Basahon nato ang Genesis 12 :1 -4

12:1 Ug si Jehova miingon kang Abram: Pahawa ka gikan sa imong yuta, ug gikan sa imong kaubanan, ug sa balay sa imong amahan, ngadto sa yuta nga akong igapakita kanimo.

12:2 Ug akong pagabuhaton kanimo ang usa ka daku nga nasud, ug ikaw pagapanalanginan ko ug pagapadakuon ko ang imong ngalan, ug mahimo ikaw nga usa ka panalangin.

12:3 Ug pagapanalanginan ko ang mga magapanalangin kanimo, ug ang mga magapanghimaraut kanimo, pagapanghimarauton ko; ug diha kanimo pagapanalanginan ang tanang mga kabanayan sa yuta.

12:4 Mao nga milakaw si Abram, ingon sa gisulti kaniya ni Jehova; ug milakaw uban kaniya si Lot. Ug si Abram may panuigon nga kapitoan ug lima ka tuig sa pagpahawa niya sa Haran.

Kinsa si Abraham?

Siya natawo sa Ur, (dool sa Iraq karun), ug gibagtas niya ang Ur paingon sa utlanan sa Iraq, mga 700 ka milya, ug paingun sa Syria, mga 700 ka milya usab, ug 800 milya paingun sa Egypt, unya mibalik sa Canaan.

Hayahay unta iyang kinabuhi sa Ur, apan sa pagtawag sa Ginoo, misugot sya nga moadto sa Canaan, biyaan ang mga pariente nga nagsimba ug Diosdos, ug magsimba siya sa tinood nga Dios didto sa Canaan nga gisaad sa Dios.

Wala sila anak, apan nitoo si Abraham nga sa iyang katigulangun (100 siya ug Sarah 90), mohaag ang Dios ug anank ug kini natuman. Tungod sa ilang anak, ug mga kaapohan, natawo si Kristo, nga maoy manluluwas sa kalibutan.

.Natuman ang saad sa Dios Kang Abraham:

• Ang iyang pangalan nailhan sa tibook kalibutan

• Ang iyang mga kaanakan, mga Israelitas, nahimong banggiitan nga nasod. Daghang scientist ug in ventors, mga Israelitas.Ang mokuntra kanila ginasilutan sa Dios.

• Ang iyang panalangin, mosantop sa tanang tawo sa kalibutan. Kay si Kristo gikan sa linya ni Abraham, ang iyang kamatayon sa Krus ug pagkabanhaw, nagahatag ug kaluwasan sa tanang katawhan. Mao kini ang dakong panalangin. Ang susi sa panalangin mao ang atong pagtoo-kang Kristo, nga nagsalig ta nga siya Dios ug manluluwas. Kini makahimo kanato nga balaan atubangan sa Dios. Ug mao kini ang susi sa dakong panalangin.

Kining panalangin kang Abraham dili tungod kay mas maayo siya kay sa uban. Dili man siya sikat sauna, dili gamhanan, apan gipili siya tungod lang sa kabobot-on sa Dios.

Mga leksiyon nga atung matun –an sa kinabuhi ni Abraham

1. Gibiyaan gayud ni Abraham ang iyang mga parente, arun moadto sa saad sa Ginoo nga lugar, arun dili siya matakdan sa ilang mga kinabuhi nga walay tinood nga Dios nga gisimba. Kita angay usab mobiya sa mga butang nga dil makatabang kanato sa pag selbe sa Dios.

2. Ang iyang Pagtoo- Nitoo siya nga himoon siyang Amahan sa daghang katawhan. Ug kini natinood. Kung unsay saad sa Dios kanato, toohan nato kini.

3. Si Abraham naglakaw nga dool kayo sa Dios, ug motuman sa iyang sugo. Bisan ang pagsakrificio sa iyang anak nga si Isaac, iyang gituman nga ihalad unt, apan gi balda sa Dios, kay nakita niya nga motuman gayud si Abraham bisan lisod ang gipahimo.Busa ang tawag sa Dios kaniya, iyang higala.. Mahimo usab ta nga higala ni Cristo kung motuman kita sa iyang sugo. Juan 15:14 .Kamo mga higala nako kon magatuman kamo sa akong isugo kaninyo.

4. Ug nakita pod sa Dios nga si Abraham motudlo gayud sa iyang mga anak nga sila motuman sa Pulong sa Dios, ug sila tudloan niya bahin niini. Genesis 18:19. Basahun nato kini.

Kita gisugo usab sa Dios nga tudloan atong mga anak sa pagsunod sa iyang mga sugo.

5. Tungod sa iyang pagtoo ug pagtuman sa Dios, napanalanginan ang tibook kalibutan.Kita, usab, panalanginan sa Dios, atong banay, ug mga kaliwat samtang kita motoo ug mosunod kang Kristo. Mga Buhat 16:31. Deuteronomy 18:1-14. Anan nga panalangin iyang gisaad kung motuman kita, apil atong mga kaanakan.

6. Ang atong Dios, Dios sa panalangin. Si Abraham, dako ang pananlangin nga nadawat, ug kita apil niini u gang tanan nga motoo kang Kristo,