संस्कृतवार्ता



ISSN 2348 – 8417

“प्राची प्रज्ञा”

विश्वविद्यालयानुदानायोगद्वारा अधिसूचिता सन्दर्भिता अन्तर्जालशोधपत्रिका

 

अङ्कः – सप्तमः (चतुर्थवर्षः), श्रावणमासः, विक्रमसंवत् – 2074

Vol – VII (Year – IV) July – 2017


शिक्षकप्रशिक्षणवर्गः

आयोजिका – संस्कृतभारती

स्थानम् - सप्तगिरि-कलाशाला, अनन्तपुरजनपदम्, आन्ध्रप्रदेशः, भारतम्

09.05.2017 – 21.05.2017

वार्तासम्पादिका -- एस्. टी. पी. कनकवल्ली, आन्ध्रप्रदेशः, भारतम्


आन्ध्रप्रदेशे अनन्तपुरजनपदस्थिते हिन्दुपुरे सप्तगिरि-कलाशालायाम्मे-मासस्य नवम(9)दिनाङ्कतः एकविंशति(21)दिनाङ्कपर्यन्तं शिक्षकप्रशिक्षणवर्गः जातः । 






प्रातः सरस्वतीयज्ञेन वर्गः समारब्धः । वर्गेऽस्मिन् एकपञ्चाशदधिकैकशतं संस्कृतानुरागिणः, संस्कृतप्रेमिणश्च वयोपरिमितिमतिरिच्य संस्कृताध्ययनाय छात्रत्वेन भागं गृहीतवन्तः । उद्घाटनसमये मुख्यातिथिरूपेण शासनसभाध्यक्षः पल्ले- रघुनाथ-रेड्डी-महोदयः , संस्कृतभारत्याः क्षेत्रसङ्घटनमन्त्री दत्तात्रेय-वज्रहल्लि-महोदयः , अखिलभारतस्य प्रचार-प्रकाशनप्रमुखः सत्यनारायणः , प्रान्ताध्यक्षः शतावधानी दोर्बलप्रभाकरशर्मा , कलाशालायाः प्रांशुपालः ईश्वर-रेड्डी-महोदयः च आसन् । छात्रान् उत्साहे प्रवाहयितुं राष्ट्रियसंस्कृतविद्यापीठस्य शिक्षासंकायप्रमुखः आचार्यः प्रह्लाद-आर्.जोशी महाभागः, राष्ट्रियसंस्कृतविद्यापीठस्य शिक्षाविभागीयः आचार्यः मुरलीधररावः , संस्कृतभारत्याः प्रान्ताध्याक्षः चन्द्रशेखरः , नागेन्द्रः, जगदीशः, वेङ्कटेश्वरलुः इत्यादयः कार्यकर्तारः समागताः ।

समापनसमारोहे रा.सं.विद्यापीठस्य कुलपतिः मुरलीधरशर्मा महाभागःसंस्कृतभारत्याः आखिलभारतसंघटना-मन्त्री दिनेशकामतः , दोर्बलप्रभाकरशर्मा महोदयः इत्यादयः आसन् ।


 कालिदास-साहित्ये सुशासनम्,

व्यक्तित्व-विकासाय संस्कृत-साहित्यस्य योगदानम् चेति शीर्षकद्वयमवलम्ब्य

द्विदिवसीयराष्ट्रियशोधसङ्गोष्ठी

आयोजनम् - कालिदास-अकादमी-राष्ट्रियसंस्कृतसंस्थानयोः संयुक्ततत्त्वावधानम्

स्थानम् - राष्ट्रियसंस्थानम्, मानित-विश्वविद्यालयः, जनकपुरी, दिल्ली , भारतम्

27.03.2017-28.03.2017

वार्तासम्पादिका -- डॉ. हरीश, सहायक-प्राध्यापिका, किरोड़ीमलमहाविद्यालयः,

दिल्ली विश्वविद्यालयः, दिल्ली - 110 058

 

