cachavièlha


 

retorn 

 

Que trobavi pas lo sòm. Era la sopa . Tròp espessa. tròp negra la sopa. Tròp colorada , bolhida , mascanhada. Ame los trefons de quicòm qu'òm sab pas çò que n'es. Fasia tres jorns que caminavi dins aquelses païses estrangièrs  sens que degun ma parlèsse; gausa de me parlar , me sosrisa un  briat , coma òm fa amb los estrangièrs que passan, per los amiadar qu'òm sab jamai, ame l'òme que camina la tèsta baissada se fugis lo passat , o se cerca un avenir. E que tot biais es perilhos de li parlar francament sens per li demandar l'ora , s'a talent , o amai d'onte ven.