بابک ائولادی

 

بابکین ائولادی ، بابــــک تک ، یاراقلانسین گرک

ائل باخیب بو شانلی سرداره ماراقلانسین گرک

 

چوخ نسیمی لـر بویوتموش بو قانا باتمیش وطن

بو یولا آتدیم باسان ، جانیله اوخــــلانسین گرک

 

اگمه دی باش دشمنا ، آخر دریسین سـویدولار

تاریخین بو صفحه سی بیرده وراقلانسین گـرک

 

قووزاییب باش معتصم لر ایچمــــگه قان آختاریـر

معتصملر بوینو سونبول تک اوراخلانسین گــــرک

 

اولسا ائل ائولادی سارساخلار کیمی وجدانسیز

ائل ایچینده داشلانیب ، ائلدن اوزاخلانسین گرک

 

شعر از ائلدار ( عقیل مرادی )