Muhemmed Erdem


Men turaqliq famile qollinish ishini xéli burunla könglümge püküp yürgen idim, Mutellip Sidiqning famile heqqide yazghan maqalisini oqughandin kéyin, mende famile ishlitishning ehmiyiti heqiqde téximu chongqur chüshenche hasil boldi. Shunga  menmu bashqilargha ohshashla öz jemetimning yoqulup kétishini xalimaymen. Men mushu ulughwar pikirning türtkisi bilen ejdatlirim ishletken qedimki isim "Erdem" (Edep, Exlaq, Pezilet) ni özümge famile qilip qollandim. Urugh-tughqan, qérindashlirim ejdatlirimizning bu namini muwapiq körüp ularmu bu familini qollandi. Bundin kéyin ailimizning familisi Erdem bolup, ewladlirim mushu familini qollinidu. Hazir nurghunlighan kishiler bu ulughwar burulushni teshebbus qiliwatidu. Kimmu öz jemetining yoqulup kétishini xalisun? Urugh-tughqanlirim, dostlirimning xewerdar bolup qélishini soraymen. 
 
Muhemmed Erdem (esli: Muhemmed Abdusemet) 
1997-yil 8-Mart 

    Men turaqliq famile qollanghandin kéyin,kimlikimdiki isim-familemni "Muhemmed Erdem" ge özgerttim. Bularni urugh-tughqanlirim, dost-buraderlirim arisida keng teshwiq qildim. Inilirim méni yéqindin qollap "Erdem" dégen isimni özlirige famile qilip qollandi. Men yéngila dunyagha köz achqan oghlum Misrannimu "Misran Erdem" dep nopusqa aldurdum.
Muhemmed Erdem 
1999-yil 1-Iyul