Pennad I

YANN AR BADEZOUR

1 Penn kenta Kelou Mad (l), Jezuz-Krist, Mab da Zoue,
2 hervez ar pez a zo skrivet e levr ar profet Izaiaz:

  « Setu ma kasan va hannad en da raog,
  « en a gempenno dit an hent,
3 « mouez an dén o krial er goueleh:
  « Kempennit an hent d'an Aotrou,
  « eünit dezañ e wenojennou».

4 Evel-se e oe gwelet Yann ar Badezour er goueleh, o prezeg eur vadeziant a binijenn  evid kaoud ar pardon euz ar pehejou.

5 Direded a ree davetañ Bro-Judea a-béz hag oll dud Jeruzalem ; en eur anzao o 'fehejou e vezent badezet gantan er Ster-Jordan.

6 Yann a oa gwisket gand dillad reun kañval, hag eur gouriz ler en-dro d'e zargreiz. E voued a oa killeien-raden ha mél gouez.

7 Embann a ree:
— « Erru eo war va lerh an hini a zo kreñvoh egedon, ha n'on ket din, en eur blega, da ziskoulma lèrenn e

zandalennou.


8 Me am-eus ho padezet en dour; En ho padezo er Spered-Santel».

BADEZIANT JEZUZ

9 En amzer-ze e teuas Jezuz euz Nazared, kêriadenn euz Bro-Halilea, da veza badezet gand Yann e ster ar Jordan.

10 Kerkent ha ma teuas er-mêz euz an dour, e welas an Neñv o tigeri hag ar Spered-Santel o tiskenn warnan evel  eur goulm.


11 Eur vouez a zeuas euz an Nenv o lavared :

« Te eo va Mab muia kared, ennout e kavan va dudi».

JEZUZ ER GOUELEH

12 Kerkent e oe kaset Jezuz d'ar goueleh gand ar Spered.
13 E-pad daou-ugent devez e oe tentet gand Satan. Loened gouez a oa en-dro dezan hag an Elez a jome d'e zervicha.

14 Goude ma oe bet laket Yann er prizon, e teuas Jezuz da Vro-Halilea.
15 Embann a ree ar Helou Mad a-berz Doue hag e lavare:

« Deuet eo an amzer d'e boent, tost eo Rouantèlèz Doue. Cheñchit buez ha kredit er Helou Mad» (2).

16 O tremen war ribl ar mor Galilea, e welas Simon hag e vreur André o taoler o rouejou er mor, rag pesketerien e oant,

 17 Jezuz a lavaras dezo:
 
    — « Deuit d'am heul, me raio ahanoh pesketerien tud ».

 18 Kerkent e tilezont o rouejou evid mond d'e heul.

 19 Eun tammig pelloh e welas Jezuz Jakez  mab Zebede hag e vreur Yann, int-i ive en eur vag, o kempenn o

rouejou.

20 O gelver a reas kerkent. Neuze, o tilezel o zad gand e vevelien er vag, ez ejont d'e heul.

JEZUZ E KAFARNAOM

21 Antreal a rejont e Kafarnaom. Kerkent eet er zinagog da zeiz ar zabad, e stagas da gelenn.

22 Souezet braz e oe an dud ouz e gleved, rag komz a ree evel eun dén galloud dezañ, ha n'eo ket evel ar Skribed (3).


23 Hogen er zinagog e oa eun dén trubuillet gand eur spered hudur, hag a stagas da grial:

24 — «Petra' glaskez ouzom, Jezuz a Nazared?

Deuet out da goll ahanom? Gouzoud a ran piou out: Sant Doue».

25 Jezuz a hourdrouzas anezañ:

   — «Peoh! Kerz er-mêz euz an dén-ze».   

26 Ar spered hudur a hèjas taer an dén, hag a yeas kuit en eur youhal forz.

27 Ken souezet e oent ma houlennent an eil ouz egile :
 
— « Petra eo kement-mañ? Setu eur gelennadurez nevez embannet gand galloud.

Gourhemenn a ra d'an droug-sperejou o-unan hag e sentont outañ ».

28 Kerkent e redas ar vrud anezañ a-dreuz Bro-Halilea a-béz.

PARE MAMM-GAER SIMON

29 O kuitaad ar zinagog, Jezuz, gantan Jakez ha Yann, a yeas da di Simon hag André.
30 Mamm-gaer Simon a oa war he gwele gand an derzienn. Kerkent e oe greet ano anezi da Jezuz.


31 Eñ a dosteas, hag a reas dezi sevel en eur gregi en he dorn. An derzienn a gouezas hag eh en em lakeas d'o zervicha.

32  Diouz ar pardaez, goude ar huz-heol (4), e oe digaset dezañ an oll glañvourien hag ar re a oa e dalh an

droug-spered.

33 Kêr a-béz a oa bodet dirag an nor.
34 Ar pare a roas da galz a dud taget gand a bep seurt kleñvejou. Argas a reas kalz droug-sperejou, ha n'o leze ket da gomz, rag gouzoud a reent piou oa.

JEZUZ A GUITA KAFARNAOM DA VOND DA VRO-HALILEA

35 Antronoz, pell a-raog goulou-deiz, ez eas Jezuz er-mêz, hag eh en em dennas en eul leh distro. Hag eno e pede.

36 Simon hag ar re a oa gantañ a yeas d'e glask.
37 O veza e gavet e lavaront dezañ:

 — «An oll a zo ouz da glask».
 
38 Med Jezuz a respontas:
 
 — «Deom a-hann d'ar hêriadennou tro-war-dro, ma prezegin enno ive, rag evid an dra ze eo ez on deuet».

39 Hag e kerzas dre Vro-Halilea a-béz, en eur embann an Aviel er zinagogou hag en eur argas an droug-sperejou.

PARE AN DEN LOR

40 Eun dén lor a zeu da gavoud Jezuz. Aspedi a ra anezañ, hag o koueza d'an daoulin e lavar:

 — «Ma karez e héllez rei din ar pare».

41 Jezuz, leun a druez outañ, a astennas e zorn, a douchas outañ hag a lavaras:

 — «Me a 'fell din! bez pareet».

42 Raktal ez eas al lorgnez kuit dioutan hag e oe pareet.
43 Dioustu e kasas Jezuz anezan kuit, en eur lavared rust:

 44— « Taol evez ! Na lavar grik da zen. Med kee d'en em ziskouez d'ar beleg, ha kinnig, evid da bareañs, ar pez a hôurhemenn Moizez el Lezenn, ma talvezo kement-se da desteni evito» (5).

45 Med eur wech eet kuit e stagas da embann ha da vruda ar helou, en doare ma ne helle mui Jezuz antreal, a wél d'an oll, e kêr pe gêr. Chom a ree war ar-mêz, el lehiou digenvez. Hag euz a bep tu e teued d'e gavoud.

 

Pennad II

 PARE AN DEN SEIZET

1 Eun nebeud deveziou goudeze e tistroas Jezuz da Gafarnaom, hag e oe klevet edo er gêr,
2 hag e tiredas kement a dud ma n'oa ket a blas dezo, dirag an nor zokén. Prezeg a ree dezo ar Gomz.

3 Setu e oe digaset dezañ eun dén seizet e izili douget gand pevar dén.
4 O veza ma ne hellent ket tostaad outan ablamour d'an engroez, e rejont eun toull en doenn a-zioh al leh m'edo (6), ha goudeze e tiskennjont dre an toull ar hravaz ma oa astennet warni an dén seizet.

5 Jezuz o weled o 'feiz a lavaras d'an dén seizet :
  
 — «Va mab, pardonet eo dit da behejou».

6 Bez' e oa eno war o azez eun nebeud Skribed hag a lavaras enno o-unan:

 7 — «Penaoz e hell an dén-ze komz evel-se?» Blasfemi a ra! Piou a hell pardoni ar pehejou nemed Doue

hepkén?»

8 Kerkent Jezuz, o lenn dre e spered ar zoñjou a droent en o halonou, a lavaras dezo:

9 — « Perag e vagit seurt sonjou en ho kalon? Petra eo an êsa? Lavared d'an dén seizet: Da behejou a zo pardonet dit, pe lavared: Sao en da-zav, kemer da hravaz ha kerz?

10 Mad! evid ma ouezoh e-neus Mab an Dén galloud da bardoni ar pehejou war an douar, 11 e lavaran d'an dén seizet: Sao en da-zav, kemer da hravaz ha kee d'ar gêr».

12 An dén a zavas en e-zav, a gemeras kerkent e hravaz hag a yeas er-mêz a-wél d'an oll, ma oe ar bobl a-béz estlammet, ha ma rentent gloar da Zoue, en eur lavared.

 — «Biskoaz n'on-eus gwelet kemend-all!»

LEVI GALVET GAND JEZUZ

13 Mond a reas Jezuz en-dro war ribl ar mor. An oll a zirede davetañ hag Eñ o helenne.
14 En eur vond e-biou, e welas Levi, mab Alfe, azezet e bureo ar maltoutèrèz.

Lavared a reas dezañ:

 — «Deus d'am heul»,

   Hag eñ sevel ha mond d'e heul.

15 Ha setu Jezuz ouz taol en e di. Kalz publikaned ha peherien a oa ive gantañ hag e ziskibien, rag kalz tud a oa deuet d'e heul, 16 Skribed zokén a-du gand ar Farizianed.

   Ar re-mañ o weled anezañ o tebri gand ar beherien hag ar bublikaned a lavare d'e ziskibien:

 — « Petra ! Debri hag eva 'ra gand ar bublikaned hag ar beherien ! »

17 Jezuz o veza klevet a lavaras dezo:
   
 — «N'eo ket an dud yah eo o-deus ezomm euz ar medisin med ar re glañv. Deuet on da helver,n'eo ket an dud just, med ar beherien.

 DIWAR-BENN AR YUN
 
18 Devez yun a oa gand diskibien Yann hag ar Farizianed, hag e teujont da houlenn ouz Jezuz:

 — « Perag ne yun ket da ziskibien dit-te, p'ema o yun diskibien Yann ha re ar Farizianed?»

19 Jezuz a respontas:

 — « Daoust ha deread eo da gompagnuned an dén nevez yun e-keid ha m'ema ganto? Endra m'ema an dén nevez ganto n'eus tu e-béd dezo da yun.

20 « Eun amzer a zeuio a-vad hag e vo lamet an dén nevez diganto; en deiz-se e yunint.

21 «Ne zeu nikun da beñselia eur wiskamant koz gand eun tamm peñsel nevez; a-hend-all, ar peñsel nevez a zach war an danvez koz hag a rog anezañ gwasoh.

22 « Pe c'hoaz, ne laka nikun gwin nevez e sehier-lèr koz, a-hend-all, ar gwin a laka ar zehier-lèr da darza ; ar gwin a vez kollet koulz hag ar zehier-lèr. Evid gwin nevez, sehier-lèr nevez».

 AR PENNOU-ED KUTUILLET EUN DEIZ SABAT

23 Eun devez sabat edo Jezuz o tremen dre barkajou gwiniz. E ziskibien, dre ma 'z eent, a gutuille  pennou.
24 Ar Farizianed a lavare:

 — «Gwel 'ta petra 'reont da zeiz ar zabat! Eun dra difennet».

25 Jezuz a respontas dezo:

 — « Ha n'ho-peus ket lennet morse ar pez a reas David, p'edo en diénéz ha naon dezañ ha d'an dud a oa gantañ?

26 Mond a reas e ti Doue, en amzer Abiatar ar Beleg-Braz hag e tebras baraennou ar hinnig ha ne oa nemed ar veleien hag a helle debri anezo, hag e roas ive d'an dud a oa gantañ ».

27 Jezuz a gendalhas:

— « Greet eo ar zabat evid an dud ha n'eo ket an dud evid ar zabat, 28 en doare ma 'z eo Mab an Dén mestr war ar zabat zokén».

 

Pennad III

 PARE AN DEN A OA DIZEHET E ZORN

1 Jezuz a yeas adarre en eur zinagog. Bez' e oa en²o eun dén, dezañ eun dorn dizehet.

2 War evez edo an dud da weled ha rei a rafe ar pare da zeiz ar zabat. Evid kaoud tro vrao d'e damall.

3 Jezuz a lavaras d'an dén dizeh e zorn:

 — «Sav amañ dirag an oll».

4 Neuze e lavaras d'an dud:

 — « Hag aotre a zo d'eun deiz sabat da ober ar mad, pe da ober an droug, da zavetei e vuez da unan bennag pe d'e laza?»

Sioul e chôment.
 
5 Neuze, o taoler warno eur zell a gounnar, doaniet gand ar hriz ma oa o halonou, e lavaras d'an dén :

 — «Astenn da zorn».

Henn astenn a reas hag e zorn a oe pareet.

6 Eet er-mêz, eh en em glevas ar Farizianed gand ar re a oa a-du gand Herodez a-eneb Jezuz, evid klask an tu d'e lakaad d'ar maro.

 JEZUZ WAR RIBL AR MOR

7 Jezuz en em dennas gand e ziskibien war ribl ar mor. Eun niver braz a dud a oa deuet euz Bro-Halilea, euz

Bro-Judea ive 8 hag euz Jeruzalem ; euz Bro-Idumea hag euz an tu all d'ar Jordan, euz war-dro Tir ha Sidon ive e teuas eun niver braz a dud beteg ennañ diwar ar vrud euz kement a ree.

9 Goulenn a reas digand e ziskibien delher eur vag prést evitañ, rag kement a dud a oa ma venne beza eñket.
10 Ken niveruz e oa an dud e-noa pareet, m'en em daole warnañ evid touch outañ ar re a oa taget gand kleñved pe gleñved.
11 Ar sperejou hudur pa welent anezañ en em daole e-harz e dreid hag a grie :

 — «Mab Doue out».

12 Med Eñ a roe groñs urz dezo da jom heb e ziskulia.

 AN DAOUZEG ABOSTOL

13 Pignad a ra neuze war ar menez hag e péd da vond gantañ ar re a felle dezañ. Dond a rejont davetañ.
14 Dibaba 'reas daouzeg da jom gantañ ha da veza kaset da brezeg,
15 gand galloud da argas an droug-sperejou.

