из истории нашей деревни

 

1.    Из истории д. Скородум (кор чужис Скöрöдум)

                                                     

 

Скöрöдум, тэ Скöрöдум,

Песты менсьым медбур дум

Первойысь кöть татчö волан

Аддзан ёртъяслысь бур нюм.

Танi овны ставлы долыд,

Ветлö нимкодьыдла лолыд

Чужты сьöлöмам век нюм,

Эжва йывса Скöрöдум.

В. Бабин

 

 

Тадзи гижис Вячеслав Бабин аслас кывбурын менам сикт йылысь, Скöрöдум йылысь, кодi нюжöдчöма Эжвалöн веськыд берегса кыр йылö. Историялöн висьталöм серти, сиктлы подув пуктысьнас вöлöмаöсь Дёминъяс. Роч мужичöй Степан Пашнин салдаталiгас пышйывлöма Поллеö. Сёрöнджык сэтчö вайöдлöма зятьяссö, Дёминъясöс, но налöн öтув олöмыс абу артмывлöма да кайöмаöсь выльлаö – Скöрöдумö.

Нöшта öти видзöдлас серти кö, сиктö овмöдчывлöма Скöрöдум нима роч морт – тасянь и артмöма сиктыслöн нимыс. Медводдзаöн локтöм йöз овмöдчывлöмаöсь чоййылö. Мыйла сöмын сэтчö? Помкаыс öти: найö полiсны  Из сайса йöзысь, кодъяс Эжва вывтi ветлiг-мунiгöг грабитлiсны матын сулалысь сиктъяс. Эжваыс вöлi джуджыд да паськыд, а ва шöрын джуджыд йир.

Важ йöз тöдöны сiйöс, кыдзи Устин йир. Öзын лыа вöлi öнiя мöсъяс йирсянiн местаын, вöлöма весиг öзын завор. Пыжъяс сулананiнын вöлöма уна из. Öнiя лунъясöдз, дерт изйыс быри, но век жö места нимыс коли.

Сиктсаяс торйöдöны олан места серти – лунвыв юкöнын, войвылын, Ягвылын, Ласейын. Ласей – медся том юкöн. Важöн сэнi вöлiны сöмын бадьяс, вöр да лыда сьöд пывсян. Öнi кö та йылысь казьтыштны – он и эскы: гöгöр керка – карта, картупель муяс. Стрöитчисны нин и ыбъяс вылö. Скöрöдумсаяс унаöн кайлöны вотчыны Рöманыйскöй нöрыс вылö, Гажа ягö, кодсюрöяс Миня шор дорö. Гусьты шор бокын пуктыны турун. Лыда морт тöдö татшöм нима местаяс, кыдз Ерем видз сьöрт, Чим пач юр, Лазар кулига. Кытысь босьтлöмаöсь татшöм нимъяссö.

Романыйскöй нöрыс – абу «рöмановскöй кывйысь». Кутшöмкö Рöман нöрыс дорсьыс перйылöма изки, сiйöн тадзи и шулöмаöсь.

Миня шор – Миня семья пуктывлöма шор бокас видз.

Гажа яг – сотчöмин местаын, кытчö быдмывлöма бöрынджык посни вöр, местаыс мичаммöма, «гажмöма».

Гусьты шор – ыджыд Гуся ты местаын, весиг öнöдз на абу казялöмаöсь. Гуся ты пырыс и визувтö шорыс.

Ерем видз сьöрт – Ерем - морт ним, сьöрт – оль, Оль бокас Ерем вöчлöма видз.

Чим пач юр – татысь босьтлöмаöсь зэв пемыдлöз краска дöра да шöрт краситöм вылö.

Лазар кулига – «кулигаыс» - гöгöр вöр.

