Сацыяльныя аб'екты

Бельская сельская ўрачэбная амбулаторыя

Радыус абслугоўвання - 18 км. Аддаленасць амбулаторыі ад ЦРБ - 16 км.

У амбулаторыі працуе ўрач, фельчар, 2 медсёстры, санітарка, вадзіцель. Амбулаторыя электрафікавана і тэлефанізавана. Атапленне вадзяное, цэнтральнае. Абсталявана водаправоднай і каналізацыйнай сістэмай.

У аддзяленні сувязі працуе два работнікі: начальнік сельскага аддзялення паштовай сувязі - Пятрова Святлана Уладзіміраўна, якая сваю рабочую дзейнасць пачала з 3 сакавіка 2018 года і паштальён - Лабушкіна Таццяна Уладзіміраўна, якая пачала работу ў 1998 годзе.

Асноўныя задачы, якія стаяць перад аддзяленне паштовай сувязі з'яўляюцца:

- найбольш поўнае задавальненне патрэб карыстальнікаў у паслугах паштовай сувязі, у тым ліку ўніверсальных;

- якаснае і культурнае абслугоўванне фізічных і юрыдычных асоб сродкамі паштовай сувязі і некаторымі відамі электрасувязі;

- захаванне ўстаноўленых тэрмінамі апрацоўкі, адпраўкі і дастаўкі паштовых адпраўленняў;

- забеспячэнне дакладнай і бесперабойнай працы сродкаў сувязі; - павышэнне эфектыўнасці і рэнтабельнасці АСС;

- ажыццяўляе мерапрыемствы па забеспячэнні захаванасці паштовых адпраўленняў, грашовых сродкаў, таварна-матэрыяльных каштоўнасцей, якія апрацоўваюцца АПС.

Пад паштовымі паслугамі разумеецца: рэалізацыя маркіраванай прадукцыі, прыём пасылак, грашовых пераводаў, прыём заказной, простай і каштоўнай карэспандэнцыі, прыём падпіскі на газеты і часопісы.

Да паслуг электрасувязі адносіцца: прыём тэлеграм, аказанне паслуг па міжнародных перамовах, камп'ютарныя паслугі і Інтэрнэт паслугі.

Да няпрофільных паслуг адносіцца прыём усіх відаў плацяжоў і аказанне банкаўскіх паслуг, страхавых паслуг, паслуг па ксеракапіраванні дакументаў, рэалізацыі латарэйных білетаў, рэалізацыі друкаваных сродкаў масавай інфармацыі, рэалізацыі немаркіраванай прадукцыі, выплата пенсій.

Бельскі філіял Дзяржаўнай установы адукацыі

 “Дзіцычая школа мастацтваў г. Крычава”

Бельскі філіял “Дзіцячай школы мастацтваў” пачаў сваю працу з 1 верасня 1998 года. У філіяле займаецца 32 навучэнца. Выкладчыкам мастацкіх дысцыплін ужо які год застаецца вельмі адказны і таленавіты педагог – Святлана Гянадзьеўна Бачкова, па класу фартапіяна – Цішчанка Наталля Віктараўна, па класу цымбалы – Галоўкіна Елена Аляксандраўна, па класу баян – Ціхінская Дыяна Анатольеўна.

Школа ўжо шмат гадоў стварае спрыяльныя ўмовы для развіцця і рэалізацыі творчых здольнасцей дзяцей і моладзі, іх прафесійнага самавызначэння. Школа добра вядома далёка за межамі нашага рэгіёна, дзякуючы многім дасягненням педагогаў і выхаванцаў. За гэты час назапашаны велізарны багаж ведаў і досведу, скончылі школу дзясяткі навучэнцаў, шматлікія з іх вярнуліся ў школу ўжо ў ролі настаўнікаў.

Бельскі філіял школы мастацтваў з'яўляецца адным з найлепшых філіялаў мастацтваў у Магілёўскай вобласці што пацвярджацца разнастайнымі дыпломамі.

Навучэнцы філіяла прымалі ўдзел у многіх конкурсах: гэты актыўны і дзейсны ўдзел у раённых, абласных, рэспубліканскіх і міжнародных конкурсах, выставах, фестывалях; паспяховы ўдзел ва ўсіх гарадскіх творчых мерапрыемствах, шэфская дапамога гораду і раёну, арганізацыя канцэртаў, арганізацыя перасоўных выставак дзіцячай творчасці, размешчаных у салонах рэйсавых аўтобусаў; перыядычнае трансліраванне серыі майстар-класаў; правядзенне розных майстар – класаў па народных рамёствах і дэкаратыўна-прыкладным мастацтве; арганізацыя і правядзенне музычных, выяўленчых і харэаграфічных конкурсаў, пленэраў, выставак; правядзенне штогадовага дабрачыннага канцэрта "АД СЭРЦА Да СЭРЦА"., правядзенне штогадовага Міжнароднага конкурсу плакатаў "НЕ шкодным звычкам" у якім прымаюць удзел Расія, Казахстан, Беларусь і інш.

Дзяржаўная установа культуры

“Бельскі сельскі Дом культуры”

Дом культуры абслугоўвае 15 населеных пунктаў: аг. Бель, в. Ананічы, в. Беражыстае, в. Дуброўка, в. Залессе, в. Нізкі, в. Паўлавічы, в. Паланіца, в. Ліпаўка, в. Камароўка, в. п. Сасноўскі.

Агульная колькасць абслугоўваемага насельніцтва 624 жыхара.

У Бельскім СДК працуе 9 клубных фармаванняў. Адным з вядучых калектываў мастацкай самадзейнасці з'яўляецца дарослы фальклорны ансамбль песні "Сябрына".