deman deman
 

Ostal Bodou

Ostal Roqueta.M 

Ostal Mistral 

Ostal Calelhon 

Ostal Manciet 

casal nòstre

Taban

cardabela 

ostal d'occitania tolosenc

F BRUN

Calandreta mureth

POC

Jacme 

IDECO(crompar de libres)

Radio Occitania 

paratge

Trobadours 

Nord Vivarais

Jean Duvernoy et l'inquisition 

tresor d'oc

 

retorn

 

 

 

Deman fara bel temps. Que ne dison los òmes?. Los enfants se corron las carrièras solombrosas, que los vièlhs las an oblidadas de lor jove temps. Deman benlèu al prat dels cremats , i aura una festa per veire se lors armas de catarons, dansan encara dins lo fuòc, e cantan saique coma las castanhas que se confison plan dins lo sac de merda cauda e chucosa que ne sem totis sietut dessus. De savantasses occitans marcharan en minjant de la saucissa.
Una femna se sarrara del ceucle que la lum i raja espès. Pascadons e pica-aucèls, una femna ambe las sias ancas largas que fara coma la dansa non convenguda , qu'òm dansa boca cordelada de contentament. Lo cel gitara quatre comètas e cinq meteoritas que faran en passant de la tuba blanca. Per dire qu'un novèl papa ven de quitar lo vèl.
La mar al luenh bolegara sas ersas coma una vièlha fadorla que voldria ne'n cagar las missantas nolors. Non fara bèl temps per esperar que la luna se venga alucar ma troncha e n' esclairant un pauc , la calada de la cort , lo potz , e la fenial onte i a pas pus de bestias que de pastras o de rols . Vesètz , sus un pè dança, aquel colhonòt , sens se tenir de ren , sens se planher del sòrt, es la vida que passa , lo cirq que trantalha ambe son leon desborrat, sa girafa que pensi pas pus que de manjar las pimparèlas. Un còp que se passeja en se trufant de tot levat ; çò qu'es pas la vida. Diable son totes acrencats a la roda de l'astre garrèl que nos crèba lo ventre de nos redolar dessus. Volon totes d'argent , de gloria espessa, e s'acrencan totes a la roda puta que lor esclafa las mans, lo nas, las colhas estequitas , e subretot l'esperit vengut la pelha orra que servis pas pus que de dire quatre pauras vertats , ailas totjorn las meteissas, coma una disc , un fònò, ua paraula mecanica que fenis de crebar lo pus pichòt mendre espèr de ren , que revertaria lo grèlh d'una espiga malauta, la lenga seca d'un malcorat que se rabala tot a l'entorn d'un lac d'aiga frèsca.. .