Ka rongo i tēnei hīmene ki ngā tini hāhi o Aotearoa. Te hāhi Mihingare, Katorika, Rātana, Moromona hoki. He rite tonu te rangi o te hīmene, heoi ka paku rerekē ngā kupu ki tēnā hāhi, ki tēnā hāhi.

Ko te kaitito tūturu - he Pākehā nō Amerika. Arā ko George. F. Root. He kaitito hīmene rongonui i te wā o ngā Pakanga Kaiākiri (Civil War) ki Amerika.

Kua rongonui anō tēnei hīmene ki a Ngāi Māori, ki ngā tangihanga Māori o te motu me ngā poroporoaki. He hīmene hei tuku i te hunga mate ki te haumarutanga o te atua.