مدرسة ايجيبت دريم للغات



مدرسة 
ايجيبت دريم للغات

gypt Dream Language School

 

العنوان:

التليفون:

المصاريف:

·        لسنة 2009 : 6000 جنيه مصرى

·        الباص:

·        الزي:

أراء أولياء الأمور فى المدرسه :

  

12-04-2008, 10:32 AM

جنة العباد

 

أنا مدرسة في مدرسة من أفضل مدارس مصر حقيقي ،وهي مدرسة جرين لاند الدولية..ولكني للأسف لاأستطيع أن أنصحك بها لأنها تزيد على الثلاثين ألفاً،وذلك لأنها تتبع ال Ib وهو أقوى برنامج تعليمي ظهر حتى الآن،كما أنها تهتم باللغة العربية والدين الإسلامي والهوية العربية اهتماما بالغا .

.ولكني كما قلت لك لاأستطيع أن أنصحك بها لسعرها المرتفع.

على فكرة .. أنا شخصيا وضعت قائمة بالمدارس التي أرى أنها تستحقأن أفكر فيها بالنسبة لابني ..

ومنها إيجبت دريم..بصراحة لم يذم فيها أحد.. وقد زرتها فوجدت أنها مدرسة جميلة ،ودرجة الاهتمام بالأولاد ممتازة، ولها باصات متوفرة، كما أن مصاريفها تقريبا6000 آلاف.

 

kouky5

 

مدرسة Egypt Dream في المنيل شيحة سمعتها كويسة

مدرسة ناشونال والانجليزي فيها سيمي انترناشونال ( يعني بياخدو منهج الناشونال مضاف اليه الانترناشونال)

المصاريف: Fees: 5000 L.E. +1400 BUS for KG

 

بنت مصر

 

أنا سمعت عن ايجيبت دريم(رغم انها فى الجهه الأخرى من العالم بالنسبة لى) انها حلوة أوى,لكن الدفعة فصل واحد بس فعدد المقبولين بيكون محدود أوى و كمان التحويل بيبقى ويتينج فى حالة لو حد مشى,عشان مايزودوش العدد فى الفصل

ايجيبت دريم مدرسة ناشيونال مش انترناشيونال

 

Rony35

 

إيجبت دريم فعلا هي مدرسة روعة.... بس بتقبل كي جي 1 فوق 4 سنيين و 8 شهور و دي مشكلة كبيرة ... كمان إللي مش بيحب الطرق القروية هي طريقها و موقعها في منيل شيحة ( طريق الصعيد ) في طرق أقذر من المصرية الدولية غير إنه لازم الباص يمشي علي الدائري علشان يوصلها ... فيما عدا ذلك مفيش خلاف علي مستواها وروعة مدرسينها و فعلا مش بيطلبوا مليم طول السنة ... أنا ليا أصحاب ولادهم فيها بس هما ساكنيين في الحوامدية يعني المدرسة قريبة منهم هما جدا بس أنا لأ ... كمان بنتي هتتم 4 سنيين شهر 9 الجاي و هما بياخدوا من 4سنيين و 8 شهو

 

أنا عارفة مكانها و بعدي عليها في الرايحة و الجاية لأن أهل جوزي من الحوامدية يعني في طريقنا ... بس هي موقعها سئ للغاية ... بس هي بصراحة رائعة ... و بخصوص موضوع السن دة أنا واثقة منة إنهم بياخدوا كبار ... لأن صاحبتي بنتها كانت 4 سنينين و 3 شهور و مرضيوش ياخدوها و ضيعت عليها سنة و بعدين دخلت كي جي 1 السنة إللي بعدها كانت 5 سنيين و 3 شهور

وهي دلوقتي في برايمري 1

ونفس الكلام علوة مع بنتها التانية هي 4سنيين و شهريين قالولها هتدخل بيبي كلاس ... بس هي هتخليها زي أختها و برضة هيضيع عليها سنة و تبقي تدخلها مع أختها السنة الجاية برضة ... هو كدة الحلو مايكملش ... كمان نتيجة الغنترفيو بتطلع أخر شهر 7 و دة متأخر أوي إني أستني قبلوني و لا لأ .... وطبعا إللي هيحجز في مدرسة تانية لازم يكون دفع المصاريف قبل شهر 7 ... و كمان هما كل إللي عندهم حوالي 3 أو 4 فصول كي جي 1 بس علشان كدة بينقوا أوي زيادة عن اللزوم

 

