مدرسة مودرن سكول

 

مدرسة مودرن سكول

 

العنوان: شارع اسماعيل عزمى من عمار ابن ياسر

التليفون:

المصاريف:

         

        الباص:

        الزي:


أراء أولياء الأمور فى المدرسه : 

 

mrstamer

دخلت مودرن سكول الحجاز مرة ما ارتحتش لهم قالتلي هاتي الفين جنيه حجز لما كنت عاوزة احول. وانا موضوع المدارس اللى بتبيع وتشترى فينا ده بيضايقنى

المهم سالت في مودرن سكول الحجاز الايام دي حسيت انها تجارة و تجارة فقط وقابلت ولى امر كان هاينقل بنته منها و رايح الفاروق. المهم الحجز هناك من دلوقت بالفين جنيه. فانا قررت اسيب مكاني لغيري لانى مش مشكلتى الالفين قد ما هي الجواب باين من عنوانه!

ربنا يوفقنا كلنا لمكان محترم.

drmero

مودرن سكول للاسف محدش شاكرلي فيها وناس كتير بداؤا يحولوا اولادهم منها معرفش ليه مع ان انا كنت اسمع زمان ان نتايجها حلوة اوي

ليا اصحابي ولادهم في مودن منطقه الحلميه او عين شمس تقريبا بس مش بيشكروا فيها علشان العدد كبير اوي

 

possy26

أنا دخلت بنتى فى المدرسه ديه ومكنش عندى اى خبرة لكن للاسف السنة دى بالذات قرفت منها جدا المدرسين كتير منهم مستواهم مش قد كدة ودة فى طريقة الكلام مع الاولاد ممكن يشتمو ودى حاجة هتجننى وسمعت كمان ان ممكن يضربو الولاد وطبعا انا ممكن ارتكب جريمة لو دة حصل لابنى او بنتى التعليم فيها كويس لكن متخديش منها اى حاجة تانية ولا انشطة ولا نظام وكمان ممكن بطريقتهم دى يعقدو الولاد

شوفى العدد عند بنتى 30 لكن معرفش اللى اكبر منها الاعداد كام انا عارفة ان مودرن الحلمية وعين شمس الاعداد اكبر لكن المدرسة علشان صغيرة وفيها حتى 3 اعدادى فهى دايما فوضى اى وقت تروحى تلاقى دوشة علشان البريك كتير لكل سنة وبعدين فى موقف حصل كانت فى رحلة للسيرك وبنتى كانت عايزةتطلع وانا كنت رافضة موضوع الرحلات لانى بخاف بس اعدت تتحايل عليا المهم ودتها

وقلولى هترجع فى ميعاد المدارس العادى طبعا البنت اتاخرت جدا مع ان السيرك اللى عند نادى الشمس يعنى قدام المدرسة وبعد ما كنت على اعصابى لان محدش كان بيرد على التليفون فى المدرسة علشان البهوات روحوا وسابوا اولياء الاموء تتفلء المهم البنت رجعت وقالتلى انهم راحو القرية الفرعونية تصورى من غير اذن ولى الامر همه خدو القرار

طبعا انا كنت هتجنن لانهم عملو كدة واتصلت بيهم تانى يوم وبهدلتهم لكن ولا حياة لمن تنادى

 

سمعت ان فى مودرن الصبيان الكبار بيتخنؤ بالبراجل والبقاء للاقوى المهم معلش اصل انا خلاص هتجنن من المدرسة دى

 

ام مغرم   31/3/2009

انا بنت اخت جوزى فى مودرن سكول احمد عصمت فى كى جى تو وانا اللى كنت متولياها مذاكرة من اول السنة لحد ما ريحونى وجابوا لها مدرسة المهم البنت مش عارفة الالف من كوز الدرة زى ما بيقولوا ما شاء اللة ولا قوة الا باللة ابنى اللى اصغر منها عارف الحروف وبيعرف يكتبهم عنها الواجبات ما اقولكيش

واللة العظيم فى يوم كان عندها واجب مش هتصدقى واحد وعشرين صفحة واللة قعدت اعد فيهم كذا مرة من كتر ما انا مش مصدقة بنت فى كى جى تاخد كل الكم دة وياريت بفايدة

