مدرسة الاسكندرية للغات ALS

مدرسة الاسكندرية للغات

ALS

 

العنوان:

التليفون: 3226671

المصاريف:

·          

·         الباص:

·         الزي:

أراء أولياء الأمور فى المدرسه :

سلمى

الأسكندرية للغات اسمها ALS و هى من اقدم المدارس انا كنت فيها و الKG هناك ممتاز و الابتدائى كمان و شغلها حلو اوى

بوبوس

اسكندرية لغات kg 7600 مستواها ممتاز بس المدرسة عادية و معجبنيش ان البلاى فى جليم ومن الكيجى والابتدائى فى المندرة والباقى فى السيوف العام الحالى

Dr.rony    ابريل 2010

اسكندرية مشكلتها ان كل حاجة فى حته بس الولاد هايفضلوا مع بعض فامش فرقة قوى

مستواها العلمى ثابت الى حد ما وهو كويسوبرضو الاهتمام بعد كده بيبقى بالانترناشيونال هى كبيره وفيها ملاعب كتير لكن علشان عدد فصولها اكبر فابيقبلوا عدد اكبر وهى ما فيهاش المانى 

nora9     ابريل 2010

انا صاحبيتى مدخله اولادها فى اسكندريه للغات وهى مبسوطه منها وشايفه ان العيب الوحيد اللى فيها انها مشتركه وعلشان كده دخلت فيها الولدين والبنت فى سيدى جابر الدائرى 

ايمى   ابريل 2010

انا اعرف مدرسة فى خضانة بنتى مدخلة ابنها فى اسكندرية و بتشكر فيها بس هى مدخلهه الانترناشونال
هى كمان شكرت فى الناشونال بتاع المدرسة كانت بتقول لها قرايب برضوه و مبسوطين

حبيبة   ابريل 2010

اسكندرية للغات كل سنة فى مكان بحس العيال متشحططينفى السيوف وفى المندرة وفى ابيس
وكمان فى كلام على اختلافات بين الادارة وبعضها وكمان دا اثر على مستوى التعليم فيها جدا

 انا معرفش حد دخل ولادة فى اسكندرية للغات
بس فى واحدة قريبتى كانت مدرسة هناك ونصحتنى بالبعد عنها تماما
فى اختلافات فى الادارة ودا طبعا ماثر على مستوى المدرسة
اما بالنسبة لقريبتى فكان كلامها
ان كل همهم انهم يلمو فلوس وخلاص ومش مهم التعليم خااااااالص
وكلام اولياء الامور هو الصح مدام بيدفعو 

ropy2006     ابريل 2010

انا ابنى فى مدرسه الاسكندريه للغات كى جى تو هى حلوه ومستواها كويس جداا وبيشاركو الطفل معاهم فى كل حاجه وبيخلو يتحمل المسئوليه ويبقى ليدر لطفلين على الاقل كل اسبوع

 هم اولا بيهتموا بيهم انا كنت فى كى جى ون لسه مش فاهمه لما راح كى جى تو حسيت بده ولقيته فى اللغه احسن الحمد الله. فى حصص الانجلش الكلام كله انجلش وحصص العربى لوحدها والعربى ليه مدرستين المدرسه الاصليه والتانيه مساعده ليها وكده برده فى الانجلش وليدر يعنى بيخليهم مسئولين عن الفصل وعن اللى بيتكلم وكده عشان يحسوا بمسؤوليه وفيه حصتين فى الاسبوع بى اى رياضه والمشرفات بتوع الباص بصراحه كويسين انا المشرفه بتاعت الباص بتاع ابنى كويسه اوى بتدخل تاخده من جوه العماره وبتتصل بي لو فيه تأخير او حاجه وبيعملولهم رحلات وحفلات حلوه.