16 Dibaba 'reas eta daouzeg: Pèr, an ano roet gantañ da Zimon.
17 Jakez mab Zebede, ha Yann breur Jakez anvet gantan Boanergez, da lavared eo paotred ar gurun.
18 Andre, Filip, Bartelemi, Maze, Tomaz, Jakez mab Alfe, Simon ar gredeg, 19 ha Judas Iskariot, hennez end-eün an hini her gwerzas.

 JEZUZ HA BELZEBOUL

20 Jezuz a zeuas d'ar gêr, hag adarre eun engroez tud war e dro, ken ne hellent ket debri eun tamm bara zokén.

21 Pa glevas e dud kement-se, e teujont evid e gas ganto, rag lavared a reent: «Kollet eo e benn gantañ».

22 Ar Skribed, diskennet euz Jeruzalem a lavare ive:

 — « Belzeboul a zo ennañ. Dre vestr braz an droug-sperejou eo eh argas kuit an droug-sperejou ».

23 Jezuz o galvas d'e gavoud, hag a lavaras dezo dre barabolenn:

 — « Penaoz e hell Satan argas Satan?
       24 Eur Rouantèlèz hag a zo dizunaniez enni, ne hell ket padoud.
       25 Eun ti hag a zo dizunanet outan e-unan, ne hell ket chom en e-zav.

       26 « Neuze mar d-eo eta en em zavet Satan a-eneb dezañ e-unan, ha ma 'z eo dizunanet outañ e-unan, n'eo ket evid padoud; échu eo gantañ».

       27 « Ne hell nikun mond tre e ti an dén kreñv ha laerez e vadou, nemed ha liammet e-nefe da genta an dén kreñv-ze. Neuze e hello skrapa e draou.

       28 E gwirionez, an dud a vo pardonet dezo an oll behejou, hag an oll gomzou dizakr bet lavaret ganto.
       29 Med an nep e-no komzet dizakr a-eneb ar Spered-Santel, hennez ne vo biken pardon e-béd evitañ, kabluz a behed eo evid atao ».

30 Evel-se e komze, ablamour m'o-doa lavaret : « Eur spered hudur a zo ennañ».

 JEZUZ HAG E GERENT

31 Neuze e tigouezas e vamm hag e vreudeur. Chomet e oant er-mêz euz an ti hag e lakjont goulenn anezañ.
32 Kalz tud a oa azezet en-dro dezañ pa oe lavaret dezañ:
 
 — « Setu da vamm, da vreudeur ha da hoarezed a zo er-mêz ouz da glask».

33 Hag Eñ da respont dezo:

 — « Piou eo va mamm ha piou va breudeur? »

34 Hag o taoler e zellou war an dud azezet en-dro dezañ, e lavaras :

 35— «Setu va mamm ha va breudeur. An neb a ra bolontez Doue, hennez a zo breur din, ha c'hoar, ha mamm
  


Pennad IV

 PARABOLENN AN HADER

1 Jezuz en em roas adarre da gelenn war ribl ar mor. Kalz tud a ziredas en-dro dezañ, ken niveruz, ma pignas da

azeza en eur vag war ar mor. Ar bobl a oa dirazañ, en douar, troet war-zu ar mor.

2 Kalz traou a zeske dezo dre barabolennou (14). Lavared a ree dezo en e gelennadurez:

3— « Selaouit ! Setu an hader eet da hada.
4    E-pad m'edo oh hada, e kouezas greun e kostez an hent. Al laboused a deuas hag o debras.

5 Lod all a gouezas war eun dachenn veineg, el leh ne oa ket kalz a goundoun. Sevel a rejont dioustu dre ma n'oa

ket kalz a zouar.
6 Med pa zavas an heol e oent devet, hag o veza ma oent dibourvez a wriziou e tizehjont.

7 « Lod all a gouezas e-touez ar spern. Ar spern a greskas hag o mougas. Frouez e-béd ne zavas diwarno.

8 « Lod all e gouezas en douar mad, a zavas, a greskas hag a daolas frouez, o rei tregont, tri-ugent ha kant evid

unan».

9 Hag e lavare Jezuz:

— «An neb e-neus diskouarn da gleved, ra glevo! ».

PERAG PARABOLENNOU 
  
10 P'en em gavas e-unan, e stagas ar re a oa en-dro dezañ gand an Daouzeg, da ober goulennou outañ war ar

parabolennou.

11 Hag e lavare dezo:

— « Deoh-c'hwi eo bet roet da anaoud mister Rouantèlèz Doue. Med evid ar re a zo er-mêz e teu pep tra dezo dre

barabolennou,
12 evid ma ne weljent ket daoust ma sellont, ha ma ne intentjent ket daoust ma klevont, gand aon na zistrojent ouz

Doue ha na vefent pardonet».

DISPLEG PARABOLENN AN HADER

13 Hag e lavaras dezo : « Ne intentit ket ar barabolenn-se? Penaoz neuze eh intentfeh an oll barabolennou?»

14 « An hader a had ar Gomz.
15 An dud a zo war bord an hent el leh m'eo hadet ar Gomz, p'o-deus klevet, e teu kerkent Satan, hag e lam kuit ar

Gomz bet hadet enno.

16 « En hevelep doare, ar re a zo bet hadet e tachennou meineg, ar re-ze, p'o-deus klevet ar Gomz, o-deus kerkent

he resevet gand levenez.
17 Med n'eus ket a wriziou enno, n'int ket tud da badoud. Ha pa zav diénéz pe heskinèrèz ablamour d'ar Gomz e

vezont skoillet.

18 Re all a zo hadet e-touez an spern: ar re-ze eo ar re o-deus klevet ar Gomz.
19 Med prederiou ar béd, touellèrèz ar binvidigez ha c'hoantegeziou all, en em zil en o hreiz, hag a voug ar Gomz

hag houman a jom difrouez.

20 « Ha setu ar re a zo bet hadet en douar mad: ar re-ze a glèv ar Gomz, a reseo anezi hag a daol frouez: tregont

evid unan, tri-ugent evid unan, kant evid unan».

PENAOZ RESEO HA REI

21 Lavared a reas dezo:

— « Daoust hag e tigaser al lamp evid e lakaad dindan ar boezell pe dindan ar gwele? Daoust ha n'eo ket evid e

lakaad war eur zichenn?

22 « Rag n'eus netra guzet ha ne dle ket beza dizoloet, netra sekret ha ne dle ket beza anavezet:

23 «Ma 'z eus unan bennag hag e-neus diskouarn da gleved, ra glevo!»
 
24 Lavared a ree dezo:

— «Taolit evez mad ouz ar pez a glevit: Ar muzul a vuzulit gantañ a zervicho da vuzula deoh, ha zokén e vo laket

deoh ouspenn.

25 Rag an hini e-neus a vo roet dezañ, hag an hini n'e-neus ket a vo lamet digantañ ar pez e-neus zokén.

AR GREUN A ZAV O-UNAN

Lavared a ree Jezuz:

26 — « Gand Rouantèlèz Doue ema kont evel gand eun dén taolqt gantañ had en douar. 27 Pe 've kousket, pe 've

dihun, en noz pe en deiz, e tiwan hag e kresk an had hep gouzoud dezañ.

28 « An douar, anezañ e-unan, a daol e 'frouez, da genta ar yeotenn, goudeze ar penn-éd, hag erfin greun leun ar

penn.
29 Ha pa vez dare an éd, dioustu e vez medet, o veza ma vez deuet amzer an eost».

AR HREUNENN ZEZO     

30 Lavared a ree c'hoaz:

— «Ouz petra eo heñvel Rouantèlèz Doue? Gand peseurt parabolenn rei anezi da intent?

31 «Heñvel eo ouz eur hreunenn zezo. Pa vez taolet en douar e vez anezi ar bihanna euz an oll hajou a zo er béd,
32 med pa vez bet hadet e sav, hag e teu da veza brasoh eged an oll blant all. Skourrou braz a zav dezi, ken ma hell

laboused an neñv kaoud ar goudor dindan he skeud».
33 Ha gand seurt parabolennou e roe d'an dud e gelennadurez e kement ha ma oant gouest da intent.

34 Ne gomze outo nemed dre barabolennou, med pa veze gand e ziskibien en o fart o-unan, e tisplege dezo pep tra.

AR BARR-AMZER SIOULEET

35 En deiz-se, deuet ar pardaez-noz, e lavaras Jezuz dezo :

— «Tréizom da vond en tu all».

36 Goude beza digouviet ar bobl, e kemerjont Jezuz, evel m'edo, ganto er vag; ha bez e oa bagou all ouz e heul.

37 Eur barr avel diroll a zav. An tarziou a lamme er vag beteg he harga.

38 Jezuz a oa e penn a-dreñv ar vag, kousket war eun dorchenn. Dihuna 'reont anezañ en eur lavared:

— «Mestr, ne ra netra dit e vefem o vond da goll?

39 Eur wech dihunet e hourdrouzas an avel, hag e lavaras d'ar mor:

— «Chom sioul! Ro peoh!».
 
Ha setu torret an avel ha peoh kaer o rén.

40 Lavared a reas Jezuz dezo :

— «Perag kaoud aon evel-se? Penaoz! n'ho-peus ket a 'feiz?»

41 Aon a grogas enno hag e lavarjont kenetrezo:

— « Piou 'ta eo hemañ, pa zent outañ koulz an avel hag ar mor? »

 


Pennad V


PARE EUN DEN A OA E DALH AN DROUG-SPERED

'Digouezoud a rejont en tu all d'ar mor e bro ar Jerazenianed.
2 P'edo o tiskenn euz ar vag, e teuas en arbenn dezañ . eun dén dalhet gand eur spered louz, o tond euz ar beziou.
 3 Er beziou edo o chom ha ne helle mui dén e-béd e staga gand eur jadenn zokén.
4 Rag aliez e oa bel staget gand hualou ha chadennou, med torret e-noa ar chadennou ha brevet an hualou, ha n'oa

dén e-béd gouest da zond a-benn anezaiï.
5 Noz ha deiz e veze er beziou pe war ar meneziou, o krial pe o tispenn e gorv gand mein.
6 O weled Jezuz a ziabell, e tiredas hag e stouas dirazañ.
7 A vouez kreñv e krias:

— «Petra 'glaskez ouzin, Jezuz, Mab Doue Uhel-Meurbéd? Da aspedi 'ran, en ano Doue, ne d-a ket de ober poan

din».

8 Rag Jezuz a lavare dezañ :

— «Kerz er-mêz euz an dén-ze, spered hudur».  

9 Goulenn a ree outañ:

— «Pe ano out?»
— «Va ano, emezan, eo strollad, rag kalz a zo ahanom».

10 Pedi hag aspedi a ree anezañ da jom heb o has euz ar vro.
11 Eno e oa, diouz kostez ar menez, eur vandenn vraz a voh o peuri (17).
12 Ar sperejou hudur a aspedas Jezuz en eur lavared :

— «Kas ahanom er moh evid ma 'z aim enno».

13 Aotre a roas dezo, hag ez ejont er-mêz euz an dén evid mond er moh, hag eh en em daolas ar vandenn er mor

diwar an tornaod. Eun daou vil bennag a oa anezo, hag e oent beuzet er mor.
14 Ar re a oa ouz o diwall a dehas kuit, hag a gontas, e kêr ha war ar-mêz, ar pez a oa c'hoarvezet. An dud a

zeuas da weled petra 'oa erruet.
15 Dond a reont beteg Jezuz, hag e welont an dén dalhet gand an droug-spered, war e azez, gwisket, hag e skiant

vad gantañ, en hag a oa bet an droug-spered «strollad» ennañ. Hag e krogas ar spont enno.
16 Ar re o-doa gwelet a gontas ar pez a oa c'hoarvezet gand an dén dalhet, ha diwar-benn ar moh. 17 Aspedi

'rejont anezañ da bellaad diouz o bro.
18 P'edo o pignad er vag, an hini a oa bet dalhet gand an droug-spered a bede anezañ d'e lezel da jom gantañ.
19 Jezuz a-vad ne roas ket aotre dezañ, med lavared a reas:

— «Kee d'ar gêr da gavoud da dud, ha ro dezo da houzoud kement e-neus greet an Aotrou evidout, hag an

drugarez e-neus diskouezet en da geñver».

20 Mond a reas kuit an dén hag en em lakaad da embann e bro an Degkêr (18), kement e-noa greet Jezuz evitan,

hag e oe sebezet an oll.

PARE EUR VAOUEZ

21 Jezuz a oa distroet gand ar vag en tu all d'ar mor. Eur bobl tud a oa diredet d'e gavoud. War ribl ar mor edo.
22 Dond a reas beteg ennañ unan euz renerien ar zinagog, Jaïr e ano, hag ouz e weled, e kouez d'an douar e-harz e

dreid,
 23 hag e péd anezañ dalhmad da zond d'e di, en eur lavared:

— «Va merhig a zo war he zremeñvan, deus da astenn an dorn warni, ma vo pareet ha ma chomo beo».

24 Mond a reas Jezuz gantañ. Kalz a dud a yeas d'e heul hag a enke stard anezañ.
25 Bez' e oa eur vaouez, klanv gand ar holl-gwad abaoe daouzeg vloaz
26 Kalz he-doa bet da houzañv a-berz e-leiz a vedisined; dispignet he-doa kement he-devoa hep kaoud gwellaenn

e-béd, med kentoh o vond war wasaad.
27 O veza klevet ano euz Jezuz, e teuas e-touez an dud a-dreñv dezañ hag e touchas ouz e vantell. 28 Lavared a

ree enni heh-unan:

— «Ha pa ne rafen nemed touch ouz e zillad, e vin pareet».