कालिदास-अकादमी-राष्ट्रियसंस्कृतसंस्थानयोः संयुक्ततत्त्वावधानेन स्वनामधन्य-स्वर्गीय-प्रो.सुषमाकुलश्रेष्ठमहाभागायाः पुण्यस्मृतौ एकविंशतितमकालिदासमहोत्सवस्य उपलक्ष्ये एका द्विदिवसीया राष्ट्रियशोधसङ्गोष्ठी समायोजिता ।  समारोहस्य शुभारम्भे सारस्वतातिथिरूपेण श्री जगन्नाथसंस्कृतविश्वविद्यालयस्य पूर्वकुलपतयः पद्मविभूषण-प्रो.सत्यव्रतशास्त्रिमहोदयाः, प्रो. इला-घोष-महोदयाः , गवर्नमेन्ट-तिलक-पी.जी.-कालेज, कटनी इत्यस्य पूर्व-प्राचार्याःकालिदास-संस्कृत-अकादम्याः निदेशिका प्रो. आभाकुलश्रेष्ठा, हरियाणासंस्कृत-अकादम्याः उपाध्यक्षः  प्रो. श्रेयांसद्विवेदी, प्रो. मधुरकान्तश्रीवास्तवः, प्रो. पुष्पागुप्ता, प्रो. शशितिवारी, चेत्यादिविद्वांसः / विदुष्यः समारोहश्रियम् अलङ्कृतवन्तः ।




        द्वितीयदिवसे राष्ट्रियसंस्कृतसंस्थानस्य कुलपतयः प्रो.पी.एन.शास्त्रिमहोदयाः, प्रो. इला घोषः, रोहतकस्थबाबामस्तनाथविश्वविद्यालयस्य प्रो.एम.एम.शर्मा, वेंकटेश्वरविश्वविद्यालयस्य संकायाध्यक्षा प्रो.मधु-अग्रवालमहोदया, प्रो. आभाकुलश्रेष्ठा, चेत्यादिविद्वांसः/विदुष्यः समारोहश्रियम् अलङ्कृतवन्तः ।



        प्रथमदिवसे कालिदासस्य कृतिषु सुशासन-व्यवस्था इति विषये, द्वितीयदिवसे व्यक्तित्व-विकासाय संस्कृत-साहित्यस्य योगदानम् इति विषयमधिकृत्य नैके विद्वांसः विदुष्यः स्वकीयं शोधपत्राणि अपठन् ।

        कार्यक्रमस्य समापनसमारोहे भारतीमहाविद्यालयस्य छात्राः अर्थो हि पुत्रः परकीय एव   इति आधुनिक-एकांकिनाटकस्य सुमनोहरम् अभिनयं प्रस्तुत्य दर्शकान् मन्त्रमुग्धनकुर्वन् ।  तासां नाट्याभिनय-कौशलस्य परिणामेन  कालिदास-अकादम्याः सर्वाः छात्राः वैयक्तिकपुरस्कारेण पुरस्कृताः । कार्यक्रमस्य धन्यवादज्ञापनं कालिदास-संस्कृत-अकादम्याः संयुक्त-निदेशिका प्रो. आभाकुलश्रेष्ठा अकरोत् ।


 

एकदिवसीयराष्ट्रियशोधसङ्गोष्ठी

शीर्षकम् -  वैदिकपरिचर्चा

आयोजनम् – श्रीशंकरशिक्षायतन-भारतीयपुरातत्त्वपरिषदोः संयुक्ततत्त्वावधानम्

स्थानम् – भारतीयपुरातत्त्वपरिषद्, कटवारिया-सराय, नवदेहली, भारतम्

30.03.2017

वार्तासम्पादिका -- डॉ. हरीश, सहायक-प्राध्यापिका, किरोड़ीमल महाविद्यालयः,

दिल्ली विश्वविद्यालयः, दिल्ली - 110 058 

 