Йöзлöн оласногыс зэв жö аслыспöлöс вöлöма. Керкаяссö вöчлöмаöсь чер помысь да сiдз, медым пыранiныс лунладорсянь вöлi. Важ йöзлöн оланiныс миянлы тöдсаöсь, кыдз тшына керкаяс. Гöгöрвоана, мый найö дзескыдöсь, ичöтöсь, öд чер помсьыд абу кокни кыпöдны гырысь короминатö. Но миян сикт нимавлiс озыр мельничаясöн. Скöрöдум шöрас öтпырйö вöлöма квайт мельнича. Тайö зэв уна ичöтик сиктыдлы. Сэкся кадö Лазарлöн гора шыöн шыавлöма Кузнеча, сур туан кулигаын тшöкыда броткöдчывлiс сур. Сиктсаяс лöсьöдлöмаöсь торъя идрасян керка, кытчö пыртлöмаöсь мöсъяссö лысьтыны. А юктöдлöмаöсь сюра пемöсъяссö ва дорын, весиг кöдзыдъяс дырйи.

Скöрöдумсаяс  век зiлисны бурмöдны ассьыныс олöмсö уджöн. Уджалiсны зiля, бура, сьöлöмсянь. Гашкö, сы вöсна сиктсаяслöн и артмö медся бур урожайыс. Ичöтсянь бать-мам  велöдлiсны ассьыныс челядьсö уджö, мунiсны паныд олöмын лэччысьöмлы. Кужисны сиктса йöз и гажöдчыны. Гожöмнас, рытъяснас ывла вылын кылö гудöк шы да нывъяслöн сьылöм. Со кыдзи та йылысь гижис в. Бабан «Скöрöдум» кывбурын.

«Дышöсь йöзыс» - меным кодкö кайтас.

Тайöс некод некор на эз шу мен

Виставлöны: страдна, урожай пö

Медся бура артмö Скöрöдумын.

Кыпыд рытъяс, гажыс сiдз жö öтув,

Важсянь татшöм ворсан –сьылан шумыс.

Гудöк шы кö арнас юргö – тöдöй:

Тайö чомöр шуда Скöрöдумын.

 

Эжва – Печора бöрын мöд ыджыд ю. Сылöн кузьтаыс сюрс сё комын километр. Усьö Войвыв Двинаö.

Эжваö усьöны уна посньыдджык юяс: Помöс, Пожöг, Скöрöдум шор. Коми муын ылöдз нималысь Эжва ю мича, кöть кутшöм поводдя дырйи. Но торъя нин лöнь лунö, кор абу некутшöм тöвру, енэжас ни öти кымöртор чир, а сöмын вылын дзирдалысь шондi, став Коми мусö югзьöдысь да шонтысь. Берег пöлöныс сулалöны зумыд козъяс, мича кыдзьяс, кыз пожöмъяс, лысъяс киссьысь ньыв пуяс да мукöд пöлöс быдмöгъяс.

А сiдз жö Эжва ю озыр чериöн. Тулыснас, кор тулас, сiйö ойдлас миян сиктöдз. А ямигас ыджыд гöпъясö кольö ваыс и сэтчö йöрмöны черияс. Тöв и гожöм, тулыс и ар Эжва чуксалö ас дорас уна йöзöс, кодъяс купайччöны, чери кыйöны, ворсöны, шойччöны ва дорын. Зэв мича сiйö войнас -лöньыник да шогсьысь. Берег вылас тыдалöны бипуръяс, кодъясöс öзтöмаöсь чери кыйысьяс.

Кодзувъясыс унасьыс-уна. Найö видзöдчöны Эжваö, быттьö рöмпöштанö. И ва вылыс кажитчöны мичаджыкöн енэж вылас серти. Шлывгöны тöвруöн ветлысь гыяс и лöня швачкöны лыаö.

Скöрöдум – тайö сикт, кöн ме ола,

Таысь муса мем сиктыс оз сюр,

Танi олö став рöд вужöй менам

Коми йöз, кодъяс мелiöсь пыр.

Коми сиктнымöс кытшовтö парма,

Дiнтiс сöдз Эжва гылыда шлывгö.

Дона сикт, муса сикт тайö менам

Дыр на гажöд тэ сьöлöмöс менсьым.

 

2.    Кажённые места (шуштöм местаяс)

 

1.     Öтчыд вöлöм мужичöй кайö мир туй кузя. И туй вылас кодкö сылы пуктас пöшти метра кузьта налим, но мужичöйыд воськовтöма налим вомöныд да водзö кайöма, абу повзьöма.

