संस्कृतवार्ता



ISSN 2348 – 8417

“प्राची प्रज्ञा”

विश्वविद्यालयानुदानायोगद्वारा अधिसूचिता सन्दर्भिता अन्तर्जालशोधपत्रिका

 

संयुक्ताङ्कौ  चतुर्थपञ्चमौ (पञ्चमवर्षः), वैशाखज्येष्ठमासौ, विक्रमसंवत् – 2075

Vol – IV & V (Year – V) April & May – 2018


जनपदसंस्कृतसम्मेलनम्

स्थानम् – कडपनगरम्

दिनाङ्कः - 15 - 4 - 2018

वार्ताप्रेषिका – डा.माडुगुल प्रफुल्ला


आन्ध्रप्रदेशस्य कडपनगरे सरस्वतीविद्यामन्दिरे 15–4–2018 दिनाङ्के पूर्वाह्णे जनपदसंस्कृतसम्मेलन प्रवृत्तम्। सम्मेलनेऽस्मिन् कडपजनपदकार्यकर्तारः भागमगृह्णन् । आन्ध्रदेशे त्रयोदश जनपदाः सन्ति, तेषु सर्वत्र जनपदसंस्कृतसम्मेलनानि सम्पन्नानि।  अश्विनी, स्रवन्ती, नागेन्द्रम्मा, दामोदरम्मा, काशीभट्लभास्करः, ओंप्रकाशः, सतीशः इत्यादयः समुपस्थिता आसन्।

                                                   कर्नूलुजनपदसंस्कृतसम्मेलनम्

स्थानम् – मन्त्रालयः, आन्ध्रप्रदेशः

दिनाङ्कः -303-2018

वार्ताप्रेषिका  - डा. माडुगुल प्रफुल्ला

          303-2018 दिनाङ्के संस्कृतभारती-मन्त्रालयमठसंयुक्ताध्वर्यत्वे श्रीपरिमला-विद्यानिकेतनपाठशालायां कर्नूलुजनपदसंस्कृतसम्मेलन प्रवृत्तम्। परिमलाविद्यानिकेतनस्य प्रधानाचार्याः चन्द्रशेखरमहोदयाः कार्यक्रमस्य मुख्यातिथयःसन्। नन्द्यालनगरसंस्कृतभारतीसंयोजकाः किरण-बाबुमहोदयाः, कर्नूलुजनपदसंस्कृतशैक्षणिकप्रमुखाः एल्लय्यमहोदयाः, कर्नूलुजनपदकार्यदर्शी अङ्कि-श्रीनिवासमहोदयाः कार्यक्रमे समुपस्थिता आसन् । अस्मिन् कार्यक्रमे  द्विशताधिकाः बालबालिकाः, तरुणाः, वयोवृद्धाः च समागताः आसन्सभाकार्यक्रमानन्तरं प्रवृत्ते सांस्कृतिककार्यक्रमे संस्कृतच्छात्राः भागम् अगृह्णन्


सिंहपुरीनगरे जनपदसंस्कृतसम्मेलनम्

स्थानम् – सिंहपुरीनगरम्, आन्ध्रप्रदेशः

दिनाङ्कः - 30–3–2018

वार्ताप्रेषिका – डा. माडुगुल प्रफुल्ला

 

आन्ध्रप्रदेशस्य नेल्लूरुप्रान्तस्य सिंहपुरीनगरे 30–3–2018 दिनाङ्के, रेयिन् बो पाठशालायां जनपदसंस्कृतसम्मेलन प्रवृत्तम्। सम्मेलने संस्कृतभारत्याः कार्यदर्शी उपद्रष्टा वेंकटरमणमहाभागाः, नेल्लूरुजनपदकार्यकर्तारः श्री माकन-वेंकटेश्वर-रावुमहोदयाः, श्रीताण्ड्र-शिवकुमार-महोदयाः, श्रीराजेष-प्रभु-महोदयाः भागं गृहीतवन्तः। सम्मेलने वक्तारः संस्कृतभारत्याः विविधकार्यक्रमाणां परिचयमकुर्वन्। तत्र बालकेन्द्रे संस्कृतस्य अभ्यासे रताः बालबालिकाः सांस्कृतिककार्यक्रमान् प्रादर्शयन्।   