        श्रीशंकरशिक्षायतन – भारतीयपुरातत्त्वपरिषदोः संयुक्ततत्त्वावधानेन यज्ञसरस्वतीविमर्श-शारीरकविज्ञानविमर्श-विषयमधिकृत्य एका एकदिवसीया वैदिकपरिचर्चा समायोजिता । अस्यां परिचर्चायां यज्ञसरस्वतीविमर्श-विषयमधिकृत्य विशिष्ट-व्याख्यानं श्रीलालबहादुरशास्त्रिराष्ट्रियसंस्कृतविद्यापीठम्, नवदेहलीतः उपाचार्यैः डॉ. रामानुज-उपाध्यायवर्यैः कृतम् । 






    शारीरकविज्ञानविमर्श-विषयमधिकृत्य विशिष्ट-व्याख्यानं श्रीलालबहादुरशास्त्रिराष्ट्रियसंस्कृतविद्यापीठम्, नवदेहलीतः, डॉ. प्रभाकरप्रसाद-महाभागैः कृतम् । विषय-प्रवर्तनञ्च नवदेहलीस्थजवाहरलालनेहरुविश्वविद्यालयस्य विशिष्ट-संस्कृत-अध्ययन-केन्द्रस्य डॉ. सन्तोषकुमारशुक्लमहाभागैः कृतम् । परिचर्चायामस्यां डॉ. रामचन्द्रशर्मा, डॉ. महानन्दझा, डॉ. विष्णुपदमहापात्रः, डॉ. मारकण्डेयनाथतिवारी, डॉ. रामराज-उपाध्यायः, डॉ. सुन्दरनारायणझाप्रभृतयः नैके उपाचार्याः स्वकीयान् विचारान् प्रास्तुवन् ।   अन्ते प्रमाणपत्र-वितरणं सम्पन्नम् ।

 


अन्तर्महाविद्यालयीयप्रतियोगिताः

आयोजिका किरोड़ीमलमहाविद्यालयस्य संस्कृतपरिषद्

स्थानम् किरोड़ीमलमहाविद्यालयः, दिल्लीविश्वविद्यालयः, देहली, भारतम्

02.03.2017

वार्तासम्पादिका -- डॉ. हरीश, सहायक-प्राध्यापिका, किरोड़ीमल महाविद्यालयः,

दिल्ली विश्वविद्यालयः, दिल्ली - 110 058

        किरोड़ीमलमहाविद्यालयस्य संस्कृतपरिषदा संस्कृतसङ्गोष्ठ्या च 2016-17 शैक्षणिकसत्रस्य मार्चमासस्य द्वितीयदिनाङ्के (02.03.2017), सङ्गोष्ठीकक्षे श्लोकान्त्याक्षरी-प्रतिस्पर्धा, संस्कृत-साहित्य-प्रश्नमञ्च-प्रतिस्पर्धा चित्रकर्म-प्रतिस्पर्धाश्च समायोजिताः । 


समारोहस्य शुभारम्भे निर्णायकरूपेण डॉ. रामनाथझाः (नवदेहली, जवाहरलालनेहरुविश्वविद्यालयस्य विशिष्ट-संस्कृत-अध्ययन-केन्द्रस्य सह-आचार्यः),  डॉ. सत्यपालमहाभागाः (सह-आचार्यः, संस्कृत-विभागः, दिल्लीविश्वविद्यालयः, दिल्ली), मुख्यातिथिरूपेण च श्री राजकुमारभाटिया (भूतपूर्वछात्रोऽध्यापकश्च दिल्लीविश्वविद्यालयः), समारोहश्रियम् अलङ्कृतवन्तः ।  उद्घाटनसत्रे किरोड़ीमलमहाविद्यालयस्य विशिष्टातिथिरूपेण कार्यवाहक-प्राचार्यैः डॉ. दिनेशखट्टरमहाभागैः तेषां स्वागतं व्याहृतम् ।  दिल्लीविश्वविद्यालयस्य संस्कृतविभागस्य नैकैः महाविद्यालयैः विविध-प्रतियोगितासु प्रतिभागं गृहीतम् ।

