၂၀၀၉


 ပိုးကောင်လေးတွေကို  တောက်ထုတ်လိုက်

 

ခေါင်းထဲဝင်ပြီး စားနေတဲ့ပိုးကောင်လေးတွေ အတွေးထဲမှာ  ၀င်ရောက် လှုပ်ရှားနေတယ်၊ မင်းနေထိုင်ရတဲ့

နေရာဟာ ငါ့အတွက် ပဋိလှုံ့ပစည်း။

 

ကဗျာဆရာသွေးဟာ တရှိန်ထိုး  ပူပြင်း  ကြွတက်  လာတယ်။ မင်းဘ၀လေး  ဆွဲမထုတ်နိုင်လို့   ငါ့ဘ၀ကို

ဖျက်ချပစ်ဖို့ အသင့်စောင့်နေ။  အထပ်မြင့်လေလေ ခုန်ချဖို့ လွယ်လေလေ၊ အစာငတ်ချင်ငတ်ပါစေ   ငါတို့

လွတ်လပ်နေရမယ်။

 

ဘယ်သူမှ မထိနိုင်တဲ့အထိ လွင့်မျောလို့၊ လမ်းတွေကို  ချစ်တဲ့ရမ္မက်နဲ့ ဖျော့ဖျားစွာ လွင့် လွင့် မျော မျော။

နောက်တစ်ရက်ဆိုတာကို မရောက်ခင် ထွက်လာခဲ့။

 

မင်းချစ်တဲ့  အရပ်ဒေသဆီ  ယုံကြည်မှုနဲ့  တစ်လှမ်းပြီး  တစ်လှမ်း၊ မရှိရင် မရှိသလိုနေမယ်   မသိတာကို

မသိသလိုမနေဖို့ တစ်နေ့တစ်နေ့ စားဖို့ နေဖို့ သက်သက် ထုံထိုင်းမှိုင်းနေစရာ အချိန်မရှိဘူး  မြန်မြန်။

 

လမ်း  ဖြတ်ကူးရမယ်၊ ဆန်တစ်ပြည်ရှိရင်  လူခြောက်ယောက်ကို  ထမင်းကျွေးဖို့  သဒ္ဓါရမယ်။  လာခဲ့စမ်း

သွက်သွက်လေး မှန်မှန်လေး။ သတ္တိရှိစမ်း။

 

ခေါင်းထဲကပိုးကောင်လေးတွေကို တစ်ကောင်ချင်း  တောက်ထုတ်လိုက်၊  ကိုယ့်    ဘ၀     ဆိုတော့

ကိုယ်ပိုင်တာပဲ ကောင်းတယ်  ညီမလေး။         ။

                                                           ၁၁.၁၂.၂၀၀၉

                                                           မြတ်ဝေ

 

 



 ပြုံးရယ်ရင်း မျက်ရည်ဝဲမိ

ငါ့ကိုပြောပြပါဦး သူစိမ်းအနေနဲ့ အများကိုပြောရမှာ
နောက်တစ်ခေါက် ပြန်ဖတ်ကြည့်ပါဦး  ကျေးဇူးပြုပြီး  ငါ့ကိုပြောစမ်းပါ
သူဆက်ပြောတယ်  ကျေးဇူးတင်ပါတယ်   မလိုပါဘူး  ရပါတယ်
အဲဒါဘာလဲ  ဒီဘက်မှာကြည့်မယ်  တောင်းပန်ပါတယ်
အနည်းအများ မလိုအပ်ပါဘူး တွေ့လား၊ တောင်းပန်ပါတယ်
ဟိုကောင်တွေနဲ့  တွေ့ရင်  ဘယ်လိုပြောရမလဲ
ဒေါက်ဖိနပ်နဲ့ တက်နင်းခံရရင် ထပ်မနင်းဖို့ဘယ်လိုပြောမလဲ
အနားလိုချင်လို့ရှိရင် အနားယူတတ်ရတယ် တကယ်
က ဗျာ ဆ ရာ ဆိုတာ  ကိုယ်ကျင့်တရားကိုချစ်ရတယ်
ဘာ သာ စ ကား ကို     တန်ဖိုးထားမြတ်နိုးရတယ်
ကဲ   နောက်တစ်ခု ကိုယ့်ကဗျာကို ကိုယ် ယုံ ကြည် ရ တယ်
ဆက်စပ်မှုရှိလား အဓိကပါဝင်သော အကြောင်းအရာတွေ
သက်ရှိ   သက်မဲ့    ဘာလို့ရေသန့်ဘူးတွေရောင်းကောင်းနေရတာလဲ
လက်မှတ်ဝယ်ဖို့တိုးဝှေ့နေရပြီး မာမီရှိန်းကြီးက  ကောင်းလဲမကောင်းဘူး
ရယ်လဲမရယ်ရ ရီစရာ လှပသော အနုပညာ
မပါသော စကားလုံးများ ဇာတ်ညွှန်းများ ၀တ္ထုများ
2012 ထဲက ကလေးမလေးရဲ့   အဖေ  အဖေ လို့အော်တဲ့ အသံ ဟန်
သမ္မတကြီးက နှင်းတွေထဲမတ်မတ်ရပ်ပြီး ကလေးရဲ့ အဖေကို ပြန်ရှာပေးပါမယ်တဲ့
လူငယ်ဖွံ့ဖြိုးမှု အစီအစဉ် သင်တန်းမှာ  `သားတို့ ဖေဖေ၊ သမီးတို့ မေမေ
ညှိနှိုင်း၍ ဘ၀တည်ဆောက်ခြင်း၊ ပျော်ပျော်ရွှင်ရွှင်နေရအောင်
ကိုယ်ပိုင်အချိန်၊ တစ်ချက်လောက်တော့ငဲ့ကြည့်ပါ´
ဂျာနယ်တွေထဲမှာ  ကလေးသူငယ်များရပိုင်ခွင့်  ဓာတ်ပုံပြပွဲ
လောကနတ် အနုပညာပြခန်းမှာ Relay Art Exhibition
`ကလေးရဲ့လက်ကို လူကြီးကကူတွဲလို့´New Zero group
nokia စဖွင့်လိုက်ရင် ခေတ်ထဲတိုးဝင်ဖို့ ကလေးလက်ကို ဖေးကူ
MMA မြန်မာနိုင်ငံဆရာသင်များအသင်းက လျှေက်လာမိပါတယ်
သိမ်ဖြူလမ်း၊ ဗိုလ်ချုပ်လမ်းထောင့်ရောက်တော့ ခိုစာရောင်းတဲ့ကလေးငယ်
လက်ဘက်ရည်ဆိုင်ထိုင်မိတဲ့အခါ စားပွဲထိုးလေးလက်မှာ
မနိုင့်တနိုင် two tea၊ မီးခြစ်လေးကို ကျွမ်းကျင်စွာခြစ်လို့
ငါ့ကိုပြောပါဦး။ နားမလည်လို့ နားလည်အောင်
ကား  ဘယ်အချိန်ကမျောသောပါး  ရောက်လာမလဲ ဆိုတာ
နေပူထဲ  ရပ်နေ  စောင့်နေမိတယ်။     ။
                                                  ၁၀.၁၂.၂၀၀၉
ဲ                                                  မြတ်ဝေ