उस्मानियाविश्वविद्यालये राष्ट्रियसंगोष्ठी

स्थलम् – कला-सामाजिकशास्त्रकलाशाला, हैद्राबाद्

विषयः – Science and Technology in Vedic Literature

दिनाङ्कः - 31-3-2018

वार्ताप्रेषिका – डा. माडुगुल प्रफुल्ला

हैदराबाद-महानगरे उस्मानियाविश्वविद्यालयस्य शताब्दोत्सवं पुरस्कृत्य विश्वविद्यालयस्य  कला-सामाजिकशास्त्र(आर्ट्स तथा सोषियल् सैन्सस्)कलाशालायां 31-3-2018 दिनाङ्के, विश्वविद्यालयस्य संस्कृतविभाग-धन्वन्तरी-अन्ताराष्ट्रियसंस्थानयोः (Dhanvanthari Foundation International) संयुक्ताध्वर्ये वैदिकसाहित्ये शास्त्रसांकेतिकविषयाः (Science and Technology in Vedic Literature) इति विषयमधिकृत्य  एकदिवसीय राष्ट्रियसंगोष्ठी आयोजिता

श्रीश्रीश्री माया-माधव-अवधानुलुमहाभागानाम् अनुग्रहभाषणेन कार्यक्रमः उद्घाटितः। उस्मानिया विश्वविद्यालयस्य उपकुलपतयः आचार्याः रामचन्द्र महाभागाः संगेष्ठ्याः मुख्यातिथयः आसन्। आचार्याः डि.रवीन्द्रमहाभागाः, कलाशालायाः प्रधानाचार्याः सत्रस्याध्यक्षाः आसन्।  श्री अरविन्दरावुमहाभागाः आरक्षक विभागस्य सर्वाध्यक्षः (डि.जि.पि) सम्मानितातिथयः आसन्। 

वेदेषु आधुनिक शास्त्रविषयाः, भगवद्गीतायां शास्त्रीयांशाः, वेदेषु  कार्यचिन्तना (management), कौटिल्येन प्रतिपादितं राजनीतिशास्त्रं, वेदेषु सांकेतिकांशाः इत्याद्यनेकांशाः पण्डितैः प्रस्तुताः।



बालकेन्द्राणां वार्षिकोत्सवः

स्थानम् – तिरुपतिः, आन्ध्रप्रदेशः

दिनाङ्कः - 21-03-2018

वार्तासमायोजकः - किरण भट्टः

वार्ताप्रेषिके डॉ एस्.टी.पी. कनकवल्ली, डा. माडुगुल प्रफुल्ला 
     



संस्कृतभारती-राष्ट्रियसंस्कृतविद्यापीठयोः संयुक्ताध्वर्यवे प्रचाल्यमानानां 'बालकेन्द्राणां वार्षिकोत्सवः' 21-03-2018 दिनाङ्के अभवत्। 


“अद्यतनबालाः श्वस्तन पौराः” इति मत्वा राष्ट्रियसंस्कृतविद्यापीठस्य कुलपतयः आचार्य वि. मुरलीधरशर्माणः अभिमन्युनामक-बालकेन्द्रस्य उद्घाटनं राष्ट्रियसंस्कृतविद्यापीठं-संस्कृतभारत्योः संयुक्ताध्वर्यवे आगष्टमासस्य 30 दिनाङ्के कृतवन्तः आसन् । एतस्य आरम्भे त्रिंशत्(30) बाला एव आसन् । कालान्तरे बालकेन्द्राणां संख्या वर्धिता, बालानां संख्याऽपि वर्धिता । यथा सप्तदश(17) बालकेन्द्राणि, एकचत्वारिंशत्यधिकपञ्चशतं(541) बालाः केन्द्रे शिक्षणं प्रापुः । एषा योजना कुलपतीनां मुरलीधरशर्मणां मानसपुत्री वर्तते ।

  

    तिरुपतौ विविधस्थलेषु बालकेन्द्राणि चालितानि । तासु माधुरी, दुर्गा, प्रीतिः, मनस्विता, देवीप्रसन्ना, तिरुमलश्रीः, विद्यासुधा, हरिप्रिया, वागधीश्वरी, श्रावणी च शिक्षिकाः आसन् । बालैस्सह तेषां पितरौ अपि संस्कृतं पठितवन्तौ। तत्र किरणभट्टः, दिपुलरायः, समीर-साहा च शिक्षकाः आसन् । कार्यक्रमस्यास्य संयोजकः प्रह्लाद् जोषी महोदय: आसीत् । तस्य कार्यक्रमस्य वार्षिकोत्सवः मार्चमासस्य एकविंशतितमे दिनाङ्के (21/03/2018) सायं चतुर्वादने राष्ट्रियसंस्कृतविद्यापीठस्य अन्तर्दौर्वारिकक्रीडाङ्गणे महता वैभवेन परिपालितः । 

