1092: OLAR-OLAR
OLAR-OLAR
Aslanın ilqarı, pələngin andı,
Əhdi, əqidəsi bir olar-olar.
İldə öz nəslini bir baş artırar,
Şirin doğduğu da şir olar-olar.
Tülkünün çoxluğu sındırar fala,
Bu hal səbəb olar bərk qilü-qala.
Hər tülkü doğanda ildə on bala,
Aləmdə çaxnaşma, şur olar-olar.
Sərraf Qasım, eylə bəbirə biyət,
Qartal ol, qartaldan sən al nəsihət.
Bir xasiyyət deyil, çaqqal xasiyyət,
Tamam fitnə-fəsad, şər olar-olar.