مدرسة جينيس للغات


مدرسة جينيس للغات
 Genius Language School 

العنوان:
التليفون:
http://gl-school.com/Default.aspx
المصاريف:

الباص:
الزي:
أراء أولياء الأمور فى المدرسه :
 
ام جوري   2009
جينيس كانت تحفة فى الأول لكن مشكلتها الرئيسية تغييييير المدرسين وكمان الادارة اتغيرت السنى دى وسيئة جدا واصبحت فوضى واهمال علىالاخر
بالنسبة للكى جى كويسة باستثناء بعض الملاحظات
الواجبات كتيرة جدا وبيجروا فى المنهج أوى انا عن نفسى هعيد كى جى 2 لابنى تانى
جينيس مديرة جديدة مسكت السنة دى وبصراحة سيئة جدا فى فوضى وهرجلة فى المدرسة غير عادية والأكتيفيتى ولا مدارس الحكومة وكمان المدرسين مش مستوى لغات خالص بس مش كلهم بصراحة.
المدرسة عاملين كراسات وكشاكيل باسم المدرسة يعنى بيسلموهم الكتب وعاها الكشاكيل بتاعة كل مادة
وبعد كدة بيسلموهم بوكلت لكل مادة والبوكليت زى الكتاب الخارجى
 
حتى معظم اسئلته زى سلاح التلميذ فى العربى مثلا
 
لأنى انا جبت لبنتى سلاح التلميذ علشان احل معاها اكتر بس بصراحة لقيت نفسى مش محتاجاه خالص لأن البوكليت بيغنى عنه. بالاضافة للشيتات
 
بنتى فى سنة تانية بتدرس ماكميلان وكمان ابنى فى كي جى 2 ماكميلان برضه بالنسبة للكوبى بوك(الكشاكيل) فى للحصة دى بيكتبوا فيها الدروس وفى للهوم وورك ودى بياخدوا فيها واجبات بالاضافة لواجبات البوكليت
مساحتها كبيرة جدا -اللاب حلو اوى -جاردن الكى جى ممتاز
 
بالنسبة لمصروفات برى2 السنة دى 4و100 تقريبا والباص 1500 علشان انا دلوقتى فى فيصل واليونيفورم ممكن يدخل فى 300 او 300 وشوية على حسب
 
بصراحة بالرغم من السلبيات السنة دى الا انهم تعاملهم حلو جدا وبيهتموا بموضوع السلوكيات يعنى مثلا فى بنت فى الكلاس كانت سلوكياتها وحشة جدا لاقصى حد ولما اشتكينا قلوا انهم عاملينلها برنامج مع الأخصائية الاجتماعية ولو ما جبش نتيجة هيدوا الفايل بتاعها لمامتها بالنسبة للدين هما فى كى جى جايبين شيخ وفى البرى بياخدوا منهج الدين بالاضافة انهم بيدوهم حصة تحفيظ قران السنة اللى فاتت خدوا جزء عم والسنة دى تبارك وطبعا بيهتموا بالمناسبات الدينية زى المولد النبوى وموسم الحج ورمضان بالرغم من ان مديرة كى جى اجنبية لكن بصراحة مش بتفوت اى مناسبة
 
هما طبعا بسمعوا المشاكل والشكاوى وبيحاولوا يحلوها بس محتاجين زن شوية ومتابعة.  فى اول السنة بيبعتوا كالندر في كل برنامج السنة الدراسية من مواعيد الامتحانات واجازات وحفلات كدة يعنى واجتماعات اولياء الامور بتبقى مع المدرسين تقريبا 3 او 4 مرات لكن لو عاوزة تقابلى اى مدرسة بتاخدى ابوينتمنت وتقابليها
 
فى كى جى عاملين منهج ساينس زى برى بس مختصر ومعتمد على الصور والأورال علشان الولاد يتعودوا
اليونيفورم حوالى 350 حسب العدد اللى هتاخديه
الكثافة للكى جى والبرى22
فى 3 فصول برى 2 ىفرنش و1 جيرمان
الكى جى ليه مبنى منفصل وادارة منفصلة ومديرته اجنبية وراقية جدا فى تعاملاتها
فى حاجة كمان فى مسابقات بين الولاد فى الكى جى اسمها
 star of the week
يعنى نجم الاسبوع ودى بتكون للطالب المثالى فى كل حاجة فى الدراسة وفى السلوك مع باقى زملاؤه
وكمان لو عاوزة تعملى عيد ميلاد ابنك مع زمايله بتتفقى معاهم وبتيجى فى البريك تعمليه
 
