مدرسة فيوتشر تك لغات

 

مدرسة فيوتشر تك لغات

 

 العنوان: شيراتون هليوبليس وراء مسجد ابو بكر الصديق

 التليفون22694446

www.futuresnet.net

 المصاريف:

         

        الباص:

        الزي:

 أراء أولياء الأمور فى المدرسه :

 

 

و لى أمر 

فيوتشر تك دى فى شيراتون هليوبليس ورا مسجد ابو بكر الصديق و هى تبع برضه مدارس فيوتشر اللى ورا كارفور ادارة واحدة تفرق بس عنهم انهم بيستعملوا التكنولوجيا فى التعليم. بيستخدموا السبورة المتصلة بالكمبيوتر و الولد يعمل الواجب بالكمبيوتر انا رحتها عجبانى جدا بصراحة و كمان ممكن تشوفى ابنك و انتى فى البيت و هو فى المدرسة و السايت بتاعها

www.futuresnet.net

 

أم أبنها فى المدرسه

قابلت ولي امر كانت جايبة ابنها رايح 4 ابتدائى هو فى فيوتشر بنيين و كان رايح يمتحن و يعمل انترفيو علشان تنقله لمدرسه تانيه و شكت لى منها ان الولد بيرجع مش مستوعب اى حاجة من المناهج و اخلاقه بقت سيئة جداااا و اسلوب كلامه و الفاظه فقالت الحق اخرجه منها قبل ما يتطور للاسوأ

 

مدرسة سابقا و ام حاليا    سبتمبر 2010 


انا ام حاليا و مدرسة لغة انجليزية مرحلة كي جي سابقا 
كنت موهومة قبل ما اشتغل بالمدارس الخاصة الغالية اللي فيه ملاعب و حمامات سباحة و تعليم اللي كنت اتصور انه تعليم خيالي و بعد ما اشتغلت كانت اول تجربة لية مدرسة طيبة المتكاملة و بعدين كان عندي اصحابي دفعتي اشتغلوا في مدرسة المصرية لغات و اصحابي بردو في مدرسة - ام اس اي- نفرتاري المهم 

الدراسة واحدة في كل المدارس بس بيختلف تزويق الحاجات من مدرسة للتانية بصراحة انت لو ولي امر حتاخد حقك بزيادة و ابنك حيتعلم كويس و حيستفيد بس اللي احتشفناه بقة ان برغم المصاريف الغالية دي الا ان اصحاب المدارس مش بيرضوا يصرفوا حاجة علي داخليات السنة فمثلا طيبة صاحب المدرسة مش 

بيرضي يصرف فلوس للمنظفات الغالية بتاعة التويلت بس الحقيقة الحمامات نضيفة بس من الصابون الرخيص و كمان كان ديما في مشكلة في قطع المية و هو مش عايز يجيب خزان مثلا 
اما المصرية لقت صاحبتي اصحاب المدرسة بيخلوها تجيب هي ادواتها الخاصة بالارت كلها علي حسابها و بيصرفلهم حاجات بسيطة جيدا و نفرتاري مفهاش عربي في كي جي ون خالص و الام اس اي يدو عشرين كتاب في كي جيس عشان يوهموا الناس ان هما اللي محصلوش.
المهم بعد دة كلوا المدارس دي كلها بتركز علي كي جي بس و يجي يحصل دروب كبير في ابتدائ نتيجة ان اولياء الامور مكانوش متابعين مع اولادهم حاجة حسب سياسة المدرسة
و كمان من ضمنهم مدرسة اوازيس و قريبي عانوا كتير في حتة ممنوع التدخل او الاستفسار عن حاجة متعلقة بالدراسة و سيبولنا الولد لحد مالولد ضاع اصلا 
ولا مدرسة روتس و الدور اللي هي عايشها هي و مدرسة الام اس اي في قبول عدد محدد و تنسيق داخلي و بيرفضوا بالهبل و بنت خالة وحد صاحبتي ابنه في تالتة ابتدائ بتعاني لان الولد جالو احباط من كتر مهو بيذاكر و مفيش فايدة المنهج صعب جيدا في روتس و الاول بيجيب 40 من 50 

المهم كل دولكانوا كمان فيهم غيب كبير هو البعد يا جماعة 
المدرسة البعيد دي ليها مساوئها الولد بيرجع خلصان من لف الباص و مطلوب منه واجب و تحضير و حفظ طب ازاي ام اليوم نصه بيخلص في الدرسة و النص التاني ف لف الباص
الحمد لله ربنا اداني مدرسة جنب البيت اسمها فيوتشرز تك شيراتون انا ساكنة هناك مصاريفها زي بقية المدارس يعني مش رخيصة و كل المستوى الاجتماعي واحد هناك - البنت بترجع في خمس دقايق بعد ساعة بنكون حلنا الواجب و حفظنا اللي علين و كمان اتغدت بيكون سعيتها الاولاد لسة مروحين من المدارس التانية
المدرسة مجهزة اعلي تجيهزات تكيفات لسمارت بورد حمامات جديدة ونضيفة فل 
و متابعة اون لاين و شرح اون لاين و منهج قوي و بوكلت تحفة مشفتش زيه في اي مدرس 
مدرسيين كتيرة مشيوا منها و مشرفات بس ده بسبب ان مديرتها صارمة جيدا و طبعا هما مش عايزين كدة بس قبل اي سنه جديدة الموضوع ده بيكونوا جابوا مدرسين وخبرة و احنا كاولياء امور مبنحسش بي
و من اول يوم قالولي البيت ثم البيت و احنا مستعدين نشرح للطفل مرة و اتنين و تلاتة س 
التابعة بتكون في البيت ضروري
و علي فكرة التاسيس في كي جي حلو اوي بياخدوا في العربي بتاع كي جي وان الحروف الصحيحة و المشبوكة و الماس بياخدوا اخر السنة الجمع بشكل ممبسط زائد بقة الحفلات و الرحلات الجميلة الحمد لله
نصيحة روحوا شفوها مش حتندموا و متسمعوش كلام حد الا عقلكم مش حتلاقوا اتنين يتفقوا علي مدرسة ابدا 


إدخل تعليقك ورأيك فى المدرسه