ديوان لطميات رقيه ع

 
ابيات و قصائد مكتوبة الى عزيزة الحسين الطفلة الشهيدة رقية بنت الحسين عليهما السلام
رُقـَـّية
ثوابها لكم ......... و اسألكم الدعاء
 

 

 

ويلي ويلي صدكـَ ماتت رُقيـــــــه

ويلي ويلي صدكـَ ماتت رُقيـــــــه

1

حلم شافت حلم ليل النوايــــب
ابوهه احسين جن بدر الغوالب
اجاهه و بالدمع ليهـــــه يعاتب
يبنتي شلون يسبوج ال اميه ... يبنتي شلون يسبوج ال اميه
ويلي ويلي صدكَـ ماتت رقيه
ويلي ويلي صدكـَ ماتت رُقيه
2

حلم وردي انصبغ اسود يوادم
صفت حمره السمه وكل المعالم
نزف بالطف لأن دم المكـــــارم
حبيب المصــــطفه بالغاضريه .... حبيب المصــــطفه بالغاضريه
ويلي ويلي صدكَـ ماتت رقيه
ويلي ويلي صدكـَ ماتت رُقيه
3

دهر وك يا دهر تسبي الحراير
درر ذني درر بيت المفاخــــــر
صدكَـ بسم الكفر ذيج المناحـــر
ذبح خلصو ذبح بسيوف اميه ..... ذبح خلصو ذبح بسيوف اميه
ويلي ويلي صدكَـ ماتت رقيه
ويلي ويلي صدكـَ ماتت رُقيه

رقيه الحنت الوالدهــــــه ونت
صَحَت من نومهه الزينب تعنت
تكَلهه بالدمع يا عمـــــه جــنت
تريد الروح محبوب الزجيه ...... تريد الروح محبوب الزجيه
ويلي ويلي صدكَـ ماتت رقيه
ويلي ويلي صدكـَ ماتت رُقيه
5

على جمر الالم صوت الفواطم
عله ولن الخبر يوصل الظالم
سأل شنهو الخبر ليش المآتم
رقيه اتريد ابوهه ابهلمسيه ...... رقيه اتريد ابوهه ابهلمسيه
ويلي ويلي صدكَـ ماتت رقيه
ويلي ويلي صدكـَ ماتت رُقيه
6

على اجروح الفجيعه صاح ياناس
خذو ليهه الطشت وبداخله الراس
ولمن شافته خمدت الانفــــــــاس
حضنت راسهِ و جتهه المنيه ..... حضنَتّه و اجت ليهه المنيه
ويلي ويلي صدكَـ ماتت رقيه
ويلي ويلي صدكـَ ماتت رُقيه

7

كَبرهه شاهد العظم المصيبه
اسيره اتموت بالشام وغريبه
عجيبه يا خلكَـ والله عجيبـــه
سبيه تروح ويلي الفاطميه ... سبيه تروح ويلي الفاطميه
ويلي ويلي صدكَـ ماتت رقيه
ويلي ويلي صدكـَ ماتت رُقيه







Comments