    कार्यक्रमस्य समापनसत्रे समापनभाषणं अध्यक्षैः कृतम् । समारोहस्यान्ते तैः चलवैजयन्ती-वैयक्तिपुरस्कारराशि-प्रमाणपत्र-वितरणञ्च कृतम् ।

 


संस्कृतसम्भाषणशिविरम्

आयोजिका किरोड़ीमलमहाविद्यालयस्य संस्कृतपरिषद्

स्थानम् किरोड़ीमलमहाविद्यालयः, दिल्लीविश्वविद्यालयः, देहली, भारतम्

22.08.2016 तः 03.09.2016 पर्यन्तम्

वार्तासम्पादिका -- डॉ. हरीश, सहायक-प्राध्यापिका, किरोड़ीमल महाविद्यालयः,

दिल्ली विश्वविद्यालयः, दिल्ली - 110 058

 


        किरोड़ीमलमहाविद्यालयस्य संस्कृतपरिषदा संस्कृतसङ्गोष्ठ्या च 2016-17 शैक्षणिकसत्रस्य अगस्तमासस्य द्वाविंशतितमदिनाङ्काद् आरभ्य सितम्बरमासस्य तृतीयदिनाङ्कपर्यन्तं (22.08.2016 – 03.09.2016), सङ्गोष्ठीकक्षे दशदिवसात्मकं संस्कृत-सम्भाषण-शिविरमायोजितम् ।  संस्कृतभारत्याः सौजन्येन श्रीदिवाकरवर्यैः शिविरमेतद् सञ्चालितम् ।


एकदिवसात्मिका संस्कृतसङ्गोष्ठी

आयोजनम् - हिन्दूमहाविद्यालयस्य संस्कृतविभागस्य संस्कृतपरिषद्

स्थानम् – हिन्दूमहाविद्यालयः, दिल्लीविश्वविद्यालयः, देहली, भारतम्

29.09.2016

वार्तासम्पादिका - डॉ. हरीश, सहायक-प्राध्यापिका, किरोड़ीमल महाविद्यालयः,

दिल्ली विश्वविद्यालयः, दिल्ली - 110 058

 

       


    हिन्दूमहाविद्यालयस्य संस्कृतविभागस्य संस्कृतपरिषदा 2016-17 शैक्षणिकसत्रस्य सितम्बरमासस्य नवविंशतितमदिनाङ्के  (29.09.2016), एका एकदिवसात्मिका संस्कृत-सङ्गोष्ठी आयोजिता ।   दिल्लीविश्वविद्यालयस्य संस्कृतविभागस्य सहाचार्यैः डॉ. भारतेन्दुपाण्डेयवर्यैः मम्मट का शब्दशक्ति-चिन्तन इति विषयमधिकृत्य एकमत्यन्तं सारगर्भितं सुरुचिकरञ्च व्याख्यानं प्रदत्तम् ।  

व्याख्यानानन्तरं विशिष्टातिथिरूपेण रायबरेली, उत्तरप्रदेशतः फीरोजगाँधीस्नातकोत्तरमहाविद्यालयस्य संस्कृतविभागस्य पूर्वाध्यक्षैः डॉ. प्रशस्यमित्रशास्त्रिमहाभागैः हास्यं सुध्युपास्यम् अपि च व्यंग्यार्थकौमुदी इति स्वरचित-हास्य-विनोद-कविताभिः सर्वेऽपि आनन्दिताः मुदिताः मन्त्रमुग्धाश्च सञ्जाताः । 

 


पं.मोतीलालशास्त्रिस्मारकव्याख्यानम्

शीर्षकम् -  व्याकरणविनोद की भाषाशास्त्रीय समीक्षा

आयोजनम् – श्रीशंकरशिक्षायतन-श्रीलालबहादुरशास्त्रिराष्ट्रियसंस्कृतविद्यापीठयोः संयुक्ततत्त्वावधानम्

