Wacen hiya llahja?
Kayen xurafa maɛrufa f midan lluɣat tqul belli llehja lli yetkelmu-ha nas barranyin hiya ɣriba bezzaf w maci kima lluɣa dial ṣṣaḥ.F lḥaqiqa, kul waḥed yehdar lehja (lect). Had llehja teqder tkun mnadma, maci-mnadma, ḥadriya wella jbayliya, bessaḥ tmetel nefs lluɣa ; yeɛni nawɛ xaas dial luɣet l’um lli kamel netɛelmu-ha ki nkunu sɣar. Ɛend lmextessin f lluɣat ma kayen ḥetta lehja xir men lehja uxra. Nefs cci yentbeq ɛla lleḥn (accent). Lleħn huwa kifac ykun ṣṣawt ki nenetqu lkelma. Llehja ɛend-ha kelmat w qawaɛid, w ɛend-ha tani netq xaas. W llehjat tji b ckal w anwaɛ ktira.Kayen lehjat waṭaniya, kima lɛarbiya dziriya, lɛarbiya ttunsiya, lɛarbiya lmaɣribiya, wella lɛarbiya lmasriya. Kayen tani lehjat jihawiya yahadru-ha f jihat xaasa taɛ lblad, w lehjat jtmaɛiya testeɛmel-ha tabaqa dial nnas wella ḥerfa mɛeyna, w kayen lehjat ɛerqiya yesteɛemlu-ha naas jayyin men aṣl waḥed. F lxulasa, rahi kayena lahja xaasa l kul caxs (idiolect).Mmalleh, ɛla ḥsab ccufa, kamel nahadru lehjat mextelfa bessaḥ dial luɣa weḥda. Cci lli yedehhec, huwa kifac rana nefehmu baɛdna baɛd (mutual intelligibility).Ɛla kuli ḥal, saɛaat ma netfahmuc mliḥ mliḥ ḥetta netɛacru w nestqahwaw kifkif (kima ḥalet ddziri w lmaɣribi ki yetlaqaw f lɣurba matalen). Free Translation/Adaptation of "What is a dialect?" at: http://grammar.about.com/od/readingsonlanguage/a/What-Is-A-Dialect.htm