Ný stjórn hefur tekið til starfa í Sæfara. Hana skipa: Magnús Bjarnason - Formaður, Elías Skaptason - Gjaldkeri og Rúnar Helgi Haraldsson - ritari. Nánari upplýsingar um stjórn og umsjónarmenn Sæfara.

Sæfari - Skýrsla stjórnar árið 2015

Stjórnarmenn

Rúnar H. Haraldsson – Formaður
Elías Skaftason – Gjaldkeri
Rán Höskuldsdóttir – Ritari

Þær breytingar urðu að á miðju ári flutti Rán Höskuldsdóttir frá Ísafirði og hætti þar með í stjórn Sæfara. Rúnar H. Haraldsson gegndi tímabundið stöðu ritara ásamt því að vera formaður fram að aðalfundi 2016.

Starfið

Starf sæfara var með mjög svipuðu sniði og undanfarin ár. Þeir félagsmenn sem stunda kajakróður hittast reglulega á sunnudögum klukkan 11:00 og óreglulega þess á milli. Sunnudagsróðrarnir voru mjög vinsælir bæði meðal félagsmanna og annara, en hægt er að leigja sér búnað til róðrar hjá Sjósportmiðstöð Íslands sem staðsett er í sama húsi og Sæfari.

Að auki hafa félagsmenn nokkrum sinnum hist í Reykjanesi til að róa og njóta þeirra veitinga sem þar eru í boði.

Einnig er mikil starfsemi í kringum kjölbáta sem félagsmenn Sæfara eiga í aðstöðu þeirri sem byggð hefur verið upp pollmegin í höfninni á Ísafirði.

Barnastarf

Sumarnámskeið voru á vegum Sæfara þar sem farið var yfir helstu atriði siglinga og róðurs ásamt öryggisatriða. 55 börn sóttu námskeið Sæfara síðasta sumar. Umsjónarmenn barnastarfs voru þau Guðrún Jónsdóttir og Torfi Einarsson, en Torfi hefur gegnt sinnt barnastarfi Sæfara um langa hríð.

Miklar breytingar voru gerðar á þeirri aðstöðu sem nemendur á námskeiðum Sæfara hefur staðið til boða, bæði hefur sturtum verið fjölgað og þeim kynjaskipt. Mikil endurnýjun hefur verið á búnaði bæði bátum og göllum í eigu félagsins.

Fyrir hönd stjórnar:


Rúnar H. Haraldsson                     Elías Skaftason
Formaður                                        Gjaldkeri

Sæfari í samstarfi við Sjósportmiðstöðina býður upp á siglinganámskeið fyrir 9-14 ára börn í sumar. Verð er 16.000 krónur og hámarksfjöldi barna er 15-18. á hverju námskeiði sem stendur yfir í fimm daga, fimm klukku-stundir á dag milli klukkan 8 og 13.

Yfirkennari er Guðni Páll Viktorsson en honum til aðstoðar verður Arndís Jónsdóttir og sjálfboðaliðar úr unglingastarfi félagsins.

Námskeiðin hefjast Mánudaginn 4. júní. Á námskeiðunum læra börnin á seglbáta, kayak, og aðra sjótengda útivist. Námskeið í boði eru;

4-8 juni. 11-15 juni. 18-22 juni 25-29 juni. 2-6 juli. 9-13 juli. 23-27 juli. 30.juli-3.ágúst. 13-17 ágúst.

Nánari upplýsingar veita

Guðni Páll Viktorsson gudnikayak@gmail.com

Simi: 661 6475

Ný lög félagsins voru samþykkt á síðasta áðalfundi. Þau eru að finna hér á heimasíðunni undir "Ný lög Sæfara".