revolum
 

Francimand soi, n'avem pagat lo prètz 

Trobètz pas? Que donavèm pron non?

Oc! Aquèl païs es mieu Ninon;

Avem pagat ame la sang que cascalejèt de pertot

Vertat que rajèt coma un flum , la sang !

De besièrs a Tolosa, Carcassona e maites encara

Crudèls , bestias, fats , barbars e falords;

Acarnissats, vos,  a roïnar Paratge,

Per vos, aviatz la gleisa e los rufians del nòrd .

Son venguts festejar coma dins una establa.

Lo brave rei de França capitèt un bèl òrt;

Aprèp faguèrèm la guerra ensems totis;

De totes los costats sens relambi,l'espasa per l'onor,

E la revolucion la faguèron d'estrambòrd;

Liures fin finala degabiats com' d'aucelons.

Nos sovenguèrem pas pus de l'aucèl dins lo rai,

Era la respelida dusca a Napoleon que sonèt lo claron

Torna amai, traversèrèm l'Europa en tustant del canon;

Avèm pagat lo prètz e lo demai.  

Vesètz pas per que disi qu'aquèl païs es nòstre ? 

Après la guèrra granda , n'i aguèt de pichonas,

D'aquèlas malastrosas que dison pas lors noms,

E dels mòrts per millions; la joventut mièjornala,

Dormiguèt per totjorn en terra desconeguda;

Me cresètz pas Ninon, agacha  sus lo marbre

De la stèla raspuda del monument dels mòrts;

 Aquèl païs es nostre l'amic, gaita,  toca lo cèl;

Dels aucèls venon i beure qualquas gotas de mèlh;

De mèlh e d'amarum cal o dire tanben;

Francimand soi uèi per las forças dels causas;

Avèm pagat lo prètz de parlar per nosautres;

L'ora es venguda enfin de pausar los costèls;

Vija de tot costat com' lo mièjorn es bèl.

 

  


A totis los que s'imaginan , qu'avèm pas cap lo drech de parlar nostra lenga , de la veire ensenhada, de l'ausir a la tele , a la radiò.

Los jacobins de tota mena creson que l'idéa francèsa subrepassa totas las autres , que devon per necessitat se calar.

Oblidètz jamai monsurs los aparaires del geniu françès qu'es pas amenaçat per degun , qu'aquò's la gleisa que donèt lo drèch als barons del nord, de caçar la riquèsa dèl miejorn , per de seguida lor mostrar las riquèsas encara mai granda de l'Arabia e de Jerusalem. 

Un biais per lo papa d'acampar totes los barons devers lo sol objectiu que valgue (per ela) : trapar los luòs sants. 

Se compren melhor los mots del curat a la messa del dimenge:

"gaitatz pas los pecats de la vostra gleisa , mas la pietat dels vostres evesques."

Ostal Bodou

Ostal Roqueta.M 

Ostal Mistral 

Ostal Calelhon 

Ostal Manciet 

casal nòstre

Taban

cardabela 

ostal d'occitania tolosenc

F BRUN

Calandreta mureth

POC

Jacme 

IDECO(crompar de libres)

Radio Occitania 

paratge

Trobadours 

Nord Vivarais

Jean Duvernoy et l'inquisition

 


 

retorn