Lo dormeire del val

Artur Rimbaud 

 Lo dormeire del val

 

Es un trauc de verdura ont canta una rivièra

Acrencant folament a las èrbas de   petaçs

d'argent;  ont lo solèlh de la montanha fièra

lusis: es un pichòt val qu'escruma de rais.

 

Un sordat jove , boca dubèrta, cap nud,

la nuca banhant dins lo frèsc creisselon blau

dòrm ;  jagut  dins l'èrba jos las nivols

palle dins son lièch vèrd ont la lùm plòu


Los pès dins los glaujòls, se dòrm. Sosrisent coma

soririà un enfant malaut ; fa un sòm.

Natura brèça lo caudament: a frèch.

 

 Las nolors fan pas cap tremolar sa nàrria:

Se dòrm dins lo solèlh, la man sul pitre

suau. Ten dos traucs roges al costat drèch.