29 Ha kerkent eh ehanas da goll gwad, hag e santas en he horv e oa pareet euz he hleñved.
30 Kerkent e ouezas Jezuz e oa cet eur vertuz kuit anezañ. Trei a ra war-zu ar bobl en eur houlenn:

— « Piou e-neus touchet ouz va dillad? »

31 E ziskibien a lavare dezañ:
— « Gweled a rez an engroez tud a wask ahanout, hag e houlennez piou e-neus touchet ouzit?»
32 En a zelle en-dro dezañ evid gweled an hini he-doa greet kement-se.
33 Ar vaouez neuze, kroget aon enni, o krena, o veza ma ouie Jezuz petra 'oa c'hoarvezet ganti, a zeuas da goueza

e-harz e dreid, hag a lavaras dezañ ar wirionez penn-da-benn.
34 Jezuz a lavaras dezi:

— « Va merh, da 'feiz he-deus da zaveteet. Kerz e peoh ha bez pareet euz da gleñved».

DASORH MERH JAIR

35 E-pad m'edo o komz e tigouezas tud euz ti ar rener sinagog da lavared dezañ :

— « Da verh a zo maro. Perag tregasi c'hoaz ar Mestr? »

36 Med Jezuz o veza klevet ar homzou-ze, a lavaras d'ar rener sinagog:

— « Arabad dit kaoud aon. Bez feiz nemetkén».

37 Ne roas aotre da zen e-béd da vond gantañ, nemed da Bèr, da Jakez ha da Yann breur Jakez.
38 Dond a reont beteg ti ar rener sinagog. Jezuz a wél an dud, trouz braz ganto, o ouela hag o krial forz.
39 O veza cet en ti e lavar dezo:

— « Perag an trouz hag ar gouelvan-ze? Ar plahig n'eo ket maro. Kousket eo! »

40 Hag an dud a ree goap anezañ. Med En a ra dezo oll mond er-mêz, a gemer gantañ tad ha mamm ar plahig hag

an diskibien deuet d'e heul hag a antre el leh m'edo ar plahig.
41 Kregi 'ra en he dorn hag e lavar dezi:

— «Talita koum! Da lavared eo: «Plahig, me 'lavar dit : sao ! »

42 Kerkent edo ar plahig en he-zav hag e stagas da vale, rag daouzeg vloaz e oa. Kerkent ive, setu an dud-se

er-mêz anezo o-unan ken souezet e oant.
43 Jezuz a zifenn stard outo na vefe gouezet gand dén e-béd, hag e lavaras rei dezi da zebri.

 

Pennad VI

JEZUZ E NAZARED

1 Jezuz a yeas kuit ahano. Dond a reas d'e vamm-vro, e ziskibien ouz e heul.
2 Da geñver deiz ar zabat ez cas da gelenn er zinagog. Kalz a dud ouz e gleved a jome bamet hag a lavare :

— « Euz peleh e teu dezañ kement-se? Pebez furnez a zo bet roet dezañ ! Ha pebez burzudou a hoarvez dre e

zouarn !

3 Daoust ha n'eo ket en ar halvez, mab Mari, breur da Jakez, da Jozef, da Jud ha da Zimon? Daoust ha n'ema ket

ive e hoarezed, amañ, en on-touez? » Hag e oent skoillet diwar e benn.
4 Ha Jezuz lavared dezo:

— «Eur profet ne vez disprijet nemed en e vro, en e gerentiaj hag en e di e-unan».

5 Ha n'oa ket evid ober eno burzud e-béd: Eun nebeud klanvourien a bareas koulskoude, en eur astenn e zaouarn

warno.
6 Souezet e chôme gand o diouer a feiz.

MISION AN DAOUZEG

Tremen a ree dre ar hêriadennou tro-war-dro en eur rei e gelennadurez.
7 Jezuz a halv an Daouzeg d'e gavoud. Kregi a reas da gas anezo daou-ha-daou en eur rei dezo galloud war an

droug-sperejou.
8 Gourhemenn a reas dezo chom hep kemer netra ganto nemed eur vaz hepkén, na tamm bara, na bisah, na moneiz

en o gouriz.

9 — « Lakit en ho treid, emezan, eur re zandalennou ha na gemerit ket diou zae».

10 Lavared a reas dezo c'hoaz:

— «E kement leh ma 'z eoh, pa vezoh antreet en ti chomit eno beteg ma 'z eoh kuit euz al leh-se. "Ma ne vezit ket

digemeret na selaouet e leh pe leh, it kuit en eur heja ar boultrenn diouz ho treid, ma vo eun testeni en o eneb.
12 Mond a rejont en hent, hag e prezegent d'an dud e oa réd dezo chefich buez.
13 Argas a rejont diaoulou e-leiz hag olevi kalz klanvourien, hag e vezent pareet ganto (19).

HERODEZ HA JEZUZ

14 Ar roue Herodez a glevas ano euz Jezuz, rag brudet e oa deuet e ano da veza. Lavaret e veze : Yann ar

Badezour eo, adsavet a-douez ar re varo, setu perag e labour ennañ ar halloud da ober burzudou.

15 Re all a lavare: Eli eo;lod all: eur profet eo, heñvel ouz unan euz or profeted.

16 O kleved kement-se e lavare Herodez: «Yann, an hini am-eus lakeet dibenna, hennez eo a zo adsavet da veo».

17 Evid gwir, Herodez e-noa laket paka Yann hag e jadenna er prizon, ablamour da Herodiadez, gwrég e vreur

Filip, e-noa kemeret da wrég.
18 Rag Yann a lavare da Herodez: « N'az-peus ket ar gwir da zelher ganit gwrég da vreur ».

19 Kasoni he-doa eta Herodiadez outañ, ha c'hoant he-doa d'e lakaad d'ar maro, med ne helle ket,
20 rag aon e-noa Herodez ouz Yann, o houzoud e oa eun dén just ha santel; e zifenn a ree. P'e-neze e glevet e

veze nehet braz, ha koulskoude e plije dezañ e zelaou.

21 Med eun dro vad a zigouezas, pa roas Herodez, da geñver e zeiz-ha-bloaz, eur banvez d'e dud e karg, d'e

ofïserien ha d'an dud a renk euz Bro-Halilea.

22 Merh Herodiadez e zeuas da zansal hag a blijas da Herodez ha d'e gouvidi. Ar roue a lavaras d'ar plah yaouank

:

— « Goulenn diganin ar pez a gari hag e roin dit ».

23 Hag e touas dezi :

— « Kement a houlenni diganin a roin dit ha pa ve an hanter euz va rouantèlèz».

24 Er-mêz ez eas hag e lavaras d'he mamm:

— «Petra 'houlennin?»

Hi a respontas:

— «Penn Yann, ar Badezour».

25 Gand mall a tistroas da gavoud ar roue, hag e lavaras dezañ:

— «Me a 'fell din, emezi, e rofez din dioustu, war eur plad, penn Yann-Vadezour».

26 Trist meurbéd ez cas ar roue, med ablamour d'e le ha d'e gouvidi, ne 'fellas ket dezañ nah he goulenn outi.

27 Dioustu e kasas ar roue eur gward, o hourhemenn dezañ digas penn Yann. Mond a reas ar gward da zibenna

Yann en e brizon.
28 Digas a reas ar penn war eur plad, her rei a reas d'ar plah yaouank, hag ar plah yaouank her roas d'he mamm.

29 Pa glevas diskibien Yann kement-se, e teujont de gemer e gorv hag e lakejont anezañ en eur béz.

KENTA BURZUD AR BARA KRESKET

30 An ebestel, bodet en-dro da Jezuz, a zisplegas dezañ kement o-doa greet ha kelennet.
31 Hag En a lavaras dezo:

— « Deuit en eul leh distro diouz an dud, evid kemer eun tamm diskuiz».

Ken stank e oa an dud o vond hag o tond en-dro dezo, ma n'o-doa ket zokén amzer da zebri.
32 Gand ar vag ez ejont kuit, da gavoud eul leh distro, evid beza en o fart o-unan.

33 Med gwelet int bel o vond kuit, ha kalz tud o-deus komprenet da beleh ez eent. War o zroad e tiredont di, euz an

oll gêriadennou, hag e oent erruet en o-raog.

34 En eur ziskenn euz ar vag, e welas Jezuz eun niver braz a dud, hag e kemeras truez outo, ablamour m'edont evel

deñved ha n'o-deus pastor e-béd. Staga 'reas neuze da gelenn anezo war galz a draou.
35 Hag o veza ma oa dija diwezad e tosteas outañ e ziskibien da lavared dezañ:

— «Digeñvez eo an andread-mañ, ha diwezad eo dija.

36 Gra dezo mond en o hent, ma 'z aint en liez hag er hêriadennou tro-war-dro, da brena peadra da zebri».

37 Eñ a respontas dezo:

— «Roit dezo da zebri, c'hwi hoh-unan».

Lavared a rejont:

— « Daoust ha réd eo mond ba brena, ha rei dezo da zebri evid daou hant pez arhant a vara? »

38 Lavared a reas dezo :

— «Péd baraenn ho-peuz? It da weled».

Goude beza gwelet e lavarjont:

— «Pemp baraenn ha daou besk».

39 Gourhemenn a reas dezo renka an oll a strolladou war ar yeot glaz.
40 Gourvez a rejont a renkadou a gant hag a hanter-kant.

41 Jezuz neuze a gemeras ar pemp baraenn hag an daou besk, hag o sevel e zaoulagad war-zu an Neñv, e lavaras

trugarez, e torras ar baraennou hag o roas d'an diskibien evid o rei d'an dud. Lodenna 'reas ive an daou besk être

an dud.

42 An oll a zébras hag o-doa o hont.
43 An tammou a oe dastumet, daouzeg panerad anezo, hag ar restachou pesket ive.
44 Pemp mil a dud a oa euz ar re o-doa debret ar baraennou.

JEZUZ O VALE WAR AR MOR

45 Raktal goude e reas Jezuz d'e ziskibien pignad er vag ha treuzi en e-raog da Vetsaida, endra ma chomfe Eñ

e-unan da zigouvia an dud.

46 Goude beza o lezet, ez cas war ar menez da bedi.
47 Deuet ar zerr-noz, edo ar vag e-kreiz ar mor hag Eñ e-unan en douar.

48 O weled o-doa beh braz o roeñvi a-eneb d'an avel hag a oa a-benn, e teu daveto, war-dro fin an noz (20), en eur

gerzed war ar mor, hag edo o vond da dremen e-biou dezo.

49 O weled anezañ o kerzed war ar mor, e kredas dezo e oa eur spes hag en em lakejont da grial.
50 Rag e weled o-doa oll, hag e oent spontet. Med dioustu e komzas outo hag e lavaras dezo:

— « Bezit fizians, me an hini eo ! N'ho-pet ket aon ! »

51 Pignad a reas ganto er vag, hag e torras an avel. Int-i a oe strafuillet braz,
52 rag n'o-doa ket intentet burzud ar baraennou, dallet ma oa o halon.

53 Goude beza treizet, e teujont da Jenezared hag e tis-kennjont en douar.
54 Raktal ma oant dilestret e oe anavezet Jezuz gand an dud.
55 Mond a rejont dre ar vro a-béz, ha digas ar re glañv war o gweleou, e kement leh ma kleved e veze.

56 E kement leh ma 'z ee: kêriadennou, pe gêriou, pe diegeziou war ar-mêz, e lakaed ar re glañv war ar plasennou,

hag e veze pedet da lezel ar re-mañ da douch ha pa ne ve nemed ouz bevenn e vantell. Ha kement hini a douche

outañ a veze pareet.

 


Pennad VII

 

DIWAR-BENN BOAZIOU KOZ AR FARIZIANED

1 Ar Farizianed hag eun toullad Skribed deuet euz Jeru-zalem a en em vod en-dro da Jezuz.

2 Gweled a reont lod euz e ziskibien o tebri o 'fréd gand o daouarn dihlan, da lavared eo heb beza o gwalhet.

3 Ar Farizianed hag an oll Juzevien zokén a zalh da voaziou deuet dezo euz o zud-koz, ha ne zebront ket heb beza

gwalhet mad o daouarn.
4 O tistrei d'ar gêr euz plasenn ar marhad, ne zebront ket heb beza strinket dour warno o-unan, ha meur o

voazamañt all c'hoaz a heuliont deuet dezo a-berz o zud-koz, pa vez kont da walhi hanafou, podou, listri arem.
5 Goulenn a ra eta ar Farizianed hag ar Skribed ouz Jezuz:

— « Perag ne heuill ket da ziskibien giziou on tud-koz, hag e kemeront o 'frejou gand o daouarn dihlan?»

6 Respont a reas Jezuz dezo:

— « Re vad e-neus Izaiaz greet e brofet diwar ho penn, tud faoz ma 'z oh, evel m'eo merket er Skritur:

« Va enori a ra ar bobl-mañ
« diwar bég he muzellou;
« o halon a-vad a zo pell diouzin.
7 « N'o-deus priz e-béd al lidou a reont,
« en enor din,
« rag o helennadurez n'eus anezi,
« nemed gourhemennou-dén.
8 « Lezel a rit a gostez gourhemennou Doue,
«evid mired boazamañchou an dud».

Hag e lavare dezo:

9— «C'hwi a dorr Lezenn Doue evid mired ho poaza-mañchou koz!

10 Rag Moizez e-neus lavaret:

— «Da dad ha da vamm a enori».

Ha c'hoaz:

«An hini a vallozo e dad pe e vamm:
«Ra vo laket d'ar maro».

11 Ha c'hwi a lavar: «Ma lavar unan bennag d'e dad pe d'e vamm : Ar zikour a oa dit reseo diganin a zo « korban

», da lavared eo «prov sakr»,
12 c'hwi a ro aotre dezañ da jom heb ober netra evid e dad pe e vamm (2l).
13 Hag evel-se e kasit da 'fall komz Doue, gand ar boazamañchou koz a virit a rumm da rumm. Hag e-leiz a draou

all a rit euz ar seurt-se.

