مدرسة المصرية الإنجليزية EELS

مدرسة المصرية الإنجليزية
EELS

العنوان:

التليفون:

المصاريف:

·          

·         الباص:

·         الزي:

أراء أولياء الأمور فى المدرسه :

Shaimaa     2009

الحقيقة انا اولادي في مدرسة المصرية الانجليزية في مرحلتي كي جي 1 و اولى ابتدائي و هي مدرسة كويسة جدا من الناحية التعليمية و ابني الكبير ماشاء الله مستواه ممتاز في اللغة الانجليزية 

Rania     2009

المصرية الانجليزية قوية علميا و لغويا و خاصة قسم ال كي جي لان مديرته ادارية ناجحة و مجتهده... و ابني مستواه كويس اوي خاصة في الانجليزي ...بس انا عايزه مدرسة ما تكونش مختلطة, و كمان تكون اسلامية علشان الاولاد يطلعوا في بيئة صحيحة و يتعودوا عالالتزام و يحبوه

اشاوش    2009

انا اولادي في المصريه الانجليزيه وهي ممتازه بس بصراحه المصروفات بتزيد كل سنه بطريقه مستفذه

لو عايزييين رايي انا شخصيا المدرسه المصريه الانجليزيه ممتازه
المدرسه المصريه دي لو كملت كده حتبقى انجح مدرسه في اسكندريه والمهم مايجيش علينا سنه ونلاقي نفسنا بندفع 15000في الاعدادي مثلا
اللي مجنني بقه موضوع الIG انا كنت مدخله ابني فيه وهو KG1 ورايح السنه اللي جايه KG2
الولد مبسوط اوي ومستواه في اللغه ممتاز بس المشكله في المصروفات غلوها باقت 13000
مره واحده وانا كنت بدفع 10.5

moonlight27_8    2009

انا ما استريحتش للمدرسة بداية من الموظفات و المشرفات و المدرسات

الموظفة اللي كانت مسئولة انها تشرح لي النظام قعدتني قدامها ربع ساعة علشان كانت بتكلم واحده قريبتها في التليفون !!!!!!! و بعدين تعطفت و ردت عليا

الجولة اللي كانت في الدرسة بينت ان المدرسة نضيفة طبعا بس في اهمال من الاداريات و الله اعلم
طبعا سئلت اولياء امور قالوا لي الانجليزي مستواه متميز لكن الدين تقريبا مفيش اهتمام بيه اصلا 
المصاريف لبلاي سكول
رسوم تسجيل غير مستردة ــــــ2000 جنية
المصاريف الرئيسية 4000 علي ترمين (3000 - 1000)
كتب ــــ250 جنية
ملابس 770 جنية
اتوبيس المدرسة من 900 الي 1400 حسب المسافة 
مصاريف اولي حضانة 5200 

Marolaa    2009

انا اولادى فى كجى 1 و جونيور 1 بس ناشيونال

 وللحق انى طول السنين اللى فاتت من اول مابنى كان فى البلاى لدلوقتى بجد المدرسة ماقصرتش فىحاجة بالعكس ممتازة جدا جدا و كل حاجة فيها بجد كويسة ... وفعلا ابنى كويس اوى فى كل المواد وهم بيهتموا اوى بكل حاجة 

Rania    2009

انا اولادي في المصرية الانجليزية و هي كويسة من الناحية التعليمية بس مش اسلامية

Sharing   مارس 2010

انا لى طفلين فى المصريه الانجليزيه والمدرسه دى من يوم ما دخلت اولادى فيها وانا بعانى من سوء معامله ادارتها اللى بتوصل فى بعض الحالات للتطاول على اولياء الامور وكل شىء يطلبه ولى الامر يقول لا لا لا بحجه ان دى قواعد المدرسه وطبعا على رأسهم صاحب الادارة واللى على علم تام بكل شىء وكنت اتحمل كل ذلك لان العمليه التعليميه الى كانت جيده ولكن هذا العام اصبح الوضع اكثر سوء فلا تعليم ولا اداره ولامعامله وكل اللى يهم صاحب المدرسه استنزاف اولياء الامور وزياده المصاريف واللى يعترض ابسط كلمه يقولها صاحب المدرسه اسحب ملف ابنك او بنتك غير المهزله اللى حصلت هذا العام فى المدرسه اثناء انتشار فيرس الانفلونزا وكان صاحب المدرسه رافض ينفذ امر الغلق والمرض ينتشر فى المدرسه لدرجه اصابه بعض المدرسيين وتقديم بعضهم الاستقاله لتحمى نفسها من العدوى وده حال المدرسه المحترمه ذات السمعه والصيط وقد قرر الكثير جدا من اولياء الامور منهم انا طبعا نقل اولادى الى مدرسه اخرى 