اللغة الأولى انجلش منهج ماكميلان
اللغة التانية فرنش أو جيرمان اختيارى
الفرنش من كى جى 1 اورال وكى جى 2 اورال ومن برى 1 تحريرى
الساينس من كى جى1 اورال منهج لذيذ جدا
وكى جى 2 اورال
ومن برى 1 تحريرى وليه اختبارات ودى ميزة لانهم بيتعودوا عليه تمهيدا لبرى 3
 
بالنسبةلحصص الرسم احنا اشتكينا منه انا الاهتمام فيه مش اوى
لكن هما عاملين اكتيفتى تانى بفلوس غير الرسم والموسيقى
فى كاراتيه وجمباز وسباحة ورماية وركوب خيل طبعا السباحة والرماية وركوب الخيل بيكونوا برة المدرسة والكلام ده بيكون يومين فى الاسبوع خلال اليوم الدراسى
لكن الجمباز ولاكاراتية فى المدرسة
اشتراك الانشطة 60 جنيه فى الشهر
وفى نشاط السياحة ودة بالنسبة للابتدائى ب5 جنيه فى الاسبوع وهو عبارة عن رحلات تعليمية يعنى الاهرامات والمتاحف وحاجات كدة
السباحة والرماية والخيل فى مزرعة صاحب المدرسة جنب المدرسة لكن السباحة تقريبا فى العجوزة
الاكتيفيتى اللى فى المدرسة الكاراتيه والجمباز والميوزيك والتمثيل والكمبيوتر وحفظ القران والماس والفرنش
كل يوم خميس 3 حصص اكتيفيتى
وفى اكتيفيتى جديد عملوه السنة دى اللى هو السياحة يوم الخميس برضه بيروحوا اماكن سياحية
راحوا الهرم ومسجد عمرو بن العاص ومقياس النيل ومتحف ام كلثوم وعلى فكرة هو حلو اوى السياحة وعجبتنى الفكرة
وكمان عملوها فى الكى جى كل يوم تلات
بس مش سياحة بس
مرة دخلوا المطبخ عملوا الليمون هههههههه
ومرة راحوا مكتبة وعملوا اشغال يدوية فنية
 
مواعيد المدسه من 8 الى 2 ظهرا بالنسبة لى مشتركة فى الباص بينزلوا 7 الا تلت تقريبا وبيرجعوا 3
 
كثافة الفصل قليلة يعنى بنتى الكلاس بتاعها22 وفى فصلين تانية ابتدائى فرنش وواحد جيرمان
 
rony_83    2009
بالنسبة للمدارس الى رحتهم تعتبر احسنهم ملعب جميل جدا للكى جى ولعب فعلا متنوعه الكى جى لهم لاب كمبيوتر لوحدهم غير الابتدائى انا رحت بصيت على المدرسة بس ملقيتش مديرة لانهم كانوا بيجهزوا لحفلة اخر السنة وكانوا عاملينها فى مسرح مدينة مبارك للعلوم الولاد لهم كل واحد ديسك خاص بيه فى الابتدائى
عجبتنى اوى من حيث المبانى والامكانات وبيشكروا اوى فى مديرة الكى جى بيقولوا اجنبية وماسكاها كويس قوى وبتاعت الابتدائى بيقولوا كويسة بس انا لسه مقابلتهمش
المصاريف 4100 كىجى ، 4600 ابتدائى وفيه خصم 10 % على مصاريف الكبير – الباص 1350
بيدوا كراريس وبوكليت
 
زقزوقة و زقزوق   2009
بالنسبة لمدرسة جينيس هأقولكو على الايجابيات و السلبيات اللي أنا شوفتها فيها لما روحتها
 
أولا الايجابيات:
 
أنا اتفرجت عليها و لاقيتها مساحتها واسعة و كبيرة
و بالنسبة لمرحلة الKG هما حلوين قوي و عجبوني جدا ، المديرة بتاعتهم أجنبية ، و بيدوا كتب جميلة أوي للNursery ، و بياخدوا منهج ماكميلان ، و الجاردن بتاعة الKG جميلة أوي و مفروشة موكيت أخضر و فيها ألعاب كتيرة و جميلة ، و في معمل كمبيوتر صغير خاص بيهم ، و بياخدوا لغة تانية و Science من KG1 ، و الفصول شكلها كويس ، و في تحفيظ قرأن
و بالنسبة لمرحلة الPrim بياخدوا منهج ماكميلان ، و Science ، و لغة تانية زي ما قلت ، و تحفيظ القرأن درجته بتتحط في الشهادة و بتبقى أساسي في ترتيب المستوى ، و كل طالب ليه ديسك و كرسي لوحده ، و فيه معمل للScience ، و معمل للفوناتيكس
بالنسبة للأنشطة يوم الخميس بيبقى مفتوح لممارسة الأنشطة ، و كل طالب بيختار نشاطين يقدر يمارسهم داخل المدرسة من غير فلوس زي " الكمبيوتر - الرسم - الموسيقى - ..." ، و لو عايز سباحة أو رماية أو ركوب خيل بيشترك بفلوس و ده بيبقى خارج المدرسة بيروحوا بالباص
اليونيفورم هيتغير السنة دي
 