WAR AR PEZ A ZO GLAN HA DIHLAN

14 Neuze e halvas Jezuz an dud da dostaad outañ :

— «Va zelaouit oll, emezan, hag intentit mad:

15 N'eo ket ar pez a zo er-mêz euz an dén a hell e lakaad da veza dihlan en eur vond ennañ ; med ar pez a zeu

er-mêz euz an dén, setu ar pez a ra dezañ beza dihlan».
(16)17 Pa oe antreet en ti, pell diouz an dud, e houlennas e ziskibien petra 'zinifïe ar barabolenn-se.
18 Hag e lavaras dezo:

— « Ha c'hwi ive a vefe 'ta berr a spered? Ha ne ouezit ket n'eus netra euz ar pez a ya en dén a gement a hellfe e

lakad dihlan, 19 rag an dra-ze ne d-a ket en e galon, med en e gov da veza distaolet er foz».

Hag evel-se e tisklerie e oa glan kement boued a zo.
20 Hag e lavare:

— « Ar pez a zeu euz an dén, setu ar pez a louz an dén.

21 Rag euz diabarz an dén, euz e galon eo e teu dezañ ar zonj da ober an droug evel ma 'z eo : gadaliez, laeronsi,

muntrèrèz, avoultriez,
22 karantez direiz ouz ar madou, fallagriez, trom-plèrèz, hudurnez, avi, droug-komz, ourgouill, follentez dall.
23 An oll draou 'fall-se a zeu euz an diabarz hag a ra d'an dén beza dihlan».

FEIZ AR GANANEANEZ

24  Mond a reas kuit ahano evid mond da vro Tir (23). Antreal a reas en eun ti ha ne 'felle ket dezañ e vefe

gouezet, med ne hellas ket chom heb beza anavezet.

25 Rag, kerkent, e klevas ano anezañ eur vaouez hag a oa he merh dalhet gand eur spered hudur hag a zeuas d'en

em daoler e-harz e dreid.

26 Ar vaouez a oa eur bayanez, Sirofenisianez a ouenn, hag e bedi a ree da gas kuit an droug-spered euz he merh.
27 Jezuz a lavaras dezi:

— « Lez da genta ar vugale da zebri ouz o hoant, rag n'eo ket deread kemer bara ar vugale d'e daoler d'ar chas

bihan ».

28 Hi a respontas:

— « Gwir eo Aotrou, med ar chas bihan, e stern an daol, a zebr bruzun ar vugale».

29 Ha Jezuz da lavared dezi:

— «Ablamour d'ar gomz-se, kee, cet eo an droug-spered er-mêz euz da verh».

30 Distrei a reas d'ar gêr, hag e kavas ar hrouadur gourve-zet war ar gwele, hag an Droug-Spered cet kuit.

PARE EUN DEN BOUZAR HA MUD

31 Jezuz a guiteas Bro-Tir, hag en eur dremen dre gêr Sidon, e teuas etrezeg mor Bro-Halilea e bro an Dégkêr.

32 Digas a reer dezañ eun dén bouzar ha mud, hag e oe goulennet digantañ astenn warnañ e zaouarn.
33 Jezuz a gemeras anezañ gantañ a-gostez, er-mêz euz an engroez. Lakaad a reas e vizied en e ziskouarn hag euz

e halo war e deod.

34 O veza savet e zaoulagad war-zu an Neñv eh huanadas hag e lavaras dezañ:

— « Effata ! da lavared eo : Digor ! »

35 Kerkent e tigoras e ziskouarn hag e komze frêz; dista-gellet 'oa e deod. 36 Difenn a reas Jezuz outo ranna gêr

da zen. Med seul-vui e tifenne, seul-vui eh embannent ar helou.

37 Estlammet dreist-muzul e oa an dud hag e lavarent:

— «Mad e-neus greet pep tra: Ar hleved a ro d'ar re vouzar hag ar prezeg d'ar re vud».

 


Pennad VIII


EIL BURZUD AR BARA KRESKET

1 En deiziou-ze, o veza m'oa adarre eun niver braz a dud, ha ma n'o-doa ket peadra da zebri, e halvas Jezuz e

ziskibien hag e lavaras dezo :

2 — «Truez am-eus ouz an dud-se, rag tri devez 'so m'emaint ganin, ha n'o-deus netra da zebri.
3 Ma kasan anezo d'ar gêr war yun, e teuint da zempla en hent, ha lod anezo a zo deuet euz a bell».

4 E ziskibien a respontas dezañ:

— « E peleh kavoud a-walh a vara evito, amañ, er goueleh?»

5 Hag e houlennas outo:

— «Péd baraenn ho-peus?»
— «Seiz, emezo».

6 Urz a roas d'an dud da hourvez war an douar. Neuze e kemeras ar zeiz baraenn, e lavaras eur bedenn a

drugarez, e torras anezo, hag o roas d'e ziskibien evid o rei d'an dud.

7 Bez' o-doa ive eun nebeud peskedigou. Jezuz o benni-gas hag a lavaras ive o ingala.
8 Debri a rejont hervez o hoant. An tammou a jome a oe dastumet: seiz panerad a oe anezo,
9 Hag e oant eur pevar mil bennag a dud, ha Jezuz o hasas en o hent.
10 Raktal e pignas er vag gand e ziskibien hag ez eas war-zu Dalmanouta.

AR FARIZIANED A HOULENN EUR ZIN EUZ AN NEÑV

11 Ar Farizianed a zeuas hag a en em lakeas da dabutal gantañ. Evid e douella e houlennjont digantañ eur zin euz

an neñv.

12 En eur huanadi hir, e lavaras Jezuz:

— «Perag e houlenn ar rummad tud-mañ eur zin? E gwirionez ne vo roet d'ar rummad-mañ sin e-béd».

13 Kuitaad a reas anezo, pignad er vag, ha treiza da vond en tu all d'ar mor.

GOELL AR FARIZIANED

14 Ankounac'heet o-doa an diskibien kemer bara ganto, ha n'o-doa nemed eur varaenn hepkén er vag. 15 Jezuz a

roas dezo an ali-mañ:

— « Bezit war evez ! Diwallit ouz goell ar Farizianed hag ouz hini Herodez» (24).

16 Hag e savas trouz etrezo ablamour n'o-doa ket a vara.
17 Jezuz, o houzoud kement-se, a lavaras:

— « Perag e sav. trouz etrezoh en abeg n'ho-peus ket a vara? Ne intentit-hu ket c'hoaz ha ne gomprenit ket?

Daoust ha kaledet e ve ho kalon?

18 Daoulagad ho-peus ha ne welit ket? Diskouarn ho-peus ha ne glevit ket? Ha dizoñjet ho-pefe, 19 p'am-eus torret

ar pemp baraenn evid pemp mil dén, péd panerad tammou ho-peus kaset ganeoh?»

— « Daouzeg, emezo !».

20— « Ha p'am-eus torret ar zeiz baraenn evid ar pevar mil dén, péd panerad tammou ho-peus kaset ganeoh?»
— « Seiz, emezo ! »

21 Hag e lavare dezo:

— «Ha ne intentit ket c'hoaz?»

PARE EUN DEN DALL E BETSAIDA

22 Erruoud a rejont e Betsaida. Eun dén dall a oe digaset dezañ, hag e oe pedet da douch outañ.
23 Jezuz a grogas e dorn an dén dall hag a renas anezañ er-mêz euz ar gêriadenn. Halo a lakeas war e zaoulagad,

hag astenn a reas zaouarn warnafi, hag e houlennas outañ:

— «Ha gweled a rez eun dra bennag?»

24 E zaoulagad a zigoras hag e lavaras:

— « Gweled a ran an dud ; o gweled a ran evel gwez, med kerzed a reont».

25 Neuze e laka Jezuz e zaouarn, en-dro, war e zaoulagad, hag an dén a wél skier. 26Jezuz a gasas anezañ d'ar gêr

en eur lavared :

— «Na antre ket zokén er gêriadenn».

FEIZ AN ABOSTOL PER

27 Gand e ziskibien ez cas Jezuz etrezeg kêriadennou Sezare-Filip. En eur vond e reas ar goulenn-mañ ouz e

ziskibien:

— «Piou on-me, hervez an dud?»

28 Int-i respont:

— « Yann-Vadezour. Re all a lavar Eliaz. Re all c'hoaz, unan euz ar brofeted ».

29— «Ha c'hwi, emezan adarre, piou a lavarit ez on-me?»

Pèr a gomzas hag a lavaras:

— « Ar Hrist out-te! »

30 Hag e hourhemennas dezo chom hep komz da zen diwar e benn (25).

JEZUZ A GOMZ EUZ E BASION

31 Hag e stagas neuze da gelenn dezo e tle Mab an Dén gouzañv kalz, beza dianzavet gand ar bobl, Prinsed ar

Veleien hag ar Skribed, beza lakeet d'ar maro, ha tri devez goude, adsevel da veo.

32 Gand asurans e lavare kement-se. Pèr, neuze, a dennas anezañ a-gostez hag a stagas da ober rebechou dezañ.

33 Med Eñ o tistrei hag o weled e ziskibien a hourdrouzas Pèr, en eur lavared:

— « En em denn a-dreñv-din, Satan, rag n'ema ket ganit skiant Doue, med skiant an dén».

PENAOZ MOND DA HEUL JEZUZ

34 Goudeze e halvas an dud da zond d'e gavoud gand e ziskibien, hag e lavaras dezo:

— « An neb a 'fell dezañ dond war va lerh a die trei kein dezañ e-unan, kemer e groaz ha dond d'am heul.
35 Rag an neb a 'fello dezañ savetei e vuez a gollo anezi, med an neb a gollo e vuez ablamour din ha d'an Aviel, a

zaveteio anezi.
36 Petra 'dalv d'an dén gounid ar béd a-béz diwar goust e vuez?
37 Petra 'hellfe eun dén rei hag e-nefe talvoudégéz e vuez?
38 Rag m'e-neus unan bennag méz ahanon hag euz va homzou, e-touez ar rummad-mañ a dud avoultrer ha peher,

Mab an Dén, ive, e-no méz anezañ, pa zeuio e gloar e Dad gand an Elez santel ».

 


Pennad IX

 

TREUZFURMADUR JEZUZ

1 Hag e lavare dezo:

— « E gwirionez m'hel lavar deoh, e-touez an dud a zo amañ, ez eus lod ha ne varvint ket a-raog beza gwelet

Rouan-tèlèz Doue deuet gand galloud » (26).

2  Seiz devez goudeze, e kemeras Jezuz gantañ a-gostez, Pèr, Jakez ha Yann, hag o hasas gantañ, int-i nemed-kén,

war eur menez uhel, pell diouz pep tra. Ha dirazo e teuas da jeñch-furm.

3 E zillad a zeuas da veza gwenn-kann,ken gwenn ma ne hell kanner e-béd war an douarn kanna evel-se.

4 Dirazo e weljont Eliaz ha Moizez o komz gand Jezuz. Pèr, neuze, a lavaras da Jezuz:

5— «Mestr, eun dra gaer eo deom beza aman. Savom eta teir deltenn : unan evidout, unan all evid Moizez hag

unan all evid Eliaz».

6 Ne ouie ket petra da lavared, ken braz oa e strafuill.
7 Dond a reas eur goabrenn d'o gelei, hag euz ar goabrenn e teuas eur vouez:

— «Va mab muia karet eo hemañ, selaouit anezañ».

8 Kerkent, o veza sellet en-dro dezo, ne weljont dén all e-béd, nemed Jezuz e-unan ganto.

9 En eur ziskenn diwar ar menez e tifennas Jezuz outo ranna gér da zen euz ar pez o-doa gwelet, nemed pa vo bet

Mab an Dén savet a-douez ar re varo.

10 Senti a rejont ouz an urz-se, en eur houlenn kenetrezo petra e-noa c'hoant da lavared gand: «Sevel a-douez ar re

varo».

GOULENN DIWAR-BENN ELIAZ

11 Neuze e houlennjont outañ:

— « Perag e lavar ar Skribed e tle Eliaz dond da genta? »

12 Respont a reas dezo:

— « Ya, gwir eo, Eliaz a zeu da genta hag a laka en-dro pep tra en e stad, med penaoz neuze ez eus bet skrivet

diwar-benn Mab an Dén, e ranko gouzañv garo ha beza disprijet?

13«Mad! M'hel lavar deoh, deuet eo dija Eliaz (27) hag o-deus greet dezan ar pez a garent, hervez er pez a zo bet

skrivet diwar e benn».


PARE EUR BUGEL DALHET GAND AN DROUG-SPERED

14 O tond war-zu an diskibien, e weljont eur bobl a dud war o zro, ha skribed o tabutal ganto.
15 Kerkent ha ma weljont Jezuz, e oe sebezet an oll hag e teued da zaludi anezañ.

16 Goulenn a reas outo:

— «Diwar-benn petra e tabutit ganto?».

17 Unan a respontas dezañ euz a-douez an dud:
— « Mestr, digaset am-eus va mab hag a zo dalhet gand eur spered mud.
18 Ar spered a grog ennañ, n'eus forz e peleh, e daoler a ra d'an douar, hag ar paotr a zeu an eonenn euz e henou,

a skrign e zent, hag a zeu da veza reud. Lavaret am-eus d'az tiskibien e argas kuit, med n'o-deus ket gellet».

19 Jezuz a lavaras dezo :

— «Gouenn diskredig ma 'z oh! Beteg pe vare e vezin-me ganeoh? Beteg pe vare am-bo d'ho kouzañv? Digasit

anezañ din».

20 E zigas a rejont. Kerkent ha ma welas Jezuz e stagas ar spered da heja ar bugel gand glizi. Hemañ, kouezet d'an

douar, en em ruille, an eonenn en e henou.

21 Jezuz a houlennas ouz an tad:

— «Pegeid a zo e c'hoarvez an dra-ze gantañ?»
— « Abaoe e vugaleaj, emezañ. 22 Aliez e-neus ar spered e daolet en tan pe en dour evid ober dezañ mervel. Med

ma héllez ober eun dra bennag, deus d'or zikour dre druez ouzom ! ».

23« Mar gellez? eme Jezuz. Evid an hini a gréd pep tra a hell c'hoarvezoud».

24 Kerkent e youhas tad ar bugel :

— «Kredi a ran! Deus war zikour al laosk m'eo va feiz».

