Letra al paire.... Kafka. F

Franz Kafka 

Tradusit de l'alamand per Marthe Robert

Car paire

M'as demandat recentament perqué pretendi d'aver paur de tu. Coam de costuma sbiai pas de que respondre..."

Real e ficcion fan pas qu'un dins la letra desesperada que Kafka adreissa al sèu paire....

 

Requisitòri jamai envejat al destinataire , ensag caput per comprendre , la Letra al paire es al mitan d'una obra de Kafka. 


Ostal Bodou

Ostal Roqueta.M 

Ostal Mistral 

Ostal Calelhon 

Ostal Manciet 

casal nòstre

Taban

cardabela 

ostal d'occitania tolosenc

F BRUN

Calandreta mureth

POC

Jacme 

IDECO(crompar de libres)

Radio Occitania 

paratge

Trobadours 

Nord Vivarais

Jean Duvernoy et l'inquisition

 

 retorn

 

Aquò's dins aquel sicut que foguèssi liure de causir una mestièr . Mas es qu'aviai encara la causida d'una tala libertat? Es qu'aviai encara pro de fisança en ièu per trapar un mestièr vertadièr? La quite apreciacion de ieu  èra mai somèsa a tu que que siague d'autre , d'una capitada al defòra per exemple. Lo succès  non èra pas que la reviscolada d'un moment , pas res pus , mas d'un autre costat ton pès me tirava de mai en mai pesucament . Jamai , me pensavi, passarai pas l'etsamen de primièra classa a l'escòla comunala, mas lo passavi, aviai mème un prètz; dins aquel sicut, seriai de segur eliminat a l'etsamen d'intrada al licèu, mas èri recebut; ara , èri segur d'encalar la primièra del licèu, mas capitavi e contunhavi de montar de classa. Pra'quò, ne'n tirava pas cap de rason d'espèr, al contrari , èri totjorn convincut , e la desavoacion que legissiai sus ta cara m'en donava mai que mai la pròva - que mai capitèssi  e que  mai a la sortida ne'n seria malastrosa. Vesiai mantuns còps  en pensada la tarribla amassada dels professors ( lo licèu es aici l'exemple lo mai confòrme de l'ensemble, mas tot anava del meteis biais a l'entorn de ièu) que , quant aurai passat ambe succès l'etsamen de primièra , puèi de segonda, puèi de tresena,... per jutjar aquel cas unenc e revòltant , e descubrir cossi aviai pogut , ièu, lo mai incapable e de tot biais lo pus ase de totis, arrivar sornarament  dusc' una auçada tan nauta, dusca a n'aquesta classa que , ara , que l'atencion generala èra recaptada sus ièu , anava naturalament m'escupir tanlèu, al mitan del gauch  de totis los justes desliurats d'aquela cachavièlha. Es pas aisit per un enfant de viure ambe de talas idèas. Dins aquelas condicions que me chautavi l'ensanhament? L'ensenhament- e pas sonque l'ensenhamant , mas tot çò que m'environava a n'aquel atge decisiu- m'interessava a pauc près coma las pichonas enganas que i a de far coma emplegat de banca, pòdon interessar un panaire qu'es encara dins la plaça e que s'espauruga  d'ètre descubèrt . Tot èra tan menut, tan aluenhat a costat de l'essencial. Aquò contunhèt dusca l'examen de maduritat que , aqueste còp passavi vertadièrament per partida en trichant, puèi foguèt la fin, ara èri liure. Se, malgrat , la contrencha del licèu , m'èri pas jamais soscat de ièu , de que s'endevendria ara qu'èri liure ! Se podia pas tenir de libertat vertadièra per ièu  dins la causida d'un mestièr, me disiai: en facia de l'essencial, tot me sera tan indiferent que las matièras estudiadas al licèu, s'agis aladonc de trobar lo mestièr que sans blassar tròp  mon amor-propri, permetria del melhor la mieuna indiferencia . Aital , las estudias de drech anavan d'evidencia. D'ensags pichòts contraris sugerits per la vanitat  e un espèr cabord, talas d'estudias de quimia  que durèron  quize jorns e d'estudias d'alemand que durèron siès mes , faguèron que me fortificar dins ma conviccion de principi. Faguèri donc d'estudias de drech. Es a dire que , en me cansant seroisament los nervis entre qualques meses  que precedissian los examens, me noiriguèt espiritualament d'una ressilha  que , pel comol, dels milierats de bocas avian ja machugat per ièu. Mas d'un biais , èra tot juste çò que m'agradava, coma davant al licèu  e pus tard al burèu, que tot èra perfièchament confòrme a la mieuna situacion...