ثانيا السلبيات:
 
بالنسبة لمرحلة الKG بصراحة أنا مش شايفة فيهم أي سلبيات
أما بالنسبة لمرحلة الPrim فواضح ان مستواهم مش قوي زي الKG ، الجاردن مش حلوة قوي و هي في الحوش ، وفيها ألعاب قليلة جدا ، و في معمل كمبيوتر واحد بس لمرحلة ابتدائي و اعدادي و ثانوي ، و مساحة المعمل صغيرة مش كبيرة ، و الفصول شكلها مش حلوة قوي ، يعني عايزة تدهن و تجدد
و طبعا واضح انهم مهتمين جدا بمرحلة الKG زي بقية المدارس ، و في مرحلة الابتدائي مش مهتمين قوي
 
و أنا قلقانة جدا بعد ما حسيت ان مستوى الابتدائي أقل من مستوى الKG ، و مش عايزة بنتي يحصلها دروب
 
في بعض المعلومات الاضافية " للمعلومات السابقة عن جينيس " :
            1- بالنسبة لموضوع المسرح المدرسي ، قالولي ان فيه مسرح صغير بتتعمل فيه الحفلات بتاعة المدرسة البسيطة ، أما حفلة أخر السنة فبتتعمل في مسرح كبير برة المدرسة
            2- بالنسبة لامكانية متابعة مستوى الطالب من على النت ، قالولي من أول السنة الجاية هيدوا كل أولياء الأمور باس وورد ، عشان يقدر من خلاله يدخل على موقع المدرسة و يعرف مستوى اولاده ايه ، من خلال التقارير المكتوبة عن كل طالب
            3 - المعلومة الي مش مؤكدة و عايزة أتأكد منها ، انهم قالوا انهم بيدوا لغة تانية نختار فرنسي أو ألماني من كي جي 1 لغاية ثانوي ، و مفيش لغة تالتة بعد كدة ، يعني انجليش ، و يا اما فرنش يا اما جيرمان ، هي المعلومة دي صح و لا غلط ، ده اللي ميس ماري قالته ، ياريت تفيدينا يا أم جوري في الموضوع ده
            4- لا يوجد مسجد في المدرسة
            قريبة الي حد ما من الرماية وحدائق الاهرام وأخر الهرم وفيصل ، مصارفها 4100، الباص 1450 لعندي اليونيفورم من محلات سرور حوالي 500 جنية تقريبا
 
رونى 35    2009
ياجماعة مدرسة جينيس دول شوية نصابيين ... انا خدوا مني فلوس الأبليكشن 150 جنية و بعدين قالولي إعملي إنترفيو و جاتلي مديرة الكي جي إللي إسمها ماري .. أساسا البنت إتخضت منها ... من غير ما تسألها حتي إسمك إية و لا عندك كام سنة ... قالتلها ياللا نروح الجاردن ... البنت راحت معاها و بعد دقيقة رجعت بتعيط و تقول عاوزة مامي... و مرضيتش تروح معاها الجاردن ... راحت الهانم قالتلي بنتك مش مقبولة ... إفتكرتها بتهزر و الله ... قولتلها معلش هي خايفة علشان المكان جديد ... قالتلي إبقي تعالي تاني... قولتلها ما هي كل مرة هتبقي خايفة لازم تاخد علي المكان ... قالتلي أسفة مقدرش أقبلها ... قولتلها المفروض حتي تسأليها إسمك إية و عندك كام سنة هو دة المفروض معني كلمة إنترفيو مش تعالي نروح الجاردن و البنت خايفة ... والله العظيم يا جماعة أنا بنتي بقالها سنة بيبي كلاس في نيرسري إسمها الفاني باني... ما شاء الله عليهم بيعلموا الأطفال بشكل جميل .. أنا بنتي عارفة كل إللي المفروض هتبتدي تاخدة في كي جي 1 ... يعني حافظة ABC كلها و حافظة كمية كلمات إنجليش و الله مش أقل من 60 كلمة و حافظة 5 صور قرأن و أغاني إنجليش كتير أوي حتي كل الألوان بالإنجليش عارفاها و كمان شوية جمل ... كل دة و هي عنده 3 سنيين و نص لسة ... علشان كدة مكنتش متصورة إنها ممكن تترفض في الإنترفيو أبدا ...علشان خافت تروح الجاردن........ بس إحنا مسكتناش و هنروح بكرة إن شاء الله و هناخد منهم ال 150 جنية من عينيهم عندا فيهم و الله
 
