Zuidwendingerweg

Historie van de Zuidwendingerweg

Hotel-café A.J. de Groot, op de hoek van de Zuidwendingerweg

Tram van de maatschappij Oldamt-Pekela 1910

Zuidwendingerweg nog niet verhard

Zuidwendingerweg ~ voormalige remise paardentram

Zuidwendingerweg ~ Links de oude tram remise, recht de winkel van fietshandelaar Heijes

Harm Heijes voor zijn winkel aan de Zuidwendingerweg.

Abraham Westersstraat A ~ Bij de Zuidwendingerweg

Zuidwendingerweg, met rechts de openbare Lagereschool. Rechts reclameborden naast de weg. Links van de oude wijk particuliere woningen.

Lest kwam ik over de zuudwennegerweg in Nei Pekel

Zag t bekende hoes van koezenropper Laarman

Oast vanzulfs ging mien haand noar de wange

Docht nog eevm trogge aan de keer dat k allinneg mit koeskiln hier op mien deurtapperfietske hin west har

Toun ik van loagere schoule kwam dat was in Kibbelgoarn, ging ik noar ambachtschoule in Winschootn.

Pabbe zee: “jong mot n schiere fietse hebn” t is ja n hail ende vanuit t Westerleiseveen

As wie wat koopn woln of zo den vruigen wie mainsttied eevm aan postbode dei aaltied bie deure langs kwam of hai wat wos want dei kwam overaal

Hai zee in Heleigerlee is aine dei moffelt fietsn en den binn ze weer as nei

Wie doar kiekn en joa hai har ook n poar jongesfietsn en ik mog mie aine oetkaizn, t wer n schiere broene opknapper mit n trogtaprem

Noa n joar takde inains over en mos der mit loopn om thoes te komn

Pabbe zee goa dr mor eevm mit noar smid Hassing in Westelei.

Dei zee eignklieks mot dr nei achterrad in mor ken die hom wel eevm veur nood vastlasken den word t ain deurtrapper.

En dat het e den ook doan, t was wel eevm wenn mor k heb dr nog twei joar op reedn tot ende van schoultied

Op n wonsdag haar ik smiddags vij en kwam thoes mit koeskiln

Touvallig kwam postbode langs en ik vruig hom: “woar kin ik t beste hingoan”

Hai zee noar Zuudwennegerweg veuraan vlakbie t daip door woont tanaarts Laaman

As t doar hengaist lign dien koezn zo in t bakje, most wel eevm zaiknfondskoarte mitneemn

Moeke zee bis nou al zo groot kist wel ollènt hingoan (was zai dr mooi vanoaf)

Ik op mien deurtrapper hailmoal noar Zuidwennegerweg fietsn ging wel goud moar stopn nait.

Sikkom op stee luit ik mie van zoadel oaf achter op pakjedroager zakn den kon ik mit bainen aan de grond en zo oafremmn

k haar gelok dr was gai aine in wachtkoamer en tandaarts kwam al binn net asof e op mie wacht haar

n grode man in n donkerblauw bezoen mit mauwn oprold en donker zwaart hoar op zien dikke aarms

Loop mor eevm mit zee e den zel we es eem kiekn wat we der aan doan kinn

Goa mor in stoale zitn en pakte n poar dingn oet n kastje en dei luit e rappelt vaaln in n metoaln bakje, zag wel n spaigeltje en n hoakje

Zien voute ging op n pedoale en ik zakte mit stoale achterover, trok aan n felle laampe aan n beweegboare staange zodat e in mien mond kiekn kon

Wies mor aan boetnkaante welke dat t is zee e, dat dee ik. Hai keek en kraabde wat mi t hoakje.

Tikde dr nog mit n soort tange teegnaan en hai kon wel aan mie zain welke dat t was deur mien reactie.

k zel eerst eevm verdoovn, krigst n poar spooitjes. Ast baange bist den kniep mor in de aarmleuns.

Hai pakde n haile grode spooite uut kaaste en klain fleske oet n koelkaaste. Prikde in t fleske en zoog de spooite vol.

Drokt dr eevm op zodat dr n poar druppeld oetkwamn.

Mond wied oopn zee en veur dat k in de goaten har e al n poar keer prikt.

Noa mor n zetje in wachtkoamer blievm tot de verdoving inwaarkt is

Tanaarts ruip n andere klant die inmiddels binnkomn was

Leek mie n aiveghait te duurn mor den was ik toch weer aan beurt

Wat gerommel in n bakje en toun kwam e dr aan mit n kleine tange

Mond wied oopn den zel we die verlözzen van de piene, ik vuilde wat geknaster

Tanaarts zee nou eevmn dapper weezn en luit oet tange n koeze in bakje vaaln

Drokde mie n propke op t ontstoane gat en zee biet dr mor eevm zetje op en ging wat papperasn invuln

Toun e doarmit kloar was zee mond oopn en pakde t stokje haarde watte der oet.

Nog eev mond leeg mokn zee e en huil mie n kommetje onder kinne

Kloar ze ee magst wel noar hoes goan en gaf mie zaikenfondskoarte nog weer mit

Ritje trogge noar hoes toe was heul wat aangenoamer as hinraize.

Bie hoes aankomn was mien wange nog wat stief mor k vuilde gain piene meer en was tanaarts heul dankboar.

Zuidwendingerweg ~ Rechts woning tandarts J.D.Laarman

1965 ~ Zuidwendingerweg ~ Rechts woning tandarts J.D.Laarman ~ Op de gedempte Zuidwendingerwijk is een plantsoen aangebracht

Nieuwe brug over het Pekelderdiep nabij de Zuidwendingerweg. Voor de brug de kadowinkel van Kiewiet.

2020 ~ Zuidwendingerweg ~ woning waar tandarts J.D.Laarman woonde