1053: O BƏXTƏ-BƏXTDİR
O BƏXTƏ-BƏXTDİR
Ya nəsib xoşbəxtlik hər kəsə qismət,
Ola, ya olmaya, o, bəxtə-bəxtdir.
Həyatda ömürdən, gündən tökülən,
Dola, ya dolmaya, o, bəxtə-bəxtdir.
Fələk versə kimə öz bəd duasın;
Dərdə düşər, tapa bilməz davasın.
Hər insan ölüncə şadlıq havasın,
Çala, ya çalmaya, o, bəxtə-bəxtdir.
Çox əziz istəkli şirin can kamın,
Kim öz məzarından almır yan kamın?
Sərraf Qasım deyər: hər insan kamın,
Ala, ya almaya, o, bəxtə-bəxtdir.