Growing in Faith- Pagtubo diha sa Pagtoo-Basaha ang II Pedro 1.3-4- Sermon No. 2- January 2nd week

(Babes Mendoza)

1. Tanan Natong Kinahanglan aron Mahimong Diosnon-Gihatag na Sa Dios. (verse 3).

2. Asa kini gikan nga Gahum- Gikan sa Dios Mismo. Gihatag niya sa panahun nga dawaton nato si Cristo nga atong Dios ug Manluluwas. Kini dili gikan sa atong paningkamot.

3. Tanan nga gahum nga atong kinahanglan- Sa pagkahimong anak sa Dios, gahum sa Dios ang nagboot.Patay kita sauna, iyang gibuhi gikan sa kamatayon ngadto Kaniya. Gahum nga magpuyo ug Diosnon, gahum sa pagpasaylo sa uban, gahum sa pagpuyo sa kalinaw, gahum sa kada adlaw nga pagkinabuhi nga balaan.

Pangutana: Nakaila ba ikaw niini nga gahum sa Dos? Nabag-o ba ang imong kinabuhi tungod sa Iyang presencia? Nalahi ka naba kay sa wala ka pa kaila kang Cristo? II Corinto 5:17.

4. Diosnon nga kinabuhi-Unsa kini? Kinabuhi nga si Kristo ang Makita. Mathew 5:16. Ang hunahuna, pulong ug batasan, gina bag- o ni Kristo, ug kin makahatag ug himaya sa Dios.

5. Unsay makatabang pagpuyo nga balaan? Ang atong pakig uban kang Cristo, kahibalo bahin Kaniya, sa Iyang Pulong, pagtubo sa iyang grasya.(II Pedro 3:18) Ang tinood nga anak sa Dios, adunay gahum nga Diosnon, ang dili anak sa Dios wala niini.

6. Gitawag diay kita niya arun makig-uban Kaniya ug makaangkon sa Diosnong Kinabuhi. Ang nakadungog sa iyang tingog, mao ang tinood niyang mga anak (Juan 10:24-27). Sila nakadungog, ug nagasunod kaniya, nagatuman sa iyang sugo. Kung makasala, mobalik daun Kaniya.(Juan 14:21)

7. Iya kitang gihatagan ug Halangdon nga mga saad arun mailhan nato siya ug kini nga saad atong toohan ug mahimong parte sa atong kinabuhi. Maglisod kita ug buntog sa kaaway ug magpuyo ug balaan kung wala nato tagai ug pagtagad ang iyang Pulong (Bible). Kay sa iyang Pulong, adunay saad sa kadaugan, kapasayloan, kaseguruhan, unsaun pagkinabuhi, ug tanang saad arun kita motubo. Sama sa bag-ong anak, tanang parte sa lawas sa bata complete na. Kinahanglan nalang ang panahun sa pagtubo. Ang Pulong sa Dios, makapatubo ug makabag-o. Busa tagaan nato ug panahun mag quiet time, mag toon, mamalangdon, ug motuman sa Pulong arun kita motubo (Mateo 4:4) Completo na kita uban ni Cristo. Ato nalang angkunon ang iyang mga saad ug tumanun iyang sugo.

Ehemplo: Adunay anak nga milangyaw sa laing nasod arun mag trabaho arun makatabang sa ilang ka pobrihon. Human sa pila ka bulan, nagsugod na siya ug padala ug cheke sa iyang mama. Usa ka adlaw human sa pila ka tuig nga pagtrabaho, nipauli siya. Natingala nga ang sakyanan sa iyang mama, guba na, balay guba, ug ang ka pobrehon mao ra gihapun sauna. Natingala siya. Apan sa pag saka niya sa balay, nakita niya ang mga cheke nga gipapilit sa bongbong-daghan kaau, kay wala kabalo ang inahan nga kuarta diaya to. Busa pobre siya kaau.Nagool ang anak.

Ingun usab kita niana. Daghang saad ang Dios arun kita mabuhi nga Diosnon, madagayaon, apan nagkinabuhi gihapun nga walay kalipay, kalinaw, balik-balik sa sala, walay tumong, ect. Kung walay kabag-uhan gikan sa Espiritu sa Dios, ingun sa Romans 8:9, dili kita mga anak sa Dios. Apan kung anak ta sa Dios apan wala nato tagai pagtagad ang iyang pulong, wala ta nahigugma kaniya ug busa atong kinabuhi walay balaang panalangin.

8. Pinaagi lamang sa atong pakig uban ni Cristo ug pagtuman sa iyang mga saad, makalingkawas kita sa lit-ag ni Satanas. Ang tinood nga anak sa Dios dili mahimutang sa sala, siya e check sa Holy Spirit, ug aduna siyay gahum nga mobiya niini. Wala nay gahum ang satanas ug ang sala sa iyang kinabuhi. (I Juan 4:4).

9. Kung kinsa ang usa ka Binuhat, ma apektuhan usab ang gusto niyang kaunon ug batasan( Nature dictates appetite and Behavio)r (Wiersbe)

Ang baboy, ganahan ug lawog, bisan pan-os na. Gusto pod siya sa lapok moilgid, bisan hugasan siya. Ang iro, mokaun pod ug unsay ipakaun, bisan naay hilo, ang ubang iro mokaun sa iyang suka.Apan ang karnero, sagbot nga limpiyo iyang gusto. Ang eagle(dako nga langgam) , sa hangin maglupadlupad kay naa man siyay pako. Ang isda, sa tubig kay didto siya mabuhi.

Ang Kristohanun, unsa man iyang gusto ug kinaiya sa kinabuhi? Ang tinood nga Kristian, sa John 10:24-27, maminaw sa Ginoo, ug mosunod sunod niya. Gusto makig uban kang Kristo. Gusto magbasa sa Pulong kay mao kini iyang pagkaun. Dili na gusto sa kangitngit, kay didto siya gikan ug napandol. Karun sa dalan na siya sa pagkamatarung. Dili na siya gusto magpadayun sa sala, kay naa nay motabang kaniya , ang Espiritu Santo. Mao na ang tinood nga kinaiya sa usa ka Christian. Mabal-an nimo siya pinaagi sa bunga sa iyang kinabuhi. (By their fruits you know them)

Hagit: Nakaila ba kita sa Diosnong gahum ni Cristo, sa panahun nga gidawat nato siya isip Hari Ug manluluwas? Nabag-o ba kita pinaagi sa iyang gahum? Nakaangkon ba kita ug kaseguruhan sa atong kinabuhi kay kita iyang tinood nga anak? Unsay mga bunga sa atong kinabuhi? Sa atong batasan? Makita ba nga anak gayud ta ni Cristo? Kung dili ka segurado, karun ang panahun nga pasudlon gayud nimo si Jesus sa imong kinabuhi isip manluluwas ug hari, ug magpuyo ilalum sa iyang gahum nga gihatag na Niya. Kung Naa na si Kristo sa imong kinabuhi apan wala ka nagkabalak sa imong relasyon Kaniya, tagai panahun ng modool ka, mangayo pasaylo, biyaang ang kalibutanung gusto, magtoon sa iyang pulong, maglakaw nga Siya ang magmando og maboot, dili na ikaw. Dili pa ulahi. Hinaut nga ang 2020 maoy panahun nga serioso ka na sa imong relasyon sa Dios.