  

    वार्षिकोत्सवस्य आरम्भे विशिष्टातिथिभिः सह बालानां शोभायात्रा आसीत् । तस्यां शोभायात्रायां 541 छात्राः विशिष्टातिथयश्चासन्। बालकेन्द्राणां सामूहिक्या प्रार्थनया कार्यक्रमस्य आरम्भो जातः । कार्यक्रमेऽस्मिन् विशिष्टातिथित्वेन आचार्यः चान्दकिरणसलूजामहोदयः (निदेशकः, सं. सं. प्र. नवदेहली), मुख्यातिथित्वेन दिनेशकामतमहोदयः (संस्कृतभारत्याः अ.भा.सं. मन्त्री), सारस्वतातिथी श्री.न.मुक्तेश्वररावः (विशेषपरियोजनाधिकारी, ति.ति.दे), डॉ.उपद्रष्ट-वेङ्कटरमणमूर्तिः(विशिष्ठव्याख्याता, शारदाकलाशाला, विजयवाटिका) च आसन् । एवं राष्ट्रियसंस्कृतविद्यापीठस्य कुलपतयः सभायाः अस्याः अध्यक्षाः आसन् । विद्यापीठस्य कुलपतिभिः आचार्यैः वि. मुरलीधरशर्मभिः लिखितस्याः "संस्कृतपुस्तिकाइति पुस्तिकायाः बालार्पणं कृतम् । सांस्कृतिककार्यक्रमेषु बालाः सर्वेऽपि नृत्यनाटकहास्यकणिकादीनां माध्यमेन तेषां प्रतिभां प्रदर्शितवन्तः । महता सन्तोषेण बालकेन्द्राणां कार्यक्रमः जातः ।

 
  


संस्कृतं प­­ठितृभ्यः सुवर्णावकाशः

स्थानम् – तिरुपतिः, आन्ध्रप्रदेशः

                                                       दिनाङ्कः - 23-04-2018

वार्ता संयोजकः - किरणभट्टः

प्रेषिका -  डॉ एस्.टी.पी. कनकवल्ली

  

          संस्कृतं न प्रान्तीयभाषा अपि तु विश्वभाषा । निरन्तरप्रवर्धमाना भाषा । व्यावहारिकी भाषात्वेन आनेतुं संस्कृतभारती निरन्तरकार्यतरा वर्तते । आधुनिकयुगे सञ्चारमाध्यमानां प्रभावः अस्माकमुपरि दरीदृश्यते । संस्कृतस्य प्रचारप्रसारे सञ्चारमाध्यमानि बहूपकुर्वन्ति । तमेवांशं मनसि निधाय तिरुपतिस्थ रा. सं.विद्यापीठस्य कुलपतिः आचार्यः वि. मुरलीधरशर्ममहोदयः एवं SVBC भक्तिवाहिन्याः CEO मुक्तेश्वरावमहोदयस्य संयुक्ताध्वयर्वे “संस्कृतं पठामः” इति कार्यक्रमः अस्मिन्मासे त्रयोविंशतितमे(23/04/2018) दिनाङ्के रात्रौ सार्धाष्ठवादनतः नववादनपर्यन्तं(8:30-9:00p.m) प्रसारितम् । अयं कार्यक्रमः सोमवासरतः शुक्रवासरपर्यन्तं प्रसार्यते । अग्रिमदिने सार्धनववादने पुनः प्रसार्यते । एवमेव अयं कार्यक्रमः SVBCYouTube मध्येऽपि द्रष्टुं शक्नुमः । अतः एनं सुवर्णावकाशं मा त्यजन्तु । 


 
 



पञ्चदशाहीनाभगवद्गीता-संस्कृतसम्भाषणशिबिरकार्यक्रमः

दिनाङ्कः – 05-04-2018

स्थानम् – तिरुपतिः, आन्ध्रप्रदेशः

वार्ता समायोजकः - किरण भट्टः

प्रेषिका - डॉ एस्.टी.पी. कनकवल्ली

  