ပျင်းတယ်ဗျာ ပြင်းတယ်

နေ့လည်ခင်း ဘာသာစကားတွေသင်ဖို့ ခေတ်ထဲ လျှောက်လာ
ိစိတ်ဟာ ပျင်းတဲ့ဘက်ဆီ ပြင်းပြင်းရှိနေပြီး၊ အရင်အတိုင်း ဒီလို
တဖြေးဖြေး နေရဲ့အလင်း၊ အပူဟာ ပြင်းလာတယ်။
ကမ္ဘာမြေကြီးဆီရောက်ပါတယ်
သစ်ပင်တွေပေါက်တာ နှေးကွေးလွန်းပြီး
သစ်ပင်တွေသေတာ မြန်လွန်းတဲ့လမ်းမှာ
ကျွန်တော့်ဘေးက သစ်ကားတစ်စီး ဖြေးဖြေးအိအိ ရွေ့နေတာ
နေ့စဉ် ကမ္ဘာကြီးဆီပြန်ကြည့်တော့ မီးခိုးတွေ
အူထွက်နေတာ နားတွေ အစုလိုက်အပြုံလိုက်ပေါ့ဗျာ
ပြင်းတယ် ရိုက်ချက်တွေ  ထိချက်တွေ သံစဉ်တွေ တီးလုံးတွေ
ပျင်းတယ် ။
ကျွန်တော်ပြင်းနေတဲ့လမ်းပေါ်
ကျွန်တော်မတွေ့ကြုံဘူးတဲ့ ဘဝတွေ လူတွေ
လူတွေ၊ ကားတွေပေါ် အဝတ်အစားတွေတဖျတ်ဖျတ်ရိုက်လို့
တစ်ယောက်နဲ့တစ်ယောက် စိတ်ထည့်ပြီး စူးစမ်းနေသလို
တစ်ယောက်နဲ့တစ်ယောက် မေ့ထားနေတယ် ထင်ရမယ်၊ မြင်ရတယ်။
ကဗျာက မနီးမဝေးမှာပြေးနေတယ် အပြိုင်
ကျွန်တော့်ကို လာလာထိပြီး ဖမ်းတဲ့အခါ ပြေးနေတယ်
အလျှင်အမြန် ၊ အပြင်းအထန် ၊ အပြန်အလှန် မညီမညွတ်
စိတ်ထဲမှာ မဂ္ဂဇင်းတွေ တစ်ရွက်ပြီးတစ်ရွက်လှန်နေရတာလည်း
ခပ်ပြင်းပြင်းလေး ခပ်လေးလေးလေ  ခပ်ပေါ့ပေါ့
ခပ်ပါးပါး ခပ်လွယ်လွယ် ခက်ပါတယ် ။
အကျရည်ဟာပြင်းလွန်းတယ် ရေခဲရေအေးပုံ အပြင်း
ဈေးစကားပြောရာမှ ရန်ဖြစ်ကြပုံ ဘာသာစကားအပြင်း
ဈေးထဲမှာ ကပ်ကပ်သတ်သတ် ၀တ်ဆင်ထားတဲ့ ကောင်မလေး
ဆေးလိပ်ဗူးတွေကိုင်ပြီး တစ်လိပ်ချင်း တစ်ဝိုင်းချင်း
ပြင်းပြင်းစားစား စွန့်စား ချွေပြရင်း ဝေငှနေရတယ်
ကွန်ပျူတာစာစီစာရိုက်ဆိုင်ထဲက စာရိုက်သံ နှေးနှေးမှန်မှန်
အများပြည်သူသုံး ဖုန်းရုံက အသံပြင်းတွဲတွဲ ဆွဲဆွဲငင်ငင် ဆက်တိုက်
လျှပ်စစ်ပစ္စည်းဆိုင်ဆီက တီးလုံးသံပြင်းပြင်း သီချင်း
ဆံပင်ညှပ်ဆိုင်ဆီက စက်ကတ်ကြေးသံ လက်ကတ်ကြေးသံ
ဘီးဟာ ဆံပင်ကို    ဖြတ်ကနဲ     ဖြတ်ကနဲ
ဘီးအောက် ခေါင်းပြားသွားတဲ့ ခွေးပေါက် နောက်ဆုံးအသံ
ဖောင်းကားနေတဲ့ ခန္တာကထွက်လာတဲ့ ဟောက်သံ
မျက်လုံးဟာ ဘာကိုကြည့်မြင်ရမလဲ ရွေ့ကာ  ကစားကာ
လက်ဟာ စာလုံးကိုအဓိပ္ပာယ်ဖော်ဖို့ ရောက်ဖို့တွန့်နေ
စာအုပ်ဟောင်းဆိုင်က စီနီယာနိုင်ငံသား လင်မယား
ပြင်းပြင်းရှရှ 
စာအုပ်ပုံများဆီမှ ဂျာနယ်တစ်စောင်
နားမလည်တဲ့လောကဆီ ခပ်ပြင်းပြင်းလေးတွေးကြည့်
ပြောကြည့်တယ်
လက်ထဲပိုက်ဆံတွေလာမထည့်ပါနဲ့  ပျင်းသေးတယ်
အခွင့်အလမ်း ခင်ဗျားတို့သွားနေတဲ့ အမြင့်
ကဗျာဖတ်သူ  ပြည်သူများကို  ချန်မထားခဲ့ပါနဲ့
စာအုပ်အငှာဆိုင်မှာ အပြင်းစား မဂ္ဂဇင်းကဗျာတွေ
ချဉ်းကပ်ကြည့်တော့ အပူနဲ့ အအေးဟာ အတူတကွ
ပျင်းတယ်ဗျာ ပြင်းတယ်။      ။
                                    ၇.၁၂.၂၀၀၉
                                     မြတ်ဝေ



အရွေ့ထဲမှာရှိတာတွေ


ကမ္ဘာကြီးကိုပြိုင် ခေတ်ကြီးကိုရင်ဆိုင်ကြည့်ဖို့
ပျင်းလို့မဟုတ်ဘဲ မပျော်လို့ပျော်အောင် အရည်ဖျော်ကြည့်
ရတာနဲ့ လိုတာ   ပိုတာတွေ    ဘဝထဲ  လတ်လတ်လျားလျား
ရှိမနေတော့တဲ့ အဖြစ်တွေအားလုံး  ကိုယ့်အရာနဲ့  ကိုယ်ပျော်ပျော်ရွှင်ရွှင်
ပိတောက်ပွင့်သစ်လေး ဖတ်နေမိတယ် စံပယ်ဖြူလေး ဖွင့်ထားမိတယ်
ယုံကြည်ချက် မျှော်လင့်ချက်  မေတ္တာ  ကမ္ဘာမှာ
အမှောင်ထဲကနေ လင်းနေတဲ့ကားတွေကို  ငေးကြည့်
အခါခါရှာဖွေရတဲ့   ပျော်ရွှင်မှုဆီ မျက်ဝန်းဟာ  တဖျတ်ဖျတ်
သုခဘုံရှာဖွေမှုဟာ တကယ်တော့  စက်ဆုတ်ဖွယ်ကောင်းလှပါတယ်
FM ရေဒီယိုလေးနားထောင်တော့  အသံတွေ သီချင်းတွေ
ကဗျာရွတ်သံတွေ အဆက်ဆက် ပြီးတော့ တစ်ခါတခါ
စက်ချုပ်သမလေးတွေ ရယ်မောနေပုံ ဘယ်ညာလေးတွေ
ဆင်းလိုက်တက်လိုက် ဘတ်(စ်)ကားရွေ့ပုံ
မသေခင်သိလိုက်ရပုံ အရှိတရားလို့   စာတွေတတွတ်တွတ်
စာရွက်တွေ ဆက်ကာဆက်ကာ မဖတ်ဘဲလှန်နေရ
ပေါ့ပေါ့ပါးပါးလေး  ဖြတ်သန်းရမယ်ပြောလာလို့  ဆက်ပြီး
ဆင်ကြည့် နှလုံးသားတွေအပြောင်းအလဲ   အတွေ့အကြုံ
အတွေးအခေါ်အရ မနက်ဖြန်ကို  လွယ်အိတ်ထဲသွန်ချ
ရွေ့နေတဲ့ ကဗျာတွေထဲမှာ
ခွန်အားကသာ အမှန်ဆို  မေတ္တာဘယ်ရှိတော့မှာလဲ
၁၀ နှစ်သားလေး တာရင့်စကော့ ရဲ့ မေးခွန်းကိုပဲ ထပ်ပြီးမေးရပါမယ်
လူတွေက ခင်ဗျားကိုဘာကြောင့်မုန်းတာလဲ အိုဘားမား
ကမ္ဘာကြီးက ဒီအတိုင်းပဲမဟုတ်ပါဘူး
ကမ္ဘာကြီးကို ဒီအတိုင်းဖြစ်အောင် ကျုပ်တို့လုပ်ခဲ့ကြတာလေ။        ။
                                                              ၂၅.၁၁.၂၀၀၉
                                                              မြတ်ဝေ