स्थानम् – वाचस्पतिसभागार, श्रीलालबहादुरशाशास्त्रिराष्ट्रियसंस्कृतविद्यापीठम्

कटवारिया-सराय, नवदेहली, भारतम्

तिथिः – 28.09.2016

वार्तासम्पादिका -- डॉ. हरीश, सहायक-प्राध्यापिका, किरोड़ीमल महाविद्यालयः,

दिल्ली विश्वविद्यालयः, दिल्ली - 110 058 


श्रीशंकरशिक्षायतन - श्रीलालबहादुरशास्त्रिराष्ट्रियसंस्कृतविद्यापीठयोः संयुक्ततत्त्वावधानेन पं.मोतीलालशास्त्रिस्मारकव्याख्यानमालान्तर्गतम् पं.मधुसूदन-ओझा-विरचितव्याकरणविनोदग्रन्थमधिकृत्य व्याकरणविनोद की भाषाशास्त्रीय समीक्षा इत्येकं व्याख्यानं समायोजितम् ।   

एतस्मिन् व्याख्याने मुख्यवक्तृरूपेण उज्जैनतः  महर्षिपाणिनिसंस्कृतवैदिकञ्च विश्वविद्यालयस्य कुलपतिः प्रो. रमेशचन्द्रपण्डामहाभागाः, कामेश्वरसिंहदरभंगासंस्कृतविश्वविद्यालयस्य आचार्याः व्याकरण-साहित्य-संकायाध्यक्षाश्च प्रो. शशिनाथझाः महाभागाः आसन् । विषय-प्रवर्तनञ्च नवदेहली, श्रीलालबहादुरशास्त्रिराष्ट्रियसंस्कृतविद्यापीठस्य व्याकरणविभागस्य आचार्यैः प्रो. जयकान्तसिंहशर्मावर्यैः  कृतम् । अवसरेऽस्मिन् प्रो. रमेशचन्द्रपण्डावर्यैः श्रीशंकरशिक्षायतनस्य अन्तर्जालपुटकस्य www.shankarshikshayatan.org इत्यस्य उद्घाटनमपि कृतम् ।  अन्ते प्रमाणपत्र-वितरणं सम्पन्नम् । 


एकदिवसीयराष्ट्रियशोधसङ्गोष्ठी

शीर्षकम् -  वैदिक-यज्ञस्वरूप-विमर्शः

आयोजनम् – श्रीशंकरशिक्षायतन-भारतीयपुरातत्वपरिषदोः संयुक्ततत्त्वावधानम्

 स्थानम् – भारतीयपुरातत्वपरिषद्, कटवारिया-सराय, नवदेहली, भारतम्

तिथिः – 29.04.2017

वार्तासम्पादिका -- डॉ. हरीश, सहायक-प्राध्यापिका, किरोड़ीमल महाविद्यालयः,

दिल्ली विश्वविद्यालयः, दिल्ली - 110 058

 



        श्रीशंकरशिक्षायतन-भारतीयपुरातत्वपरिषदोः संयुक्ततत्त्वावधानेन  वैदिक-यज्ञस्वरूप-विमर्श-विषयमधिकृत्य एकदिवसीयराष्ट्रियशोधसङ्गोष्ठी समायोजिता । अस्यां सङ्गोष्ठ्यां नैके विद्वांसः यज्ञ-विषयमधिकृत्य स्वकीयान् विचारान् प्रस्तुतवन्ताः । विषय-प्रवर्तनञ्च नवदेहलीस्थ-जवाहरलालनेहरुविश्वविद्यालयस्य विशिष्ट-संस्कृत-अध्ययन-केन्द्रस्य डॉ. सन्तोषकुमारशुक्लमहाभागैः कृतम् ।

       

    

    अस्यां सङ्गोष्ठ्यां देहलीतः प्रतिष्ठित-संस्कृत-विद्वान् पं. गोविन्दप्रसादशर्मा ‘गोविन्दाचार्यः’ ऋषिसम्मानेन सम्मानिताः । 


 