    राष्ट्रीयसंस्कृतविद्यापीठे केन्द्रविकासपक्षतः अप्रैलमासस्यपञ्चमदिनाङ्के बालेभ्यः तात्पर्यसहितं भगवद्गीतायाः सप्तदशोध्यायस्य पाठः, तेषां पितरेभ्यः संस्कृतसम्भाषणशिबिरञ्च समारब्धम् । अयं कार्यक्रमः अप्रैलमासस्य विंशतितमदिनाङ्कपर्यन्तं प्रत्यहं सायंकाले पञ्चवादनतः सार्धषड्वादनपर्यन्तमासीत् । भगवद्गीता-कार्यक्रमे द्विषष्ठ्यधिकछात्राः सोत्साहेन भागमगृह्णन् । तथैव संस्कृतसम्भाषणशिबिरे षटत्रिंश्त्यधिकाभिभावकाः भागं वोढवन्तः। 

  
 
 

पञ्चदशाहीना कार्यक्रमस्य समापनसमारोहे बालाः भगद्गीतायाः सप्तदशोध्यायस्य पारायणं कृतवन्तः । सम्भाषणशिबिरार्थिनः एव इमां सभां सञ्चालितवन्तः । एवं स्वानुभवमपि प्रकटितवन्तः । मुख्यातिथिरूपेण राष्ट्रीयसंस्कृतविद्यापीठस्य कुलपतिः आचार्यः वि. मुरलीधरशर्ममहोदयाः , कुलसचिवः सी. हेच्. पी. सत्यनारायणमहोदयाः डा. दक्षिणामूर्तिमहोदयाश्च वेदिकामलकृत्य छात्रान् उद्बोधितवन्तः ।  कार्यक्रमस्य किरणभट्टः, परमेश्वरः, समीर साहा, दिपुल रायः, ध्रुव भट्टः, माधुरी, दुर्गा, तिरुमलश्रीः इत्यादयाः अध्यापकाः आसन् ।  


विवेकबालसंस्कार केन्द्रम्

स्थानम् – पालमूरु, आन्ध्रप्रदेशः

वार्ता सम्पादिका – डा. माडुगुल प्रफुल्ला

संस्कृतभारत्याः आध्वर्ये पालमूरु मँडले श्री विवेकबालसंस्कार केन्द्रम् नाम्ना दशदिनशिबिरम् प्रवृत्तम्। अस्मिन् शिबिरे संस्कृतमपि शिक्षितम्।

  

अनन्तपुरनगरे चिन्मया मिषन् आद्वर्ये चिन्मय जगदीश्वरालये संस्कार-2018 , ग्रीष्म शिबिरे संस्कृतम् शिक्षितम्।

पत्रालयसंस्कृतम्

दिनाङ् : 23-04-2018

स्थानम् – विजयवाडा, आन्ध्रप्रदेशः

वार्ता सम्पादिका – डा. माडुगुल प्रफुल्ला

 

विजयवाडनगरे पत्रालयसंस्कृतम् प्रमाणपत्रवितरणं 23-04-2018 दिनाङ्के कृतम्। अस्मिन् कार्यक्रमे अत्यन्तमुदावहः विषयः यत् एकस्मिन्नेव परिवारे सदस्याः सर्वे प्रवेश परीक्षायां उत्तीर्णतामाप्नुवन्। श्री वेंपटि भावनारायणः, भारतीय संचार निगमे कार्यं करोति। श्रीमती वेंपटि लक्ष्मी  सांकेतिककलाशालायां अध्यापिका। चिरंजीवि वेंपटि सुब्रह्मण्यं दशमकक्ष्यां उत्तीर्णः। चिरंजीवि वेंपटि सुधा नवमकक्ष्यां उत्तीर्णा। श्री वेंपटि भावनारायणः परिचय परीक्षार्थं प्रतिसप्ताहमागच्छति। एतेषां शैक्षिका श्रीमती उपद्रष्ट अरुणश्रीः । 






                                                                            Editor in Chief

                                                                       Dr.Sugyan Kumar Mahanty

To send news / informations / poetries in Sanskrit / Research Papers to this site please type in Arial Unicode MS(Devanagari) & email to prachiprajnaenb@gmail.com


Published by

DR. SUGYAN KUMAR MAHANTY

RASHTRIYA SANSKRIT SANSTHAN, VEADVYAS CAMPUS, BALAHAR, DIST. KANGRA,TEHSIL-RAKKAR, H.P. INDIA,  PIN – 177108.

email - prachiprajnaenb@gmail.com

Disclaimer: All the contents included on this web site including text, graphics, images, video clips and audio clips are the property of the publishers. The collection, arrangement and assembly of all content on this site is the property of the publishers and protected by copyright laws.



Flag Counter
Comments