အရွေ့များ၏ လျှောက်လမ်းမနက်ဖြန်

ဒီဘက်မှာဖြစ်ဖြစ်နေတာတွေနဲ့  ဘာလို့သွားသွားတွေ့နေမိတာလဲ  အစ်ကို
ဘာမှမဖြစ်သလို ဘာမှမခံစားရသလို  ဘာမှအမူအရာမပြောင်းတော့သလို
အလေ့အထယူရမလား အင်တာနက်ဆိုင်ထဲမှာ တစ်နေကုန် ထိုင်နေမိတာ
လှေကားထောင်နေမိတာ ညီမအမှားတွေလား အခု ဘယ်ထိသွားမှာလဲဆို
မပြောပြတတ်တော့တာ ညီမ တာ့တာ ဆိုပြီး ပျောက်ပျက်ထွက်သွားတတ်
သူ  အစ်ကိုဟာ  ရက်စက်တတ်သော  စကားပြောကောင်းသူတစ်ယောက်
အရှေ့အနောက် ပျောက်နေတဲ့  ကဗျာစာသားတွေဟာ  အစ်ကိုနေထိုင်ရာ
ရန်ကုန်မြို့ပြရဲ့ လမ်းတွေပေါ်မှာ တကယ်ရှိလား  ပြောလိုက်လေ  အစ်ကို
“စကားလုံးတွေရဲ့ အဓိပ္ပာယ်တွေနားမလည်တော့ စာဖတ်ရတာ အဆင်မပြေဘူးဟာ”
မန္တလေး FM ထဲက အဲဒီလို ကြေငြာနေတဲ့  လျှပ်စစ်အဘိဓာန်ထဲမှာ
ညီမနဲ့ အစ်ကိုကြား  ပြေလည်စေမယ့်  ဘာသာပြန်စကားတွေပါလား
နားလည်မှုဆိုတာ နှစ်ယောက်ကြားမှာ မသိနားမလည် ပျောက်ကွယ်
စိတ်ဆင်းရဲစရာတွေ  ပွစိပွစိ ပြောနေတတ်တဲ့  ကောင်မလေးတွေလို
မဖြစ်လိုဘူး အချစ်ကညီမတို့နှစ်ယောက်စလုံးက်ိုရွေးချယ်ပြီး ပစ်ချသွားတဲ့
ပျောက်ကွယ်မှု မဖြစ်စေလိုဘူးကွယ်  ပျော်ရွှင်မှုထက်  ပိုပြီး

ညီမလိုချင်မိတဲ့ ချစ်ခြင်းမေတ္တာ ဂရုစိုက်ပါအစ်ကို ကဗျာတွေရွေ့သလို
ညီမတို့စိတ်တွေရွေ့နေတယ် နောက်ဆို မရွတ်ပြတော့တဲ့ အစ်ကို့ကဗျာတွေကို
ညီမနားလည်ပါ့မလား စကားလုံးတစ်ခုတော့ရောက်အောင် မေးလ် ပို့ပါ အစ်ကို
ကဗျာဆရာတွေ တစ်ယောက်ကိုတစ်ယောက် ချစ်တာထက်ပိုပြီး ချစ်တဲ့
မိနှင်းငယ်။        ။
                     မြတ်ဝေ
                     ၁၆.၁၁.၂၀၀၉



စိတ်ထဲမှာရှိတာတွေ

ပန်ကာလည်သလို  နားထဲမှာလည်နေတယ်
နားလည်တယ်
ဆရာပြောတာ ကျွန်တော်နားလည်ပါရဲ့
ပြန်ပြောဖို့ ပြန်ပြဖို့  ပြန်လည်ရေးချဖို့ဆိုတာ
လူမှုဆက်ဆံရေးကောင်းဖို့ လိုတယ်ဗျာ
“မင်းနာမည်  ဘယ်သူလဲ”
ဟုတ်ကဲ့ မင်းနာမည် ဘာလဲ ဘာလဲ
မဟုတ်သေးပါလား ဆရာရယ် ကျွန်တော့်နာမည်
အသိလေးလာလာကပ်ပါ မင်းဆိုတာ ကျွန်တော်
ကျွန်တော့်ကိုမေးနေတာသေချာတယ် အဖြေ
“ဘယ်အချိန်လဲ နေ့လား  ညလား   မနက်လား”
စာရွက်ပေါ်ချမရေးပါနဲ့လား ဆရာရယ် အရွေ့
အချိန်ဆိုတာကြီး  ရွေ့ရွေ့နေတယ် နေ အလင်း ည အမှောင်
မအိပ်ခဲ့ဘူးတဲ့အချိန်တွေ  အခုပြန်အိပ်ရင်
နိုးတဲ့အခါ မနက်
ကျွန်တော့်အသက်ဟာ မမှတ်မိတဲ့ရက်တွေပါပဲ
မမေးပါနဲ့ မတွေးပါနဲ့လား
လက်ထဲကပစ္စည်းလေးဟာ ဘာပါလိမ့်
ကျွန်တော်သိနေတယ် မြင်ဖူးနေတယ်
ဘာသာစကားတွေ ခေါင်းထဲမှာရွှေ့ရွှေ့ နေတယ်
ငယ်ဘဝက အတွေ့အကြုံထဲမှာ ထိုအရာ အထိအတွေ့
ကျွန်တော်ခံစားနေရတယ် သိရှိနေမိတယ်
“တစ်ရာထဲကနေ ခုနှစ်ကိုနှုတ်ရမယ် ဆက်တိုက် ဆက်တိုက်”
ခေါင်းထဲမှာကိုက်နေတာ ကဗျာထဲက စကားလုံးတွေ
ကျွန်တော်ဟာ နေမကောင်းသူပေါ့
စိတ်  ခဏ ခဏ ပြောင်းသူပေါ့
မမော မပန်း။    ။

                        
                                                            မြတ်ဝေ
                                                                                                    ၁၁.၁၁.၂၀၀၉




အဝေးပြေးကားကြီး    ဝေးဝေးမြန်မြန်





လမ်းပေါ်ကိုထွက်လာရင်ပဲ    လူတွေကလမ်းပေါ်အပြည့်
ကားမှတ်တိုင်မှာ  နံပါတ်မျိုးစုံသော    လိုင်းကားများစွာ    ရပ်တန့်
လူစောင့်သောကားနဲ့     ကားစောင့်သောလူ    မကိုက်ညီသော    ညနေမှာ
လာပါဗျာ  လိုက်ပါဗျာ    ကားဝန်းထဲရောက်ပါတယ်    ကားဝန်းထိပ်ရပ်ပါတယ်
ပြည့်သိပ်နေတဲ့   လက်ကိုင်တန်းပေါ်က   လက်တွေ    ကျစ်ကျစ်ဆုပ်ထား
ယိမ်းထိုးနေတဲ့ကြားက   ထိုးထွက်လာခဲ့ပြီ     ကားတွေ
လမ်းပေါ်လျှောက်ရင်ပဲ    မြန်မြန်    ခုံနံပါတ်ရဖို့     မြန်မြန်
အစ်မရေ   ကြည့်လုပ်ပေးပါဦး     အခက်အခဲလေး     အဆင်ပြေပြေ
ပြန်ဖို့   နောက်ဆုံးတန်းလေး  နောက်ဆုံးခုံလေး    နောက်ဆုံးအချိန်
နေရောင်ဟာ     မှိန်မှိန်ကျလာ     လက်ဖက်ရည်ဆိုင်တွေက  လာပါ   ထိုင်ပါ  နားပါ
လက်ပွေ့ဂျာနယ်သမားလေးတွေက     အသစ်မှ အသစ်
လွယ်အိတ်မှာ   ချိတ်ထားတဲ့     စာအုပ်ရောင်းသမားတွေက  ကြည့်ပါဝယ်ပါ
ရွေ့လျားဈေးသည်တွေ    ရွေ့လျား
လူအုပ်ကြီး   အိတ်ကိုယ်စီနဲ့    ရွေ့လျား
ဆွဲဖွင့်တဲ့တံခါးက   ထွက်လာတဲ့လေဟာ    အေးစက်လို့     အိမ်ပြန်ချိန်
အချိန်   နာရီ    တိတိကျကျ     နောက်ကျပြီးနောက်ပိုင်း
အဝေးပြေးကားကြီး    ဝေးဝေး    မြန်မြန်
လေအေးပေးစက်ဟာ     ရာသီဥတုနဲ့မတန်     မြို့ဆန်ဆန်။          ။