أنا من كتر إعجابي بالمدرسة و مستوي إللي أعرفهم فيها ... خايفة الناس تقول إني بعمل دعاية علشان ليا عمولة..هههههههههههه

بجد دي من ضمن المدارس إللي فعلا تعليم تعليم بجد ... بس علي الله تفضل كدة علطول

 

أم جورى

 

انا سألت برضه المصدر الموثوق منه امبارح عليها ههههههههههه

اتشكر فيها بس قالت شغلها زى شغل جينيس

لأن جينيس بصراحة شغلهم فى الهوم وورك كتير مش بمعنى هوم ورك موووت لأ زى دينا ما شرحت بالظبط تقريبا

رحت انهاردة المدرسة هى مش بعيدة للى يفهم الطريق كويس

فعلا بالظبط 5 كيلو من القرية الفرعونية جوزى حسبها من التايمر فى العربية

بس للأسف ما لقتش حد والامن قاللى ان اللى موجودين انهاردة امتحانات بس

قلتله طيب اندهلى اى حد اتكلم معاه رفض

رحت متنحة باة قلتله انا جاية من مشوار بعيد وما ينفعش امشى من غير ما اعرف حاجة شوفلى اى حد اكلمه

المهم دخل يندهلى حد رحت انا داخة بأة وقلت اتجول فى انحاء المدرسة

المدرسة كبيرة جداااااااااا

اللى شفته (قبل ما تشوفك عينينه هههههههه)

جاردن الكى جى هو شكله دائرة يعنى عبارة عن سيركل وحواليه الفصول

بس غريب جداااااا بصراحة

يعنى تدخلى تلاقى الريسيبشن عبارة عن مكان مش كبير اوى فى اعمال فنية على الحائط بس تحفة وعلى الجانب التانى بوستر كبير فى صورة التخرج بتاعة دفعة الكى جى كلها لذيذ اوى

وبعد كدة تنزلى 3 سلالم تلاقى الجاردن ادامك علطول مش عارفة ازاى كدة !!

ولمحت باة ملعب كبير جوة فى بنات كبار بيلعبوا كرة

المهم قابلت واحدة واتأسفت ان مفيش حد انهاردة وانى اجى يوم تانى

قلتلها طيب على الاقل اعرف المصروفات قالتلى ثوانى وراحت متصلة بحد مكلماه

استغربت طيب طالما فى حد ما تخلينى اتكلم معاه

المهم قالتلى برى 3 ب5800 والباص ب 1400 مش عارفة بالكتب ولا لأ

والتقديم او التحويل للبرى 1/6

قلتلها طيب والكى جى قالتلى ابقى اتصلى اسألى او تعالى تانى بس بيتهيألى انهم خلصوا(

هى بتقول)

المدرسة حلوة ومن الواضح ان الفصول كلها مكيفة ده اللى لاحظته من كمية التكيفات من برة المدرسة

 

العيب بأة ان الطريق خد ساعة الا ربع من البيت عندى والطريق كان فاضى خالص

طيب لو زحمة هياخد اد ايه؟؟

دى حاجة الحاجة التانية ان المدرسة جنبها مدرستين حكومة ومش عاوزة اقولكم على كمية البش اللى واقفة على باب المدرستين

غير البنات والولاد اللى خارجين من المدارس

والباصات راكنة ادام المدرسة من برة وهى حتة زى القرى كدة

يعنى فى قهوة ومحلات وميكانيكى كدة يعنى

والباركينج بتاع الباصات بعد بوابة المدرسة بس مش كل الباصات راكنة جوة لان فى عربيات كتير

الباصات حلوة فى باصات كبيرة وفى تويوتا صغيرة

كان نفسى اعرف تفاصيل اكتر بس ده اللى حصل

 

الجاردن بتاع الكى جى غريب جدا تحسى انه فى وسط المدرسة مش منفصل كدة فى مكان لوحدة وكمان الباصات شوية منها فى باركنج صغير كدة والباقى برة المدرسة خالص وفى طبعا زحمة كتيرة علشان المدرستين الحكومى اللى جنب المدرسة

 

ولية أمر

 

مدرسة كويسة جدا وكل أولياء الأمور اللى تعرفهم راضيين جداااااا عن المدرسةلكن المشكلة فى المكان انه بعيدوهى عملت انترفيو لكن للأسف هى ما ارتاحتش خالص لمديرة الكى جى هى ست أجنبية اسمها ميسز ann

