1063: AĞRIYIR
AĞRIYIR
Dava-dərmanınla əlac et, həkim,
Mədəmdə yaram var, yaman ağrıyır.
Cavan canım vaxtsız zədə tapıbdır,
Varmı sağlığıma güman, ağrıyır.
Təbib, tap yaramın gözün, yar məni,
Narın-narın doğra, həzin yar məni.
Bıçaq al əlinə, özün yar məni,
Şəfasını səndən uman ağrıyır.
Sərraf Qasım deyər: ağır, pis günüm,
Xəstəyəm, olarmı dərddən diskinim?
Çösküyüb üstümə, getmir çiskinim,
Dolaşır köskümdə duman ağrıyır.