25 Jezuz, o weled an dud o tiredeg, a hourdrouzas ar spered hudur:

— «Spered mud ha bouzar, me her gourhemenn dit: Kerz er-mêz euz ar bugel-mañ, ha na zistro mui ennañ ».

26 Gand yôuhadennou ha glizi ez cas ar spered er-mêz. Ar bugel a zeuas da veza evel maro, ken na lavare an dud :

« Maro eo!».

27 Jezuz a-vad a grogas en e zorn, a reas dezañ sevel hag e chomas en e-zav. 28 Pa oe antreet Jezuz en ti, an

diskibien, a-gostez, a houlennas outañ:

— « Perag n'on-eus-ni ket gellet kas kuit ar spered-se? »

 29 Lavared a reas dezo:

— « Ne hell eur seurt spered beza argaset nemed dre ar bedenn».

JEZUZ A GOMZ A NEVEZ EUZ E BASION

30 Eet ahano, e rejont hent a-dreuz Bro-Halilea, ha ne Telle ket da Jezuz e vije gouezet.
31 Rag bez' e-noa da gelenn e ziskibien hag e lavare dezo:

— « Mab an Dén a zo o vond da goueza être daouarn an dud. Laket e vo ganto d'ar maro, ha tri devez goudeze eh

adsavo da veo».

32 Hogen, ne gomprene ket an diskibien ar homzou-ze, ha ne gredent ket ober goulennou outañ.

PIOU EO AR BRASA

33 Erruoud a rejont e Kafarnaom. Eur wech cet en ti e houlennas Jezuz outo:

— « Diwar-benn petra e oa kaoz ganeoh a-hed an hent?»

34 Chom a rejont dilavar, rag a-hed an hent e oa tabut etrezo da houzoud pehini 'oa ar brasa.

35 Jezuz a azezas hag a halvas an Daouzeg d'e gavoud. Lavared a reas dezo:

— « Ma fell da unan bennag beza ar henta, dezañ beza an diweza ha servicher an oll».

36 Kemer a reas eur bugel hag e lakaad dirazo. O veza -stardet anezañ être e zivreh e lavaras dezo:
37 — « An neb a zigemer, em ano, eur bugel evel hemañ, am digemer me va-unan, hag an neb am digemer, n'eo

ket me eo a zigemer med an hini e-neus kaset ahanon».

DRE ANO JEZUZ

38 Yann a lavaras dezañ:

— « Mestr, gwelet on-eus eun dén ha ne zeu ket ganeom o kas kuit an droug-sperejou dre da ano, hag on-eus

mired outañ».

39 Respont a reas Jezuz:
— « Arabad mired outañ, rag n'eus dén a gement a rafe eur burzud dre va ano, hag a yafe buan da gomz fall diwar

va fenn.

40 « An neb n'ema ket a-eneb deom a zo a-du ganeom.
41 « Piou bennag a roio deoh da eva eur werennad dour, ablamour ma 'z oh diskibien d'ar Hrist, e gwirionez m'hel

lavar deoh, ne gollo ket e rekompans».

AR GWALL-SKWER

42 « An hini a zo eur skoill evid unan bennag euz ar re vihan a gréd ennon, gwelloh e ve dezañ beza staget ouz e

houzoug eur mên-milin, ha beza stlapet er mor.

43 « Ha ma vez da zorn o tougenn ahanout d'ar pehed, troh anezañ, rag gwelloh eo dit antreal mougn er vuez,

ken-toh eged koueza gand da zaou zorn er «jehenn», en tan ne varv ket.

(44)45 Ma vez da droad o tougenn ahanout d'ar pehed, troh anezañ, rag gwelloh eo dit mond kamm d'ar vuez

peur-baduz, eged beza stlapet gand da zaou droad er «jehenn».

(46)47«ma vez da lagad o tougenn ahanout d'ar pehed, tenn anezañ kuit, rag gwelloh eo dit mond born e Rouantèlèz

Doue, eged beza stlapet gand da zaou lagad er «jehenn », 48 el leh m'ema ar preñv na varvjiket hag an tan na heller

ket mouga.
49 Rag pep dén a zo da veza sallet en tan.

50 « Eun dra vad eo an holen, med ma teu da goll e zaour, gand petra e vo roet dezañ en-dro? Ho-pet holen ennoh

ha bezit e peoh kenetrezoh».

 


Pennad X


DIMEZI HA TORR-DIMEZI

1 Jezuz a yeas kuit ahano da vond da Vro-Judea, en tu all d'ar Jordan. An dud a zeuas adarre en-dro dezañ, hag e

kelenne anezo, eur wech c'hoaz, hervez ma oa kustum d'henn ober.
2 Farizianed a dosteas outañ, hag evid e baka en e gom-zou e houlennjont outañ:

— « Daoust hag e hell eur gwaz kas kuit e wrég? »

3 Jezuz a respontas dezo :

— «Petra e-neus Moizez gourhemennet deoh?»
4— «Moizez, emezo, e-neus aotreet rei eul lizer a zis-parti ha kas kuit ar wrég».

5 Jezuz a lavaras dezo:

— «Ablamour d'ar haledet m'eo ho kalonou, e-neus Moizez skrivet al lezenn-se.
6 Med e penn kenta ar béd e-noa Doue greet anezo gwaz ha maouez.
7 Ha rag-se ar gwaz a guitaio e dad hag e vamm hag en em stago ouz e wrég.
8 Ha ne vint o-daou nemed unan ; evel-se, n'eus ket mui daou anezo, med unan hepkén.

9 «Arabad d'an dén eta dispartia ar pez e-neus Doue unanet».

10 Eur wech deuet en ti, e reas an diskibien goulennou outañ adarre war ar poent-se.
11 Hag e respontas dezo:

- An neb a gas kuit e wrég hag a gemer unan all a ra avoultriez en he-heñver.
  12 Hag ar vaouez, ma kas kuit he gwaz evid dimezi da unan all, a ra avoultriez ive».

JEZUZ HAG AR VUGALE

13 Tud a oa hag a zigase dezañ bugaligou da douch outo.. Med an diskibien a ree gourdrouz dezo.

14 Ouz o gweled, Jezuz a yeas droug ennañ hag a lavaras:

— « Lezit ar vugaligou da zond davedon, ha na virit ket outo, rag d'ar re a zo heñvel outo eo Rouantèlèz Doue.

15 « E gwirionez m'hel lavar deoh, an neb na zigemer ket Rouantèlèz Doue evel ma ra eur bugelig, ne antreo ket

e-barz» (28).

16 O starda a ree neuze être e zivreh hag o benniga en eur lakaad e zaouarn warno.

AN DEN PINVIDIG

17 O veza m'edo o vond en hent, e tiredas eun dén d'e gaVoud. Daoulinet dirazañ, e houlennas outañ:

— « Mestr mad, petra am-eus da ober evid gounid ar vuez peurbaduz?»

18 Jezuz a lavaras dezañ:

— «Perag e lavarez «mad» din? Dén e-béd n'eo mad nemed Doue hepkén ! "Anaoud a rez ar gourhemennou : «

Ne lazi ket. Ne ri ket avoultriez. Ne laeri ket. Ne lavari ket falz-testeni. Ne ri gaou ouz dén. Da dad, da vamm a

enori ».

20 An dén a respont dezañ:

— «Mestr, kement-se am-eus miret abaoe va yaouankiz».

21Jezuz, o veza paret e zell warnañ, a garas anezañ hag a lavaras :

— «Eun dra a ra diouer dit c'hoaz: Kee, gwerz da oll vadou, ro anezo d'ar beorien hag ez-po eun teñzor en Neñv,

ha neuze, deus d'am heul».

22 Deuet teñval e benn o kleved kement-se, ez eas kuit, glaharet e galon, rag braz oa e beadra.

23 O selled en-dro dezañ, e lavaras Jezuz d'e ziskibien:

— « Pegen diêz e vo d'ar re o-deus madou antreal e Rouantèlèz Doue ! »

24 Sebezet e chome an diskibien gand e gomzou, ha Jezuz a lavaras dezo startoh c'hoaz:

— «Na pegen dïêz, va bugale, eo antreal e Rouantèlèz Doue !

25 Esoh eo d'eur hañval tremen dre doull eun nadoz eged d'eun dén pinvidig antreal e Rouantèlèz Doue ».
26 Sebezet muioh-mui,,e houlenne an diskibien an eil ouz egile :

— «Piou 'ta neuze a hell beza salvet?»

27 Jezuz o veza paret e zell warno a lavaras dezo:

— « Evid an dud ez eo dreist d'o galloud, med evid Doue n'eo ket, rag Doue n'eus netra ouspenn dezañ».

DIGOLL AR RE A ZILEZ PEP TRA

28 Pèr neuze a lavaras dezañ :

— « Setu on-eus-ni kuiteet pep tra, hag ez om eet d'az heul».

29 Ha Jezuz da respont dezo :

— «E gwirionez m'hel lavar deoh, neus dén e-béd, kuiteet gantañ eun ti, breudeur, c'hoarezed, tad, mamm, bugale,

parkeier, ablamour din ha d'an Aviel, 30 ha ne resevo ket dija kant kwech muioh er béd-mañ : liez, breudeur,

c'hoarezed, tad, mamm, bugale, parkeier, hag heskinou ouspenn, hag er béd da zond ar vuez peurbaduz ».

31 «Kalz euz ar re genta a vo da ziweza hag euz ar re ziweza a vo da genta».

EVID AN TREDE GWECH E KOMZ JEZUZ EUZ E BASION

32 En hent, edont o sevel da Jeruzalem, ha Jezuz a gerze en o-raog. Spontet e oant hag ar re a zeue da heul o-doa

aon. Jezuz a gemeras gantañ adarre an Daouzeg hag en em lakeas da lavared dezo ar pez a oa da zigouezoud

gantañ :

33— «Setu ma savom da Jeruzalem, hag e vo Mab an Dén lakeet être daouarn Prinsed ar Veleien hag ar Skribed.

E varn a raint d'ar maro hag e lakaad être daouarn ar bayaned.
34 Goap a, raint outañ, tufa outañ, e skourjeza, e laza ha tri devez goude eh adsavo da veo».

GOULENN JAKEZ  HA YANN

35 Jakez ha Yann a dosteas ouz Jezuz hag a lavaras dezañ:

— «Mestr, ni or-befe c'hoant e rafez evidom ar pez on-eus da houlenn»

36 Respont a reas dezo:

— «Petra 'fell deoh e rafen evidoh?»

37— « Gra, emezo, ma vezim laket da azeza, unan en tu dehou, egile en tu kleiz dit en da hloar».

38 Jezuz a-vad a lavar dezo :

— «N'ouzoh ket petra 'houlennit. Ha gouest oh da eva ar halirad am-eus-me da eva? pe da reseo ar vadeziant

am-eus-me da gaoud?» (29).

39 Respont a rejont :

— «Gouest om!»

Jezuz a lavaras dezo :

— « Ar halirad am-eus da eva ho-po da eva ive, hag ar vadeziant am-eus da gaoud e vezoh badezet enni.

40 Evelato, azeza en tu dehou pe en tu kleiz din, n'eo ket din-me her rei deoh. Bez' e vo evid ar re rn'eo miret ar

plasou-se evito».

41 An dég abostol all o veza klevet ar gaoz a yeas droug enno ouz Jakez ha Yann.
42 Jezuz a halvas anezo d'e gavoud hag a lavaras dezo:

— « Her gouzoud a rit, ar re a weler e penn ar poblou a ra o mistri warno hag ar pennoû braz a lak o galloud da

boueza.
43 Ganeoh-c'hwi ne die ket beza evel-se, er hontrol eo : an neb e-no c'hoant dond da veza braz, ra vo servicher

deoh.
44 Hag an neb e-no c'hoant beza ar henta, ra vo servicher d'an oll.
45 Rag Mab an dén e-unan n'eo ket deuet evid beza servi-chet, med evid servicha ha rei e vuez da brena an oll

dud».

PARE AN DEN DALL BARTIME

46 Digouezoud a reont e Jeriko. D'ar mare m'edo Jezuz o kuitaad Kêr gand e ziskibien hag eur boblad mad a dud, e

oa azezet, war bord an hent, o houlenn aluzenn, eun dén dall anvet Bartime.

47 O veza klevet e oa o tremen Jezuz a Nazared, e stagas da grial:

— « Jezuz, Mab David, bez truez ouzin ! »

48 Kalz tud a hourdrouze anezañ evid e lakaad da jom peoh. Med en a grie gwasoh-gwaz:

— « Mab David, ho pet truez ouzin ! »

49 Chomet a-zav, Jezuz a lavaras :

— «Galvit anezañ da zond».

Galvet e oe an dén dall hag e oe lavaret dezañ :

— «Kemer fizians. Sav! Galvet out gantañ».

50 An dén dall a daol kuit e vantell hag en eul lamm e teu da gavoud Jezuz.
51 Jezuz a houlennas outañ:

— «Petra 'fell dit a rafen evidout?»
— «Rabbouni, emezan, gra din gweled skier».

52 Jezuz neuze a lavaras dezañ:
— «Kee! Gand da 'feiz out salvet».

Raktal e kav en-dro ar gweled, hag ez ee da heul Jezuz; war an hent.

 


Pennad XI

 
JEZUZ DIGEMERET E JERUZALEM EVEL EUR ROUE

1 Pa oent erruet tost de Jeruzalem, e-kichenn Betfaje ha Betania, dirag Menez an Olived, é kasas Jezuz daou euz e

ziskibien, en eur lavared dezo:

2— « It d'ar vourhadenn a zo dirazoh. Kerkent hag cet e-barz e kavoh eun azen yaouank ouz ar stag, ha n'eus bet

c'hoaz dén azezet warnañ. Distagit anezañ hag henn digasit ganeoh.

3 «Ma houlenn unan bennag ouzoh: «Petra 'rit aze?» Respontit : « An Aotrou e-neus ezomm anezañ ». Ha dioustu

e lezo anezañ da zond ganeoh».