اداره المدرسه بصراحه كويسه جداا انا كانت المدرسه بتاعت كى جى ون كانت منرفزانى بصراحه ومكنتش طايقه المدرسه بسببها روحت للمديره وقعدت معايا كتيير سمعتنى وجابتها وحلينا المشكله يعنى الاداره بتبقى معانا مع انى قلت دول هيدافعوا عنها لكن بصراحه لا وغلطوها

بالنسبه للاسعار على قسطين 7300 غير الباص 1200 غير اليونى فورم

 كثافه الكلاس مش بيتعدى 20 طفل

 هم بيشتغلوا معاهم طول الاسبوع فى الكلاس مش بيدوهم هوم وورك الا يوم الخميس فيه كل الشغل بتاع الاسبوع وفيه كراسه كاتبلاك فيها اللى هم اخدوه والكتب اللى اشتغلوا فيها فى الكلاس دى كلها بعد نهايه كل تيرم بيرجعوهالك وبتلاقى فيها شغل ابنك كله معاهم لكن الهوم وورك بيقى انا اللى كان مضايقنى الميس بتاعته مكنتش عاجبانى وفيه يوم معين من بدايه كل شهر بتروحى للميس تسأليها عن الطفل وتتكلمى معاها براحتك وشغلهم حلو جدااا والشيت وورك والورق بتاعهم حلو اوى

هى ليها فرعين واحد فى المندره وواحد فى السيوف
فى المندره لحد جنيور 3 وبعد كده يكملو فى السيوف لحد ثانوى باذن الله

 وبالنسبه لطول الاسبوع متقلقيش مش بكتر الهوم وورك فى البيت هم ما شاء الله طول اليوم بيحلوا معاهم فى الكلاس وانتى هتشوفى ده بنفسك وهتعرفى ان ابنك جايلك بكلمات جديده وطريقه كلامه اتغيرت وكده كده هتذاكريله كله يوم الخميس تانى اللى اخده طول الاسبوع كمراجعه منك ليه لكن هم بصراحه بيكونوا مخلصين معاهم فى الكلاس يعنى مش هتتعبى كتير والله انا ساعات يعنى بينى وبينك كده فى حاجات مش ببقى عارفاها عمر بيقولهالى عشان بيبقى عارفها من الميس فى الكلاس متخافيش والله كويسيين اسلوبهم مختلف عن مدارس كتير فيه مدارس بتدى كل يوم هوم ووورك كتيير فالطفل بيقعد يكتب عشان يخلص وهو مش فاهم حاجه لكن لما يفهم واحده واحده احسن مش بالكتر

EMAN   أكتوبر 2010

بصراحه ALS احسن مدرسة بدون منازع.انا دايما اعمل مقارنات مع المدارس الاخرى الاحسن اداريا ولغويا وكمان السنة دى بيخرجو الاولاد بدرى  بيوصل الساعه 3 غير المدارس التانية بيتسابقو فى التاخير زى فيوتشر و EELS وغيرهم 

 انا اعرف مدرسة فى فيوتشر بتقولى ان نظام home work فى المدرسة نظام فاشل الاولاد مش بيستفيدو حاجة خالص تضييغ وقت  

ALS  مدرسة لها اسمها و تاريخها

emy     اكتوبر 2010

ا لمدرسة روعة عندى فيها ابنى J1  و عيبها الوحيد مفهاش GERMAN.الانجليش تحفه شغلهم غير اي مدرسه انا متابعه كله و كمان منظمة اوى الادارة ممتازة
 
 meroo  أبريل 2011
انا عندى ولد jr3 وبنت jr1 المدرسة فى ايام kg كانت كويسة يعني حوالى من سنتين وكانت ادارة مختلفة عن الحالية هى اللى ماسكة المدرسة وبردة ماكانتش ممتازة لكن دلوقتى المدرسة سائت جدا لان كل هم المدرسة اصبح الفلوس والدليل على كدة الزيادة العجيبة فى المصاريف كل سنة وبالذات السنة الحالية مع
عدم مراعاة ظروف البلد والناس حيث ان الزيادة وصلت 1000 جنية والاهم من كدة كمان ان مستوى الاولاد اللغوي اصبح ضعيف والادارة غير متعاونة بالمرة مع اولياء الامور كمان مفيش ناحية تربوية ولا دينية واظن ان ولادنا فى الوقت الحالى محتاجين دة جدا وللعلم انا ولادى national احتمال يكون
international and american احسن انا معنديش فكرة.

 


بلغ عن تعليق مخالف 


إدخل تعليقك ورأيك فى المدرسه