JINGHPAW  LAIKA


Jinghpaw Wunpawng Sha ni a matu manu dan dik ai Shanhpyi Laika

MADUNG  NPAWT

Laika Kanu

Ga Htai Laika

Sumrai Laika

Njang Kawng

Sinlum Bum

Putao

Pangwa

Lagwi Sawlaw

Myitkyina

Yangung

Myen Mung

Miwa Mung

Gala Mung

Yodaya Mung

Manau

J.W Hking

Nawku Jawng

Sumtsan nga Jinghpaw ni

Shanglawt

Hpaji Jarik

Ja Hta Pinra

Manam Gawk

Matut Mahkai

 

Jahta Pinra

 

Sawk  Tam  Gawk

 Google 

Kansi (Ginsi) Haw 

Ginsi Haw gaw Hpakan Ginwang Ginsi Sengra mare kaw nna 3 km. ram tsan ai shara kaw nga ai Ginsi Du ni a labau shang ai Haw kaba rai nga ai. Ndai Ginsi Haw gaw anhte Masat (6) Dap Dung kaw nna minit 20 ram sha tsan ai shara rai nga ai. Ya yang ndai shara kaw Hpunggyi Num langai sin taw nga ai hpe chye lu ai.

Ginsi Haw hpe mu mada ai shaloi anhte amyu ni lai wa sai Gumchying gumsa prat hta Du magam hte tinang mung tinang buga tinang up hkang nga pra lai wa sai hpe dandawng nga ga ai...

DUWA KANSI SAMAW NAWNG (a) KANSI NAWNG gaw Inglik ni 1885 ning hta THI BAW Hkaw Hkam wa hpe rim la nna India mung MADRAS mare de woi mat ai hpang (7) ning na jang 1892 ning shi a asak 56 ning hta gatsan ga de tawt lai mat wa sai re. Shi a hpang e KANSI LA gaw Du bai galai tai nna 1897 ning hta TAW MAW shara kaw Du Htingnu HAW DABANG kaba hpe gap da lu sai re. HAW DABANG HTING NU yawng (12) hpe gap da lu ai. WUT BUNG HKU gaw tsaw de dawng (4) jan, dam de dawng (2), nda de dawng 120, galu de dawng 317 rai kaba dam nga ai. (KANSI hpe law malawng gaw GINSI ngu tsun shaga ma ai.) Duwa KANSI LA gaw 1904 ning shi a asak (66) ning hta nnga mat wa sai re. Shi a hpang e kashu rai nga ai KANSI DUWA LA SENG gaw MAW GA yawng hpe bai madu up hkang wa sai re. DUWA KANSI LA SENG a kasha KANSI SINWA NAWNG a lak htak hta Myitkyina A-ye-byen wa gaw U RU hka hku nna Ginsi mare de lung wa let KANSI DUWA SINWA NAWNG hte DU JAN SHADAN JA TAWNG yen hpe JA JAWNG sha gaup la nna SAWBWA aya hpe Queen Victoria a mying ning sang hte dang ya wu ai re.

Magwi kawng chyang a lam

KANSI SAWBWA SINWA NAWNG a lak htak 1923 ning hta lama bum, Bumsin mare kaw nga ai Nadu Sinwa Nawng, Nadu Tu Awng hte Ngakan Hla ngu ai ni gaw jaugawng gawng hkawm ai shaloi galu de dawng (4), Lahkam e let ma mi jan (pe kru lem sanit jan= 6'-7.6, 7/12') galu nna mali Hkam kaba ai “ maw chang” nsam rawng ai MAGWI KAWNG CHYANG zum mi hpe mu hta la ma ai da. La ma bum kaw nna jawm hpai wa let Taw Maw kaw Haw dung nga ai Kansi Sawbwa Duwa Sinwa Nawng hpe wa sak jaw ma ai da. Duwa mung Magwi kawng maga mi hpe lap 600 jaw nna zum nawng la da wu ai re. Gumra hta htaw yu ai shaloi n shamu hkraw ai majaw Lung Hkang mare de masha hte 1924 ning hta hpai du wa ai re. Magwi Kawng yen a lak lai shai ai lam ni gaw shawng ning nan mu tam ai shaloi teng pang sha rai maw mang chyang yen hpe lema (4) sha-gang nna tawng da yu ai shaloi shi hkrai hkrai bai ga htep ga yep kap mat wa chye ai. Lu la ai shara mung deng mi daram karin ai shara kaw nga ai Hka nawng brak kaw njan sha kra nga ai hpe htu shaw la ma ai re.

Myen Mung masha ni nau mu mayu nna Wun Gichyuk U Nu hpyi shawn ai majaw 1953 ning March shata, laban shani jahpawt 10:00 Am ten hta Mawdaw hte Yangon mare de htaw yu mat wa ai re. Masum ning hpring ai hte 1956 ning hta bai nhtang wa sa ya ai hpang dai Magwi Kawng Chyang hpe Kansi Duwa Naw Awng (Wa na kyaw htin) gaw Lung Hkang Du Hting Nu kaw bai zing da sai re. Kansi Duwa Naw Awng nnga mat wa ai hpang kasha Kansi Duwa Zau Seng bai Du galai galaw mat wa ma ai re.

Matsing: Ginsi Du ni ya ten du hkra Bukda makam masham hpe kam sham nga ai hpe chye lu ai.

Lasi Bawk Naw (Bawk Wa)

 

Sumla ni

Naw mu mada nga ai Ginsi Haw

Ginsi Du wa yan la a sumla

Ya gawgap nga ai Ginsi Du wa yan a gawknu

Masat (6) Dap Dung Ginsi Sengra na Share Shagan ni a masat dingsat.

Matsing: N'dai laika ngau hpe "Dai ni na Sut Masa 2000 Millennium" laika buk kaw nna la bang da ai. Sumla ni hpe gaw Kachinnet websaik kaw nna la bang da ai.