Vörleestelefoon

De Schrieverkring Weser-Eems versörgt van de 1. Juli 2020 0f an dat Vörleestelefoon Oostfreesland
mit (blot noch) plattdüütse Texten.

Bit nuto wurr dat „Literaturtelefon"b versörgt van de Warkkoppel Oostfreeske Schrieverslüü / Arbeitskreis ostfriesischer Autorinnen und Autoren. Alltied tweemaal Platt un eenmaal Hoogdüüts, so harr Johannes Diekhoff dat vör sowat 35 Jahren organiseert. Man in de leste Tied harren de hoogdüütsen Schrievers/kes daar neet mehr so recht Vermaak an.

Van de 1. Juli 2020  of an komen d'r blot noch plattdüütse Texten van de Schrieverkring Weser-Ems un ut ‘t Archiev (A).

Un dat löppt wunnerbaar! Wurr dat TEeefoon in 't Vörjahr 2020 blot noch rugweg 400 Maal anwählt, liggen wi siet Sömmer 2020  in Dörsnee bi wied over 1200 Anropers - veerztig elke Dag - daar sünd wi tofree mit (Good, kunn noch beter!)

Na uns Weten is dat oostfreeske Vörleestelefoon dat eenzige, dat overbleven is van 'n heel Koppel van Literatur- un Vörleestelefonen in de hele Wereld.  

All veerteihn Daag brengen wi 'n nu en Vertellsel up Platt, to hören mit 't Telefoon unner de Nummer 04941-699944. 

Dat un mehr steiht up de >>> „Startseite“. Daar sünd ok de lopende Vörlesens to finnen. 

Wat löppt d'r so? Wat is d'r lopen? Wat  kummt?