4 Mond a reont eta, hag e kavont eun azen yaouank stag e-kichenn eun nor, er-mêz euz an ti, hag e tistagont

anezañ.

5 Tud a oa eno hag a houlennas outo :

— «D'ober petra e tistagit an azenig-se?»

6 Int-i da respont evel m'e-noa lavaret Jezuz, hag e lezer anezo da ober.
7 Digas a reont an azen yaouank da Jezuz. Taoler a reont o mantilli war e gein ha Jezuz a azezas warnañ.

8 Kalz tud neuze a léd o mañtilli war an hent ha lod all bodou trohet ganto er parkeier.
9 Ar re a gerze a-raog koulz hag ar re a zeue warlerh a youhe a-bouez-penn :

«Hozanna!
«Benniget an hini a zeu en ano Doue!
10 «Benniget ar Rouantèlèz a zo o tond,
« hini David on Tad.
« Hozanna e barr an Neñvou !»
11 Hag eh antreas e Jeruzalem, en templ. Goude beza greet eur zell war bep tra en-dro dezañ, o veza m'oa dija ar

zerr-noz, ez cas ahano da Vetania gand an Daouzeg.

AR WEZENN FIEZ DIZEHET

12 Antronoz, o veza m'edont o vond kuit euz Betania, Jezuz a zeuas naon dezañ.
13 O weled euz a bell eur wezenn 'fiez, deliou dezi, ez cas da weled ha kavoud a rafe enni eun dra bennag.

Tostaad a reas ha ne gavas nemed deliou. N'edod ket e mare ar fiez.
14 Neuze e komzas hag e lavaras d'ar wezenn fiez:

— «Biken mui ne zebro dén euz da frouez» (30).

An diskibien a zelaoue.

AR VARHADOURIEN KASET ER-MEZ EUZ AN TEMPL

15 Digouezoud a reont e Jeruzalem. Eet en templ, en em lakeas Jezuz da gas er-mêz an dud a oa o werza hag o

prena en templ. Tumpa 'reas taoliou an eskemmerien arhant ha kado-riou ar varhadourien goulmed.

16 Ne leze dén e-béd da dreuzi an templ sammet gand tra pe dra.
17 Kelenn a ree ha lavared:

— «Daoust ha n'eo ket skrivet:

«Va zi a vo anvet ti ar bedenn
« evid an oll boblou,
 « ha c'hwi ho-peus greet anezañ
 «eun toull laeron».

18 Prinsed ar Veleien hag ar Skribed a glevas, hag a glaske an tu d'e lakaad d'ar maro, rag aon o-doa razan,

ablamour m'oa estlammet ar bobl gand e gelennadurez. 19 Deuet an abardaez e kuiteas kêr gand e ziskibien.

AR WEZENN FIEZ DIZEHET

20 En eur vond e-biou, antronoz vintin, e weljont ar wezenn 'fiez dizehet beteg he gwriziou.
21 Pèr, deuet da zonj dezañ, a lavaras:

— « Rabbi ! Sell ta ! Seh-korn eo ar wezenn 'fiez az-poa milliget».

22 Jezuz a respontas:

— «Ho-pet feiz e Doue.

23 E gwirionez, m'hel lavar deoh: ma lavar unan bennag d'ar menez-se: «Sav alese hag en em daol er mor », ma

n'eus ket douetans en e galon, ha ma kréd e tigouezo ar pez a lavar, e vo sevenet e vennad.

24 «Setu perag e lavaran deoh: Kement a houlennoh en ho pedennou, kredit ho-peus e resevet, hag e vo roet an

dra-ze deoh.

25 « Ha pa vezit en ho-sav o pedi, m'ho-peus tra pe dra a-eneb da unan bennag, pardonit, evid ma pardono ive

deoH ho pehejou ho Tad hag a zo en Neñvou ».

GOULENNOU AR JUZEVIEN WAR HALLOUD JEZUZ

(26)27 Distrei a reont da Jeruzalem. Jezuz a oa en templ o tond hag o vond. Prinsed ar Veleien, ar Skribed ha

Pennou-Braz ar bobl a dosteas outañ,
28 hag a lavaras dezañ :

— «A-berz peseurt galloud e rez-te an dra-ze? Piou e-neus roet dit galloud d'henn ober?»

29 Respont a reas dezo:

— « Ne rin nemed eur goulenn ouzoh. Respontit din hag e lavarin deoh a-berz peseurt galloud e ran kement-se:
30 Badeziant Yann, daoust hag euz an Neñv e teue, pe a-berz an dud? Respontit din».

31 Soñjal a rejont enno o-unan: «Ma lavarom euz an Neñv e responto: Perag'ta n'ho-peus ket kredet ennañ?
32 Ha lavared e raim: a-berz an dud?»

 Aon o-doa, rag an oll a grede e oa, e gwirionez, Yann eur profet.

33 Neuze e respontjont da Jezuz:

- «N'ouzom ket!»

Ha Jezuz dezo:

— « Me, kennebeud, ne lavarin ket deoh a-berz peseurt galloud e ran kement-se».

 


Pennad XII
 

AR WINIERIEN DORFETOUR

1 Hag e stagas da gomz dezo dre barabolennou :
— «Eun dén e-neus plantet eur winieg (3l), laket eur harz en-dro dezi, kleuzet eur'foz ha savet eun douribell.

Feurmet e-neus anezi da winierien hag cet kuit.

2« Deuet ar mare, e kasas eur zervicher da gavoud ar winierien, da houlenn diganto e lod euz frouez ar winieg.
3 Med ar re-mañ a bakas krog ennañ, a skoas gantañ hag e gasas en e hent gand netra.

4«Eur zervicher all a gasas dezo c'hoaz. Hemañ ive o-deus skoet gantañ war e benn ha dismeganset anezañ.

5«Unan all a gasas c'hoaz hag hemañ a oe lazet ganto zokén ; ha goude, kalz re all ; lod a oe skoet ganto ha lod all

lazet. 6Ne jome gantañ nemed e vab muia karet. E gas a reas daveto da ziweza kannad, en eur lavared ennañ

e-unan: «Douja 'raint va mab».

7«Ar winierien-ze a-vad a lavaras kenetrezo:

— « Ar pennher eo hemañ, deom, lazom anezañ, hag e vo deom an hèrèz».

8« Kroget o-deus ennañ, e lazet hag e stlapet er-mêz euz ar winieg.

9« Petra 'raio mestr ar winieg? Dond a raio, kas ar winie rien d'ar maro ha fizioud ar winieg e tud all.

10« Ha n'ho-peus ket lennet ar pennad-mañ er Skritur?

«-Ar mên taolet a-gostez gand saverien an ti,
«hennez eo a zo deuet da veza ar mên-korn».

11 «An dra-ze eo e-neus greet an Aotrou, tra estlammuz evid on daoulagad.
12 Hag e klaskent an tu da gregi ennañ, med aon o devoa rag an dud. Intentet mad o-doa eo evito eo e-noa lavaret

ar barabolenn-se. Neuze e lezjont anezañ hag ez ejont kuit.

AN TAILLOU DLEET DA ZEZAR

13 Kas a rejont d'e gavoud eun nebeud Farizianed ha Saduseaned evid e dapa war gomz pe gomz.
14 Dond a rejont da lavared dezañ:

— « Mestr, gouzoud a reom ez out eun dén eun ha ne lezez dén da gaoud levezon warnout. Ne zellez ket ouz renk

an dud, ha kelenn a rez hent Doue hervez ar wirionez... Hag aotre a zo, pe n'eus ket, da baea talllou da Zezar?»

15 Med Eñ, anad dezañ o zrubardèrèz, a lavaras dezo:

— «Perag e klaskit paka ahanon? Digasit din eur pez arhant ma welin!»

16Digas a rejont unan dezañ. Neuze e lavaras dezo :

— «Euz piou eo ar skeudenn hag an enskrivadur?»
— «Euz Sezar, emezo».

17 Jezuz a lavaras dezo:

— « Rentit da Zezar ar pez a zo da Zezar, ha da Zoue ar pez a zo da Zoue».

Chom a rejont souezet braz gand ar homzou-ze.


ADSAO AR RE VARO DA VEO


18 Saduseaned a zeu d'e gavoud. Ar re-ze a lavar n'eus ket a adsao da veo, hag e rejont outañ ar goulenn-mañ:

19— « Moizez e-neus skrivet evidom : « Setu eun dén. Ma teu eur breur dezañ da vervel o lezel e wrég, med heb

bugale, en a zimezo gand an intanvez hag a zavo lignez d'e vreur».

20— « Bez' e oa seiz breur. Ar henta a zimezas hag a varvas dizhèr. 21An eil a zimezas gand an intanvez hag a

varvas hep lezel bugale. An trede, ar memez tra. 22Ha ne lezas, hini e-béd euz ar zeiz, bugale war e lerh.

«Da 'fin an dro, e varvas ive ar wrég. 23Da vare an dasorh, pa adsavint a varo da veo, da behini anezo e vo-hi

gwrég? Pegwir, o zeiz, o-deus bet anezi da wrég».

24 Jezuz a respontas dezo :

— « Ma faziit, daoust ha n'eo ket ablamour ne anavezit ket ar Skrituriou na galloud Doue?
25 Rag pa adsaver a varo da veo, ne gemerer na gwrég na gwaz, med heñvel e vezer ouz êlez en Neñvou.

26 « Ha diwar-benn adsao ar re varo da veo, ha n'ho-peus ket lennet e levr Moizez, e pennad ar « bod entanet »,

penaoz e-neus lavaret Doue dezañ:

«Doue Abraham on, Doue Izaag ha Doue Jakob ».
27 N'eo ket Doue tud maro, med Doue tud beo. Fazia a rit a-grenn ».

AR HENTA EUZ AR GOURHEMENNOU

28 Eur skrib a dosteas. Klevet e-noa an divizou a oa bet etrezo ha kavet mad ar pez e-noa respontet Jezuz, hag e

houlennas outañ:

— «Pehini eo ar henta euz ar gourhemennou?»

29 Respont a reas Jezuz:

— «An hini kenta eo: «Selaou Israël, an Aotrou on' Doue, n'eus Aotrou e-béd nemetan. 30 Kared a ri an Aotrou da

Zoue, a-greiz da galon, gand da oll ene, da oll spered ha da oll nerz.
31 Hag an eil eo hemañ: Kared a ri da nesa eveldout da unan. N'eus ket brasoh gourhemenn eged ar re-ze».

32 Ar skrib neuze a lavaras dezañ:

— «Mad-tre, Mestr! Gwir eo ar pez az-peus lavaret: N'ez eus nemed eun Doue, ha n'eus hini all e-béd nemetan.

"Kared anezañ a-greiz kalon gand an oll nerz hag an oll spered ha kared an nesa eveldor an unan a dalv muioh

eged an oll brovou ha sakrifisou».

34 Jezuz, o weled e-noa an dén-ze greet eur respont fur, a lavaras dezañ:

- «N'emaout ket pell diouz Rouantèlèz Doue». Ha ne grede mui dén e-béd ober goulennou outañ.

AR MESIAZ HA DAVID

35 Jezuz a gomzas hag a gelenne en templ.

— « Penaoz, emezan, e hell ar Skribed lavared ez eo ar Hrist mab da Zavid? 36David e-unan, sklerijennet gand ar

Spered-Santel e-neus lavaret:

«An Aotrou e-neus lavaret d'am Aotrou:
«Azez en tu dehou din,
« beteg m'am-bo greet euz da enebourien
«eur skabell dindon da dreid».

37« David e-unan a ra Aotrou anezañ, penaoz neuze ez eo Mab dezañ?»

An dud, niveruz, a zelaoue anezañ gand plijadur.

AR SKRIBED BARNET GAND JEZUZ

38 En e gelennadurez e lavaras Jezuz:

— « Diwallit ouz ar Skribed, a blij dezo mond ha dond, gwisket gand saeou kaer, ha beza saludet war ar plasennou

; 39 mond da azeza war ar hadoriou kenta er zinagogou ha kaoud ar renkou kenta er prejou.
40 Debri a reont madou an intanvezed, ha pedennou hir a reont evid beza gwelet: seul rustoh e vo evito ar

varnedigez».

PROF AN INTANVEZ

41 Azezet dirag kéf ar provou, e selle Jezuz penaoz e taole an dud peziou mouneiz e-barz, ha kalz re binvidig a

daole kalz.

42 Dond a reas eun intanvez paour hag a lakeas daou bezig. 43Jezuz a halvas e ziskibien d'e gavoud hag e lavaras

dezo:

— « E gwirionez, m'hel lavar deoh, an intanvez paour-mañ he-deus laket er héf muioh eged an oll dud all.
44 Ar re-ze o-deus laket euz ar pez o-doa da zioueri, med hi he-deus kemeret war he diénéz, ha roet kemend

he-doa, kemend a jome ganti da veva».

 


Pennad XIII


DISMAÑTR JERUZALEM

1 P'edo Jezuz o vond kuit euz an templ ; e lavaras dezañ unan euz e ziskibien:

— «Mestr, sell peseurt mein! Peseurt savaduriou»!

2 Jezuz a lavaras dezañ:

— «Gweled a rez ar savaduriou braz-se? Ne jomo ket mên war vên anezo. Distrujet e vo pep tra».

3 Jezuz a oa azezet war ar Menez Olived dirag an templ. Pèr ha Yann, gantañ a-gostez, a houlenne outañ:

4— «Lavar deom, pe vare e tigouezo kement-se, ha petra 'vo ar zin ema an oll draou-ze o vond da echui ».
5 Jezuz a lavaras dezo :

— «Taolit evez na zeufe dén d'ho touella. 6 Kalz a zeuio en eur gemer va ano hag a lavaro : « Me eo ! » Ha kalz

tud a vo touellet ganto.

7« Pa glevoh ano euz brezeliou, pe euz kelou a vrezeliou, n'it ket 'ta da gaoud aon. An dra-ze a die c'hoarvezoud,

med ne vo ket c'hoaz ar fin.

