Sermon 1 - Enero 2020 - Pilipos 3:12-14

1. Naay tumong ang Ginoo sa atong kinabuhi (verse 12). Unsa kini nga tumong?

A. Unang tumong mao Nga ang iyang mga anak, ma bag-o ang kinabuhi ug batasan, sama kang Kristo.

2 Corinto 3.18. Dili Siya intersado lang nga kita maluwas gikan kang Satanas, ug sa atong mga sala, ug makakab –ot sa kinabuhing dayon. Gusto Niya nga hinay hinay mabag-o atong kinabuhi, pinaagi sa Pulong sa Dios ug sa tabang sa Espiritu Santo. Busa, kinahanglan mag basa kanunay sa Pulong sa Dios, kay kini mogiya nato unsay himoon, ug mangayo sa tababng sa Espiritu Santo .

Pangutana: Naga gahin kaba ug panahun nga mobasa sa iyang Pulong?

Karung 2020, himoon ba nimo nga regular ang pag quiet time ug pag ampo, arun mahadool ka sa Ginoo?. Ikaw mag desisyon niini. Kay sa Mateo 4:4, dili lang ta mabuhi sa pagkaun sa lawas, apan sa Pulong sa Dios. Naga attend ka ba ug Bible study arun madugangan imong kahibalo sa Dios? Pangita ug kauban arun mouban sa ilang Bible study, ug tubagun nimo ang leksiyon sa Bible study arun makatoon ka ug husto, ug makatabang usab sa uban. Himoon ba nimo kini sa 2020?

B. Ikaduhang Tumong, mao nga atong imantala sa uban bahin kang Kristo, arun sila makaila usab Kaniya, mabag-o ang kinabuhi arun naa usab sila kaseguruhan sa kaluwasan.

Basaha ang Daniel 12:3, ug Mateo 28:18-20.

Ikaw ba gusto mosunod sa Ginoo pinaagi sa pagsangyaw sa Iyang pulong sa uban? Kahibalo ka ba mang witness?

Kung dili, magpatudlo ka sa imong Bible Study leader, arun kamong duha mag witness, para maanad ka. Mao kni ang plano sa Dios, nga mamunga ka ug mga tawo nga dalhon sa tiilan ni Jesus. Juan 15.16

2. Si Pablo nag ingun, nga wala pa gayud mahuman kini nga plano sa Dios sa iyang kinabuhi, nagpadayun pa siya. Arun makapadayun, angay biyaan ang nangagi (verse 13). Unsay mga nahitabo sa 2019, nga angay nimong biyaan kay nakababag sa imong pagdagan uban kang Kristo. Bisyo ba? Pagpamaka? Katapulan? Wala tagai pag tagad ang Pulong sa Dios? Mga kalibutanung panghunahuna? Pangayo ug pasaylo, ug biyaan kana pinaagi sa gahum sa Dios.

3. Human biyaan ang gahapun nga dili maayo, si Pablo miingon, magpadayun ako sa pagdagan tumong sa grasya ug ganti uban ni Cristo. Unsay mga ganti nga giandam ni Kristo? Korona sa atong pagtoo, panalangin sa atong pag tuman sa iyang sugo, kinabuhing madagayaun karun ug mouban ta niya sa iyang balay puloy-anan, nga walay katapusang kalipay. Kini bang mga butanga gusto nimo sa imong kinabuhi? Gusto ka ba nga malipay si Jesus sa imong kinabuhi? Ingna siya, ug padayun pagtubo sa iyang grasya ug kalooy. Tagai siya panahun ug ihatag imong kinabuhi Kaniya. Bulahang Bag-ong tuig!