دة التجريبى ارحم بكتير

 

مودرن سكول الحجاز انا روحتها السنة اللى فاتت المدرسة من جوة كويسة جدا لكن المستوى بصراحة مش متاكدة ناس من اللى كانوا بيقدموا قالولى انها ممتازة واحسن فرع للمودرن سكول وناس بتقول ان ادارة المجمع كلة مش كويسة سواء بتاعة احمد عصمت او التربية الاسلامية انا لما روحت ما استريحتش نفسيا لان كل مدرسة كنت بقدم فيها كان لازم ياخدوة يمتحنوة لوحدة وتوتر كانة فى ثانوية عامة لكن هناك قالت لى لا مش مهم امتحان ادفعى المصاريف بكرة وخلاص كدة يبقى قبل مع انى كنت بقدم بدرى جدا وقبل الزحمة يوم واحد فى الشهر بالظبط يعنى اول يوم تقديم والمصاريف مش فاكرة بالظبط لكن تقريبا 4000

 

Nawara  3/4/2009

رحت سالت وقالتلى بياخدوا قران جنب منهج الدين وقالتلى انهم مشترك فى ابتدائى بس

اما فى اعداى وثانوى بيفصلوا

 

 rana   3-2010

 يا جماعة انا اولادى فى المدرسة دى اول سنتين كانت كويسة بس بعد كدة : مستوى مدرسين صعب تفرقهم عن مستوى المشرفات و ممكن الدادات، من اول يوم النطق بشع بشع بشع الى اقصى درجة، نظام لا يوجد ، أخلاق على كل المستويات لا توجد المدرسين بيئة جداً جداً جدًا ، بجد بقيت افضل انهم يغيبوا عن انهم يروحوا علشان أخلاقهم و مستواهم، فى بعض المدرسات بيشرحوا ، و بختك يا بو بخيت.  عايزه اقولكم ان مهم جداً تعرفوا مين صاحب المدرسة لأن مستوى المدرسة حيكون من مستوى صاحبها.  ان شاء الله تعالى ناوية انقلهم ..اوعى حد يروح المدرسة دى بجد .... وحشة الى اقصى درجة، و اشتكى براحتك، حيسمعوكى ...و بس....... يارب وفق


ihabody   أغسطس 2010 

مودرن سكول الحجار- النزهة

ابنى فى المدرسة وطبعا انا معاكم فى مسالة النطق لكن مش معاكم ابدا فى مستوى التعليم فيها المدرسة دى بتخلى الولاد شطار طبعا ده عايز مجهود كبير ده بالاضافه انى مش محتاجه خااااااااااالص انى ادى ابنى دروس فى اى حاجه وكمان هوه من المتفوقين فى المدرسه

ابنى فى اولى اعدادى 

amiramaya   نوفمبر 2010 

مودرن سكول مصر الجديدة
الحقيقة مدرسة ادارتها متسيبة للغاية نظام اشتكى واكتب شكاوى زى مانت عايز وخلاص  حفلات ورحلات كتيييير ومشفتش اجتماع واحد لاولياء الامور ابنى فى سنة اولى ابتدائى بنتحايل على الادارة عشان يعملولنا اجتماع فى حين المدارس المحترمة بتعمل ده بشكل دورى وكمان نظام الباصات هناك هرجلة ودى اقل كلمة 

تتقال عليه بيختارو مشرفات وسواقين ياساتررررررررررر .
الكارثة بقى فى المدرسات فى الكى جى يحسسوك انهم منتهى الاهتمام وبعين خلاويص زيها زى اى مدرسة حكومية 3 تلاميذ فى الديسك مفيش انشطة لا رياضية ولا فنية ماعدا طبعا الحفلات اللى كمان ليها ناسها وطبعا اسبوع للحفلة واسبوع الميس غايبة علشان تعبت فى الحفلة وهكذا ......
ربنا يوفقنى وانقل ابنى منها ان شاء الله .



إدخل تعليقك ورأيك فى المدرسه