Afkondigings

Kanker, die mees gevreesde siekte

posted Mar 17, 2019, 12:28 PM by Nederduitse Gereformeerde Kerk Outeniqualand

Van die drie mees gevreesde siektes in die wêreld is kanker hoog op die lys. Daar word voorspel dat kanker in Suid-Afrika teen 2030 met 78% gaan toeneem. In 2008 was daar 12.7 miljoen mense in die wêreld wat met een of ander tipe kanker presenteer het. Onlangse studies het ook bewys dat kanker van die grootste oorsake van sterftes is en dat dit ‘n impak op die land en elke lid van die bevolking se ekonomie het.

Op 20 Maart om 10:00 word ‘n inligtingspraatjie oor kanker deur me. Engela van der Merwe in die sitkamer van Huis JJ Watson aangebied. Die gebou is op die hoek van Cradock & Fichatstraat.

Indien u meer inligting wil hê kan me. Barnard by 044-874 3039 of 044-874 3166 gekontak word. 

Kom luister en word bemagtig.

Uitreik na Hooggekraal

posted Mar 17, 2019, 12:26 PM by Nederduitse Gereformeerde Kerk Outeniqualand

Ons is besig met 'n uitreik na die vroue en kinders in Hooggekraal en benodig asseblief breinaalde vanaf nr. 4(ou 8) tot 5(ou 6).
Kontak asseblief vir Martie Dickson.

BAIE DANKIE…

posted Mar 10, 2019, 6:31 PM by Nederduitse Gereformeerde Kerk Outeniqualand

Aan elkeen wat 'n bydrae gelewer het om Sondag se bevestiging so 'n groot sukses te maak.
Hester en Janita wat die kerk en saal vir ons so pragtig versier het, Blok A (onder leiding van Henriëtte) wat die eetgoed gereël het, Outeniqualand se koor en die Diepkloof Laerskool koor wat so pragtig gesing het, Tinus vir die besonderse woorde wat hy spesiaal vir die geleentheid geskryf het, die dames wat die tafel vir ons oorlaai het met die heerlikste eetgoed en elkeen wat opgedaag het om in hierdie besonderse geleentheid te deel.

#imagine 2019

posted Mar 10, 2019, 6:28 PM by Nederduitse Gereformeerde Kerk Outeniqualand


Belangrike info: Dit word gehou in Bredasdorp Park.
Dit kos R450 per tiener (dit sluit etes in). Eie vervoer.

Waar kan ek meer info kry?
Webwerf: www.imaginemovement.co.za
Facebook: www.facebook.com/imaginemove/
Twitter: www.twitter.com/imagine_moveSA
Instagram: imagine.movement
Email: info@imaginemovement.co.za
óf kom maak 'n draai by Outeniqualand se kerkkantoor.

Geur van Vrouwees met Liezel Conradie

posted Mar 10, 2019, 6:21 PM by Nederduitse Gereformeerde Kerk Outeniqualand


Sterkte met die Argus

posted Mar 10, 2019, 6:19 PM by Nederduitse Gereformeerde Kerk Outeniqualand

Sterkte aan al ons gemeentelede wat hierdie naweek die Argus ry, o.a. Hans du Toit, Pieter Landman ens.
Bert Horn is 80 jaar oud en ry hierdie jaar sy 18de Argus. Hy ry dit saam met sy seuns en hy moes hulle belowe dat hy nie vir hulle sal wegry nie.
Ons Ds. Jan het self al 'n paar Argus renne onder die belt en is ook 'n kranige fietsryer.

Diepkloof Kleuterskool Kosbelofte

posted Mar 10, 2019, 6:11 PM by Nederduitse Gereformeerde Kerk Outeniqualand

Soos in die verlede nader ons weer ons lidmate vir ondersteuning!
In die voorportaal is 'n lys waarop jy kan aandui watter items jy bereid is om maandeliks vir ons te verskaf.
Dit is slegs 'n paar items maar toiletpapier o.a. en skoonmaakmiddels moet elke maand aangekoop word.
Ons sal dit BAIE waardeer want dit raak al moeiliker vir ons om elke dag 60 kinders kos te gee en te versorg.
Ons is saam werkers in God se saailand en weet Hy sal die vrug daarvan laat voorsien. Kontak Bernice by 082 459 6302.

BAIE DANKIE

Kategese

posted Mar 10, 2019, 6:09 PM by Nederduitse Gereformeerde Kerk Outeniqualand

Ons kort nog 2 kategese juffrouens of menere.
As jy kan help, kontak asseblief vir Carin.

Hartlik welkom!

posted Mar 3, 2019, 11:08 AM by Nederduitse Gereformeerde Kerk Outeniqualand

'n Baie hartlike Outeniqualandse welkom aan
Ds. Jan, Karien, Henk en Melanie

Ds. Jan Fourie se Intreepreek en Bevestiging

posted Feb 24, 2019, 6:56 PM by Nederduitse Gereformeerde Kerk Outeniqualand

Ds. Jan het die beroep na Outeniqualand aanvaar en sy bevestiging en intree preek vind plaas op 3 Maart 2019.
Ds. Jan was voorheen voltydse Leraar van NGK Vredendal.


Ds. Jan is getroud met Karien en hulle het 2 kinders: Henk in graad 12 en Melani in graad 10.

Ds. Jan trek 1 Maart in by Outeniqualand se pastorie. Karien en die 2 kinders sal by hom aansluit vir die Bevestigingsnaweek maar sal dan vir eers weer teruggaan na Vredendal.
Melanie sal in die tweede kwartaal by Outeniqua Hoërskool begin en Karien hoop om teen daardie tyd 'n onderwyspos in George te kry en te kom nesskop in Outeniqualand Henk sal egter in Vredendal aanbly, aangesien hy gekies is as Hoofseun van Vredendal Hoërskool.


Ds. Anton Verwey, mede-leraar van Vredendal, sal Ds. Jan bevestig.

Die program sal min of meer as volg verloop:

Verwelkoming en bekendstelling
Johan Myburgh

Votum en Seëngroet
Ds. Anton Verwey

Kinderkoor van Diepkloof Laerskool

Bevestiging
Ds. Anton Verwey

Outeniqualand se Koor

Intreepreek
Ds. Jan Hendrik Fourie

Kenmekaartee in Kerksaal
Die gemeente leer Ds. Jan, Karien, Henk en Melani ken oor 'n koppie tee of koffe en 'n heerlike bordjie eetgoed.


Ons wil 'n beroep doen op elke vrou in die gemeente wat wil bydra tot die kenmekaartee om asseblief 'n bordjie soet of sout saam te bring en voor die diens op die 3de Maart net in die kerksaal af te gee. Daar sal ook 2 bordjies sout en 2 bordjies soet vanaf elke wyk kom. Ons verwag heelwat gaste en as daar een ding is wat Outeniqualand goed kan doen is dit mense bederf met ons gasvryheid en lekker saam kuier. Baie dankie by voorbaat.

1-10 of 1071