8«Brezel a zavo, pobl a-eneb pobl, rouantèlèz a-eneb rouantêlèz. Krén-douar a vo e meur a leh, ha kernez. Aze e

vo ar penn kenta euz poaniou ar gwilioud.

9«Bezit war evez! Laket e vezoh être daouarn ar varne-rien, ha skourjezet er zinagogou. Kaset e vezoh dirag ar

houarnourien hag ar rouaned ablamour din-me. Eun testeni a vo aze evito.

10« Rag réd eo da genta e vefe embannet an Aviel d'an oll boblou.
11 Ha pa gasint ahanoh evid beza roet ganto n'ho-pet ket nehamañt, en a-raog, evid gouzoud petra da lavared. Med

ar pez a vo roet deoh da houzoud d'ar mare-ze, c'hwi henn lavaro, rag n'eo ket c'hwi eo a gomzo, med ar

Spered-Santel.

12 «Ar breur a roio e vreur d'ar maro hag an tad e grouadur. Ar vugale en em zavo a-eneb d'o zud hag a lakaio o

hondaoni d'ar maro.

13«Kasoni o-do an oll ouzoh ablamour d'am ano, med an hini a zalho mad beteg penn, hennez a vo salvet.

MEZ HA REUZ SPONTUZ

14 « Pa weloh eta an heugadenn spontuz (33) o chom el leh na dle ket beza — ra intente an neb a lenn — neuze ar

re a vo e Bro-Judea, dezo tehed d'ar meneziou.
15 An hini a vo war al leurenn-doenn, arabad e vo dezañ diskenn, nag antreal en e di evid kas gantañ tra pe dra.
16 An hini a vo er park, arabad dezañ dond war e giz da gemered e vantell.
17 Gwas-a-ze d'ar gwragez a vo o tougenn pe o vaga en deiziou-ze.

18 « Pedit evid na zigouezo ket kement-se er goanv.
19 Rag deveziou a enkrez e vo an deveziou-se, evel ma n'eus ket bet o 'far abaoe ar penn kenta euz ar béd krouet

gand Doue beteg bremañ hag evel na vo mui.

20« Ha ma '-nefe ket an Aotrou berreet an deveziou-zë, ne vefe saveteet dén e-béd. Med o berreet e-neus

ablamour d'an dud santel dibabet gantañ.

21« Neuze, ma lavar unan bennag deoh:

— «Sell! Amañ ema ar Mesiaz! Sell! Aze ema!» Na gredit ket !
22 Sevel a raio Kristed faoz ha falz-Profeted. Ober a raint sinou ha burzudou: peadra da zeseo an dud santel

o-unan ma vefe posubl.
 23 C'hwi eta, taolit evez. Lavaret em-eus deoh pep tra en a-raog».

DONEDIGEZ MAB AN DEN

24 « Med en deveziou-ze, goude trubuillou spontuz, e ten-valaio an heol. Al loar ne roio mui he sklêrder.
25 Ar stered a gouezo euz an oabl, hag an neñvou a vrañsello (34).
26 « Neuze e vo gwelet Mab an Dén o tond er houmoul gand galloud ha gloar dispar. 27Kas a raio neuze e êlez da

zastum ar re dibabet gantañ euz pevar horn ar béd, euz penn pella an douar beteg penn pella an neñv.

PARABOLENN AR WEZENN FIEZ

28 « Kemerit kentel diwar ar wezenn 'fiez. Pa vez deuet tener ar skourrou anezi ha digor an deliou, c'hwi a oar

ema tost an hañv.

29 « Evel-se, c'hwi ive, a-benn m'ho-po gwelet an traou-ze o c'hoarvezoud, gouezit ema Mab an Dén deuet da

gichenn, e-tal an nor.

30 « E gwirionez, m'hel lavar deoh, ne vo ket tremenet ar . rummad tud-mañ, a-barz ma tigouezo an oll draou-ze.

31An neñv hag an douar a dremeno, va homzou-me ne dremenint ket.

32 « Med evid ar pez a zell ouz an deiz pe an eur, ne oar dén e-béd, nag an êlez en Neñv, nag ar Mab zokén. N'eus

nemed an Tad hag a oar».

BEZIT WAR EVEZ

33 «Diwallit! Bezit war evez! Rag n'ouzoh ketpegoulz e | vo ar mare.

34 « An dra-ze a zo heñvel ouz eun dén hag a ya da veaji. Lezet e-neus e di, roet karg d'e zervicherien, ha labour

da bep j hini, ha gourhemennet d'ar porzier beza war evez.

35 « Bezit war evez eta, rag n'ouzoh ket pe da vare e j tistroio mestr an ti, pe da hanter noz, pe da gan ar hillog, pe

diouz ar mintin.
36 Gand aon na zigouezfe a-greiz pep kreiz ha n'ho kavfe kousket.

37 « Ar pez a lavaran deoh, eo d'an oll hel lavaran. Bezit war evez ! »

 


Pennad XIV


AR BASION

1 Ar Park, ha gouel ar Bara Dihoell (35) a oa da veza a-benn daou zevez, hag edo Pennou-Braz ar Veleien hag ar

Skribed o klask dre beseurt tro-blég tapa krog e Jezuz, evid e lakaad d'ar maro, 2 hag e lavarent kenetrezo:

— « Arabad e vefe e-pad ar gouel gand aon na zavfe trouz e-touez ar bobl».

JEZUZ E BETANIA

3 Jezuz a oa e Betania, e ti Simon al Lor. E-pad m'edo ouz taol e teuas eur vaouez, ganti eur podad louzou

c'hwez-vad .pur ha talvouduz braz... Terri a reas ar pod ha skuill ar c'hwez-vad war benn Jezuz.
4 Ouspenn unan a oe feuket hag e lavarent kenetrezo:

— « Da betra koll evel-se al louzou c'hwez-vad?

5 Gellet e vije bet e werza ouspenn tri hant diner ha rei ar priz d'ar beorien».

Hag e hrosmolent a-eneb dezi.
6 Jezuz a lavaras :

— «Lezit anezi. Perag ober poan dezi? Eun dra vad he-deus greet em-heñver.
7 Rag ar beorien ho-peus atao en ho-touez, ha pa garit e hellit ober vad dezo. Me a-vad n'ho-pezo ket atao.
8 Ar pez e oa gouest da ober he-deus greet, ar vaouez-mañ. A vremañ he-deus balzamet va horv a-benn ma vo

sebeliet.
9 E gwirionez, m'hel lavar deoh, e kement leh ma vo prezeget an Aviel dre ar béd, e vo displeget ive, en eñvor dezi,

ar pez he-deus greet.

TAOL TREIZ JUDAZ

10 Judas Iskariot, unan euz an daouzeg abostol a yeas neuze da gavoud Pennou-Braz ar Veleien, da ginnig lakaad

Jezuz être o daouarn.
11 Ouz e gleved e oent laouen-kenan, hag e rejont marhad gantañ, hag eñ, azaleg neuze, a glaske an tu d'e lakaad

etre o daouarn.

POURCHASOU AR PASK

12 Da zeiz kenta gouel ar Bara-Dihoell, ma veze lazet an Oan-Pask, an diskibien a houlenn outañ:

— «Peleh e fell dit ez afem da bourchas an traou evid ma tebri ar Pask?»

13 Kas a reas daou euz e ziskibien hag e lavaras dezo:

— «It e kêr; erruoud a raio ganeoh eun dén o tougenn eur podad dour.
14 Kerzit d'e heul, hag en ti ma 'h antreo, lavarit d'ar perhenn: « Ar Mestr a houlenn ouzoh: E peleh ema ar zal ma

hellin debri enni ar Pask gand va diskibien?»

15 «Diskouez a raio deoh eur zal war al laez, frank ha kempenn. Eno, pourchasit pep tra evidom».

16 Setu ma 'z eas an diskibien e kêr; kavoud a rejont an traou evel m'e-noa Jezuz lavaret hag e preparjont ar Pask.

AR GOAN ZIWEZA

17Deuet an abardaez, e teu Jezuz gand an Daouzeg. 18E-pad m'edont ouz taol, o tebri, e lavaras Jezuz:

— «E gwirionez, m'hel lavar deoh, unan ahanoh am gwerzo, hag ema o tebri ganin».

19 Trist e teujont da veza, hag an eil goude egile e hou-lennjont outañ:

— «Ha me e vefe?»

20 Lavared a reas Jezuz:

— «Unan euz an Daouzeg eo, hag a lak e zorn er plad asamblez ganin. 21 Evid gwir, o vond kuit ema Mab an Dén,

hervez m'eo skrivet diwar e benn, med an hini, siwaz dezañ!, hag a zo o werza Mab an Dén: gwelloh d'an dén-ze

ne vije ket bet ganet».

SAKRAMAÑT AN AOTER

22 E-pad ar préd, e kemeras Jezuz bara, hag o veza lavaret ar vennoz, e torras anezañ hag her roas d'e ziskibien,

en eur lavared :

— «Kemerit, va Horv eo hemañ».

23 Kemer a reas ive eur halirad gwin, O veza lavaret ar vennoz, her roas dezo, hag oll eh evont dioutañ. 24 Lavaret

e-noa dezo:

— «Va Gwad eo hemañ, Gwad an Emgleo nevez (36), skuillet evid e-leiz a dud.
25 Nann ! m'hel lavar deoh, ne evin mui euz ar frouez gwinienn-se, beteg an deiz ma 'h evin anezañ, nevez, e

Rouantèlèz Doue».

PER A NAHO E VESTR

26 Goude beza kanet ar Salmou, ez ejont kuit evid mond da Venez an Olived.
27 Jezuz a lavaras dezo:

— « C'hwi oll a vo laket da goueza, rag merket eo er Skritur-Zakr:
— «Skei a rin gand ar pastor
     «hag an deñved a vo strewet a bep tu».

28 « Hogen, pa vin savet da veo en-dro, me 'yelo en ho-raog da Vro-Halilea».

29 Pèr neuze a lavaras dezañ:

— «Ha goude ma teufe an oll da veza skoillet me ne vezin ket».

30 Respont a reas Jezuz dezañ :

— « E gwirionez, m'hel lavar dit, te, hirio, en noz-mañ, a-barz m'e-no kanet ar hillog diou wech, te az-po va nahet

teir gwech».

31 Med en a zalhe da lavared startoh c'hoaz:

— «Ha pa ve réd din mervel ganit, ne nahin ket ahanout».

Hag oll e lavarent kemend-all.


E JETSEMANI

32 Digouezoud a rejont en eul leh anvet Jetsemani. Hag e lavaras d'e ziskibien:

— «Azezit amañ e-pad ma vin o pedi».

33 Kas a ra gantañ Pèr, Jakez ha Yann, hag e teu da goueza warnañ spont hag anken. 34 Lavared a reas dezo:

— « Trist da vervel eo va ene ; chomit amañ, ha beillit ».

35 Eet eun tammig pelloh, e kouez d'an douar. Goulenn a ra en e bedenn pellaad dioutañ an eur-ze, ma hell beza

pelleet.
 36 Lavared a ree:

— «Abba, Tad! Te a hell pep Ira: Pella diouzin ar halirad-mañ. Evelato, ra vo greet da volontez-te, nann va

hini-me».

37 Dond a ra en-dro, hag e kav e ziskibien kousket. Lavared a ra da Bèr:

38 « Simon, kousked a rez? N'az-peus ket gellet beilla eun eurvez zokén? Beillit ha pedit evid diwall da goueza en

tenta-dur. Ar spered a zo prim, med natur an dén a zo gwan».

39 Pellaad a reas adarre ha pedi gand an hevelep komzou.
40 Pa zistro d'o havoud e kav anezo kousket c'hoaz, rag poun-ner oa eet o daoulagad, ha ne ouient ket petra da

respont dezañ.

41 Evid an trede gwech e teu evel-se hag e lavar dezo:

— «Kouskit bremañ ha diskuizit... A-walh eo! Deuet eo an eur ! Ema Mab an dén o vond da goueza etre daouarn

ar beherien.
42 Savit ! Deom ! An hini a zo ouz va gwerza a zo tost».

43 Komz a ree c'hoaz pa zigouezas Judaz, unan euz an Daouzeg, ha gantañ eur vandennad tud, klezeier ha bizier en

o daouarn, kaset gand Prinsed ar Veleien, ar Skribed ha Pennou-Braz ar bobl.
44 Eur zin e-noa roet an treitour dezo :

— «An hini a roin eur pok dezañ, hennez eo, krogit ennañ ha bezit war evez evid kas anezañ ganeoh».

45 Kerkent ha ma oe digouezet e tosteas ouz Jezuz hag e lavaras dezañ:

— « Rabbi ! »

Hag e roas eur pok dezañ.
46 Ar re all neuze a daol o daouarn warnañ hag a zalh mad dezañ.

47 Unan euz ar re a oa eno a dennas e gleze hag a skoas eun taol gand mevel ar Beleg-Braz hag a drohas dezañ e

skouarn. 48 Jezuz a gomzas hag a lavaras dezo:

— « Evel pa vefen eul laer oh deuet gand klezeier ha bizier da baka ahanon.
49 Bemdez e vezen, en ho touez en templ, o rei kelennadurez, ha n'ho-peus ket kroget ennon. Med bremañ eo evid

ma teuio da wir ar pez a zo merket er Skritur-Zakr».

50 Oll neuze e tilezjont anezañ hag e tehjont kuit.
51 Eur paotr yaouank, koulskoude, a yeas da heul Jezuz, netra war e gorv nemed eul linser. Kregi a reer ennañ,
52 med en en em zispég euz e linser hag a deh kuit en noaz (37).

JEZUZ DIRAG AR SANHEDRIN

53 Digaset e oe Jezuz dirag ar Beleg-Braz. En em zastum a ra eno oll Brinsed ar Veleien, Pennou braz ar bobl hag

ar Skribed.

54 Pèr euz a bell e-noa heuliet Jezuz beteg ti ar Beleg-Braz ; e diabarz ar porz, azezet e-touez ar zervicherien, e oa

cet da domma e-kichenn an tan.

