1104: AĞLADI (Bala dərdi)
AĞLADI (Bala dərdi)
Oğul dərdi qəddin əymiş bir qoca,
Ah çəkib o dedi: - bala, ağladı.
O xoş çağlar birdə dönə geriyə,
O günlərim indi ola, ağladı.
Ay oğul, haradasan? gəl deyə-deyə,
Yol gözlərəm neçə il deyə-deyə.
Bəslədim bağında gül deyə-deyə,
Şeyda bülbül çəkib dala ağladı.
Saxlaya bilmirdi o qoca özün,
Bahar buludu tək doldurub gözün.
Sərrafam, gördüm ki, çevirib üzün,
Baxıb oğul gedən yola, ağladı.