                                                
        မြတ်ဝေ
                                                                                                    ၁၀.၁၁.၂၀၀၉



အရွေ့တွေထဲမှာ ကိုယ့်အနုပညာ



ဖိတယ်ကွယ် အရာရာကဖိနေတယ်
ဆုံးဖြတ်မယ်ကြံလိုက်တိုင်း  မျက်လုံး  မျက်ဆံလေး လည်လည်လိုက်လိုက်  လာသလို
ထောင့်ကိုကပ် ထောင့်လေးမှာ ကျုံ့ကျုံ့လေးထိုင်ရင်း ရပ်နေ
သီချင်းသံလေးကိုနားထောင်နေမိတာ ကိုယ့်အမှားပါပဲ
ကဗျာဆိုတာကြီးကဖိတယ် အလုပ်တွေကဖိတယ်
လမ်းတွေ လူတွေ ဖိဖိနေတယ်
ကိုယ့်မှာပြောစရာစကားတွေ အများကြီး ရပ်နေတယ်
ရှိရှိနေတယ်  ပြောပါတော့  အဝေးက မိညီမလေးရယ်
မျက်ခွံတွေကဖိပြီး ပိပိကျလာတယ် ဆိုပါတော့ အချစ်ရယ်
တစ်ချို့
တစ်ချို့တွေက တင်းတင်းကျပ်ကျပ်ဆုပ်ကိုင်ပြီး နှုတ်ဆက်
အများအပြားဆိုသလိုကတော့ ခပ်ဝေးဝေးက  ရှောင်ခွာမျက်လုံးတွေနဲ့ 
ပစ်ချလိုက်တဲ့ အမှိုက်ထုပ်ကို စည်ပင်ကားပေါ်ပါသွားသလို  ပါ
ပျောက်ကွယ်သွားစေချင်တယ် ထင်ပါရဲ့
မြို့မစိန်ရတုခွေလေးဖွင့်ပါလား  ပြောပြောနေမိတော့
ခေတ်နောက်ကျတယ် ထင်ကြတယ် မြင်ကြတယ် ထားပါတော့
အရင်ကမက်မက်မောမော နိုင်ငံခြားတံဆိပ်မျိုးစုံကို ထားရစ်ခဲ့ပြီး  နေနေရ
ရာသီဥတုနဲ့  လိုက်ရောစွာပဲ ကြက်ပေါင်ဖိနပ်လေး စီးကာပေါ့
ဘေးလွယ်အိတ်ထဲ စာအုပ် စာရွက် ထီးစုတ်လေးထည့်မိကာပေါ့
လမ်းပေါင်းများစွာလျှောက်ရင်း  ပန်းဆိုးတန်းကားဂိတ်မှာ
၄၀၀တန် ထမင်းကြော်လေး ဝင်ကာစားသောက် ကိုယ့်အရွေ့တွေထဲမှာ
လူ့အဖြစ်စစ်စစ်နဲ့  လောကအမှန်မွန်တွေ ပြည့်မောက်နေတဲ့အရပ်မှာ
ကိုယ့်ဘဝတစ်ခုလုံး အနုပညာဆန်ရမယ် မဆိုလိုပါ
ကိုယ့်ကဗျာတွေလောက်သာ  အနုပညာဆန်ရင်လို့ ဆိုလိုပါတယ်။            ။


                                                                                                    မြတ်ဝေ
                                                                                                    ၉.၁၁.၂၀၀၉


စိတ်ထဲမှာရှိတာတွေ

ချွေးတွေသီးနေပြီး တုန်နေတဲ့လက်ကစိတ်မှာတည်ငြိမ်
ဇွန်းက ပါးစပ်ထိရောက်မလာဘူး
တလွဲ
ပြုတ်ကျလာတဲ့ဆန်ပြုတ်တွေက ကိုယ်ပေါ်တရွရွတက်လို့ 
ရွေ့ ပုံ ပုရွက်ဆိတ် ခါချဉ်တွေ အုံဖွဲ့ သလိုမျိုး
တွေ့ ရတဲ့အရိပ်က ကျုပ်ကိုသတ်မယ့်ဓား
အသွားထက်ထက်
ခေါင်းထဲမှာ စကားတွေပဲ့တင်ထပ်
ညနေဟာနောက်ကိုလှည့်မကြည့်ခင် မြင်မြင်နေရတယ်
ပြောနေတယ် 
ပြောနေတယ်
ကျုပ်အတွေးတွေကို ကြေငြာနေတယ် အသံတွေ
ကြားနေတယ် 
ကြားနေတယ်
သီချင်းသံတွေက မြှူစွယ် ဟိုကောင်မလေးလှတယ်
လိုချင်တာတွေပေးမယ် သူဌေးမင်း
ဆက်နေတဲ့ဖုန်းကို  ခဏ
ပိတ်ထား
ကျုပ်အားသေးရင် ထပ်ပွားပေးမယ်
၁၀၀ဖိုး ၄လိပ်ရတဲ့ ကြယ်နီဖိုးလေးပေး
မတားနဲ့  မဆွဲနဲ့ 
ဆေးရုံကြီးဆီ ပြန်ပြန်ခေါ် မသွားနဲ့ 
ဆေးပြားတွေ လာလာမပေးနဲ့ 
ဒီလို ပဲ တိတ်တိတ်လေးရပ်နေမယ်
တစ်နေ့ တစ်နေ့ နာရီပေါင်းများစွာ။                   ။
                                                 ၂၉.၁၀.၂၀၀၉
                                                   မြတ်ဝေ



လမ်း
ပုံလေးကို http://iamagonistes.files.wordpress.com မှ ကူးယူဖော်ပြပါသည်။

ဓာတ်မီးတိုင်လေးတွေသေးသေးသွားတဲ့ အဝေးကိုငေးကြည့်ရင်း

အဖြစ်အပျက်တွေကို အပျက်တွေမဖြစ်စေဖို့ 
စိတ်ကို အတိတ်မှာမနစ်စေချင်တဲ့ သမိုင်းဖတ်သူအနေနဲ့ 
မယုံတာတွေကို ခေါက်ထားရ
ယုံတာတွေကို မှောက်ထားရ
သန့်ရှင်းသော စိတ်နေစိတ်ထားမှသည်
လိပ်ပြာလုံသော အနာဂတ်သစ်ဆီသို့ 
အသိတရားမှသည် အမှန်မွန်များဆီသို့ 
စေ့စေ့ကြည့်ခံတဲ့ သဘာဝကိုမျှော်ငေးပြီး
ဘ၀ကို  မှန်ကူကွက်ဝါဒနဲ့  အသက်သွင်းထားမိ
ချစ်ရတဲ့ မြေဆီကို  ဆုပ်ကိုင်ပြီး
အရိပ်မရှိတဲ့ လမ်းတွေမှာ
အာသာငမ်းငမ်း ငါ့ရဲ့အမှန်တရားများရှိရာ။     ။
                                               ၂၇.၈.၂၀၀၉
                                                မြတ်ဝေ