2.     Мöдысь тётя Вера ачыс вöлöм кайö гортас тöвся сёр рытын, вöлöма тöлыся. И кодкö бöрсяньыс кутас горзыны. Кытчöдз поссö абу вуджöма, сэтчöдз  горзöма, а «кодкöыс» некод и некöн абу.

3.     Пирей Петыр вöлöм гöтырсö Вась Еленасö катöдö больничаö вöлöн. Миня шорöдз мыйöн воасны – вöлыд сувтас – ни öтарö оз мун, ни мöдарö. Коркö тай сэсся вöрзяс жö-а.

4.     Рöман чожыс кайлас гöститны Помöсдiнö вöлöн. Локтiгас Миня шорад сувтас вöлыд – оз вöрзьöдчы. Кöзяиныс босьтас да лэдзалас вöвтö и доддялас бöрöн. И сэки кодкö вак-вакöн сералiгтыр ылыстчас шор катыдыс.

5.     Öтчыд Гриша Агниякöд кöр дорысь локтам. Чудь ю сайын кодкö шутьлявны да горзыны кутiс. Ми уськöдчим котöртны. Весиг öд быттьö миянöс ордйöдлас и быдтор. Ми век котöртам. Сэсся Гриша Агнияыдлöн мужикыс висьталiс, ми пö велалiм нин, а тайö пö, навернö, рочыд гуавтöг коли да сiйö повзьöдчö. (Чудь ю – Тымсер юлöн веськыд вожыс).

6.     Арсень Öдялöн мужикыс шопералö. Сэк öд грузöвöй машинанад ёна йöзыд ветлöны вöлi. Öти нывбаба шалльöн вевттьысьöма, пукалö. А буретш Педöр Иванлöн чоййылын öблöжитчöны. Нывбабаыд шуас: танi пö олöм оз ло. Бабаыс дзик тöдтöм. Некод оз и ов керкаас, пуста сулалö: öти кулi, мöд олöмсö помалiс, коймöдöс виисны.

 

3.     Достопримечательности деревни (нималана местаяс)

1.     Лыжная  база (Бöръя воясас районын ыджыдджык тöдчанлун кутiсны сетны спорт сöвмöдöмлы. Коми войтыр пöвстын лыжиöн котралöм лыддьысьлiс медтöдчанаясысь öтиöн. Мыйта лыжник нималö районын и весиг республика пасьта скöрöдумса пöвстысь! Ставсö он лыддьöдлы. Танi накöд уджалö Иван Дмитриевич Пашнин. 79-öд вояссянь сiйö веськöдлö спорт юкöнöн.

Базаын эм лыжияс видзан кык жыр. Торйöн – неыджыд спортивнöй зал, кöнi позьö небзьöдыштны лысьöмтö, тренируйтчыштны, ворсöмъяс нуöдны. Базаыскöд орччöн мунö трассаыс.

Ставыс челядькöд уджалö куим тренер – И.Д. Пашнин, В.С. Дёмина, Ю.И. Липина. Кыпыда кольöны танi шойччан лунъяс, öд чукöртчывлöны посни и верстьö.

Бöръя воясас спортсменъяс пöвстысь кызвыныс школа помалöм бöрын сюртчöны пырны вузъясö. Тайö висталö, мый спортыд оз сöмын физическöя сöвмöд морттö, но и сетö пытшкöс вын водзö олöманыс тöдчана воськов вöчöм вылö. Водзмöстчисны да вöчисны нöшта школалы спортзал.

2.     Памятная плита на могиле Шомысова Алексея Ивановича (Алексей Иванович  Шомысов – учитель, коммунист, 1919 воын котыртлöма сиктын «Заря» видз-му коммуна, кытчö пырöмаöсь 18 морт. Еджыдъяс кутiсны коммуна котыртысьясöс, лыйлiсны найöс, а Алексей Иванович вылын  дыр тешитчöм бöрын, виисны жö. Дзебисны аслас керка мыш вылö, сус пуяс улö.)