55 Ar Veleien-Vraz hag ar Huzul a-béz a glaske a-eneb Jezuz eun testeni bennag evid e gondaoni d'ar maro, ha ne

gavent ket.
56 Meur a hini a zouge falz-testeni a-eneb dezañ, med n'oa ket heñvel an testeniou an eil ouz egile.
57 Sevel a ree hiniennou da zougen testeniou faoz evel-henn:

58— «E glevet on-eus o lavared: «Me a ziskaro an templ-mañ, savet gand dorn an dud, hag e tri devez e savin

unan all ha ne vo ket diwar dorn an dud».

59 Ha war ar poent-se zokén, n'oa ket heñvel o zesteniou.
60 Ar Beleg-Braz neuze a zav en e-zav e-kreiz an dud bodet eno hag a houlenn ouz Jezuz:

— «N'az-peus netra da respont d'an tamallou greet dit gand ar re-mañ?»

61 Jezuz a jom dilavar ha ne respont netra. Ar Beleg-Braz a houlenn outañ neuze:

— «Ha bez' ez out-te ar Mesiaz, Mab an Doue benniget? »

62 Respont a reas Jezuz:

— « Ya, bez' ez on ! Ha c'hwi a welo Mab an Dén azezet en tu dehou d'an Doue oll halloudeg, hag o tond war

goa-brennou an neñv».

63 Ar Beleg-Braz goude beza roget e zillad a lavaras :

— «Peseurt ezomm on-ëus c'hoaz da gaoud testou?

64 E glevet ho-peus o vlasfemi. Petra 'zoñj deoh?» Hag e oe barnet d'ar maro gand an oll.
65 Lod neuze en em lakeas da dufa outañ, da voucha dezañ e zaoulagad, da skei gantañ en eur lavared dezañ:

— « C'hoari da brofet ! »

Hag ar zervicherien a skoe taoliou gantañ.


PER A NAH E VESTR

66 En-dra m'edo Pèr en traon, er porz, e tigouezas eur valez d'ar Beleg-Braz.
67 O weled Pèr o tomma ouz an tan, o selled outañ e lavaras:

— « Te ive a oa gand Jezuz a Nazared».

68 Pèr a nahas :

— «N'ouzon ket ha ne intentan ket petra lavarez». Hag en mond er-mêz war-zu ar porched.

69 Ar valez ouz e weled a lavaras a-nevez d'ar re a oa eno :

— «Hennez a zo unan anezo». Ha Pèr a nahe en-dro.

70 Nebeud amzer goude, ar re a oa eno a lavare da Bèr eur wech muioh:

— « A-dra-zur ez oui unan euz ar re-ze, rag euz Bro-Halilea oui».

71 Med en neuze da doui ha da vallozi:

— «Ne anavezan kel an dén-ze a gomzil anezañ din».

72 Raklal, evid an eilved gwech, e kanas ar hillog.

Pèr neuze a zeuas da zonj dezañ e komzou Jezuz:

— « A-barz m'e-no ar hillog kanel diou wech ez-po va nahel leir gwech».

Hag e stagas da ouela.

 


Pennad XV


JEZUZ DIRAG PILAT

1 A-bréd diouz ar minlin e reas ar Veleien-Vraz boda Pennou-Braz ar bobl hag ar Skribed, gand ar Huzul-Meur

a-béz. Goude beza chadennel Jezuz, e kasjont anezañ da di Bilat, ar gouarnour.
2 Goulenn a reas Pilat outañ:

- «Ha bez' ez oul-le roue ar Juzevien?».

Respont a reas Jezuz:

- «Te eo henn lavar».

3 Tamallou e-leiz a zave ar Veleien-Vraz a-eneb dezañ.
4 Pilat a houlennas oulan adarre :

— « N'ez-peus netra da respont? Sell pegen braz tamallou a reont dit?»

5 Med Jezuz ne respontas mui nelra, ar pez a lakeas Pilat da veza souezet.

6 Hogen, da geñver gouel Pask, edo ar hiz ganlan da rei dezo, war o goulenn, ar frankiz d'eur prizoniad, an hini a

houlennent.

7 An den anvel Barabbaz a oa neuze er prizon gand an dispaherien all, lazel ganlo eun dén e-pad an laol-dispah.

8 Pignet beleg ennañ, e houlennas ar bobl digand Pilat ar pez e oa kuslum da rei dezo.
9 Pilat a respontas:

— «Ha c’hoant ho-peus e laoskfen ganeoh roue ar Juzevien?»

10 Gouzoud a ree tra-walh e oa dre warizi o-doa ar Veleien-Vraz lakel Jezuz etre e zaouarn.
11 Med ar veleien-Vraz a boulzas ar bobl da houlenn kenloh ma ve laoskel Barabbaz.
12 Pilat neuze a gomzas hag a lavaras dezo:

— «Petra 'rin neuze euz an hini a anvit roue ar Juzevien?

13 A-bouez-penn e respontjont:

— « Stag anezañ ouz ar groaz ! »

l4 Ha Pilat:

— «Peseurt droug e-neus greet eta?» ,

Kreñvoh c'hoaz e youh an dud:

— «Stag anezañ ouz ar groaz! »

15 Pilat neuze, c'hoant dezañ plijoud d'ar bobl, a laoskas ganto Barabbaz. Ober a reas skourjeza Jezuz hag e lezel

ganto da veza staget ouz ar groaz.

16 Ar zoudarded a gasas anezañ e diabarz ar pretordi, e palez ar gouarnour, ha boda 'reont ar gompagnunez a-béz.

17 Gwiska 'reont dezañ eur vantell ruz-moug ha war e benn e lakont eur gurunenn spern greet ganto.
18 Hag e teujont d'e zaludi:

— «Salud, roue ar Juzevien! ».

19 Hag e skoent war e benn gand eur gorzenn, e tufent outafl, e plegent o daoulin evid stoui dirazañ.

20 Goude beza greet goap anezañ, e tennont digantañ ar vantell ruz-moug hag e lakont dezan e zillad. Neuze e

kasont anezañ er-mêz evid mond d'e staga ouz ar groaz

JEZUZ STAGET OUZ AR GROAZ

21 Kemer a reont, evid dougenn ar groaz, eun dén hag a dremene dre eno, o tond d'ar gêr euz ar park : Simon a

Zyren, tad Alexandr ha Rufuz.

22 E gas a reont beteg al leh anvet Golgota, da lavared eo « leh ar hlopenn ».
23 Kinnig a reont dezañ da eva gwin mesket gand mir, med ne 'fellas ket dezañ kemer.

24 E staga 'rejont ouz ar groaz, ha goudeze e lodennjont e zillad kenetrezo en eur denna ar zord warno, evid lakaad

e lod da bep hini.

25 Nav eur e oa p'o-doa e staget ouz ar groaz.
26 Ar skritell hag a verke perag e oa bet kondaonet a oa merket warni ar geriou-man: «Roue ar Juzevien».

27 Asamblez gantañ, a lakjont daou laer e kroaz unan a-zehou dezañ hag egile a-gleiz.
28 Evel-se e teue da wir komzou ar Skritur-Zakr: «E renk an dorfetourien eo bet laket».

29 An dremenidi a wall-gomze dezañ oh heja o 'fenn hag o lavared :

— « Ahanta ! Te hag a ziskar an templ, hag a zav anezañ a nevez dindan tri devez, 30 en em zavete da-unan !

diskenn euz ar groaz! ».

31 Ar Veleien-Vraz ive, kenetrezo, gand ar Skribed, a hoarze goap hag a lavare :

— « Re all e-neus saveteet, ha ne hell ket en em zavetei e-unan !
32 Eñ, ar Mesiaz, roue Israël, ra ziskenno bremañ euz ar groaz, ma welim ha ma kredim! ».

Ar re zoken a oa staget ouz ar groaz, en e gichenn, a zistage outañ gwall-gomzou.

MARO JEZUZ

33 Da greisteiz, an deñvalijenn a holoas an douar a-béz, beteg teir eur.
34 Da deir eur e lez Jezuz eur griadenn gand eur vouez kreñv:

— «Eloi! Eloi! Lama sabaktani!»

Da lavared eo: «Va Doue! Va Doue! perag az-peus va dilezet?»

35 Lod euz ar re a oa en-dro dezañ a lavare ouz e gleved:

— «Setu m'ema o helver Eliaz».

36 Redeg e reas unan anezo da zouba eur spoueenn e gwin treñk hag e sav anezi e bég eur gorzenn evid rei dezañ

da eva, en eur lavared:

— « Lezit 'ta ! Gwelom hag en e teuio Eliaz d'e zistaga alese».

37 Jezuz, goude beza taolet eut griadenn vraz, a rentas e spered.
38 Neuze, ar ouel euz an templ a oe roget dre an hanter, euz an neh d'an traofi.
39 An ofiser a oa dirazañ, o weled penaoz e oa marvet, a lavaras:

— «E gwirionez, Mab da Zoue e oa an dén-ze».

40 Bez e oa ive merhed o selled euz a bell, en o zouez Mari-Madalen, Mari, mamm Jakez vihan ha mamm da Joze,

ha Salome.

41 Ar re-mañ, pa veze Jezuz e Bro-Halilea, a veze ouz e heul d'e zervicha, ha kalz merhed all pignet d'e heul beteg

Jeruzalem.

42 Deuet an abardaez, o veza ma edod da zerhent ar zabat, 43 e teuas Jozef a Arimati, ezel brudet, euz ar

Huzul-Meur, — en ive a hortoze Rouantèlèz Doue — mond a reas hardis da gavoud Pilat, da houlenn rei dezañ

korv Jezuz.

44 Souezet e oa Pilat e vefe marvet ken buan. Ouz an ofiser e-noa galvet davetañ e houlennas hag abaoe pell e oa

maro. 45 Sklêrijennet gand an ofiser, Pilât a roas ar horv da Jozef.

46 O veza prenet eul liñser, e tiskennas Jozef ar horv euz ar groaz, e lakas al liñser en-dro dezañ, hag e tougas

anezañ en eur béz toullet er roh, hag e ruillas eur mên da stanka ar béz.

47 Mari-Madalen ha Mari mamm Joze a oa o selled e peleh e oa bet laket korv Jezuz.

 


Pennad XVI


AR MERHED EET D'AR BEZ

1 Tremenet ar zabat, Mari-Madalen, Mari mamm Jakez ha Salome, a brenas louzeier c'hwez-vad, evid mond

da'valzami korv Jezuz.

2 Mintin mad, da zeiz kenta ar zizun (38), ez eont d'ar béz d'ar zao-heol.
 3 Hag e lavarent kenetrezo :

— «Piou a ruillo deom ar mên diwar toull ar béz?»

4 Gand eur zell e welont ar mên ruillet a gostez, braz koulskoude an tamm anezañ.

5 En eur vond tre er béz e welont, azezet en tu-dehou, eun dén yaouank, gwisket e gwenn, hag e oent spontet.
6 Med en a lavaras dezo:

— « N'it ket da sponta. Jezuz a Nazared emaoh o klask, an hini a zo bet staget ouz ar groaz : adsavet eo da veo.

N'ema ket amañ. Setu al leh m'oa bet laket e gorv.
7 Bremañ, it da lavared d'e ziskibien ha dreist-oll da Bèr : « En ho-raog ez a da Vro-Halilea, hag eno c'hwi her

gwelo evel m'e-neus lavaret deoh».

8 Mond a rejont er-mêz ha tehed pell diouz ar béz rag krena 'reent ha strafuillet e oant. Ne lavarjont netra da zen

gand ar spont a oa warno... (39).

JEZUZ EN EM ZISKOUEZ BEO

9 Adsavet da veo diouz ar mintin, da zeiz kenta ar zizun, en em ziskouezas Jezuz da genta da Vari-Madalen, e-noa

argaset seiz droug-spered anezi.

10 Houmañ a yeas da gas ar helou d'ar re a oa bet gantañ hag a oa e kañv hag en daelou.
11 Med o kleved e oa beo hag he-doa-hi e welet, ne grédjont ket.

12 Goudeze en em ziskouezas en eur stum all de zaou anezo a oa oh ober hent da vond war ar-mêz (40).
13 Hag ar re-mañ a zeuas da gonta d'ar re all. Int-i kennebeud ne oent ket kredet.

14 Goude en em ziskouezas d'an unneg p'edont ouz taol hag e rebechas dezo beza bet diskredig ha kaled a galon,

ablamour n'o-doa ket kredet ar re o-doa e welet savet a varo da veo.

AN DISKIBIEN KASET DA BREZEG AN AVIEL

15 Lavared a reas dezo:

— « It dre ar béd ar-béz, embannit Kelou Mad an Aviel d'an oll dud.
16 An neb e-no feiz hag a resevo ar vadeziant, a vo salvet. An neb a zinaho kredi a vo kondaonet.

17 Setu amañ ar zinou burzuduz a vo da heul ar re o-devo kredet: dre va ano e kasint kuit an droug-sperejou.

Yezou nevez a gomzint. Kregi a raint en naered,
18 ha goude m'o-defe evet eur poezon marvel bennag, n'o-devo dïêz e-béd. Astenn a raint o daouarn war ar re

glañv, hag a re-mañ a wellaio dezo».

19 Neuze, an Aotrou Jezuz, échu gantañ e gomz, a oe douget d'an Neñv. Azeza 'reas en tu dehou da Zoue.

20 Int-i a-vad a yeas da brezeg e pep leh. A-unan ganto e laboure an Aotrou. Hemañ 'roe nerz d'ar Gomz dre ar

burzudou a zeue d'he heul.

 

Aviel Jezuz-Krist (hervez S. Vaze, S. Mark, S. Lukaz, S. Yann)

troet e brezhoneg gand "Kenvreuriez ar brezoneg" (Eskopti Kemper ha Leon), Nihil Obstat hag Imprimatur gantañ

embannet gand "Ar Skol dre Lizer" (1982).

al levr-se a c'heller kavout evit prennañ e-stal-levrioù Abati Landevenneg (Penn-ar-Bed)

this pocket-book can be found for sale at the bookshop of Landevennec Abbey (Finistère, Brittany, France)