Klimprogram

Die nuutste Klimprogram kan oor hier afgelaai word in PDF formaat, Klimprogram No. 290

 

KLIMPROGRAM: SOMER 2018

AANDAG DEELNEMERS

  • Deelname aan alle uitstappies geskied op eie risiko.

  • Bel asseblief die leier voor elke uitstappie om plek te bespreek.Doen navraag oor enige kostes betrokke.

  • Sluitingsdatum gewoonlik een week voor datum, in geval vir permit aansoek.

  • Die tye op die program aangedui is vertrektye, kom asb. 10 minute vroeër.

  • Indien jy twyfel oor die moeilikheidsgraad van die uitstappies, bel die leier vir meer inligting.

  • Kom volledig toegerus wat toerusting en kos betref veral op uitslaapnaweke. Onthou dat die leier na sy oordeel, enige voornemende deelnemer kan wegwys, indien daar enige twyfel is oor die toerusting of vermoë van die persoon.

  • Dra ʼn koplamp saam – soms is daar gebeurlikhede wat veroorsaak dat mens later as beplan in die donker moet terugstap.

    • Nie-lede wat as gaste saamstap betaal die volle permitfooi. Permitgelde word binne die begroting vir lede betaal.

    • Lede mag gaste saamnooi op uitstappies. Reël vooraf met die leier. Die lid is verantwoordelik vir die gas se veiligheid asook om toe te sien dat die gastefooi van R40 per dag per uitstappie en moontlike permitkoste betaal word.

  • Persone wat na die sluitingsdatum kanselleer of nie opdaag nie, sal vir permitkoste aanspreeklik gehou word.

    • Die bymekaarkomplek vir uitstappies is voor die ingang van die US Siviele Ingenieursgebou (parkeerterrein oos van die Ingenieursgeboue uit Banhoekweg), tensy anders vermeld.

  • In geval van slegte weersomstandighede kan die leier besluit om ’n uitstappie te kanselleer.

  • Lede met “Wildcards”: laat weet leier vooraf en bring saam op uitstappies in Cape Nature gebiede.

  • Noodhulp: Dit is elke lid se verantwoordelikheid om basiese noodhulpbenodighede in te pak en die leier in kennis te stel van enige mediese probleme.

AANDAG LEIERS

  • Stuur asb. ’n verslag aan die bestuurslid vir klimprogram, die nuusbriefredakteur en aan die voorsitter. Daar bestaan ook ʼn aanlynweergawe vir uitstappieverslag, kyk onder: http://goo.gl/Mc6x06.

  • Leiers moet ook toesien dat die gastefooi van R40 per gas per dag aan die tesourier betaal word, die Konstitusie vereis dit. Indien daar enige twyfel bestaan oor die vermoë van ʼn deelnemer of indien ʼn persoon sonder toereikende toerusting opdaag, moet die persoon weggewys word.

  • Stapleiers kan met Paul Verhoeven, 073 371 6687 of epos pfmv@sun.ac.za, in verbinding tree oor die klub se noodhulpuitrusting of enige andere toerusting wat benodig word.



SATERDAG 20 JANUARIE: EERSTE TOL NA TWEEDE TOL, BAINSKLOOF

Kloofing vir die hele familie. Stap en boulder hop met die Witterivier tussen Eerste en Tweede Tol in Bainskloof. Bring swemklere. Kontak leier vroegtydig vir permitdoeleindes.

Leier: Teuns Kok, 083 2674455 (slegs na-ure) of teuns.kok@capetown.gov.za

Vertrek: 07:30 vanaf Eerste Tol



NAWEEK 27-28 JANUARIE: AGTER-TAFELBERGHUT, WEMMERSHOEK

Oornag in Agter-Tafelberghut en geniet die swempoele en uitsigte. Kindervriendelike uitstappie. Getalle in hut beperk. Hutfooie R30 per dag vir lede en R60 vir nie-lede. As iemand 'n minibus het wat by Fizantekraal kan oornag, kan ons tyd spaar en die instap verkort. Kontak leier vroegtydig vir reëlings.

Leier: Peet Badenhorst, peet.badenhorst@gmail.com


SATERDAG 3 FEBRUARIE: CASCADES, DU TOITSKLOOF

Klassieke klouterroete langs reeks watervalle en poele. Kop vir hoogtes nodig. Kontak leier vroegtydig vir permitdoeleindes.

Ontmoet: 08:30 by die parkeerarea aan Worcester kant van Hugenote tonnel.

Leier: August Carstens, 082 552 8630 of carstensal@gmail.com


NAWEEK 2-4 FEBRUARIE: KROMRIVIERHUT, DU TOITSKLOOF

Ons Afdeling het Kromrivierhut bespreek - vir diegene wat moontlik na Cascades by die hut wil oornag en Sondag via Kromrivier terug wil gaan. Of gewoon rustig die naweek by die hut wil wees.

Kontak vir Paul Verhoeven, 073 371 6687 of pfmv@sun.ac.za indien jy wil oornag.



NAWEEK 10-11 FEBRUARIE: VISGAT

Kloof swem op sy beste! Voorkeur aan uitstappieleiers en lede. Getalle beperk tot vier Stellenbosch lede. Kontak leier vroegtydig vir reëlings.

Leier: Freda Walters, 083 456 0059 (whatsapp) of freda.walters@uct.ac.za



NAWEEK 10-11 FEBRUARIE: BOEGOEKLOOF / DWARSBERGPLATO

Op met Kurktrekker en gaan af in Boegoekloof tot by groot swempoel. Oornag by Hauptfleish se grot. Stap Sondag terug via Reënmeterkloof, Bergriviernek en kontoerpad. Ouer kinders (vergesel van ouers) welkom. Kontak leier vroegtydig vir permitdoeleindes.