3.     Обелиск  павшим воинам в Великой Отечественной войне и в локальных конфликтах (Скöрöдумысь война кадö нуисны 800 мортöс, джынсьыс унджыкыс бöрсö эз воны гортаныс: усины чорыд тышъясын, кулiсны ранитчöм бöрын госпитальясын, веськалiсны пленö.  Кодъяс воисны,  ловъяыс некод нин абу.Нэмъяс кежлö слава воинъяслы, кодъяс сетiсны олöмнысö миян Рöдина вöсна. И мед тайö обелискыс кутас казьтывны миянлы, мый вöлi Ыджыд война, кодi вайис уна шог став йöзлы. Татчö пасйöма став участниксö миян грездысь и быд морт вермас матысянь корсьны и аддзыны ассьыс медматысса, мед пуктана мортсö. Коляс уна во, тайö обелискыс мöдас чукöртны пиянсö, внукъяссö, правнукъяссö öнiя обелиск дорын сулалысьяслысь.)

 

4.     Праздник Петра и Павла

 

Раньше в каждой деревне были храмы и часовни. В нашей деревне была часовня в честь Петра и Павла. Каждый год этот  праздник -  12 июля отмечают  в нашей деревне. Перед большой страдной – сенокосом собираются родственники из близ лежащих деревень, чтобы веселится, отдыхать в этот день.

12 июля или день Петра и Павла в народной традиции стал символом макушки лета, после которого в природе начинается поворот к осени: «День убывает, жара прибывает». Чаще всего этот день сухой, жаркий и светлый. В Петров день самый разгар сенокоса, начинается пора сбора грибов. Если кукушка кукует после 12 июля, то, значит, лето будет долгим.

В день Петра и Павла  жарко, день большой и светлый, говорили: "В Петровки сухо и день велик", "Петр и Павел жару прибавил", "Как придет Петро, так и будет тепло" и шутили, что "Худое поросят  и в Петровки зябнет". На Руси Петров день, как и Ивана Купалы, связан, прежде всего, с солнечной символикой. Существовало поверье, что солнце в этот день "играет", то есть переливается разными цветами радуги или скачет по небу вверх-вниз. На рассвете люди собирались, чтобы посмотреть, как солнце играет. Считали, "Женское лето по Петров день", "Красное лето с Петрова дня", "С Петрова дня красное лето, зеленый покос".

В этот период в жизни деревни проходила пора самых трудных земледельческих работ. Начиналась пожня (косьба). "Коли дождь на Петров день, то сенокос будет мокрый". Также готовились к озимому севу. "На святого Петра дождь — урожай не худой, два дождя — хороший, три — богатый".

Петров день — конец Петровского поста. Но сам Петров день — "разговины". День Петра и Павла считается праздником рыбаков, так как апостол Петр известен как покровитель рыбного промысла.

 

5.     Заключение

 

Со татшöм историяыс менам чужан сиктлöн. Ме зэв ёна радейта сiйöс, танi олысь йöзсö, ассьым чужан керкаöс, мусса мамукöс. Кöть миян сиктным и ичöтик, но гажа, а йöзыс авъяöсь да шаньöсь. Найö зэв зiльöсь, кужöны гажöдчыны.

Ме радейта ассьым школа, кодi сулалö кыр йылын да ёртъясöс, кодъяс век дасьöсь меным отсавны. Ме радейта Эжва ю, кодi лöз шöвк лента моз помтöг-дортöг пыр визувтö и визувтö. Ме радейта чужан пармаöс, кодi тöв и гожöм вердö-юкталö миянöс. Мед жö Скöрöдум сикт дыр на олас, оз кус, а водзö на сöвмас да паськалас.

 

Чужанiн.

Кор ме шуа «Скöрöдум»,

Чужö мелi небыд нюм.

Сэнi коли челядьдырöй,

Сэнi школаö ме пыри,

Сэнi олöны бать-мам,

Семья миян уджач, рам.

Татысь ыджыд туйö петi,

Школа тöдöмлунъяс сетiс,

Дона Скöрöдумöй менам,

Помтöг радейта ме тэнö.

 

Скöрöдум

Радейта ме тэнö, Скöрöдумöй

Тэкöд орччöн кывтвсь Эжва ю.

Кодыр ылын – тэ йылысь и думöй

Он тай вунöд ассьыд бать-мам му.

Чужанiнöй, тэныд сыысь аттьö

Мый мен сьöлöм кокньöд ваян пыр

Эн на вошты тöлка, уджач статьтö

Коми муас нимав – юргы дыр.

Comments