المصريه الانجليزيه كل شى مبالغ فيه وكمان هى من اغلى المدارس فى ثمن الكتب والزى 

انا سبق وقلت ان المدرسه من يوم ما دخلتها من اربع سنوات بعانى انا كل اولياء الامور من سوء معامله الادارة لاولياء الامور نظام الادارة بأختصار نظام انجليزى فعلا وبتطبق سياسه فرق تسد كل شىء فيها ممنوع بمعنى انك ممكن يكون عندك شكوى معينه وفى نفس الوقت فى حد تانى عنده نفس شكوتك استحاله من رابع المستحيلات ان المقابله تكون جماعيه رغم انها نفس المشكله عارفه ليه علشان يتقال ببساطه انى اول واحده تشتكى وتتلخبطى وتقولى العيب فيكى وده اللى عرفته بعد اربع سنين عجاف فى المدرسه دى المدرسه من يوم ما دخلتها مافيش حاجه فيها اسمها مجلس اباء طبعا ده كمان سياسه علشان الناس لو اتجمعت كل واحد حيقول اللى عنده وتظهر العيوب تعالى بقى لمعامله الموظفيين والاسلوب اللى بيستخدموا معنا ولله اوقات بحس انهم بيربونى مع ولادى بالمرة وغيره وغيره ولو عايزه اكمل بس كل ده وكنت بتحمل ولله علشان قلت المستوى التعليمى كويس ومش عايزة اجازف فى مدارس تانيه وان كل مدرسه لها عيوب بس فعلا المصريه الانجليزيه اتفوقت السنه دى لاتعليم ولا اداره 

المدرسة الأول كانت كويسه من الناحية التعليميه وما كنتش ببذل مجهود كبير معاهم لاكتر من سبب اولا لان اولادى بينزلوا من الساعه 7 صباحا حتى الساعه 4 يعنى يوم كامل ودسم جدا فلازم تكون المدرسه لها الدور الاكبر بس ده ما يمنعش انى اتابعهم علشان اعرف استفادوا من ايه من المدرسه كل يوم الأ ايام الامتحانات وده لانك تراجعى علشان تأكدى على نقط الضعف عندهم

يعنى فى كل الاحوال حتذرذكرى معاهم سواء مدرسه رخيصة او غالية بس الفرق ان المدرسه زى مدرسة اولادى كان المجهود ااقل شويه علشان اليوم الدراسى طويل زى ما قلت لك اليوم 10 حصص مافيش كلام والولاد النطق كان كويس بصراحه لكن المدرسه اتبدل حالها السنه دى وخصوصا ان الادارة بتاعتها تغيرت واللى مسك الان الادارة صاحب المدرسه وهو قليل الخبرة وده اللى وقع المدرسه هذا العام قبل كده كان ماسك الادارة رجل اجنبى وكان بصراحه التعليم فيها حلو لكن السنه دى لا ادارة ولا تعليم وسلوك سىء كمان لان حتى سلوك الاطفال مش كويس السنه دى والولاد اكتسبوا السنه دى اكتر من سلوك سىء ولما اتكلمت اولياء الامور مع الأدارة كعادة لم تفعل ولن تفعل اى شىء لانها ادارة ضعيفه بالعكس بيقولوا لاأولياء الامور اللى مش عجبه يأخد ملف ولاده وتقدرى تسألى عن سوء حال المصريه الانجليزيه هذا العام 

Rania     2010

انا بس حبيت اضم صوتي لصوت sharin و أأيد كل كلامها فعلا المدرسة السنة دي وقعت وقعة جامدة جدا و كل اولياء الامور بتشتكي و كتييير بيحاولوا ينقلوا ولادهم ...انا السنة اللي فاتت كنت باحاول انقلهم علشان اوديهم مدرسة اسلامية و مش مختلطة و كنت صعبان عليا المستوى العلمي المرتفع بتاع المدرسة.. السنة دي حاحاول انقلهم و لست اسفة على اي شيء في المدرسة ... و رأيي ان السبب فعلا هو غياب مستر هاجوب اللي كان ماسك الادارة ..لما صاحب المدرسة تولى الادارة خرب المدرسة ....كمان فيه حاجة غريبة عاملينها السنة دي ...مانعين اولياء الامور يطلبوا مقابلة مدرسات الفصل لاي سبب !!!! لما تطلبي مقابلة مدرسة ابنك في مادة معينة يقولوا لك حنحدد لك ميعاد تقابلي المدرسة الاولى للمادة؟؟!! طب المدرسة الاولى حتعرف ازاي مستوى ابني و نقط ضعفه و سلوكه في الفصل ؟؟؟

و اغلب طلبات اولياء الامور بتقابل بالرفض بدون ابداء اسباب مقنعة ....

لكن للأمانه قسم الكي جي مازال متميز لان المديرة ناجحة و تقريبا فاصلة القسم عن باقي المدرسة

و كمان مديرة الابتدائي اللي ماسكة من اولى لتالته انا حاسة انها كويسة و مجتهدة ..ابتدت تعمل مسابقات بين الفصول و تختار كل شهر احسن 5 من كل فصل و بيدخلوا مسابقة بين الفصول و دي وسيلة ممتازة للتشجيع بين الفصول ...

Merotta    2010

هو فعلا انا سمعت كلام كثير عن المستوى التعليمى والادارى كمان انه نزل وكمان فى شكاوى كثير من الزيادة السنوية المستفزة للمصاريفوعلى فكرة ال9000 دول بدون ال2000 الregestration

بلغ عن تعليق مخالف 


إدخل تعليقك ورأيك فى المدرسه