مدرسة التربية الحديثة للغات


مدرسة 
التربية الحديثة  للغات

Modern Educational Language School

 

العنوان:

التليفون:

أراء أولياء الأمور فى المدرسه : 

 

Sadina  (مايو 2008)

 

بصراحة قدمت لها في مدرسةmodern education school.ويوم المقابلة ولا سألوها اي سؤال وعجبتني المدرسة كشكل لكن انا مش عارفة اي شيء عن مستوى المدارس التعليمي في مصر وبسمع حكايات غريبة وتفاجأت لم يقبلوها لانه كل اللي ساكنين حواليها قالولي لازم واسطة عشان تدخلي

انا متضايقة اوي ان modern education school.ما قبلتها مع انها ممتازة فب كل حاجة وكانت في حضانة امريكية في لبنان.هي عمرها 3 سنين ونص وحتدخل.. baby class.قالولي ان كان في احسن منها.قلتلهم حكمتوا عليها ازاي انتوا ما سألتوها ولا اي سؤال وبعدين انا كنت شايفة كل الباقيين.اللي قاعد يعيط واللي قاعد على جنب.ما سألوش اي حد اي حاجة فيحكموا ازاي؟انا بصراحة مش مصدقة ان حتى المدارس واسطة !!

لما رحنا المدرسة كنا منضحك انا وزوجي على طريقة نطق الست اللي عملت معانا مقابلة.تخيلي انها بتفكر بالكلام وهي بتتكلم يعني تحسيها بتعمل ترجمة في عقلها ومع كدة قالوا بنتي ما كانت كويسة مع انهم ما سألوها ولا سؤال.

وعرفت من ناس كتير مدخلين ولادهم انهم بيضغطوا كتير على الطلبة واللي مش عاجبه بيقولولوا خد ولادك وامشي.بس هي المدرسة مستواها ممتاز وسمعتها ممتازة لكنهم صعبين اوي في التعامل.

 

Kouky5  (مايو 2008)

 

مدارس التربية الحديثة في التجمع الخامس حلوة اووي بس مشكلتها ان الادارة بتاعتها رخمة وواخدين في نفسهم قلم جامد وبيتعاملوا مع اولياء الامور بشكل سخيف وده شفناه بنفسنا وسمعناه من كل الناس تقريبا

 

 

Nashwa  (مارس 2009)

 

يا ريت لو حد ناوى يقدم فى MES يخلى باله ان فى مشاكل مع ملاك المكان والمديره هتاخد مبنى جديد محدش يعرف مكانه لسه هتنقل فيه الامريكان وIG وملهاش دعوه بالناشيونال وعلى فكره الكلام ده مؤكد من صديقه لى اولادها هناك

 

Kouky5  (أبريل 2009)

 

اللي حصل في مدرسة التربية الحديثة MES حاجة تخوف وربنا يستر علي التعليم في مصر وعلي المدارس كلها ...المدرسة دي السنة الماضية كانت من احسن المدارس في مصر لكن اختلاف الادارة سبب العديد من المشاكل واليكم ما ورد هنا في الموقع ده... ربنا يستر

http://www.masrawy.com/News/Cases/Ge...chollsegy.aspx

 

sadina  (أبريل 2009)

 

ازيكم يا جماعه اسمحولى ارد. مدارس التربية الحديثة في التجمع كنت حموت عشان بنتي تدخل فيها السنة اللي فاتت عشان تقريبا هي كانت من افضل مدارس مصر.وممكن تكون الاولى كمان.مدرسة جامدة جدا جدا.لكن اللي سمعته من زمايل زوجي في الشغل مدخلين اولادهم فيها وكلهم اجمعوا ان طريقة تعاملهم مع اولياء الامور وحشة جدا وبعدين صعب اوي اوي عشان تدخلي اولادك فيها ومش بياخدوا الا عدد معين وبواسطة كمان.صدقيني الكلام ده واثقة منه جدا.التقديم بيكون على شهر 3 ولمدة اسبوعين بس لكن السنة ده مش عارفة ايه النظام عشان المشاكل اللي حصلت فيها.والامتحان بيكون على شهر 4 يعني اكيد فات.وهم اكتر حد معقد ومش مفهوم شفته في حياتي.انا رحت يوم الامتحان السنة اللي فاتت.والله ما سألوني ولا انا ولا بنتي ولا زوجي اي سؤال.كانوا بيعملوا انترفيو ل 10 معانا كلنا في غرفة واحدة .ما فهمت يعني هم بيحكموا على ايه ؟ده خلاني اعرف ان الامتحان منظر بس وهم من الاول عارفين مين اللي حياخدوه.زميل زوجي عنده ابنه هناك ولما كان عاوز يدخل ابنه التاني ما كانوا عاوزين يقبلوه فجادل معاهم ان من حقه الاخ يكون مع اخوه وفي الاخر قالوله خد ابنك التاني وامشي.هم تعليميا هايلين لكن التعامل معاهم صعب جدا.لما ابنك يرفضوه مش من حقك تعرفي السبب هم بيحتفظوا بالاسباب .لغاية دلوقت مش عارفة السبب.انا السنة اللي فاتت عملت مشكلة عشان اعرف بنتي اترفضت ليه وما عرفت.قالولي جربي السنة الجاية وانشاء الله ناخدها.لكن بعد المشاكل اللي حصلت حمدت ربنا انها مش فيها....اكتر الطلبة بيحولوا منها عشان المشاكل اللي عليها بين الورثة...طولت عليك معليش.يا رب اكون افدتك

 

 




إدخل تعليقك ورأيك فى المدرسه