अन्ताराष्ट्रिया संस्कृतसङ्गोष्ठी

शीर्षकम् -  संस्कृत साहित्य और जीवनमूल्य

आयोजनम् – कालिन्दीमहाविद्यालयस्य संस्कृतविभागस्य संस्कृतपरिषद्

स्थानम् – कालिन्दीमहाविद्यालयः, दिल्लीविश्वविद्यालयः, देहली, भारतम्

तिथिः – 2-3.03.2017

वार्तासम्पादिका - डॉ. हरीश, सहायक-प्राध्यापिका, किरोड़ीमल महाविद्यालयः,

दिल्ली विश्वविद्यालयः, दिल्ली - 110 058

 

        कालिन्दीमहाविद्यालयस्य संस्कृतविभागस्य संस्कृतपरिषदा 2016-17 शैक्षणिकसत्रस्य मार्चमासस्य द्वितीय-तृतीय-दिनाङ्के  (2-3.03.2017), संस्कृतसाहित्यं जीवनमूल्यं चइति शीर्षकम् आधृत्य एका द्विदिवसात्मिका अन्ताराष्ट्रिया-संस्कृत-सङ्गोष्ठी आयोजिता । सङ्गोष्ठ्यामस्यां नैकैः संस्कृत-विद्वद्भिः विदुषीभिश्च संस्कृतसाहित्यस्य विविध-ग्रन्थेषु मानवीय-मूल्यानां गहनं विश्लेषणं कृतं, सर्वेभ्यश्च एकस्वरेण मानवीय-मूल्यानां व्यवहारे प्रयोगस्य च सबलं महत्त्वं प्रतिपादितम् ।  अवसरेऽस्मिन् दिल्लीविश्वविद्यालयस्य मैत्रेयी-महाविद्यालयस्य संस्कृतविभागस्य पूर्वाचार्याः योगविशेषज्ञाश्च डॉ. राजकुमारी-त्रिखा-महाभागाः मानवमूल्यानामनुपालनेन वैयक्तिक-सामाजिक-जीवने प्रभावस्य वर्णनं कृतवती । ताभिः मानवीय-मूल्यानां भौतिकस्वास्थ्ये प्रभावश्च साधितः ।  ईर्ष्या-द्वेष-भय-काम-क्रोध-लोभादिषु प्रत्येकं नकारात्मकभावं कथमङ्गविशेषं  प्रभावयति, तत् डॉ. त्रिखावर्या  तर्कसंगतरीत्या  वैज्ञानिकं साक्ष्यञ्च उद्धृत्य  अत्यन्त सरलशैल्या प्रबोधितवती ।


अन्ताराष्ट्रिययोगदिवसः

आयोजनम् –

स्थानम् – श्रीशङ्कराचार्य-संस्कृतविश्वविद्यालय केरलकालडी स्थितम्

तिथिः – 21.06.2017

वार्तासम्पादिका सुश्रीः लीषा, कालडी, केरलम्, भारतम्

वार्ता संयोजिका - एस्.टी.पी. कनकवल्ली, आन्ध्रप्रदेशः, भारतम्


   केरले कालडीस्थिते श्रीशङ्कराचार्य-संस्कृतविश्वविद्यालये जूनमासस्य एकविंशतितमे दिनाङ्के अन्ताराष्ट्रिययोगदिवसे संस्कृत-सामान्यविभागे योगसूत्रमधिकृत्य मुख्यातिथिः आनन्दराजमहोदयः प्रबोधितवान्।

 

कार्यक्रमेस्मिन् विभागाध्यक्षा विजयकुमारीमहाभागा, शोधछात्राः, अन्ये शास्त्रि-आचार्यछात्राश्च भागं स्वीकृतवन्तः ।

 

