erotisma e fantasia

Antonin Perbosc

 Los dos rats


Aqui q'un jorn d'estiu una femna pastava.

Coma fasia un calimàs qu'atucava

s'èra mèsa a la  mag.

desp)olhada de tot , cotilhon e camisa.

I mancava abeluc ni biais ni valentisa

agèt viste acabat . Un còp son trabalh fach,

al mèg de la fornials'ajacèt sus sa farda,

camba ençà, sens brica prendre garda

que, drech al fenestron , mostrava son agach

lo lis e lo borrut , dempèi son blanc papach

dusca a sa negra botifarra.

Aqui la qu'en un res dòrm coma una misarra .


De mentre que pastava a grands bolegadis,

de pastissonsi avian regisclat sus las popas,

sul ventre, e , subretot ont mai s'aborrudis,

s'èran agrumèlats altor de las estopas.

Dos rats cercant la vida i montèron al cuol,

e, de lors finhas dents gafinhant borra e pasta,

-pensatz vos,- en fasquent aqui lor bèl sadol,

i gratilhèron lèu lo dejos del conol.

A mitat revelhada , espièt a la mantasta 

qu'èra aquò ... los toquèt! Los rats son desgordits,

an de finessa autant que d'eime e de maliça:

tanlèu vist e sentit  la man bolegadissa

alèrtament s'èran gandits

La dormiguièra escarlandada 

i vejèt que de fum. "Somiavi ", se diguèt,

e sul còp se rendormiguèt.

Los rats avian pr'aquò, d'aquela sopacada

ajut pro bèla estomacada.

Qu'avian fach? Espaurits, lo cap tot desturbat,

Avian viste cercat un trauc per se rescondre:

sens anar lènc, l'avian plan coma cal trobat.

- E ont?- Vos vòli pas respondre.

 

Aqui que sul moment d'aquel mal adobat

un òme que passava espièt per la fenèstra.

Vegent aquela femna estaloira atal,

e tant bela pausa campèstra,

dintra, i monta dessus coma un pol de Nadal

e l'engulha plan coma cal.

Aquò's aqueste còp que nòstra campardina

sentiguèt de gratilhs endacòm, de gratilhs 

tant agradius que lèu, lènh de cercar guirguilhs

al que la gratilhava, i fasquent bona mina,

se revelhèt a plec . Al cap d'un bon moment,

dessus, dejos , i agèt comol de contentamen,.

Nòstre pol se'n tornèt , la finida sonada;

la femna se brandiguèt l'aus,

e se rendormiguè, bufa paln gaudinada ,

agent mai que mai besonh de repaus.


E los rats ? Que Dius los assiste!

Aprèp aquel segond alèrt, totes dos sortiguèron vistes

de lor trauc plan o mal dubèrt.

" a! diguèt l'un, jamai de ma puta de vida

me soi crejut tant prèp de mon darrièr badalh.

Eri claus de segur , dins un bon rescondal;

mas èran dos que , per s'encunhar  aquital,

trucavan a la pòrta - ò ! quina secotida!

Urosament n'an pas podut durbir lo trauc,

- Mon amic , diguèt l'autre , èri pas, iò tanpauc,

tròp plan campat al fons de l'enfonilh ont èri;

N'es vengut un que s'es mes a furgar l'embuc

ont m'èri agarrufat , tot estrlit e chorre,

amb un gròs cavilhòt mogarut e mastruc,

e, quand a vist que per butada , ni per truc,

voliau de cap  de biais sortir de mon aruc,

aquel pòrc m'a'scupit pel morre!"

 

 ligams


Ostal Bodou

Ostal Roqueta.M 

Ostal Mistral 

Ostal Calelhon 

Ostal Manciet 

casal nòstre

Taban

cardabela 

ostal d'occitania tolosenc

F BRUN

Calandreta mureth

POC

Jacme 

IDECO(crompar de libres)

Radio Occitania 

paratge

Trobadours 

Nord Vivarais

Jean Duvernoy et l'inquisition

 

  

 retorn