________
1
يــازينب ياخـــويـــه ماتــأمن دنيـــــــــاج
هالدنيـا مغــــــروه آذت روحــي بفرقــاج
دلالي وإحساسي وســــط الحفرة ونـاداج
ما اقــدر أتعــــــــذر وما اتــوادع ويــــاج
______________________
مـن قـــالـو زينــــب راح تــــروح
قامـت من عينـــي أطيــح أجـروح
آنـه العبـــاس راعي النوماس يسموني
2
جم خاطر من روحي مكسـور وكله أجراح
وغيابــج ضــاهدني لايمكـن آنــه أرتــــاح
هم غربــة وهم وحشة هم ونـه وهم أنياح
لفراكـــج جفينــي بس تصفــك راح بــراح
فركــــاج أصعــب مـــن الطعنات
كلـــه همـــوم وحســــره وأهات
آنـه العبـــاس راعي النوماس يسموني
3
فـوك التـل أتـذكـر شفتـــج ياضــي العيــن
مــن قتلـج عـذرينـي طـاحـن مـن الجفيـن
كمت أنحب وي روحي وتألم يخت حسين
من يحضر لو رحتـي ويصيبج سهم البين
لا عنـــــــــدج أم ولإخـــــــــوان
منهـــو اليصبـــح باجـــر دفـــان
آنـه العبـــاس راعي النوماس يسموني
4
دمعــاتي بخـدودي تسألني وجرحي وياي
يالكافل بيـك أعـرف راعـي الخـوه ووفاي
من صاحت بت حيدر ياخويه أنـريد الماي
لــن جودك رد خالي وعند زينب تاه الرأي
يدمــوعي المـــوقف مو معقــــول
طــاح الجــود وداستني أخيـــــول
آنـه العبـــاس راعي النوماس يسموني
5
والأصعب من كلشي مو جفي ودمعي السال
بس صعبــة يازينــب مــن تتكفليــــن أطفال
محتـارة بعيالــج ومـــن ضــربات الخيـــــال
وحسينــج متكطـع ورأسه بــرأس العســـال
كــل هـــذا وقلبـــج صبـــرتي
مـــن ودعتينــــــي أو ودعتي
آنـه العبـــاس راعي النوماس يسموني
6
تحملتي يازينب ياخويـــــه أهـــواي الألـم
والليلة حل مـــوتج وجروحـــج ماتلتــــام
بتشيعج وبدفنــج حضـــرت كـــل الأيتـــام
وناعي ظل ينعــي ماتــت زينـب بالشــــام
زينـــب يازينـــب الله ويــــــــاج
باجــر يــم حيــدر راح القـــــاج
آنـه العبـــاس راعي النوماس يسموني
بغداد
امجد صاحب الشطري