शिक्षकप्रशिक्षणवर्गः

आयोजिका – संस्कृतभारती

स्थानम् – पपरोला, हिमाचलप्रदेशः, भारतम्

28.05.2017–08.06.2017

वार्तासम्पादकः - नीरजः

        संस्कृतभारतीहिमाचलप्रदेशद्वारा मईमासस्य अष्टाविंशतितम दिनाङ्कतः जूनमासस्य अष्टमदिनाङ्कपर्यन्त पपरोलायां दशदिवसीय-शिक्षकप्रशिक्षणवर्गस्य आयोजनं कृतमासीत् । पपरोलायां संस्कृतभारत्याः प्रान्तीयकार्यालयः वर्तते । शिक्षकप्रशिक्षणवर्गे छात्रेभ्यः एतादृशं शिक्षणं दीयते येन ते सम्भाषणशिविरं सञ्चालयितुं सन्नद्धा भवन्ति । तादृश एव अयमपि वर्गः आसीत् ।

        शिक्षकाः – अस्मिन् वर्गे छात्राणाम् उत्तमोत्तमरूपेणशिक्षणार्थं संस्कृतभारत्याः षड्कार्यकर्तारः शिक्षकरूपेण आसन् ।

        प्रबन्धकाः-  कार्यस्य सम्पादनार्थं प्रबन्धनम् एका एतादृशी श्रृंखला वर्तते, यया सर्वाव्यापिकार्याणि उत्तमप्रकारेण समयेन साधितानि भवन्ति । प्रबन्धकरूपेण वर्गे पञ्चकार्यकर्तारः आसन् ।

        छात्राः – अस्मिन् वर्गे छात्राणां संख्या आहत्य पञ्चाशत् आसीत् । ये छात्राः हिमाचलप्रदेशस्य विविधेभ्यः जनपदेभ्यः आगताः आसन् । एतेषु छात्रेषु केचन संस्कृतमहाविद्यालयेभ्यः आसन्, केचन शिक्षकाः केचन च लघुबालाः अपि आसन् । अस्मिन् वर्गे एका दम्पती हरियाणाराज्यतः अपि आगता आसीत् ।

        प्रान्तीयदायित्वधारिणाम् सहभागिता -  अस्मिन् वर्गे छात्राणां मार्गदर्शनाय प्रान्तीयदायित्ववन्तः अपि आगताः आसन् । येषु प्रान्तसम्पर्कप्रमुखः, प्रान्तबालकेन्द्रप्रमुखः, प्रान्तशिक्षणप्रमुखश्च उत्तरक्षेत्रसङ्घटनमन्त्री च आसन् ।

        दिनचरी- वर्गे छात्राः प्रातः पञ्चवादनतः रात्रौ दशवादनपर्यन्तम् निरन्तररूपेण अध्ययनं कृतवन्तः तथा च तपः आचरितवन्तः । वर्गे केवलं शिक्षणमेव नासीत् अपि तु जीवने समन्वयः कथं स्थापनीयः तादृशाः अनुभवाः अपि छात्रैः प्राप्ताः ।

        समापनम् – समापनकार्यक्रमे मुख्यतिथिरूपेण राजकीय-आयुर्वेदिकमहाविद्यालय-पपरोलायाः प्राचार्यमहोदयः, R.S.S. कार्यकर्त्ता तथा च राष्ट्रियसंस्कृत-संस्थानवेदव्यासपरिसरस्य साहित्यविभागस्य प्राध्यापकाः माननीयसुज्ञानकुमारमाहान्ति महोदयाः अपि छात्राणाम् उद्बोधनं कृतवन्तः । 







  Editor in Chief

     Dr.Sugyan Kumar Mahanty

To send news / informations / poetries in Sanskrit / Research Papers to this site please type in Arial Unicode MS(Devanagari) & email to prachiprajnaenb@gmail.com


Published by

DR. SUGYAN KUMAR MAHANTY


RASHTRIYA SANSKRIT SANSTHAN, VEADVYAS CAMPUS, BALAHAR, DIST. KANGRA,TEHSIL-RAKKAR, H.P. INDIA,  PIN – 177108.

email - prachiprajnaenb@gmail.com


© The right of all the contents of this site is solely reserved to the Publisher.



Flag Counter
Comments