أم جورى  2009
انا انهارده كنت فى الاوبن داى وعرفت حاجة الحمد لله طمنتنى اكتر
المدرسة دخلت فى حاجة اسمها شهادة الجودة اللى هى الايزو
والمصدر قاللى ان هيبقى فى تفتيش ورقابة كتير بسبب الموضوع ده
وده هيخلى الاختيارات بتاعة التيتشر والشغل فى المدرسة حاجة تانية فى السنة الجديدة
 
سيمو ومورى   مايو 2010

اول سنه ليه فى المدرسه ان شاء الله السنه الجايه ربنا يستر وتعجبنى اصلى تعبت اوى ودورت كتيييير وعملت استخاره وان شاء الله خير.

omaymaezak  مارس 2011

تعتبر مدرسة جينيس من اكثر المدارس التى تتتبع مبداء حرية التعبير فى استقبال جميع الانتقادات الموجهة  من اولياء الامور لادارة المدرسة اوللمدرسين اوبالنسبة لمستوى الاجتماعى في اختيار الطلبه لانها بصراحة اخفقت فى كثير من اختيار عناصر التدريس  القائمين على العملية التعلمية  فى المدرسة من حيث المستوى

الكفاءه العلمية فىالمادة العلمية  تعتبر شحيحة والمستوى التعامل مع الطلاب بالاخص مرحلة primary one and two فجميع المستويات تعامل بنفس المستوى المتدانى بمعنى مبداء الحسنة تخص والسيئة تعم   فاصبح الولد الملتزم يشعر بالظلم لانة تساوى مع من هم اقل منه فى المستوى الاخلاقى فادة الى انة اصبح عدائى من ناحية مدرسيه واصدقائة فى الفصل  وما ذاد على ذلك علاقة مشرفى الدور مع الاولاد علاقة  القط مع الفار واكتر شئ سيئ تلفظ كثير منالمدرسين بالفاظ بذيئه  ولو تجراء الاولاد بسؤال  تلقائى للمدرس ومعجبش المدرس فما للولد الا انة يسمع رد  لاينفع يسمعه الولد ولايصدر من مربي اقل مايقال انه مربى فى المرتبة الاولى معلم فى المرتبه الثانيه  ام الطامه الكبرى هي اختيار الاولا فبتم بطريقة عشوائيه  يعنى المهم انه يدفع المصاريف انما المستوى الاجتماعى  فشئ ثانوى  لايجب الوقوف علية  فبتالى يتاثر الاولاد بالمستوى المتدنى  اللى حوليهم ومدى المعاناه الملقه على عاتق اولياء الامور لتجنب  انتقال الطريقه الغير  سوية فى طريقة الكلام  واسلوب التربية  والمستوى الاخلاقى من بعض الطلاب التى اختارت المدرسة لانضمامهم للمدرسة بعد أنترفيو  اللى المفروض يحدد اختيار المدرسة للعنصر المنضم للمدرسه لذالك المدرسة مطرة تسمع الانتقاضات تسمع بس مش اكتر من كده . 

fancydream مايو 2011
بسوا يا جماعة أنا أبني كان فيها من أربع سنوات المرسة كان مستواها كويس من سنتين و تغير الإدارة المستمر فيها جعل مستواها رديء الأن و تحتاج متابعة جيدة في البيت لدرجة أنهم السنة دي كانت مدرسة الفصل لأبني كان عمرها لا يقل عن خمسون عاماً و سمعت أنهم كانوا هياخدوا مشرفة أجتماعية في المدرسة 

هيعملوها مدرسة أنجليزى لكي جي و كنت راضية لان مصاريفها قليلة بالمقارنة بالمدارس الأخري و لكن عندما لا تهتم المدرسة بإدخال أبني الصغير غلي المدرسة بالرغم ان أخوه فيها بالرغم أ سنه مناسب و ممتاز في الأمتحان و قاموا بقبول من هم أقل منه سناً تكون مشكلة حتي عندما قلت انني سوف اخذ الأخر من 

المدرسة يكون الرد ببساطة دي حاجة ترجعلك و بعدين عرفت أن الفصول قلت لان صاحب المدرسة اخد معظم الفصول للأمريكان و بالتالي لم يبقي فصول للناشيونال فعملوا اختبارات أي كلام و عندما عرضتهم عن سبب الرفض لم اجد اي سبب مقنع راي الأخير كانت ممتازة اول ما فتحت الان لا يهتموا بالناشيونال و 

يغيروا الإدارة حتي المدرسين اتغيرو السنة دس في نصف الفصل الدراسي فعلاً فعلا لم تبقي علي ما كانت عليه



 


إدخل تعليقك ورأيك فى المدرسه