Leier: Teuns Kok, 083 267 4455 (slegs na-ure) of teuns.kok@capetown.gov.za

Vertrek: 07:30 vanaf Jonkershoekhek



SATERDAG 17 FEBRUARIE: STEENBRASKLOOF EN -POELE

Maklike stap en lekker swem in poele. Getalle beperk. Voorkeur aan families van lede. Kontak leier vroegtydig.

Leier: Wim Morris, 082 321 8774 (slegs na-ure) of verkieslik wimmor@gmail.com

Ontmoet: 09:00 by parkering aan begin van stap in Clarence Drive .


SATERDAG 24 FEBRUARIE: EERSTE EN TWEEDE WATERVAL, JONKERSHOEK

Bekendstelling van stappe aan lede van die Jonkershoek-gemeenskap. Hierdie eerste geleentheid word aan die vroue van Jonkershoek aangebied in samewerking met ’n organisasie wat in die vallei werksaam is.

Leier: Leonie van Rooyen, 072 433 8721 of leonie2325@gmail.com

Vertrek: 08:00 vanaf Jonkershoekhek



SONDAG 25 FEBRUARIE: TAFELBERG KERKDIENS

Klim Tafelberg via Nursery Buttress vir die Kerkdiens by McLear’s Beacon.

Leier: Brian Brock, 021-797 1901 of 084 702 1365 of set2@webafrica.org.za

Ontmoet: 08:00 by Kirstenbosch



NAWEEK 24-25 FEBRUARIE: GROOTHOEKKLOOF, HEXRIVIERBERGE

Klassieke Hexriverberge kloof-abseil roete met waterval abseils. Rugsak moet waterdig verpak word. Fiksheid vereiste. Bring kloof abseil toerusting. Kontak leier vroegtydig vir reëlings.

Leier: Retief Jordaan, 023 356 2226 h, retief@hexvallei.co.za



SATERDAG 3 MAART: PERDEBERG, KLEINMOND

Kom geniet saam die prag uitsigte oor die Kogelberg Natuurreservaat en omliggende kusgebiede vanaf die kruin van Perdeberg.

Leier: Christoff Truter, 082 574 3655 of jctruter@sun.ac.za

Vertrek: Saterdagoggend 07:00 vanaf die Elektriese & Elektroniese Ingenieurswese parkering. Die wat wil kan ons by die parkering by die Palmietrivierbrug ontmoet.


10 MAART: TRAIL RUN: DUIWELSKLOOF NA JONKERSHOEK

Ons gaan op met Duiwelskloof vanaf Lanquedoc, kruis die agterkant van die Groot-Drakensteinberge en beweeg dan oor na Jonkershoek via Banghoekpiek en Katedraal. Ons gaan soveel moontlik draf en fiksheid is dus ‘n vereiste. Die roete sluit ongeveer 2 500 m klim in en strek oor ±30 km waarvan die meerderheid nie op ‘n voetpad is nie.

Leier: Christoff Truter, 082 574 3655 of jctruter@sun.ac.za

Vertrek: Saterdagoggend 05h30 vanaf die Elektriese & Elektroniese Ingenieurswese parkering.



NAWEEK 17-18 MAART: BOEGOEKLOOF, SLANGHOEKVALLEI

Verken Boegoekloof vanuit die Slanghoekvallei.

Leier: Brian Brock, 021-797 1901 of 084 702 1365 of set2@webafrica.org.za

Vertrek: 07:00 vanaf die Elektries Elektroniese Ingenieurswese parkering



SATERDAG 24 MAART: TWEELINGPIEKE, JONKERSHOEK

Suidfront-roete. Lang dag. Bring genoeg water vir die dag. Fiksheid en gebrek aan hoogtevrees vereiste. Kontak leier vroegtydig vir permitdoeleindes.

Leier: Paul Verhoeven, 073 3716687 of pfmv@sun.ac.za

Vertrek: 07:00 vanaf Jonkershoekhek



SATERDAG 7 APRIL: WEMMERSHOEKPIEK

Stap met mooi uitsigte oor Wemmershoekdam en berge. Fiksheid vereiste – lang dag in die berge. Bring genoeg water, iets te ete en warm klere. Bel leier vroegtydig vir permitdoeleindes.

Leier: Wessel Croukamp, 021-876 2426h of 072 356 5939 of wessel@sun.ac.za

Vertrek: 07:00 vanaf Elektries & Elektroniese Ing gebou en 7:45 vanaf Roustraat 3, Franschhoek

Bydrae vir brandstof: R40


NUTTIGE KONTAKNOMMERS

BKSA Kaapstad Afdeling Kantoor: 021 465 3412

WKNBR Jonkershoek Kantoor: 021 866 1560

Jonkershoek Reservaat bestuurder 082 467 0405 (Patrick Shone)

Bergredding: nasionaal Metro CallCentre 10177

Wes-Kaap Bergredding: Metro (wat WSAR sal kontak) 021 937 0300

Kaapstad Mede-konvenor: 082 499 9656 - David Nel

Kaapstad Mede-konvenor: 082 290 2937 - Ant Hall

Hottentots Holland konvenor: 082 393 0407 - Gela Tölken

Bergveiligheid / rapporteer van insidente 086110 6417

Nasionale sellulêre noodnommer 112


Comments