Hefur þú áhuga á tölvuleikjum? FÁ er með úrval af fjölbreyttum áföngum sem tengjast tölvuleikjum. Sama hvort þú vilt læra leikjahönnun, fræðast um sögu tölvuleikja, tölvuleikjafræði, æfa rafíþróttir eða læra um og upplifa fjölbreytileika tölvuleikja þá er eitthvað í boði fyrir þig í FÁ!
Embedded Files
LEIKJAHÖNNUN
LEIKJAHÖNNUN
Farið yfir valin grunnatriði í leikjahönnun. Nemendur fá tækifæri til að þróa sína eigin leikjahugmynd frá grunni og búa til frumgerð sem byggir á þeirri hugmynd. Kennt er á leikjavélina Clickteam Fusion 2.5 (sem var notuð til að búa til tölvuleikinn Five Nights at Freddy's) og myndvinnsluforrit.
Í seinni hluta áfangans vinna nemendur sjálfstætt undir leiðsögn kennara í lokaverkefni. Hægt að sjá brot úr þeim lokaverkefnum í myndbandinu hér til vinstri eða prófa þá á leikjahonnun.itch.io.
PRÓFAÐU LEIKINA
PRÓFAÐU LEIKINA
RAFÍÞRÓTTIR
RAFÍÞRÓTTIR
Tveir áfangar í rafíþróttum sem ætlaðir eru byrjendum sem lengra komnum þar sem nemendur æfa sig í völdum leikjum sem einstaklingar og sem liðsheild. Breytilegt leikjaval er milli annna - Rocket League, Fortnite, CS2, Valorant, Fall Guys, Mario Kart 8, Roblox og Crab Game eru meðal leikja sem hafa verið spilaðir í tölvustofu skólans.
Nemendur kynnast grunninum í rafíþróttum, fá tækifæri til að æfa með samnemendum, kynnast fjölbreyttum störfum innan rafíþrótta, æfa samskipti og koma að undirbúningi á tölvuleikjamóti.
Nemendur sem eru skráðir í áfangann og taka þátt í viðurkenndum rafíþróttamótum á borð við FRÍS geta fengið þátttöku sína metna í áfanganum. Í myndbandinu hér til vinstri er hægt að skoða upptöku frá seinasta leik FÁ í 8-liða úrslit í FRÍS (Framhaldsskólaleikum Rafíþróttasambands Íslands) 2024.
YNDISSPILUN
YNDISSPILUN
HA? Get ég fengið einingar fyrir að spila tölvuleiki?! Já, mikið rétt! Í áfanganum Yndisspilun kynnast nemendur mismunandi tegundum tölvuleikja með því að spila valda tölvuleiki sem tengjast fjölbreyttum þemum. Meðal þema sem hafa verið tekin fyrir eru til dæmis samvinna, listir, saga, rafíþróttir, frásagnir og hugvekjuleikir.
Meðal leikja sem hafa verið í boði má nefna Portal 2, Minecraft, This War of Mine, Overcooked 2, GRIS, Journey, Little Nightmares II, The Stanley Parable og fleiri.
Tilvalinn áfangi fyrir nýja spilara sem vilja kynnast tölvuleikjum betur og reyndari spilara sem vilja kynnast fjölbreyttri flóru tölvuleikja.
SAGA, ÞRÓUN & FRÆÐI
SAGA, ÞRÓUN & FRÆÐI
Í áfanganum Tölvuleikir og leikjatölvur: Saga, þróun og fræði eru tölvuleikir skoðaðir í víðu samhengi. Farið er yfir sögu tölvuleikja allt frá PONG til Fortnite og fá nemendur að prófa valda leiki, gamla sem nýja.
Fjallað er um leikjaiðnaðinn, tölvuleikjaspilara, tölvuleikjagerð, tölvuleikjafræði, heilbrigða nálgun o.fl.
Nemendur vinna lokaverkefni út frá sínu áhugasviði. Meðal lokaverkefna hefur verið viðtal við fólk úr leikjabransanum, byggt FÁ frá grunni í Minecraft, taka þátt í notendaprófunum á tölvuleik, plana tölvuleikjaLAN í skólanum og hannað tölvuleikjakarakter o.fl.
MEÐ SPURNINGAR?
MEÐ SPURNINGAR?
HAFÐU SAMBAND! 😀
HAFÐU SAMBAND! 😀
👾 Bjarki Þór Jónsson kennir tölvuleikjaáfanga í FÁ og tekur glaður á mótu öllum fyrirspurnum varðandi áfangana. Bjarki er með meistaragráðu í tölvuleikjafræði- og hönnun og hefur kennt tölvuleikjaáfanga á framhaldsskólastigi í yfir áratug.
Netfang: bjarki@fa.is
Page updated
Google Sites
Report abuse