مدرسة بى كرنك للغات


مدرسة 
بى كرنك للغات

 

العنوان:

التليفون:

أراء أولياء الأمور فى المدرسه : 

 

مسز تامر  11- 2008

المشكلة هي انهم كانوا بيحاولوا يخوفوا الولاد من المديرة وانا علشان عاوزة اعلم ابنى ما يخافش من مخلوق حاولت ازيل الخوف منه كل همهم العيال تخاف وتسمع الكلام وكانوا بيقولوا لابني و الاطفال من سنه حاجة من نوعية مش هانروحكم خالص لماما لو ما سكتوش انا كنت باكتفي باني باشتكي لمديرة الحضانة وساعات تستجيب وساعات تقول لي ابنك فهم غلط ما هو اللى بنتكلم عنه ده عمره على الاكتر 5 سنين

 

المشكلة الاكبر اللي باعاني منها بقى السنة دي الاستهبال بجد

من اول الدراسة نفسي اقابل مدرسين الولد او اشوف حتى اوراق تقييمه الشهرية فضلنا انا و المساكين زمايلي من اولياء الامور نسال امتى معاد المقابلة و الاجابة اصل بعد رمضان لا هانبعت لكم ورق ولما بعد مرور شهرين جاء ورق بيقول ان المقابلة هاتكون كل اتنين الساعة 10ونص واوعوا تيجوا قبل كدة ارجوكم الالتزام يا اولياء الامور و رحت الساعة 10ونص بالظبط لقيت السكرتيرة بتقول لنا

ايه ده انتو ليه متاخرين؟

-فين التاخير ده المعاد دلوقت والساعة 10 ونصف!

-لا البريك 10 وربع يعني المدرسين في الفصول.

-وانتو ما قولتولناش ليه نيجي 10 وربع طيب؟ الورق المطبوع مكتوب فيه 10 ونصف.

-ما اعرفش بس البريك 10 وربع والمدرسين دلوقت في الفصول.

 

و ان لو عندك مشكلة باص بيجي متأخر تقوك حاجة من نوعية الحصة الاولى معادها بعد وصول الباص اصلا تقوليلها الفصل فيه 40 طفل  اكتشفت ان السياسة هي انهم يزحلقوا الزبون من برة برة

ليه تقول لا مستحيل دول 24 بس لان ولي الامر اللي عمره ما دخل معتقل المغول من جوة ولا شاف فصل ابنه على الحقيقة ولا عنده اي معلومة المدرس الا من كان محترم منهم بيرد عليك باسلوب مستفزززززززززززز جدا وما نقدرش نتكلم

والله كل ده بخلاف اني باسيب شغل بيتي وبادرس له انا كله من اول وجديد. لانه بياخد شيتات يحلها ومحتواها ما اتشرحش اصلا في المدرسة الباقي بيحتاج اعادة سريعة فقط وابنى مستواه عادي لا هو جهبز ولا هو كسلان

كمان المدرسين بيسيبوا العيال ويمشوا في اثناء السنة وده بيأثر على الطفل وحتت كتير بتضيع بين تغيير المدرسين ده ما انتوا اكيد عارفين

مرة اشتكيت مدرس لانه بيزنب الاولاد اللى في اولى فالمرة اللى بعدها زنب ابنى منفرد

حسبنا الله ونعم الوكيل فيهم لما طفل في اولى ابتدائي يرجع يقول لي يا مامى ايدي بتوجعني لاننا وقفنا ساعتين متزنبين وايدينا لفوق طبعا هو مش عارف ساعتين دول قد ايه بس المعنى اللى وصلنى انهم اتزنبوا كتير قوى 

 

مسز تامر   12  2008

كنت من فترة كلمتكوا عن مشكلات في مدرسة ابني و الموضوع زاد عن حده جدا و تفاقم لما مدرس موسيقى ضرب ابني اللي في اولى ابتدائي وكمان الولد ما عملهوش حاجة ده بس مسح السبورة لانه بيحب يمسحها والاستاذ لا يحب مسح السبورة وكمان كان في حصة احتياطي.

المهم مدرس الموسيقى ادعى على طفلي انه كذاب !! بدون ما يخاف ان الطفل الصغير يعرف انه هو اللى راجل كذاب!!

