republican

after the defeat the Spanish's republican come to France. the poem mind their sufering.   

Se passèt un jorn al Vernet d'Arièja, arrestatz vos al nivèu dels silos. A l'autre band de la rota, veirètz benlèu une rengada de platanas que mena a una vièlha borda , e se devina en roîna l'anciana porcarià.

Aici i avià un camp per los republicans qu'arribavan d'Espanha. E per d'unes començèt un camin de crotz.

  Un libre parlèt recentament del darrièr tren pels camps alemands e del viatge dusc'al cap de la nuèch  per de republicans , un viatge de mai d'un mès, totjorn pargat sus un quai , dins las garas per daissar passar los trens dels militaris, sens cap d'aiga , de noiridura , de suenh.

Era la pus fina flor de la revolucion, e semble plan ara que s'atudèt ame elses, los espèrs que portavan nauts... 


Ostal Bodou

Ostal Roqueta.M 

Ostal Mistral 

Ostal Calelhon 

Ostal Manciet 

casal nòstre

Taban

cardabela 

ostal d'occitania tolosenc

F BRUN

Calandreta mureth

POC

Jacme 

IDECO(crompar de libres)

Radio Occitania 

paratge

Trobadours 

Nord Vivarais

Jean Duvernoy et l'inquisition

 retorn

 Los qu'avian set lo Perthus passèron

Un sèr de guerra lassa , vestits de petaçs.

Trobèron indiferencia , gendarmas e cans:

Los que pepiavan.


Espauruts totes s'amassèron a la pòrta;

D'un camp cerclat d'arams crancuts,

D'una plana gelada grisa coma lo cèl:

Los qu'avian paur.


Las femnas donèron lors joièls de nòvia

Per un croston de pan moisit e òrre,

Que pudissià la sang e la susor,

Los que trentolavan.

 

Los qu'avian mal, los butèron al tren,

En gara del Vernet, per un altre viatge ,

Que pas una bestia , jamai oc faguèt?

Los que suplicavan.

 

Alara venguèron las ombras claras,

 Las armas leugièras dels cors desacarnits,

Se salvèron d'un còp d'ala per tornar al païs,

Los que moriguèron per ren.


Uèi lo silenci renha dins los camps de milh,

I a la stèla pichona luenh de la nacionala,

Mas se pòd se òm vòl , lo nas al ras de l'erba

Escotar los ressons de lors cançons d'espèr.