ကျွန်တော်ခုန်ပြီး ရှောင်လိုက်တယ်


တိုက်ကြီး-ဆူးလေ  အထူးကားကြီး  ရုတ်တရက်ထွက်သွားတဲ့အခါ
ပြေးပြေးလွှားလွှား  လူများ  တွန်းတိုက်ထွက်ခွာသွားတဲ့အခါ
ကျွန်တော်ခုန်ပြီး  ရှောင်လိုက်တယ်
မြို့ထဲက မိုးတိမ်မည်းတွေ ကွက်ပြီးပြိုကျလာတဲ့အခါ
အချစ်ဆိုတဲ့ စကားလုံးနဲ့ ကျွန်တော့်ကို ကိုင်တွယ်လိုက်တဲ့အခါ
ခုန်ပြီးရှောင်လိုက်တယ်
ငါးတစ်ကောင်ဟာ ရေစီးမှာ  ဖော့  ဖျော့ သွားတဲ့အခါ
ကဗျာထဲကစကားလုံးတွေ ဦးနှောက်ထဲစွဲစွဲနေတဲ့အခါ
အထင်သေးတဲ့စကားလုံးတွေနဲ့ ဖြတ်ကြည့်ခံရတဲ့အခါ
ကျွန်တော်ခုန်ပြီး ရှောင်လိုက်တယ်
ဘယ်လိုအဓိပ္ပာယ်ပါလိမ့်ဆိုပြီး ခေတ်ကြီးနဲ့ ဝင်တိုးမိတဲ့အခါ
ဘာကြောင့်လဲနောက်မှာ အဘယ်ကြောင့်ဆိုသော်မလိုက်နိုင်တဲ့အဖြေ
ဝင်ထိုင်တုန်းမှာပဲ ဆတ်ကနဲ ထထွက်သွားတဲ့ အခြေအနေမှာ
ကျွန်တော်ခုန်ပြီး ရှောင်လိုက်တယ်
လုပ်ယူလို့ ရပြီဆိုတဲ့ ကဗျာတစ်ပုဒ်အတွက် ရှက်မိတဲ့အခါ
ကျွန်တော်ခုန်ပြီး ရှောင်လိုက်တယ်
တစ်နေကုန်ရွေ့ပြီး အရွှေ့ ခံရတဲ့အခါ
စကားပြောသံတွေထစ်ထစ်ပြီး ဖုန်းလိုင်းကျသွားတဲ့အခါ
ကျွန်တော်ခုန်ပြီး ရှောင်လိုက်တယ်
လူငယ်လေးတစ်ယောက် ဘဝကိုလှည့်ဖွင့်မိတဲ့အခါ
နားလည်မှုဆိုတာ ပါးစပ်ဖျားက အရသာ
ကျွန်တော်ခုန်ပြီး ရှောင်လိုက်တယ်
ကျွန်တော်ခုန်ပြီးတော့ကို ရှောင်လိုက်တယ်။               ။
                                                                           ၂၂.၁၀.၂၀၀၉

                                                         မြတ်ဝေ

စိတ်ထဲမှာရှိတာတွေ

တိတ်တိတ်လေးနေ
တိုးတိုးလေးပြော
သူအိပ်ပျော်နေတာ  နိုးလာလိမ့်မယ်
ခင်ဗျားတို့ လိုက်လိုက်ရှာနေတာ
သူလား
သေသေချာချာ ပြော
မှန်မှန်ကန်ကန် လုပ်
တစ်နေ့ ကသူရောက်လာတယ်
နာနေတဲ့  အနာတွေပျောက်ချင်တယ်ဆိုပြီး
ခင်ဗျားတို့ ဆီက ထွက်ပြေးလာပုံ
ကျွန်တော့်ကို ခပ်ဟဟလေး ညည်းညူပြလို့ 
အစွမ်းအစလေးပြလိုက်တယ်
ခွဲလိုက်တဲ့ဓားက
နို့ ဆီဗူးကထွက်လာတဲ့ အဖုံး
ကျွန်တော်တို့ နှစ်ဦးသား  သဘောတူညီ
သူ့ ဝေဒနာ
ကျွန်တော့် ပညာ
အမှန်တရားဟာ ကွက်တိ
အခု ဗိုက်ဟောင်းလောင်းနဲ့  ဟင်းလင်းကြီးပွင့်လို့ 
လွတ်လပ်စွာအိပ်နေသူဟာ
ခင်ဗျားတို့ တွေ့ ချင်သူဆိုတာ
ကျိန်းသေလား
လောကကြီးကိုသာသာယာယာမေ့ပြီး
အေးအေးဆေးဆေး အေးဆေးလေးနှပ်နေရတာ
မောင်မင်းကြီးသား ကံကောင်းတယ်။            ။
                                                             ၁၇.၁၀.၂၀၀၉
                                                             မြတ်ဝေ





စိတ်ထဲမှာရှိတာတွေ


စိတ်ကကောင်းပါတယ်
မျက်နှာမှာမပျော်ပေမယ့် ရင်ထဲမှာပျော်တယ်
တစ်ယောက်ထဲခွဲခွဲနေရလို့ 
ရုတ်တရက် ရပ်ပြီး ပျက်သွား
စကားပြောသံဟာ
သွားချင်တဲ့နေရာ ရောက်သွားတယ်
ညဘက် ညဘက်
ထစ်ကနဲလျှောက်သွားတော့ နုံးခွေသွားတာပေါ့
အရက်ပြတ်တာ ၃ ရက်နဲ့  ၃ မနက်
တိဆို တိတိပပ
ဖြတ်ပြီးမှ ရင့်သီးတဲ့ စိတ်ရောဂါ
ဘာမဟုတ်တဲ့ အသုံးအနှုန်းတွေကြောင့် ထိခိုက်ရပြီး
ဆီမရှိတဲ့ ပန်ကာသံလို
အသံတွေ အသံတွေ
မန္တလေး FM ထဲကအသံ
သမီးက မန္တလေးကလား ရန်ကုန်ကလား
သမီးက မြန်မာပြည်ကပါရှင်
စီးပွားရေးဖိအားတွေနဲ့ 
သိပ်ဆင်းရဲလို့  ပျော်ရွှင်ဖွယ်အတုလေးနဲ့ 
ရေနံချောင်းသား ပန်းရံဆရာ
ဒွိဟစိတ် လွန်ကဲ
အတွေးမရှင်း
မျက်တောင် တဖျတ်ဖျတ်ခတ်ရင်း ဆွံ့ အ
ခေါင်းထဲမှာ ဘာရှိလဲလူကြီးမင်း
ကျုပ်အတင်းကို မဆိုပါနဲ့ 
စိတ်ကျန်းမာရေးဆေးရုံမှာ အခုလိုနေရတာ
ပျော်တယ်။       ။
            ၉.၂၀၀၉-၁၃.၁၀.၂၀၀၉
            မြတ်ဝေ




မိနှင်းငယ်သို့(၅)