المهم انا عملت شكوى رسمية منه و بعدها حب يدمر لي نفسية الولد وضحك صحابه عليه الامر اللي خلاني اصمم انقذ ابني من ايدين الناس دي و حولت له مدرسة تانية من اسبوعين تقريبا.

 

تخيلوا

مدرسة كانت بتلزق بلاستر على فم الاولاد اللي بيتكلموا كتير!!

مدرس بيتتريق على طفل ويضحك عليه زمايله علشان يناصر مدرس زميله اللى ضربه عقابا للولد وأهله لما اشتكينا(ابنى)!!

مدرسة بتقول للاطفال امسحوا من عندكم نمرة تيليفون الاولاد اللي بيكتبوا ببطء دول!! بدلا من ان تعلمهم وتدربهم على الكتابة.

مدرسة بتستلف من ابنى طقم اقلام ابوه جابهوله لتشجيعة ثم لا ترده! مما جعل ابنى يبكي على فقده اقلامه وبصراحة سيبتهم لها حار ونار وجبت لابني غيرهم.

مدرس بيعاقب الاطفال اللي في عمر الزهور دول بالركوع في الشتاء على ركبهم الصغيرة. ربنا ينتقم منهم الظلمة سابوا في نفسي علامة.

والمشكلة انه كمان لما بيحصل تحقيق رسمي الكل بينكر دول كمان بيهددوا الاولاد اللي هايحكي لاهله مش هانروحه ابدا!! ولولا ان ابني لما قاللي كدة انا فهمته انها لا يمكن تحصل و الدليل ان عمرك انت او اي حد من اصحابك ما فضل في المدرسة ولا لحظة بعد نهاية اليوم الدراسي..

انا سميتها معتقل المغول. نصيحة اسألوا عن مدارس ولادكم اولياء امور لهم اطفال بالمدرسة.

 

nawara

انا نقلت ابنى وبنتى السنه دى من مدرستهم لمدرسه بى كرنك

لكن

للاسف بعد النقل اتصدمت بالمستوى     

  فعلاااااااااااااااااااااا الكرنك سيئه جدااااااااااااااااااااا وقلالت ادب بجد

كفايه البلاستر اللى بيحطوه على فم الولاد لما بيتكلموا

وصاحبه المدرسه الى اسمها عفاف بتعاقب الولاد بانها بتخليهم يزحفوا على ركبهم

ومبتقابلش حد اصلا تسمع منه

الولاد بيرجعولى كانهم مدخلوش مدرسه ومش فاهمين حاجه خاااااالص

بنتى مستواها وقع تماما لما نقلت السنه دى والله يعوض عليه

وان مش مصدقه اسالى اى ولى امر كام دكتيشن اخدوه الولاد

وكام كويز ودرجات الكويزات المعدوده اللى عملوها فين درجاتها

واخيرا بنجاح بااااااااااااااااهر(وبمنتهى القرف )بعتين ورقه لدعوه لحفل عيد الام مكتوب بالنص

مع مراعاه المظهر العام اللائق وخاصه تصفيف الشعر كان ولادنا اولاد بوابين مثلا واحنا محتاجين نعلمهم النظافه

ولما احنا مش نضاف قبلتونا ليه واقرى باقى الورقه عشان تعرفى استغلالهم وقله ادبهم بنفسك والورقه سهل تحصلى عليها من اى ولى امر مش بعيده عليكى

ده غير انى دافعه فى المصاريف مبلغ وقدره بند انشطه والاقى ولادى جاين يطلبوا منى فلوس للاشتراك فى الحفل السنوى

تعرفى ليه؟؟؟؟؟؟؟؟؟

عشان المدرسه تاااااااااااااااااااااجر هدوم الحفله الى الولاد حيلبسوها يعنى كمان ماجرين

قرررررررررررررررف

 

اقول ايه ولا ايه دنا اللى شفته السنه دى مشفوش حد وعلى العموم احنا بنحذر مشفقين على غيرنا والراى فى الاخر لولى الامر

 

