اونوتمادي گوزلريني گوزلريم

منيم گوزوم، سنين گوزون دئييل کي
او يئرلري ناخيشلايير ايزلريم
منيم ايزيم، سنين ايزين دئييل کي

يالانلارا اويرتمه ديم ديليمي
منيم ديليم، سنين ديلين دئييل کي
هر يئته نه اوزاتماديم اليمي
منيم اليم، سنين الين دئييل کي

اوچوب گئتدين، سازاق دوشدو کونلومه
منيم قلبيم، سنين قلبين دئييل کي
سن گولوش چون يارانيب سان، اينله مه
منيم غميم، سنين غمين دئييل کي

سن قارالتدين، من آغارتديم ساچيمي
منيم ساچيم، سنين ساچين دئييل کي
ائشيدنلر باغيشلايير سوچومو
منيم سوچوم، سنين سوچون دئييل کي

يئره دوشدو، اودلو سوزوم کوزردي
منيم سوزوم، سنين سوزون دئييل کي
قارشيلاشديق، ديل سوسدو، اوز قيزاردي
منيم اوزوم، سنين اوزون دئييل کي

سن يولونو دييشديردين بير سحر
منيم يولوم، سنين يولون دئييل کي
بو هيجرانا دوزه جه يم بير ت
َه هَر
دوزه جه يم، هيجران اولوم دئييل کي...!

نصرت کسمنلی