အရာရာကိုယ့်ဘက်မှာမရှိတော့တဲ့အခါပေါ့
ရာသီဥတုက
ကိုယ့်ဘက်မှာမရှိဘူ
အခြေအနေက
ကိုယ့်ဘက်မှာမရှိဘူ
အနေအထားက
ကိုယ့်ဘက်မှာမရှိဘူ
အခွင့်အရေးက
ကိုယ့်ဘက်မှာမရှိဘူ
ဆိုးကိုဆိုးလွန်းတဲ့အဖြစ်ကို တွေးပူနေရသလို
လိုင်းကားပေါ်တက်လိုက်ရမလား လမ်းလျှောက်ရမလား
အကုန်အကျသက်သာဖို့  အသားထဲကစိမ့်ထွက်လာတဲ့ရေ
ငါးဆယ်လား နှစ်ရာလား ဘ၀ကိုဝယ်မှာလား
ကိုယ့်ဆီမှာဘာတွေ ဘယ်လောက်ရှိပြီး ဘာတေ
ွတောင်းဆိုခွင့်ရှိလဲ
ကိုယ်ကဘယ်အစားထဲကနေပြီး
မနက်ဖြန်မှာ ဘယ်ပုံစံနဲ့  ထမင်းစားရမလဲ
ဝတ်ကောင်းစားလှတွေနဲ့  သုတ်သုတ်ပြာပြာရန်ကုန်မှာ
မရှိတာတွေကို ရှိသလိုဟန်လုပ်ဖို့ 
အမှန်တရားကို ၀ှက်ဖဲလိုမှောက်ထားရမလား
ကဗျာမဟုတ်တာကို ကဗျာလုပ်ဖို့ 
စာမျက်နှာပေါ်ပို့ ဖို့ 
အနုပညာကို ပက်လက်လှန်ထားရမလား
တခြားဦးနှောက်နဲ့  ကိုယ့်အတွေးလုပ်ဖို့ 
ကိုယ်ကျင့်သိက္ခာကို မေ့မေ့ထားရမလား
တစ်နေရာရာမှာ စုပြုံထိုင်ပြီး
တစ်ယောက်ယောက်လာရင် တစ်ခုခုမေးရမယ်ဆိုတဲ့
အသိနဲ့ 
ကမ္ဘာကြီးကို မကောင်းမြင်ကြည့်ရမလား
ပညာကို မကောင်းမြင်ကြည့်ရမလား
ချမ်းသာဖို့  ဂုဏ်ရှိဖို့ 
ရော့ အင့် ဆိုပြီး ထိုးထိုးကျွေးရမလား
လာဟာ လာကွာ ဆိုပြီး ဆွဲ ဆွဲ စားရမလား
လူမှုဆက်ဆံရေးအဆင်ပြေဖို့ 
ပြုံးပြုံးပြပြီးမှ မဲ့ရွဲ့ နေရမှာလား
မျက်နှာမျာရှိတဲ့ အကြောတွေနဲ့ 
စိတ်ထဲမှာရှိတဲ့ အချဉ်တွေ
တတ်ထားတဲ့ဘာသာစကားကိုလွန်ပြီး သင်ထားတဲ့ဘာသာစကား
မမြင်တတ် မကြည့်တတ်ဘဲ လုပ်ဇာတ်ထဲက အကြောင်းအရာ
အရေး အခြစ်
မကြုံတွေ့ ရတဲ့ ဇာတ်လမ်းကို ရမ်းကုချင်တဲ့ အပြုအမူတွေ
အဖတ် အပြော
ဒါမျိုးတွေနဲ့  အမောဖြေရမလား
ဒီပုံမျိုးနဲ့  တည်ဆောက်ရမလား
နေလာတာကြာတော့ နောတွေလည်းကြေနေပြီ
ပလီစိချောက်ချက် ထွက်လာတဲ့အသက်နဲ့ 
ပစိပစပ်များ ပလုပ်ပလောင်းပြောသွား
အရာရာကို ချစ်တဲ့စိတ်နဲ့ မေ့ထားရမလား
တစ်ယောက်က အထာဆို တစ်ယောက်က အထာ
တစ်ယောက်က ကညာဆို တစ်ယောက်က ကညာ
တစ်ယောက်က ဗလာဆို တစ်ယောက်က ဗလာ
ဝလုံးရေးတဲ့နည်းပညာ အဖွဲ့ အနွဲ့ 
သုညတွေထပ်နေတဲ့ အတတ်ပညာ
စိတ်ကျန်းမာရေး ဆေးရုံကြီးပေါ်မှာ
ကိုယ်ဟာ တငိုငို တရီရီ ရွာကျလို့ 
မြင်နေကြားနေရတာကို တဟီဟီရယ်ဟားလို့ 
စိတ် လွင့်နေ
ကြွနေ
ကျနေ
တခြားနာမည်နဲ့  သေနေတဲ့ကဗျာတွေ
ဆေးတို့ ထားတဲ့ကဗျာတွေကို ယုံယုံကြည်ကြည်ကိုက်ဝါးရမလား
အခန်းတွေ ပေးမယ်
အခန်းတွေနဲ့  နေရမယ်
အခန်းတွေနဲ့  သေရမယ်
ကမ္ဘာမှာ
ကြက်ဥ အတု
ဆန် အတု
အပြုံး တု
အတွေး တု
ယုံကြည်မှု အတု
ခံစားမှု အတု
စုတု စုတု နဲ့ 
ပြုဆီမရောက်နိုင်တဲ့  ထစ်ထစ်နေသောဓာတ်ပြားများ
ဖွင့်လို့ မရနိုင်လို့  ထားပါတော့ဆိုပါဆို့ 
ဘကြီးအောင်ညာတာနဲ့  ကဗျာဆရာညာတာ
ဘယ်ဟာပိုဆိုးသလဲ
ကဲ
ဖြေ။      ။
            ၇.၁၀.၂၀၀၉
             မြတ်ဝေ


တောသူမလေးနှင်း

နင်နဲ့ငါနဲ့ ပြောခဲ့တဲ့ ကြက်တောင်စည်းလေးဟာ
ရှင်နဲ့ကျွန်မ ပြောတတ်တဲ့ ကျစ်ဆံမြီးလေးဖြစ်ခဲ့ပြီ
ဆံစု ဆံစပ် ဆံတောက်လေးနဲ့ လှတဲ့နှင်းရေ
ဆံထုံးလေးနဲ့ ဆံထိုးဆံညှပ်တွေနဲ့ နွဲ့နှောင်းလို့
ဆံမြိတ်လေးချ ဆံရစ်ဝိုင်းလေးနဲ့ ကြော့မော့လို့
မြို့ ကျောင်းကို ရောက်သွားပေမဲ့
ငါတို့ ရွာလေးက ကွမ်းတောင်ကိုင်ဟာ နင်ပါကွယ်
ကြည်လင်တဲ့ မျက်နှာ
ကြည်သာတဲ့ အပြုံး
ခုံးမျက်စလေး နက်မှောင်မှောင်
ကြိုင်လှိုင်သင်းနေတဲ့ နင်ရဲ့ ရည်မွန်ခြင်းတွေအကြောင်း
မြို့ ကတနွဲ့တဖွဲ့သတင်းတွေ ကြားရတယ်
ကျက်သရေ ကြူကြူမွှေး ငါဂုဏ်ယူရသေးပေါ့ နှင်းရေ
ကြော့ရှင်းနေတဲ့ လည်တိုင်လေးဟာ ကမ္ဘာဆန်မှန်း ငါသိပါတယ်
ပိန်းကျားရိုက် သနပ်ခါးတွေမရှိတော့တဲ့ အရပ်မှာ
ခြယ်နားကပ်လေးမပန်ဘဲ ၀င်းညက်နေမယ့် နင့်ပါေးလးနဲ့
စေ့စေ့ကြည့်ခံတဲ့ ပညာရဲ့  မျက်ဝန်း
ချပ်ချပ်ရပ်ရပ် ကိုယ်ကျင့်တရား
ကိုယ့်ကိုယ်ကို ယုံကြည်မှုရှိသူ နှင်းရေ
ကနွဲ့ကလျ ကပိုကရိုမလေးတွေထက် နင်ဟာထုံမွှေးပြီး
ကြွကြွရွရွ ဘောင်းဘီရှည်မလေးတွေထက် သင်းပျံ့  ပျံ့ မွှေးရနံ့  ထုံသင်းပါရဲ့ 
ခါးသေးရင်ချီ ခါတော်မှီလေးနှင်းရေ
နုနုထွတ်ထွတ် နင့်စိတ်ထားတွေ
နုနုဖပ်ဖပ် နင့်ကြင်နာမှုတွေ
န၀င်ပီယံ နင့်စကားသံတွေအတွက်
ကမ္ဘာကို အုပ်စိုးမယ့် နင့်လက်ချောင်းရှည်ရှည်လေးတွေအတွက်
ယမင်းရုပ်လေးကိုကြည့်ပြီး ငါသတိရနေတယ်
ငါသိပ်ချစ်တဲ့ အညာဓလေ့ ရွာဓလေ့တွေရှိရာ
ပျောင်းညွတ်နေတဲ့ စပါးခင်းဝါ၀ါတွေရှိရာ
ပွင့်ချပ်ပွင့်ငုံ ပွင့်ဆံ ပွင့်တံ ပွင့်ဖတ်စုံသော တောပန်းများရှိရာ
နင်ပြန်လာမယ့် ရွာဝင်လမ်းဆီမှာ
ရှက်သွေးဖြန်း ရှက်အမ်းအမ်း နင့်မျက်နှာလေးကိုကြည့်ဖို့
တီတီတာတာ ငှက်ကလေးတွေနဲ့အတူ
ငြိမ့်ညောင်းသာယာ ဆည်းလည်းသံတွေနဲ့အတူ
ခွာညို ခွာပြာပန်းလေးတွေနဲ့အတူ
တမာတန်းက ရေချမ်းစင်လေးရဲ့ ဘေး ငါမျှော်ငေးနေမယ်
အညာသူမလေး    နှင်းရေ
ခေတ်ကာလက နင့်အလှတွေကို ချွတ်ခြွေမချစေဖို့
ရွာဦးစေတီလေးမှာ ငါအမြဲဆုတောင်းပေးနေတယ်
နင့်ဘ၀လေး ငြိမ်းချမ်းစွာ လင်းလက်ပါစေတော့။             ။
                                                                                          ၂၂.၆.၂၀၀၉
                                                                                           မြတ်ဝေ