هى مش ودودة خالص مع الأطفال وابتدت النترفيو اول ما شافت البنت بدون أى مقدمات علشان تتعود عليها

وطلبت منها كونفرسيشن كاملة وطبعا البنت ما عرفتش هى عارفة كلمات منفردةوسالتها أسئلة من وجهة نظر الأم صعبة

 

do u like to play with dolls?

do u like to play football?

do u have dolls at home?

point out where is the window

البنت هتم 4 سنين فى أكتوبر والمديرة قالتلها دخليه نيرسرى

ولما الأم رفضت اديتها ميعاد بعد أسبوعين علشان تعيد الانترفيو بس هى ما راحتش لأنها اتضايقت من الموقف وكمان كانت قلقانة من المكان

 

ولاء مصطفى

 

بالنسبة للمناهج: هم مش بياخدوا ماكملون او برايت ستار ولا الي حاجة من دي-هم عندهم منهجهم الخاص اللي مستخلصينوا من الintenational يعني الكتب عيارة عن مجموعة ورق متجلد وعليه اسم المدرسة ودي في KG and Primary  هم كمان مابيطلبوش اي فلوس خلال السنة

في اجتماع اولياء امور كل شهر كل اصحابي معجبين بيها ححاول اسالهم علي العيوب عن تجريبتي الشخصية: انا لما روحت قابل مديرة ال KG مس ANN وهي ممتازة -اللي لاحظتوا انها بتفضل الاطفال اللي رايحيين1 KG يكونوا 5 سنوات - ابني حايكون 4 سنوات و 5 شهور- هي سالته اسئلة كتير وعلشان هو ماراحش الحضانة من 6 شهور (بعد ماانجبت مريم) كان ناسي بعض الحاجات فقالتلنا انه يخش NURSERY - قلنا اوكيه ومشينا بس طبعا انا مش مقتنعة علشان الولد مستواه كويس بس كان ناسي- بعدها وديتة الحضانة تاني واتقبل في علوي و بايونييرز - و نيو مانر هاوس - والحصري

المدرسة تعتبر تحفة بالنسبة لمصاريفها -انت عارفة دلوقتي كل المدارس اللي ذكرتهالك داخلة في 8000 و 9000 بالباص وبرضه مش زيها

انا معجبنيش المدرسة الاميري اللي امامها ولا الشارع ولا المنطقة - وكان لية تحفظات علي الامن اليي كان علي البوابة -كان ولد 25 سنة لابس لبس عادي وشبشب ولاباينه امن ولاحاجة يمكن الراجل بتاع الامن كان في حتة كدة ولا كدة و بعد البوبة دي في باب زجاج كبير وبعد كدة مكتب السكرتيرة وقدامك فصول وحوش ال KG والاولاد بيلعبوا قدامك كدة- انا بصراحة قلقت من الامن والامان بس صحابي معلقوش عي النقطة دي قبل كدة.

 

أراء مختلفه

 

§              مدرسة فوق الرائعة أنا ليا أصحاب كتير ولادهم فيها مشااء الله و الله مدرسة بجد ... بش مشكلتهم إنهم في حتة مؤرفة أوي ... ثانيا بياخدوا كي جي سن حوالي 4 سنيين و 8 شهور

 

§              كمان نتيجة الإنترفيو في شهر 7.... عموما مصارف كي جي حوالي 5500 و الباص للهرم تقريبا 1450 - 1500...بس مش بيطلبوا مليم بعد كدة طول السنة ... لا ألوان و لا صلصال و لا صور و لا أي حاجة للأنشطة ... كلة حاجة هما إللي بيجيبوها ... حتي لو طلبوا أي حاجة علشان حفلة لبس و لا حاجة ... بعد الحفلة بيبعتوة مع البنت تاني ... بجد مدرسة حلال فيا الفلوس

 

§              طب الحمدالله اني ماتجنتش عليهم(egypt dreams) بس الشهاد لله هم كويسيين تعليميا ومديرة الكجي الخواجايا ممتازة و زي ماقلتلك هم semi american ويعتبر مصاريفهم ممتازة

 

§              egypt dreams is really good it is semi international with a good price

 

§              انا كل صحابي اللي موديين فيها ساكنين في الهرم والاولاد بيكونوا في البيت حوالي الساعة 3.30 او 4 علشان المدرسة بتخلص 2.30 او 2.45 ، الملاحظ ان معظم المدارس بتخلص 1.30 اكيد في فرق فكمية الحصص

 

 



إدخل تعليقك ورأيك فى المدرسه