Rollufár 

Rollu tussur, -- eða eigum við ekki að segja eigendatussur, hafa verið áberandi í bæjarlandinu allt frá ysta hluta strandarinnar til golfvallanna í suðri, kálgarðar og blómabeð inni í bænum meðtalin og fleira. 

Eigendur þessara kjötskrokka virðast bara hafa hleypt þeim út frá „sínu landsvæði“ og látið þar við setja og ekki nennt að koma þeim til fjalla eða út fyrir bæjarmörk eins og þeim ber skylda til, þeim er greinilega andskotans sama hvar tussurnar þeirra bíta, gras, blóm eða runna.

Vegna þessa datt mér í hug önnur umfjöllun sem átti sér stað á „Lífinu á Sigló“ fyrir 10 árum síðan.  Þá birtist eftirfarandi á vefnum Lífið á Sigló“ 

Miðvikudagur 17. ágúst 2005  

Tækni- og umhverfisnefnd - 21. júlí 2005  -- 

Að gefnu tilefni og af  fullri ástæðu, þá var gerð eftirfarandi bókun í tækninefnd...: 

"Nefndin leggur til að farið verði eftir reglugerðinni sem heimilar aðgerðir vegna lausagöngu fjár. ---"  

En mér leikur forvitni á að vita, loksins eftir að ég fékk tækifæri til að berja "nýjustu" fundargerðir bæjarins augum."  ---- 

Hverra áhrifa bjuggust nefndarmenn við af ofannefndri bókun ?    ---  

Ég spyr í einlægni, þar sem þessar helv... rollutussur sem tilefni hefur væntanlega verið af bókuninni, eru enn og hafa verið í allt sumar jarmandi og snuðrandi fyrir norðan og neðan svefnherbergisglugga minn. Auk þess sem nágrannar mínir hafa átt í fullu fangi daga og nætur, við að reka frá þeim gróðri og jurtum sem þeir hafa lagt mikla vinnu í að koma upp, fyrir utan eyðileggingu þessara fáu plantna sem komið hefur verið fyrir og dyttað að, af vinnuskólanum í norðurbænum í sumar.  

Myndin hér neðst er tekin klukkan 08:30 í morgun út um svefnherbergis gluggann minn, þar sem rollur eru að gæða sér í "kálgarðinum" mínum.- og fleiri aðeins norðar.

Síðar birtist þetta "aðsent" á vefnum: Fimmtudagur 18. ágúst 2005  

Sæll Steingrímur. 

Við hjá Tæknideild bæjarins gerum okkur grein fyrir þessu rollu vandamáli og erum að vinna í málinu. 

Svar okkar núna í bili er þó í bundnu máli og hljóðar svo.

Féið þykir fagurt.
Frjálst það leikur sér.
Verður varla magurt
Við túnfótinn hjá þér.   -----    Kv. Einar Hrafn.  

--- Gaman væri ef ég væri fær um að svara þessu ágæta ljóði að hætti hagyrðings, en ég er ekki þeim gáfum gæddur að geta það og skora því á einhvern sem það getur, að svara fyrir mig. Það eina sem ég vil koma á framfæri varðandi þetta og væntanlegum "bjargvætti mínum" að þó svo að, rollurnar fitni í túngarði mínum, þá er það haft fyrir satt að svefnleysi sé góð leið til að megrast, það er hjá þeim sem ekki nota tækifærið á nóttunni til að læðast í ísskápinn. -- 

Takk fyrir vísuna Einar Hrafn, vonandi verður vinna ykkar í málinu búin að skila árangri fyrir næsta sumar, en senn er liðið að lokum sumarsins í ár. 

(Athugasemd frá sk : Nú 10 árum síðar, þá hefur Tækni- og umhverfisnefnd ekki enn tekist að framfylgja því sem lagt var til, samkvæmt úttekt frá ofanritaðri  fundargerð)

Föstudagur  19. ágúst 2005  -
Nú þegar hafa nokkrir veitt mér stuðning og sent mér vísur vegna hvatningar.  Lesið neðar  -  Birtist á Lífið á Sigló