Naging usap-usapan ngayon ang paglantad ng Deped Chief Accountant na si Rhunna Catalan, at isiniwalat na siya umano ay nakakatanggap ng pera mula sa dating-upong kalihim ng Deped na si VP Sara Duterte, magmula noong termino nito. Siya ay nakatanggap simula noong Pebrero 2023 hanggang Disyember ng parehong taon. Ayon pa sakaniya, ang perang ito umano ay galing sa Office of the Vice’s President (OVP) at hindi sa confidential funds na naging isyu ng gobyerno. 

Ngunit, bakit ang isang opisyal ay tumatanggap ng pera kung alam naman niyang labag ito sa batas? Ang batas na ito ay nakapaloob sa Anti-Graft and Corrupt Practices Act (Republic Act No. 3019), kung saan ang mga perang tinatanggap na walang maayos na dokumento at hindi awtorisado ay ipinagbabawal. 

Ang mga tao ay nagkakaroon ng agam-agam dahil sa hindi maayos na pagpapabatid ng bise-presidente kung saan napunta ang confidential funds, at ngayon may lumalabas na sila umano ay nakatanggap ng pera galing sa kaniya noong termino pa nito bilang isang kalihim ng edukasyon. Ito ay nagbibigay ng teyorya sa mga tao na hindi imposible na ginastos ang pera sa hindi talaga makatwiran na bagay.

Si bise-presidente Sara Duterte ay isang opisyal na dapat maging modelo sa nakakarami, ngunit bakit tila siya ay nagiging hamon sa mga mamamayan. Marami ang naghihirap at nangangailangan ng tulong, ngunit wala silang mga natatanggap na aksyon sa mga nakakataas. 

Totoo nga bang ang pera ito ay galing sa kamay ng bise-presidente, o isa na namang palabas para lamang pagtakpan ng kamalian ang isa pang kamalian? Isa pa, sana’y mabigyan ng kasagutan ang katanungan ng lahat na kung saan napunta ang confidential funds?