cada matin
 

retorn 

Ostal Bodou

Ostal Roqueta.M 

Ostal Mistral 

Ostal Calelhon 

Ostal Manciet 

casal nòstre

Taban

cardabela 

ostal d'occitania tolosenc

F BRUN

Calandreta mureth

POC

Jacme 

IDECO(crompar de libres)

Radio Occitania 

paratge

Trobadours 

Nord Vivarais

Jean Duvernoy et l'inquisition


Cada matin ela se clina

Amistosa dins la lum

Que tampa mal sa nuditat

Podi pas dubrir los uelhs

Ela trigossa entre mas ancas

E de sos osses blancs

Mon ventre marca de blu

Cada matin ela se clina

E gausi pas dubrir los uelhs

Suzi de son perfum de rata

Un gost de sang o de pervenca

Que non podi destrigar

Es una dona, una déessa

Que  se ten  amb noblessa

Al moment de cridar  de joia

Sentissi dels cristals de gibre

Se cracinar entre mos dets

Ela se clina  e soi falord

De sa nolor d’eternitat

Ela es la concubina

De l’ultima nuditat

Ela la coneissi a pro pena

Ela es la mort criminela

Qu’espera me trovar viu

Al caireforc de l’inutila

E de totas las vanitats

Cada matin ela m’espiga

E m’empesca d’alenar .

O sabiatz pas benleu vosautres

Ela se clina dins la nuech.

Dins lo puech prigond de la vida.