JINGHPAW  LAIKA


Jinghpaw Wunpawng Sha ni a matu manu dan dik ai Shanhpyi Laika

MADUNG  NPAWT

Laika Kanu

Ga Htai Laika

Sumrai Laika

Njang Kawng

Sinlum Bum

Putao

Pangwa

Lagwi Sawlaw

Myitkyina

Yangung

Myen Mung

Miwa Mung

Gala Mung

Yodaya Mung

Manau

J.W Hking

Nawku Jawng

Sumtsan nga Jinghpaw ni

Shanglawt

Hpaji Jarik

Ja Hta Pinra

Manam Gawk

Matut Mahkai

 

Jahta Pinra

 

Sawk  Tam  Gawk

 Google 

Labau Shang Gauri Krung

 

KBC ginjaw na Sara Masum Labau shang

Gauri Krung de sa du

 

KBC ginjaw na Sara Masum Jinghpaw Wunpawng Hkalup Hpung a labau shang Gauri Krung de 2007 ning November 2 kaw nna 7 ya laman sa du ma ai lam shiga lu la ai.

Gauri Krung ngu ai ginra hta: Kadaw, Manda, Lamai Bang, Bumwa, Mahtang, Jahkai, Mungloi Loi Ying, Hpakawn, Hkarawm Kang, Mandau mare hte Gauri Yanggung mying lu ai Prang Kadung mare ni lawm nga ai.

Ndai buga na Bumwa mare Nammawk hka kaw ji woi ni marai 7 hkalup shawng hkam la ai majaw, ndai buga ginra gaw Jinghpaw Wunpawng Hkalup Hpung a labau shang shara nan rai nga sai.

Karai Kasang mungga shawng du hkam la ai shara re majaw buga hpung a amying shingteng hpe 'Mungga Hkran Buga' ngu nna Sinlum hpung up Rev Lahpai Zau Tu woi shamying ya ai lam chye lu ai.

Ndai buga hpe moi shawng daw hta Sasana Sara kaba ni hte Kayin sasana sara ni woi awn lai wa sai. Shanhte nga kau da ai htingbut htingra ni dai ni du hkra naw mu lu nga ai.

Sasana sara ni a hpang e ndai buga hpe Rev Lahpai Zau Tu, Rev Lasi Kam Htoi, Rev Lazum Gam, Sarama Gamaw Roi, Sara Nangzing Tang hte Sara Lapawt Hpau Ding ni woi awn lai wa sai lam chye lu ai.

Ndai lang na Gauri Krung buga de sa du gawan ai KBC ginjaw Sara Masum gaw ndai buga ni hte labau rum ai ni hkrai rai nga ma ai. Ndai Sara masum ga:

(1) Sara Lasi Htang Wa (KBC Kawan Sara) re. 

Shi gaw Rev Lahpai Zau Tu a kashu re ai hte maren naw kaji ai ten kaw na kaji dwi Sara Lahpai Zau Tu hte rau ndai buga a sasana hta galaw lawm nga sai wa re.

(2) Rev Labwi Naw Bawk (KBC Karum Kahtau Komiti Hpa-awn) re.

Shi gaw lawu Myen mung ga kaw shangai nna kaba wa ai wa raitim, kaji kawoi ni yawng gaw ndai buga Mung Loi mare na ni rai nga ma ai. Mung Loi mare kaw Labwi htinggaw ni law law nga nga ma ai hpe mu chye lu ai.

(3) Rev Sabaw Tang Gun (KBC Sara Komiti Hpa-awn) re.

Shi gaw ndai buga kaw 1976 kaw nna 1993 ning du hkra 17 ning magam gun lai wa sai re. Grau nna, ndai buga ni karum la ai hte B.Th janmau hpe Insein M.I.T kaw 1981 hta awng la nna dai shaning November 7 ya hta Mungga Hkran buga hpung a hpung woi sara masat hkam la sai wa re.

Dinghku de ai lam hte Sari lu hpung up ta mara hkam la ai yawng hpe mung ndai Mungga Hkran ni sha lit la ya ma ai. Ndai zawn labau rum ai KBC ginjaw sara masum wa du gawan ai majaw, buga hpung masha ni grai kabu n-gun lu ma ai.

November 4 ya shani na laban shani na poi daw hta Kadaw mare hpung a buga masat nhtoi hte hpung a buga masat nhtoi hte hpawn Rev Sabaw Tang Gun a magam gun 25 ning hpring chyeju shakawn hpawng hpe wuwu didi rai galaw la lu sai lam chye lu ai.

Ndai sasana hkrun lam hta Slg kaba Lahpai Zau Chyan hte Slg Htang Yaw yan mawdaw hte garum madi shadaw ya ai lam na chye lu ai.

MNK - Dec '07

 

Matsing: Ndai laika ngau hpe KBC Nsen Vol.4, Issue No. 1 kaw na ka bang da ai.