Grunneger toal

Woar ie de woorden heuren, dij joen gedachten kleuren,De ziel van elk verhoal,
Joen aigen toal. (Ede Staal)



Toun k joar of wat leden begon te schrieven, dee k dat vanzulf ient ABN. Woarom? Zeg t moar. Omreden je t nait wend binnen? Gain grunneger spellingcontrole op mien computer heb? Baang veur, joa meschain baang. Moar woarom docht k bie mie zulf. K bin wazen kerel, mag geern schrieven. Woarom schrief k den nait ien toal van mien haart.

Weerom noar mien 'waddenpeen' dus.

Weerom noar mien gevuil. Den moar zunder spellingcontrole. Buusboukje van Siemon Reker en oetgoave van Kunstgaang Kaampke mit waarkwoorden binnen nou mien beste vrund. Kost n bult tied veurdat k wat schreven heb, moar aal woord is mit gevuil mokt. K hoop dat joe mit plezaaier mien waark lezen, kompelmenten moar ok gesoes heur k groag!

'Waddenpeen'

Op schoul begon t aiglieks al,

leren lezen, schrieven ien

vrumde toalen.

Dicht bie hoes blieven

wer slim stoer.

Elkenain ging op raais.

Toun schoulbouken

op plaank kwamen te liggen

begon aiglieks t leren pas.

Zunder bouken mos k luustern

noar mien haart.

Moar dat sprak mit n vrumde toal,

toal van mien jonkhaid.

Votstopt, moar nait vergeten.

Weerom noar mien 'roots'

leef k weer as n grunneger.

Wainig woorden, gain gesoes.

Stamppot boerenkool smoakt

weer as mous.

Mien haart mit zien woddels

tussen Drent en t wad,