  ကမ္ဘာကြီးသို့
                   

             
      
ကမ္ဘာကြီးရေ    ခင်ဗျားကို    နားမလည်တာကြာပြီ
                
                ၂၀၀၂  ခုနှစ်    အောက်တိုဘာလ    ၁၁ ရက် ကစပြီး
 
                 ယနေ့  အချိန်ထိဆိုပါတော့

                 အရက်ဆိုင်ထဲမှာ    ခင်ဗျား  ကျွန်တော်ကို့    ဟားတိုက်တဲ့နေ့လေ

                 ကျွန်တော်ခင်ဗျားဘေးဝင်ထိုင်တော့

                 ကောင်လေး    မင်းအသက်ဘယ်လောက်ရှိပြီလဲလို့   မေးတယ်

                 ၁၇  ဆိုတော့   ခင်ဗျား  ပြုံးနေခဲ့တယ်

                 မင်းငယ်ပါသေးတယ်ဆိုတဲ့      အဓိပ္ပာယ်နဲ့

                 ပြီးတော့   သဘာဝပတ်ဝန်းကျင်အကြောင်း

                 ပူနွေးလာတဲ့    ခင်ဗျား  ဘ၀အကြောင်းတွေပြောတယ်

                 ခင်ဗျားမျက်လုံးတွေဟာ     ရီဝေနေသလိုပဲ

                 ရင်ဘက်ထဲက    မြေမြုပ်မိုင်းတွေအကြောင်းပြောပြီး    ငိုတယ်

                 အရေပြားပေါ်က    စစ်ပွဲတွေအကြောင်းပြောပြီး      ရယ်တယ်

                 ထားလိုက်ပါဗျာ     ကျွန်တော်ကငယ်သေးတော့    ဘယ်နားလည်မလဲ

                 နောက်ပိုင်းမှာ   နားလည်လာမှာလို့    ကျွန်တော်ယုံကြည်ခဲ့တယ်

                 အမှန်တရားကို   ယုံကြည်ခဲ့တယ်

                 နောက်ပိုင်းမှာ  ကျွန်တော်  အများကြီးသိလာရပြီ

                 ခင်ဗျားရဲ့    မပျော်ရွင်မှုတွေကို  စာနာတတ်လာပြီ

                 အိပ်မပျော်တဲ့   ညတွေလည်း  ဘ၀မှာရှိလာပြီ

                 ဖြတ်သန်းခဲ့တဲ့နှစ်တွေမှာ       ငိုလိုက်   ရယ်လိုက်

                 ပြုံးလိုက်  မဲ့လိုက်

                 ခင်ဗျားလောက်မဟုတ်ပေမယ့်   ခင်ဗျားလိုနေတတ်လာပြီ

                 ကျွန်တော်တို့တွေ့ခဲ့တဲ့  ဆိုင်လေးဆီ   ခဏခဏရောက်တယ်

                 ခင်ဗျားမလာတာကြာပြီတဲ့     ပြောတယ်
             
                 ခေတ်ပေါ်ကဗျာတွေရော  ဖတ်ဖြစ်သေးရဲ့လား

                 ၂၃နှစ်သားကဗျာဆရာရဲ့  ကဗျာတွေရောတွေ့ရဲ့လား

                 ခင်ဗျားပြောခဲ့တဲ့     စကားတွေကို   သတိရတယ်ဗျာ

                 အမှန်တရားကို     ငါမယုံကြည်တော့ဘူးတဲ့

                 ခင်ဗျားဟာ     ခွင့်လွှတ်တတ်သူ    တစ်ယောက်ပဲ

                 ခင်ဗျားကို  ကျွန်တော်  ခုထိ    နားမလည်သေးပါဘူး

                 ခင်ဗျားက   လူတွေအကြောင်းကို    ပိုသိသူကိုး ။          ။

                                                                                                               ၁၂.၅.၂၀၀၉

                                                                                                                မြတ်ဝေ 



မိုးရွာသော ပြင်ဦးလွင်

အိပ်မပျော်တဲ့ညတွေရဲ့ ကော်ဖီမဲ့မနက်
ကျွန်တော်နိုးခဲ့တဲ့အကြောင်းပြောတော့ ရယ်စရာ
အပြင်မှာ တိမ်မြူခိုး မရိုးတဲ့အေးစက်မှု
ရင်ထဲမှာ ပြုစုထားတဲ့ဒဏ်ရာ
လူတစ်ယောက်မှာ ဖုံးကွယ်စရာဘာလို့ပေါလိမ့်ဆိုပြီး
ကျွန်တော် ကြောက်နေခဲ့တာ
့ပြင်ဦးလွင်ကတော့ ဒီလိုပဲနှင်းမိုးတွေဖွဲလို့
ကျွန်တော့်စိတ်တွေကျန်းမာဖို့ ဘယ်လိုလေ့ကျင့်
ဘယ်လိုကုသရပါ့ဆိုပြီး
ကျွန်တော့ကိုယ်ကျွန်တော်ကြောက်လာတယ်
ပြင်ဦးလွင်ဟာတက်ပြီးရင် ပြန်ဆင်းလို့မရတဲ့နေရာ
စွဲလမ်းမှုဆိုတာမရှိသင့်တဲ့ အမှန်မွန်ဆိုလား
ကျွန်တော့်စိတ်ထဲမှာ ဘာမှန်းမသိတာတွေဝဲလှည့်လို့
ခြေဖျားတွေအေးခဲစေတဲ့ အခန်းထဲမှာ
ကျွန်တော်သိထားတာတွေလည်းမှုန်ဝါးလာတယ်
ပြင်ဦးလွင်ကတော့ ဘာမှမသိသလိုလေအေးတွေတိုက်
ကတိုက်ကရိုက်ပြေးနေတဲ့ ပန်းတွေခြုံပြီး
ပင်လယ်ရေမျက်နှာပြင်ထက် ၃၅၃၈
တစ်နေရာရာကို ညွှန်ပြထားတဲ့လက်နဲ့
ကျွန်တော့ခန္ဓာကိုယ်ကို မပြီးထားခဲ့တယ်
မလုံခြုံမှုတွေရဲ့ လူ့ဘ၀နဲ့
ဝေါဟာရတွေပြည့်နှက်နေတဲ့ကမ္ဘာ
သေလိုရာသေရှင်လိုရာရှင် ကျွန်တော့်စိတ်နဲ့
မိုးစက်တွေခုန်ချနေတဲ့ တောင်ပေါ်မြို့လေးက
သူငယ်ချင်းလေးကို ထားခဲ့ရမယ့်နေရာ
နှင်းတွေကျပြီး မိုးရွာတာ 
အစရှိတာတွေအားလုံး ကျွန်တော့်စိတ်လိုပဲ။   ။

