Mot perdut
 

retorn

Ostal Bodou

Ostal Roqueta.M 

Ostal Mistral 

Ostal Calelhon 

Ostal Manciet 

casal nòstre

Taban

cardabela 

ostal d'occitania tolosenc

F BRUN

Calandreta mureth

POC

Jacme 

IDECO(crompar de libres)

Radio Occitania 

paratge

Trobadours 

Nord Vivarais

Jean Duvernoy et l'inquisition

Mot


Un mot malaisit, un mot coma un bocin de mot.
Pas que per ieu. Un sol mot per lo chucar tot sol.
Un troç de frasa inacabada, garèla, mas savorosa.
Beleu un mot image, lo voldrai blu mas se derauba.
Que la lenga, la mieuna lenga, la lenga muda,
me faguesse un sinne, avant de se fugir sab pas ont.
Un mot, me caldria un mot per commencar d'escriure.
Un mot coma camarada pèta plan, mas fa paur ara.
Beleu paratge, non pas paratge, fiseltat, fiseltat es mai polit.
E perque pas poesia, tant qu'y sem. Fiseltat quna idea!
Non, me cal trapar un brave mot, normal, coma....amor.
Encara que , amor val pas gaire uei, brave mas gispre.
Per commencar d'escriure, me cal un mot formidable.
Coma Titanic, Majestic,Emperor, Nabuchodonosor.
Si que non, val pas gaire de trimar, d'afustar lo gredon.
Cerci un mot oneste, un mot brave, franc coma l'aur.
Franc beleu, encara qu'es passat de mòda, es aganit?
E sexe, que ne disetz de sexe? Es pas franc coma mot?
Un mot enganier disetz. E Yes? Alara Yes? Vol dire oc?
Sabiai pas. Mila dieu demandi pas la luna, pas qu'un mot per ieu.
Es pas lo diable! Non ai cresegut sentir coma una trufardisa.
Perdonatz. Non, lo mot passava la mia pensada.
Pensada? Seria possible.Mas se dison qu'ai la closca viuda.
N'y a pas cap de mots. Per segur, n'y a un fum, mas dels vertadiers?
N'en vesetz pas qu'un: Occitania. Vos agrada? Sera un blanc mantel?
Que nos fara mirar lo cel? Y anetz bravament!
Gaitatz l'aucel blu que baila dins lo rai? E torna mai?
Que? E la lutz que raja quand lo solelh s'atuda?
E los rius que cascalejan. Mas setz Calelhon? Non?
Ai fach un som estranh e prigond d'una femna que m'aima...
N'y a pro. Suffis. Cercavi un mot. Es tot. Un mot pichot.
Ai pas besonh de frasas...Per commencar d'escriure.Ai le cap que me vira.
Qu'aimaria ben, de trovar un mot pichonel, mas bel coma un liaç
Per commencar d'escriure. Escriure que ? Mas ço que pod!
Avetz rason. Es un mot malaisit: escriure...
Praquo m'auria agradat.
Demandi pas la caritat.
Que cercavi un mot.
Un traçonel de mot.
...Per ieu