بطرس كرم  18-04-2009

مدارس بى كرنك للغات افضل مدارس مصر الجديدة كلها

علميا وادبيا وكيفية التعامل مع الطلبة انها تتعامل معهم باسلوب علمى تربوى ولعل السبب فى ذلك هو ان ادارة المدرسة تعمل فى المجال التربوى اكثر من ثلاثون عام وانا عن تجربة فى هذة المدارس فلى ابنتان فى هذة المدرسة وان هذة المدرسةلها كثير من الامتيازات التى جعلت منها دائما الاولى على مدارس مصر الجديدة التعليمية فى جميع المسابقات وعلى راسها مسابقات اوئل الطلبة وهى التى توضح تفوق المدرسة علميا التى دائما مداس بى كرنك تحقق فيها نتائج مبهرة فى جميع مراحلها من المرحلة الابتدائية حتى الثانوية العامة ومن خلال تعاملى مع المدرسة لاحظت ان سبب تقدم وازدهار المدرسة عدة عوامل وهى :

اولا :مديرة مدرسة :فهى استاذة تربوية لها خبرة عظيمة فى المجال التربوى فهى تهتم بكل كبيرة وصغيرة فى المدرسة ومنها على سبيل المثال لا على سبيل الحصر

حضورها قبل الطابور الصباحى و اهتمامها منذ البداية بالاذاعة المدرسية لعلمها التربوى ان اهمية الاذاعة المدرسية كتنشيط لمعلومات الطلبة فى جميع اللغات (عربى _انجليزى _ فرنسى) وتنشيطهم رياضيا حتى يكون العقل السليم فى الجسم السليم

واشراف مديرة المدرسة على كل شى فى المدرسة فى فهى تعامل الطلبة كانهم اولاد واحفادا لها وان كان لك ان تتاكدمن حب الطلبة فاحضر حفل خريجى مداس الكرنك وشاهد مدى الحبق بين الطلبة القدامى ومديرة المدرسة وكيفية معاملتهم لها

ثانيا : وكيل مدرسة :على درجة عالية من الخبرة فى مجال الادرة على مستوى محافظة القاهرة وهذا مما مكنة من التعامل مع موسسة تعليمية بهذا الحجم على درجة عالية من الدقة

ثالثا _ رؤساء اقسام: نادرا وتحدى ان يتجمع كل هؤلاء روساء الاقسام فى مدرسة واحدة فكلهم على درجة عالية من الخبرة العلمية كل منهما فى مادتة فخبرة كل منهما اكثر من ثلاثين عاما مما تمكنة من التعامل مع المدرسين وكيفية تدريبهم واعطائهم الارشادات التعليمية السليمة

رابعا : هيئة تدريس :وهى معجزة ان تتجمع هيئة تدرسةعلى مستوى عالى علميا وتربويا فى جميع المواد ودرجة عالية من الثقافة العامة والسبب فى ذلك هو عند اختيار المدرس الذى يعمل فى المدرسة يخضع لعدة اختبارات فى غاية الصعوبة حتى يتهيا للعمل فى هذة المدرسة العريقة

 

خامسا:انها اول مدرسة اجدها تتعامل فى مجال الشيتات الاسبوعية وهى عبارة عن مراجعة اسبوعية مع الطلبة لتمكنهم من مراجعة ما درسوة خلال اسبوع فى جميع المواد حتى تعودهم فى كيفية التعامل مع اسئلة الامتحانات

سادسا :اداءات اسبوعية وامتحنات شهرية فاصبح الطالب لايهاب من امتحان اخر العام

سابعا : حب الطلبة للمدرسة فى المدرسة الوحيدة التى يذهب اليها الطلبة لاخر يوم فى الدراسة وحتى فى ايام الاجازات تفتح المدرسة ابوابها للطلبة لممارسة الانشطة المختلفة

ثامنا : مناهج بى كرنك للغات خاصة اللغات مختارة بعناية فائقة وتلاحظ هذا فى ابنائك فهم يتحدثون اللغة بطلاقة سواء الانجليزية او الفرنسية او المواد التى تدرس باللغة الانجليزية

تاسعا : المدرسة الوحيدة التى توزع الكتب والكشاكيل على الطلبة قبل بدا العام الدراسى حتى يتسنى للطالب الدراسة من اول يوم

 

 

شكر من القلب لمدارس بى كرنك

بطرس كرم والى امر طالبتان المدرسة

 

(تم التعليق على هذه المشاركة بأنها من أحد أصحاب هذه المدرسة و بالتالى فهى تفتقد الحيادية و الموضوعية)

 

 

 بلغ عن تعليق مخالف 



إدخل تعليقك ورأيك فى المدرسه