Cinquantenari de la mòrt de Justin Bessou
 

 

 

Lo dijous 8 d'agost , lo Sra en fèsta . A l'entorn de son capiscòl e de sa rèina , lo Grelh roergat èra vengut s'arremosar per festejar lo cinquantième anniversari de la mòrt de l'abbat Justin Besson. Tot lo pòble del Segala   èra a Sant Salvador , ambe sos felibres, sos representats oficials e sos convidats de marca.

A la glèisia , i ajèt concelebracion de la messa , en lenga d'òc , ambe mnhor Marty , archabesque de Paris, mnhor Menard , abesque de Rodès; nòstre escolan l'abat  Fournier prediquèt en occitan. Pei , s'anèt pregar sus la tomba del poèta al cementèri.

Un romavage menèt lo pòble al vilatge de Mejalanou, ont Bessou èra nascut. N`stres amics del Grèlh faguèron aplaudir lors vèrses de Bessou: mencionem  Mouly, Calelhon , Vaylet e Girard.

Al dinnar , que se faguèt a la Sala de las Fèstas de la Folhada , i ajèt fòrça brindes: l'archabesque de Paris , flih del paîs segalin, foguèt aplaudit amb estrambòrd.

Qualques fervoroses anèron visitar Saint ndriu de Najac , ont Bessou èra estat rector de longas annadas, e se clinar , per acabar la jornada, davant lo buste de Vilafranca.

-----------

Es sovent costuma , quand se parla  de l'abat Bessou, de lo representar jos un biais risent e trufarèl , un pauc coma un faseire d'almanac.

Nos es agradiu de faire contra pes a- n-aquela  opinion en metent jols uèlhs de nòstres escolans una letra inedita adressada per lo bon rector a son amic Prosper Estieu.

Acò èra a l'estiu de 1906: lo poèta , malaut , se sentissia vielhir , son còr gardant pracò ardor e joventut, ambe tota la fervor sacerdotala.


Un Nadalet de la Tata Mannon.


Plan luenh , amont , sus la montanha

Decond lo solèlh espelis

Dins la sòm que lo ganha

Un pastorèl ausis

Cantar per la campanha

L'ange del Paradis.

Repic

Cossi se fa, Dius adorable,

Que , per salvar l'òme perdut,

Dins aquel paure estable,

Vos , tant grand , siatz vengut,

Pichinèl, tot aimable

Coma'n novèl nascut!

 

E la votz cantava ; joiala:

"Revelhatz vos , pigres que sètz.

Per far so cort reiala

Al rei que çai avètz,

Tot lo cèl çai davala...

E vautres , dormissètz!..."

 

Enfin Batista se revelha,

Sona Janet e Peiroton,

Aluca la calelha,

Dubris lo placardon,

E viste s'aparelha

Per anar 'l Salvador.

J.B   





retorn


Ostal Bodou

Ostal Roqueta.M 

Ostal Mistral 

Ostal Calelhon 

Ostal Manciet 

casal nòstre

Taban

cardabela 

ostal d'occitania tolosenc

F BRUN

Calandreta mureth

POC

Jacme 

IDECO(crompar de libres)

Radio Occitania 

paratge

Trobadours 

Nord Vivarais

Jean Duvernoy et l'inquisition