နိုင်းနိုင်းစနေ Site မှ ကဗျာများ

ကဗျာချစ်သူများ


(၁)

"မီး" လောင်ပြီးစ
တစပြင် တစ်ခုလို
ပြာကျ ကျန်ရစ်ခဲ့မယ်...လို့၊ ထင်သလား။

"အချစ်" ကို
မီးရှူးတိုင်လို ကိုင်မြှောက်ပြီး
..., လမ်းလျှောက်ခဲ့သူပါ။
မီးစာကုန် ဆီခမ်း
အချစ်က ညာနမ်းသွား... လို့
နည်းနည်းတော့ လွမ်းတတ်ပါတယ်။

ငါ.. ကံကောင်းတာက
"မီး" သေသွားပေမယ့်၊
နေမင်း... လမင်း
ကြယ်, ပန်းခင်းတွေက
ငါ့ မနက်ခင်းကို လင်းစေတယ်။

ဝမ်းနည်းခြင်း အထိမ်းအမှတ်အဖြစ်
အချစ်ကို...
သံသယတွေနဲ့ ပစ်ပေါက်မိတယ်။ ။

မောင်လှမျိုး (ချင်းချောင်းခြံ)
မီးပြဇာတ် ကဗျာစာအုပ်မှ

(၂)


မင်းဘယ်သူလဲ
မသဲကွဲရင်
မင်းရင်ထဲကို ခွဲကြည့်ပါ။

မင်းရဲ့အသည်း
အရောင်မွဲရင်
အမှောင်ထဲက ထွက်ခဲ့ပါ။

မင်းရဲ့အသည်း
အရောင်လဲ့ကြည် ရဲရဲနီရင်...

မြန်မာပြည်ကို ချစ်လိုက်ပါ....။

မောင်လှမျိုး (ချင်းချောင်းခြံ)

(၃)

ပိတောက်ပန်း
မခူးချင်စမ်းပါနဲ့ နှစ်ဆန်းခါတော်မီမို့
ဇမ္ဘောရည်ပြေပြေလိမ်းကာပါ့
ခပ်သိမ်းနယ်စုံစုံသို့
ပွင့်ငုံကို လင့်ကုန်ကြတော့လို့
ခေါင်းကြွကာ ဆာဝေေ၀နဲ့
သူလည်းလေ လောကီသားလိုပါ့
ကြွားချင်လှပေလိမ့်မယ် …။
တသိန်တင့်ပါဘိ
တိမ်မြင့် ရီပြာပြာက
ကြည်သာသာပင့်လေအဖြူးတွင်ဖြင့်
တီတာတာပွင့်ရွှေဖူးငယ်တို့
လည်ယှက်ကာ ဘယ်ညာလူးလေတော့
သူတို့လို ဘယ်သူမြူးနိုင်ပါ့
ထူးပါဘိတယ် …။

တ၀ါဝါ ဆင်သင်္ကန်းရယ်က
ကမ္ဘာမှာ ဘ၀င် ချမ်းစေတဲ့
သာသနာ ရွှင်ရွှင်လန်းအောင်လို့
တမင် မှန်းကာပါ့ သတိစွယ်
ရည်ရွယ်တော့ သလား …။
ခူးပါနဲ့ကွယ်
ပွင့်ဖူးမှာ အ၀ါခြယ်၍
မာလာအလယ်မှာ နွှဲချင်တဲ့ နှလုံးရယ်ကြောင့်
နှစ်ဆုံးကုန်အတာဝင်သို့
မာန်အင်ကို ဥာဏ်ဆင်မွေးကာပါ့
အရေးအခါသာမှ
ခမျာမှာ တဂုဏ်ဆန်းရတယ်
ပန်းပိတောက်များ …။

ဇော်ဂျီ

ဆရာဇော်ဂျီ၏ “ပိတောက်ပန်း” ကဗျာကို ၁၉၂၈ ခုနှစ်၊ မတ်လထုတ် တက္ကသိုလ်ကျောင်းတိုက် မဂ္ဂဇင်းတွင် ပထမဆုံးအကြိမ် ပုံနှိပ်ဖော်ပြခဲ့သည်။