မြတ်ဝေ
ပိတောက်ပွင့်သစ်မဂ္ဂဇင်း၊၂၀၀၉
မောင်နေ၀င်းအမှတ်တရစာအုပ်မှ


ပင်လယ်

ဒီကဗျာကို ဘယ်သူရေးခဲ့သလဲ

ဒီရေတွေကို ဘယ်သူအသက်သွင်းခဲ့သလဲ

အ၀ါကနေ အစိမ်း

အပြာရောင်ခပ်ပိန်းပိန်းအဖြစ်  ပြောင်းလဲလာပုံ

လှိုင်းအထမှာ နေရောင်လွင့်လွင့်လေးဝင်သွားတဲ့အရောင်

နေရောင်နဲ့ တလှပ်လှပ်ပြေးနေတဲ့ လှိုင်းကလေးပင်လယ်

ပင်လယ်ဝရဲ့ အဝေး

ဇင်ယော်တွေမရှိတော့တဲ့ ရေပြင်

နက်ပြာရောင် အနုလေးခင်းထားတဲ့ ကော်ဇော

လှိုင်းပေါ်မှာပျော်နေတဲ့ လှိုင်းတွေရဲ့အသံ

ရေမြုပ်လေးတွေမွနေတဲ့ တေးသွားနောက်ခံနဲ့

နီကျင်ကျင်အရောင်တွေ ဖြန့်ခင်းထားတဲ့ညနေ…

ဒီကဗျာမှာ ဘယ်ဘာသာစကားက အလှဆုံးလဲ

နေကိုအန်ထုတ်ပြီး နေကိုပြန်မြိုနေတဲ့ အနုပညာ

လေမှာလွင့်နေတဲ့ ပင်လယ်ဟာ

ဘယ်သူမြင်ခဲ့တဲ့ သဘာဝတရားလဲ

သ်ိပ်လှတယ်။

                          ၉.၁.၂၀၀၉

                            မြတ်ဝေ




လေညင်းရနံ့

တစ်ယောက်တည်း တိတ်ဆိတ်သက်ငြိမ်စွာ
ညင်သာစွာ လှုပ်ရှားနေသော လေနှင့်အတူ
ဘ၀အမောများကို မေ့လျော့၍
လောကအပူများကို လျစ်လျူရှု၍
စိတ်ကို စိတ်ထဲတွင်သာ နစ်မျောစေလျက်
ကျွန်တော့်အကြောင်းနင့် ကျွန်တော်
ကမ္ဘာမှာ ကျွန်တော်တစ်ယောက်တည်း
ယိမ်းနွဲ့နေသော ကိုင်းပင်များကြားတွင်
ကျွန်တော်တစ်ယောက်တည်း
တောင်အထပ်ထပ်၏ ရှုခင်းများပေါ်တွင်
ပင်လယ်နှင့် ကျွန်းများ၏ ဖြစ်တည်မှုပေါ်တွင်
တောရကျောင်းလေးများ၏ အဓိပ္ပာယ်ထဲတွင်
မြသပိတ်စေတီ၏ လွတ်မြောက်မှုတရားတွင်
သက်ဝင်ငြိမ့်ညောင်းစွာ ကျွန်တော်
ကျွန်တော် မပျော်ဝင်နိုင်သော ပထ၀ီမြေနှင့်အတူ
ကျွန်တော် တမ်းတလျက်ရှိသော အရာများနှင့်အတူ
ကျွန်တော် တိုက်ခတ်ရာ သစ်ပင် တောတန်းများတလျှောက်
ကျွန်တော် ပျော်ရွှင်ရာ စိမ့်စမ်းလေးများ တ၀ိုက်
ကျွန်တော် နားခိုရာ စေတီများ၏ ပတ်လည်
မြက်ရိုင်းပင်ပျိုများ၏ ငြိမ်းချမ်းမှု နည်းတူစွာ
အသံမြည်တတ်သော ငှက်ကလေးများကို သယ်ဆောင်၍
တောရိပ် သစ်ရိပ်ကို ခိုလှုံ၍
ကျွန်တော်သည် ကျွန်တော်၏ ရနံ့နှင့်အတူ
သက်ဝင် နွဲ့နှောင်းနေသော လေညှင်းနှင့်အတူ
ကျွန်တော်သည် ငြိမ်သက်စွာ လွင့်ပါးလျက်။
                                                               ၁၄.၁.၂၀၀၉
                                                                                  
                                                                    မြတ်ဝေ





တောကြီးမြွေဟောက် လေညာမြစ်

တွန့်လိမ်ကောက်ကွေးသော ကျောရိုးနဲ့
ခွေပတ်ယှက်နွယ်ထားသော
အစွယ်နှစ်ခွနဲ့ မြစ်လေညာရေ
သင်ဟာ တောထဲတောင်ထဲခရီးသွားသူ
လောကရေစီးကို စုန်ချည်ဆန်ချည်ကူးခတ်သူ
သဘာဝတရားနဲ့ အသားကျသူ တောကြီးမြွေဟောက်ပေါ့
လရောင်ကိုထမ်းပြီး
သင်သွားရာ လမ်းများတစ်လျှောက်
ကမ္ဘာမြေကို ခြေရာထင်စေခဲ့တယ်ပေါ့
ဒီရေတောတွေကို အသက်သွင်းခဲ့တယ်ပေါ့
ရေသတ္တ၀ါတွေကို သယ်ဆောင်ခဲ့တယ်ပေါ့
တိတ်ဆိတ်နေတဲ့ အလှမှာ
မိချောင်းတွေ လှေငယ်တွေ
သစ်တွေ ၀ါးတွေ
အစရှိတာတွေကို မ မပြီး
သင်ဟာ တွန့်လိမ်ကောက်ကွေးနေခဲ့တယ်ဆိုတော့
ဖောင်းလိုက်ပိန်လိုက်အသက်ရှုခဲ့တယ်ဆိုပါတော့
ပင်လယ်ထဲကို တိုးဝင်လိုက်
ပင်လယ်ရဲ့  အဝေးကိုထွက်ပြေးလိုက်
ငြိမ်သက်စွာအိပ်စက်လိုက်နဲ့
သင်ဟာ ဦးတည်ရာပြောင်းလဲတတ်သူ
အချိုနဲ့ အငန် ရောစပ်ထားသူ
ရေလိုက် ငါးလိုက်နေတတ်သူ
တောကြီးမြွေဟောက် လေညာ
သင်ဟာ အမှန်တရားရဲ့  သက်သေ
လူသားတွေရဲ့  အဆွေခင်ပွန်း
သဘာဝတရားရဲ့  သူရဲကောင်း
မမြင်ရတဲ့ အင်အားတွေ သင့်မှာရှိမှန်း
သင်ကိုယ်တိုင်သိနေတဲ့ အနုပညာ
ကဗျာစပ်တတ်သူ တောကြီးမြွေဟောက်လေညာ
သင့်အဆိပ်တွေကို ပြန်ပြန်မျိုပြီး
သဘောကောင်းနေတတ်သူသင်ဟာ
သင့်ကိုယ်ထဲက အမှိုက်တွေကို
သန့်စင်ဖယ်ရှားဖို့ အခွင့်အရေး
ဘယ်တော့မှ မပေးတော့ဘူးဆိုတာ
သင်ကိုယ်တိုင် သိနေတယ်မဟုတ်လား
တောကြီးမြွေဟောက် လေညာရေ။      
                                                   ၁၁.၂.၂၀၀၉
                                                           မြတ်ဝေ



ကိုကိုးကျွန်းမြို့ 

ပင်လယ်ကိုအံတုထားတဲ့ မြန်မာပြည်သားပုံစံနဲ့
အုန်းပင်တွေ ပတ်ချာရစ်ဝိုင်းပြီး
တစ်ဘ၀လုံး တောနဲ့တောင် ထပ်နေတဲ့မြို့ လေး
ရန်ကုန်မြို့ နဲ့ ဝေးတဲ့ ရန်ကုန်ရဲ့  မြို့ လေး
ရေတက်ရေကျတွေမှာ သံသရာအဆက်ဆက်တည်ငြိ်မ်လို့
လေတိုက်ရာတိမ်း ယိမ်းနွဲ့  ပါးအုန်းပင်များလည်းရှင်သန်လို့
လမ်းဆိုလည်း တစ်လမ်း
ဘာသာဆိုလည်း တစ်ခု
စိတ်ဆိုလည်း တစ်ညီ
ကျောင်းဆိုလည်း တစ်ကျောင်း
အဲဒီမြို့ မှာ လ္ဘက်ရည်နဲ့ ပင်လယ်စာဈေးချိုသလို
မြန်မာ့စေတနာတွေလဲ ဈေးချို
ချိုပါတယ်ဆိုမှ အုန်းရည်တွေကလဲ ချို
ပြိုပြိုသွားတဲ့ လှိုင်းတွေလည်း ချိုချိုသွားရတယ်
ကိုကိုးကျွန်းမြို့ က
ပင်လယ်ကိုအံတုထားတဲ့ လောကဓံပုံစံနဲ့။           ။

                                                                                                       မြတ်ဝေ
                                                                                          ၁၄.၁.၂၀၀၉ - ၁၆.၁.၂၀၀၉

Comments